მოვალის გაკოტრებულად გამოცხადების და რეგისტრაციის გაუქმების შესახებ

საქმე N 330210323008218893

 

განჩინება

საქართველოს სახელით

მოვალის გაკოტრებულად გამოცხადების და რეგისტრაციის

   გაუქმების შესახებ

2025 წლის 14 მაისი

ქ. თბილისი

 

თბილისის საქალაქო სასამართლოს სამოქალაქო საქმეთა კოლეგია

მოსამართლე არჩილ კოჭლამაზაშვილი

 

განმცხადებელი – შპს „სტიქს“-ის (ს/ნ 405170363) დირექტორი ალექსანდრე ქურიძე (პ/ნ 01008033560)

შპს „სტიქსის“ (ს/ნ 405170363) ხელმძღვანელობაზე/წარმომადგენლობაზე უფლებამოსილი პირი – ბერდია ახალბედაშვილი (პ/ნ: 01011090560)

მოთხოვნა – შპს „სტიქსის“ მიმართ   გაკოტრების რეჟიმის გახსნა

განხილვის ფორმა – ზეპირი მოსმენის გარეშე

 

სასამართლომ ზეპირი მოსმენის გარეშე განიხილა შპს „სტიქსის“ (ს/ნ 405170363) გაკოტრებულად გამოცხადების და საწარმოს რეგისტრაციის გაუქმების საკითხი და გამოარკვია:

2025 წლის 28 მარტს თბილისის საქალაქო სასამართლოს სამოქალაქო საქმეთა კოლეგიას განცხადებით მომართა შპს „სტიქსის“ წარმომადგენელმა/ხელმძღვანელმა, რომელმაც მოითხოვა შპს „სტიქსის“ მიმართ „რეაბილიტაციისა და კრედიტორთა კოლექტიური დაკმაყოფილების შესახებ“ საქართველოს კანონის 45-ე მუხლის მიხედვით გაკოტრების რეჟიმის გახსნა.

2025 წლის 04 აპრილს თბილისის საქალაქო სასამართლოს სამოქალაქო საქმეთა კოლეგიის განჩინებით განმცხადებელს დაუდგინდა ხარვეზი და დაევალა სასამართლოსთვის  წარმოედგინა პარტნიორთა თანხმობა. შპს „სტიქსს“ განჩინებაში მითითებული ხარვეზების გამოსასწორებლად განესაზღვრა განჩინების გამოქვეყნებიდან  05 (ხუთი) სამუშაო დღის ვადა; 2025 წლის 04 აპრილს თბილისის საქალაქო სასამართლოს სამოქალაქო კოლეგიას მომართა შპს ,,სტიქსის“ წარმომადგენელმა/დირექტორმა ალექსანდრე ქურიძემ ხარვეზის შევსების განცხადებით.

2025 წლის 07 აპრილის თბილისის საქალაქო სასამართლოს სამოქალაქო საქმეთა კოლეგიის განჩინებით უარი ეთქვა შპს ,,სტიქსის“ (ს/ნ405170363) წარმომადგენელს/დირექტორს ალექსანდრე ქურიძეს  გადახდისუუნარობის (გაკოტრების) შესახებ განცხადების დასაშვებად ცნობაზე. თუ განჩინების გამოქვეყნებიდან 1 თვის ვადაში კრედიტორი გადახდისუუნარობის შესახებ განცხადებას არ შეიტანდა სასამართლოში, სასამართლო მოვალეს გაკოტრებულად გამოაცხადებდა, რაც მოვალის რეგისტრაციის გაუქმების საფუძველი იყო.

თბილისის საქალაქო სასამართლოს სამოქალაქო საქმეთა კოლეგიის 2025 წლის 07 აპრილის განჩინება გადახდისუუნარობის საქმის წარმოებაში მიღებაზე უარის თქმის შესახებ გადახდისუუნარობის საქმის წარმოების ელექტრონულ პროგრამაში  გამოქვეყნდა 2025 წლის 08 აპრილს (10:24 წთ-ზე). ხოლო საკანონმდებლო მაცნეში განჩინება გამოქვეყნდა 2025 წლის 08 აპრილს.

„რეაბილიტაციისა და კრედიტორთა კოლექტიური დაკმაყოფილების შესახებ“ საქართველოს კანონის 48-ე მუხლის მე-4 პუნქტის მიხედვით: თუ მოვალე გადახდისუუნარობის შესახებ განცხადებით გაკოტრების რეჟიმის გახსნას მოითხოვს და სასამართლო დაადგენს, რომ გაკოტრების რეჟიმის გახსნის შემთხვევაში მოვალე თავისი ქონებით ვერ უზრუნველყოფს საპროცესო ხარჯების დაფარვას, იგი გამოიტანს განჩინებას გადახდისუუნარობის შესახებ განცხადების დასაშვებად ცნობაზე უარის თქმის თაობაზე. ამ განჩინებაში სასამართლო მიუთითებს, რომ მოვალე გაკოტრებულად გამოცხადდება მისი რეგისტრაციის გაუქმებით, თუ აღნიშნული განჩინების გამოქვეყნებიდან 1 თვის ვადაში კრედიტორი სასამართლოში არ შეიტანს იმავე მოვალის მიმართ გადახდისუუნარობის შესახებ განცხადებას.  ამავე მუხლის მე-6 პუნქტიდან გამომდინარე, თუ ამ მუხლის მე-5 პუნქტით გათვალისწინებული ინფორმაციის გამოქვეყნებიდან 1 თვის ვადაში კრედიტორი სასამართლოში არ შეიტანს გადახდისუუნარობის შესახებ განცხადებას, სასამართლო მოვალეს გაკოტრებულად გამოაცხადებს, რაც მოვალის რეგისტრაციის გაუქმების საფუძველია.

ვინაიდან არცერთ კრედიტორს სასამართლოსთვის არ მოუმართავს ერთი თვის ვადაში მოვალის მიმართ გადახდისუუნარობის შესახებ განცხადებით, შპს „სტიქსი“ უნდა გამოცხადდეს გაკოტრებულად და, შესაბამისად, გაუქმდეს შპს „სტიქსის“ რეგისტრაცია სამეწარმეო რეესტრში.

სასამართლომ იხელმძღვანელა „რეაბილიტაციისა და კრედიტორთა კოლექტიური დაკმაყოფილების შესახებ“ მე-9, მე-19, 48-ე, მუხლებით, სამოქალაქო საპროცესო კოდექსის 284-ე, 285-ე მუხლებით და

დ ა ა დ გ ი ნ ა:

1. შპს „სტიქს“ (ს/ნ 405170363) გამოცხადდეს გაკოტრებულად და გაუქმდეს  შპს „სტიქსის“ რეგისტრაცია სამეწარმეო რეესტრში.

2. განჩინება გამოქვეყნდეს გადახდისუუნარობის საქმის წარმოების ელექტრონულ პროგრამაში.

3.  განჩინებაზე შეიძლება კერძო საჩივრის შეტანა თბილისის საქალაქო სასამართლოს სამოქალაქო საქმეთა კოლეგიაში (ქ.თბილისი, დავით აღმაშენებლის ხეივანი, მე-12 კმ. №6) განჩინების  გამოქვეყნებიდან 5 დღის ვადაში.

 

 მოსამართლე                                                                                არჩილ კოჭლამაზაშვილი