საქართველოს რეგიონული განვითარების სამინისტროს რეგიონებთან ურთიერთობის სამსახურის დებულების დამტკიცების შესახებ

საქართველოს რეგიონული განვითარების სამინისტროს რეგიონებთან ურთიერთობის სამსახურის დებულების დამტკიცების შესახებ საქართველოს რეგიონული განვითარების მინისტრის ბრძანება №9 2025 წლის 19 მაისი ქ. თბილისი საქართველოს რეგიონული განვითარების სამინისტროს რეგიონებთან ურთიერთობის სამსახურის დებულების დამტკიცების შესახებ „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-18 მუხლის მე-2 პუნქტისა და „საქართველოს რეგიონული განვითარების სამინისტროს დებულების დამტკიცების შესახებ“ საქართველოს მთავრობის 2025 წლის 30 აპრილის №134 დადგენილებით დამტკიცებული დებულების მე-5 მუხლის მე-3 პუნქტის „ი“ ქვეპუნქტის საფუძველზე, ვბრძანებ: მუხლი 1 დამტკიცდეს საქართველოს რეგიონული განვითარების სამინისტროს რეგიონებთან ურთიერთობის სამსახურის თანდართული დებულება. მუხლი 2 ბრძანება ამოქმედდეს 2025 წლის 1 მაისიდან.საქართველოს რეგიონული განვითარების მინისტრიკახაბერ გულედანი საქართველოს რეგიონული განვითარების სამინისტროს რეგიონებთან ურთიერთობის სამსახურის დებულება მუხლი 1. ზოგადი დებულებანი 1. საქართველოს რეგიონული განვითარების სამინისტროს რეგიონებთან ურთიერთობის სამსახურის დებულება (შემდგომში – დებულება) განსაზღვრავს საქართველოს რეგიონული განვითარების სამინისტროს (შემდგომში – სამინისტრო) რეგიონებთან ურთიერთობის სამსახურის (შემდგომში – სამსახური) სამართლებრივ სტატუსს, უფლებამოსილებას, ანგარიშვალდებულებას და აწესრიგებს სამსახურის საქმიანობასთან დაკავშირებულ სხვა საკითხებს. 2. სამსახური წარმოადგენს სამინისტროს სტრუქტურულ ერთეულს. 3. სამსახური თავის საქმიანობაში ხელმძღვანელობს საქართველოს კონსტიტუციით, საერთაშორისო ხელშეკრულებებით, სხვა საკანონმდებლო აქტებით, საქართველოს პრეზიდენტის, საქართველოს მთავრობის, საქართველოს რეგიონული განვითარების მინისტრის (შემდგომში – მინისტრი) სამართლებრივი აქტებითა და სხვა კანონქვემდებარე ნორმატიული აქტებით, აგრეთვე, მინისტრის ან კურატორი მინისტრის მოადგილის (ასეთის არსებობის შემთხვევაში) ცალკეული დავალებებით. 4. სამსახური თავისი უფლებამოსილების განხორციელებისას წარმოადგენს სამინისტროს. 5. სამსახური ანგარიშვალდებულია მინისტრის ან კურატორი მინისტრის მოადგილის (ასეთის არსებობის შემთხვევაში) წინაშე. მუხლი 2. სამსახური უფლებამოსილება სამსახურის უფლებამოსილებას მიეკუთვნება: ა) კომპეტენციის ფარგლებში სახელმწიფო პოლიტიკის ადგილობრივ დონეზე დაგეგმვასა და განხორციელებაში მონაწილეობა; ბ) კომპეტენციის ფარგლებში სახელმწიფო რწმუნებულებისა და მუნიციპალიტეტების  ხელშეწყობა საქართველოს მთავრობის გადაწყვეტილებების შესრულებაში და საჭიროების შემთხვევაში კოორდინაციის უზრუნველყოფა; გ) კომპეტენციის ფარგლებში სახელმწიფო რწმუნებულებისა და მუნიციპალიტეტების ხელშეწყობა სახელმწიფო ხელისუფლების ორგანოების მიერ დაგეგმილი/მიმდინარე პროგრამებისა და პროექტების ადგილობრივ დონეზე განხორციელებისას და საჭიროების შემთხვევაში კოორდინაციის უზრუნველყოფა; დ) კომპეტენციის ფარგლებში რეგიონისა და მუნიციპალიტეტისთვის მნიშვნელოვანი სტრატეგიული პროექტების განხორციელების ხელშეწყობა და შესაბამისი კოორდინაციის უზრუნველყოფა; ე) კომპეტენციის ფარგლებში რეგიონისა და მუნიციპალიტეტისთვის მნიშვნელოვანი სტრატეგიული პროექტების განხორციელებასთან დაკავშირებულ გამოწვევებზე ინფორმაციის დამუშავება-ანალიზი, შესაბამისი წინადადების მომზადება და საჭიროების შემთხვევაში მონიტორინგის