მარნეულის რაიონის ახქერფის მეცხოველეობის საბჭოთა მეურნეობის მიწებიდან ახალი სოფლის მშენებლობისათვის მიწის გამოყოფის შესახებ

საქართველოს სსრ მინისტრთა საბჭოს

დადგენილება №412

1990 წლის 14 აგვისტო

ქ. თბილისი

მარნეულის რაიონის ახქერფის მეცხოველეობის საბჭოთა მეურნეობის მიწებიდან ახალი სოფლის მშენებლობისათვის მიწის გამოყოფის შესახებ

საქართველოს სსრ მინისტრთა საბჭო ადგენს:

დამტკიცდეს მარნეულის რაიონის სახალხო დეპუტატთა საბჭოს აღმასკომის 1990 წლის 28 თებერვლის №19 გადაწყვეტილება და გამოეყოს სრულიად საქართველოს რუსთაველის საზოგადოებას, საქართველოს სახალხო ფრონტსა და 9 აპრილის საქართველოს საქველმოქმედო საზოგადოებას ახალი სოფლის მშენებლობისათვის ახქერფის მეცხოველეობის საბჭოთა მეურნეობის მიწებიდან ნასოფლარ ჰუჯაფის მიმდებარედ - 25,42 ჰექტარი, აქედან: სახნავი - 22,99 ჰექტარი, სათიბი - 2,2 ჰექტარი, გზა - 0,23 ჰექტარი.

მარნეულის რაიონის სახალხო დეპუტატთა საბჭოს აღმასკომმა, სრულიად საქართველოს რუსთაველის საზოგადოებამ, საქართველოს სახალხო ფრონტმა და 9 აპრილის საქართველოს საქველმოქმედო საზოგადოებამ:

- უზრუნველყონ გამოყოფილი ფართობის საინჟინრო-გეოლოგიური შესწავლა გაერთიანება „საქგეოლოგიასთან“ ერთად მშენებლობის დაწყებამდე;

- განახორციელონ დასახელება საქსახარქიტექტურასთან ერთად გამოყოფილი ტერიტორიის დაგეგმარების პროექტის შესაბამისად;

- გამოყოფილ ფართობზე ისტორიული ძეგლის აღმოჩენის შემთხვევაში აცნობოს საქართველოს სსრ მეცნიერებათა აკადემიის არქეოლოგიური კვლევის ცენტრს.

შრომის სახელმწიფო კომიტეტმა აღმოუჩინოს დახმარება მარნეულის რაიაღმასკომს, სრულიად საქართველოს რუსთაველის საზოგადოებას, საქართველოს სახალხო ფრონტსა და 9 აპრილის საქართველოს საქველმოქმედო საზოგადოებას ახალ სოფელში მუდმივ საცხოვრებლად ჩასახლებული კონტიგენტის შერჩევაში.

საქართველოს სსრ მინისტრთა საბჭოს  თავმჯდომარე ნ. ჭითანავა

საქართველოს სსრ მინისტრთა საბჭოს საქმეთა მმართველი ზ. მახარაძე