საზოგადოებრივ საწყისებზე კონსტანტინე გამსახურდიას სახლ-მუზეუმის გახსნის შესახებ

1. მიღებულ იქნეს საქართველოს რესპუბლიკის კულტურის სამინისტროს წინადადება და 1991 წლის 14 აპრილიდან გაიხსნას საზოგადოებრივ საწყისებზე კონსტანტინე გამსახურდიას სახლ-მუზეუმი ქალაქ თბილისში, გალის ქუჩის №19-ში.

2. დაევალოს საქართველოს რესპუბლიკის კულტურის სამინისტროს განახორციელოს შესაბამისი მეთოდური და ორგანიზაციული ღონისძიებანი კონსტანტინე გამსახურდიას სახლ-მუზეუმის ექსპოზიციის მოსაწყობად და შეიტანოს იგი მუზეუმების ქსელის განვითარების 1991 წლის გეგმაში.

3. დაევალოთ საქართველოს რესპუბლიკის ეკონომიკის სამინისტროსა და საქართველოს რესპუბლიკის ფინანსთა სამინისტროს გამოუყონ საქართველოს რესპუბლიკის კულტურის სამინისტროს მოთხოვნის შესაბამისად სათანადო სახსრები კონსტანტინე გამსახურდიას სახლ-მუზეუმის მოსაწყობად.

4. დაევალოს ქალაქ თბილისის პრეფექტურის არქიტექტურისა და დაგეგმარების სამმართველოს უმოკლეს ვადაში უზრუნველყოს საპროექტო-სახარჯთაღრიცხვო დოკუმენტაციის მომზადება კონსტანტინე გამსახურდიას სახლ-მუზეუმის მიმდებარე ტერიტორიის კეთილმოსაწყობად.

საქართველოს რესპუბლიკის მთავრობის თავმჯდომარე                                     თ. სიგუა

საქართველოს რესპუბლიკის მთავრობის

სახელმწიფო კანცელარიის მმართველი                                                                   გ. ბერიძე