განხორციელება; ვ) სამინისტროს, მუნიციპალიტეტებისა და სახელმწიფო ხელისუფლების ორგანოების სახელმწიფო რწმუნებულის ადმინისტრაციებთან ურთიერთობის კოორდინაცია; ზ) კომპეტენციის ფარგლებში რეგიონში განვითარებული სტიქიური მოვლენების შედეგად გამოწვეული ზიანის ანაზღაურების ღონისძიებების დაგეგმვაში მონაწილეობა და კოორდინაცია; თ) კომპეტენციის ფარგლებში მუნიციპალიტეტის მიზნებისთვის საზღვარგარეთის ქვეყნებთან, საერთაშორისო და არასამთავრობო ორგანიზაციებთან სახელმწიფო რწმუნებულის ადმინისტრაციების ურთიერთობის განვითარების ხელშეწყობა; ი) სახელმწიფო რწმუნებულების კანდიდატურების შერჩევისა და საქართველოს მთავრობისთვის წარმოდგენის პროცედურის კოორდინაცია; კ) საქართველოს მთავრობის მიერ დასამტკიცებელი სახელმწიფო რწმუნებულების ადმინისტრაციების საშტატო ნუსხების, საჯარო მოსამსახურეთა თანამდებობრივი სარგოების განაკვეთების შემუშავებაში მონაწილეობის მიღება; ლ) სახელმწიფო რწმუნებულების ადმინისტრაციების მოხელეთა კვალიფიკაციის ამაღლების კოორდინაცია; მ) კომპეტენციის ფარგლებში რეგიონებსა და მუნიციპალიტეტებთან დაკავშირებული დარგობრივი სტატისტიკური მონაცემის სისტემატიზაცია და ანალიზი; ნ) რეგიონებსა და მუნიციპალიტეტებში არსებულ გამოწვევებზე სამსახურში შესული ინფორმაციის შესწავლა, დამუშავება-ანალიზი და მასზე რეაგირება; ო) კომპეტენციის ფარგლებში შესაბამისი სამართლებრივი აქტების პროექტების შემუშავება და შემუშავებაში მონაწილეობა; პ) მინისტრის ან კურატორი მინისტრის მოადგილის მიერ (ასეთის არსებობის შემთხვევაში) სამსახურის კომპეტენციის ფარგლებში დაკისრებულ სხვა უფლებამოსილებათა განხორციელება, რომლებიც არ შედის სამინისტროს სხვა სტრუქტურული ერთეულების კომპეტენციაში და მიეკუთვნება სამინისტროს მმართველობის სფეროს; ჟ) სამსახურში შესული კორესპონდენციის განხილვა და შესაბამისი რეაგირება; რ) საქართველოს კანონმდებლობით გათვალისწინებულ სხვა უფლებამოსილებათა განხორციელება. მუხლი 3. სამსახურის უფროსი 1. სამსახურს ხელმძღვანელობს სამსახურის უფროსი, რომელსაც, კანონმდებლობით დადგენილი წესით, თანამდებობაზე ნიშნავს და თანამდებობიდან ათავისუფლებს მინისტრი. 2. სამსახურის უფროსი ანგარიშვალდებულია მინისტრის ან კურატორი მინისტრის მოადგილის (ასეთის არსებობის შემთხვევაში) წინაშე. 3. სამსახურის უფროსი სამსახურის უფლებამოსილების განხორციელების მიზნით: ა) ახორციელებს სამსახურის საქმიანობის საერთო ხელმძღვანელობას; ბ) უზრუნველყოფს სამსახურის ამ დებულებით და მოქმედი კანონმდებლობით გათვალისწინებული უფლებამოსილების განხორციელებას და დაკისრებული ამოცანების შესრულებას; გ) წარმოადგენს სამსახურს უფლებამოსილების განხორციელებისას და პასუხისმგებელია სამსახურზე დაკისრებული ამოცანების შესრულებაზე; დ) ანაწილებს ფუნქციებს სამსახურის საჯარო მოსამსახურეებს შორის, აძლევს მათ მითითებებსა და დავალებებს; ე) ხელს აწერს ან ვიზირებას ახდენს სამსახურის მიერ მომზადებულ დოკუმენტებზე, სამსახურის კომპეტენციის ფარგლებში ახორციელებს სამინისტროს სტრუქტურული ერთეულის მიერ შემუშავებული დოკუმენტების ვიზირებას; ვ) ზედამხედველობს სამსახურის საჯარო მოსამსახურეების მიერ სამსახურებრივი მოვალეობების შესრულებას და შრომის დისციპლინის დაცვას; ზ) კონტროლს უწევს მინისტრის ბრძანებების, მითითებებისა და ინსტრუქციების შესრულებას სამსახურის კომპეტენციას მიკუთვნებულ საკითხებზე; თ) მინისტრს ან მინისტრისათვის წარდგენის მიზნით, კურატორ მინისტრის მოადგილეს (ასეთის არსებობის შემთხვევაში) წარუდგენს წინადადებებს სამსახურის მუშაობის გაუმჯობესების, სამსახურის საჯარო მოსამსახურეთა წახალისების ან