“საქართველოს შინაგან საქმეთა სამინისტროს ტერიტორიული ორგანოების ტიპიური დებულების დამტკიცების შესახებ" საქართველოს შინაგან საქმეთა მინისტრის 2006 წლის 22 თებერვლის №240 ბრძანებაში დამატების და ცვლილების შეტანის თაობაზე"
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს მინისტრის ბრძანება (1)
დოკუმენტის ტექსტი
სახელმწიფო სარეგისტრაციო კოდი 140.010.000.22.034.008.871
საქართველოს შინაგან საქმეთა
მინისტრის ბრძანება №849
2006 წლის 6 ივლისი
ქ. თბილისი
„საქართველოს შინაგან საქმეთა სამინისტროს ტერიტორიული ორგანოების ტიპიური დებულების დამტკიცების შესახებ“ საქართველოს შინაგან საქმეთა მინისტრის 2006 წლის 22 თებერვლის №240 ბრძანებაში დამატებისა და ცვლილების შეტანის თაობაზე
„ნორმატიული აქტების შესახებ“ საქართველოს კანონის 36-ე მუხლის პირველი პუნქტისა და 47-ე მუხლის პირველი პუნქტის, „საქართველოს შინაგან საქმეთა სამინისტროს დებულების დამტკიცების შესახებ“ საქართველოს პრეზიდენტის 2004 წლის 27 დეკემბრის №614 ბრძანებულებით დამტკიცებული დებულების მე-11 პუნქტის „ა“ და „ნ“ ქვეპუნქტების საფუძველზე, ვბრძანებ:
მუხლი 1
„საქართველოს შინაგან საქმეთა სამინისტროს ტერიტორიული ორგანოების ტიპური დებულების დამტკიცების შესახებ“ საქართველოს შინაგან საქმეთა მინისტრის 2006 წლის 22 თებერვლის №240 ბრძანებაში (სსმ III, 2005 წ., №34, მუხ. 343) შეტანილ იქნეს შემდეგი დამატება და ცვლილება:
1. დებულების მე-11 მუხლის მეორე პუნქტს დაემატოს შემდეგი შინაარსის „ე1 “ ქვეპუნქტი:
„ე1) შემთხვევის ადგილზე არსებული სუნით, ოდოროლოგიური კვალის მიხედვით (პიროვნების, ასევე ნარკოტიკულ ნივთიერებათა, ფეთქებად და სხვა საგანთა აღმოსაჩენად) შესაბამის კინოლოგიურ მომსახურებას;“.
2. დებულებიდან ამოღებულ იქნეს მე-11 მუხლის მე-4 პუნქტის „ი“ ქვეპუნქტი.
მუხლი 2
ბრძანება ამოქმედდეს გამოქვეყნებისთანავე.
ი. მერაბიშვილი