მათთვის დისციპლინური პასუხისმგებლობის დაკისრების შესახებ; ი) ორგანიზებას უწევს ამ დებულებით სამსახურისთვის განსაზღვრული უფლებამოსილების განხორციელებას, რისთვისაც წარუდგენს მინისტრს ან კურატორ მინისტრის მოადგილეს (ასეთის არსებობის შემთხვევაში) წინადადებებს ცალკეული საკითხების მოწესრიგებისა და გადაწყვეტის მიზნით; კ) შუამდგომლობს იმ სახსრების, მოწყობილობებისა და ინვენტარის გამოყოფის თაობაზე, რომლებიც საჭიროა სამსახურის უფლებამოსილების განსახორციელებლად; ლ) პერიოდულად ისმენს სამსახურის საჯარო მოსამსახურეთა ანგარიშს მათ მიერ გაწეული საქმიანობის შესახებ; მ) მინისტრს ან კურატორ მინისტრის მოადგილეს (ასეთის არსებობის შემთხვევაში) წარუდგენს ანგარიშს სამსახურის მიერ გაწეული საქმიანობის თაობაზე; ნ) კომპეტენციის ფარგლებში შუამდგომლობს სამსახურის საჯარო მოსამსახურეთა კვალიფიკაციის ამაღლებისა და გადამზადების შესახებ; ო) ახორციელებს საქართველოს კანონმდებლობით გათვალისწინებულ სხვა უფლებამოსილებას. მუხლი 4. სამსახურის უფროსის მოადგილე 1. სამსახურის უფროსს ჰყავს მოადგილე (შემდგომში – სამსახურის უფროსის მოადგილე), რომელსაც, კანონმდებლობით დადგენილი წესით, თანამდებობაზე ნიშნავს და თანამდებობიდან ათავისუფლებს მინისტრი. 2. სამსახურის უფროსის მოადგილე: ა) ხელს უწყობს სამსახურის უფროსს მასზე დაკისრებული უფლებამოსილების განხორციელებაში; ბ) ზედამხედველობს სამსახურის  მიერ სამსახურებრივი მოვალეობის შესრულებას; გ) სამსახურის უფროსის დავალების შესაბამისად, განიხილავს სამსახურში შესულ კორესპონდენციას; დ) ანაწილებს დავალებებს სამსახურის საჯარო მოსამსახურეთა შორის; ე) ახდენს სამსახურში მომზადებული დოკუმენტების ვიზირებას; ვ) ასრულებს მინისტრის ან კურატორი მინისტრის მოადგილის (ასეთის არსებობის შემთხვევაში) და სამსახურის უფროსის ცალკეულ დავალებებსა და მითითებებს. 3. სამსახურის უფროსის მოადგილე, კანონმდებლობით დადგენილი წესით, ანგარიშვალდებულია სამსახურის უფროსის წინაშე. მუხლი 5. სამსახურის საჯარო მოსამსახურე 1. სამსახურის შესაბამის საჯარო მოსამსახურეს, კანონმდებლობით დადგენილი წესით, თანამდებობაზე ნიშნავს და თანამდებობიდან ათავისუფლებს მინისტრი. 2. სამსახურის საჯარო მოსამსახურეები: ა) ახორციელებენ სამსახურის შესაბამის უფლებამოსილებას; ბ) პასუხისმგებელნი არიან მათ მიერ მომზადებული დოკუმენტაციის კანონიერებასა და ადეკვატურობაზე; გ) სამსახურის შესაბამისი უფლებამოსილების ფარგლებში, ვალდებულნი არიან, დაიცვან წინამდებარე დებულება და საქართველოს კანონმდებლობა; დ) ახორციელებენ საქართველოს კანონმდებლობით განსაზღვრულ უფლებამოსილებას. 3. სამსახურის საჯარო მოსამსახურეები ასრულებენ სამსახურის უფროსის მოადგილის ან/და სამსახურის უფროსის ცალკეულ მითითებებსა და დავალებებს. 4. სამსახურის საჯარო მოსამსახურე ანგარიშვალდებულია სამსახურის უფროსისა და სამსახურის უფროსის მოადგილის წინაშე. 5. სამსახურის საჯარო მოსამსახურეთა უფლებები და მოვალეობები განისაზღვრება ამ დებულებითა და საქართველოს კანონმდებლობით. მუხლი 6. უფლებამონაცვლეობა 1. სამსახურის უფროსის არყოფნის ან მის მიერ სამსახურებრივი უფლებამოსილების განხორციელების შეუძლებლობის შემთხვევაში სამსახურის უფროსის მოვალეობას ასრულებს სამსახურის უფროსის მოადგილე. 2. სამსახურის უფროსის და სამსახურის უფროსის მოადგილის ერთდროულად არყოფნის ან მათ მიერ ერთდროულად თავიანთი სამსახურებრივი უფლებამოსილების განხორციელების შეუძლებლობის შემთხვევაში სამსახურის უფროსის მოვალეობა შეიძლება შეასრულოს სამსახურის ერთ-ერთმა საჯარო მოსამსახურემ, მინისტრის გადაწყვეტილებით.