გალის სატყეო მეურნეობის მიწებიდან ტურისტული სასტუმროს მშენებლობისათვის ფართობის გამოყოფის შესახებ

საქართველოს რესპუბლიკის მინისტრთა კაბინეტის

დადგენილება №847

1991 წლის 11 ნოემბერი

ქ. თბილისი

გალის სატყეო მეურნეობის მიწებიდან ტურისტული სასტუმროს მშენებლობისათვის ფართობის გამოყოფის შესახებ

საქართველოს რესპუბლიკის მინისტრთა კაბინეტი ადგენს:

1. დამტკიცდეს აფხაზეთის ასსრ მინისტრთა საბჭოს 1990 წლის 12 სექტემბრის №190 დადგენილება, მიღებულ იქნეს გალის რაიონის პრეფექტის წინადადება და გამოეყოს აფხაზეთის ტურიზმისა და ექსკურსიების საოლქო საბჭოს გალის მოგზაურობისა და ექსკურსიების ბიუროს 150-ადგილიანი ტურისტული სასტუმროს მშენებლობისათვის გალის სატყეო მეურნეობის გინძე-ეწერის უბნიდან (სოფელ მეორე გუდავაში) 1,5 ჰექტარი ფართობი, მათ შორის: ტყით დაუფარავი (საძოვარი) – 0,8 ჰექტარი, ტყით დაფარული - 0,7 ჰექტარი.

2. დაევალოს აფხაზეთის ტურიზმისა და ექსკურსიების საოლქო საბჭოს გალის მოგზაურობისა და ექსკურსიების ბიუროს:

ა) აუნაზღაუროს საქართველოს რესპუბლიკის სოფლის, ტყის მეურნეობისა და კვების მრეწველობის სამინისტროს მიწათსარგებლობისა და მიწათმოწყობის მთავარ სამმართველოს 1,5 ჰექტარი ახალი მიწის ათვისების ხარჯები საქართველოს რესპუბლიკის მინისტრთა საბჭოს 1991 წლის 21 იანვრის №31 დადგენილებით დამტკიცებული ნორმატივების შესაბამისად;

ბ) მშენებლობა აწარმოოს ზღვის ნაპირიდან არანაკლებ 120 მეტრის დაშორებით;

გ) გამოყოფილ ფართობზე მთლიანად შეინარჩუნოს ტყის ნარგავები.

საქართველოს რესპუბლიკის პრემიერ-მინისტრი ბ. გუგუშვილი

საქართველოს რესპუბლიკის მინისტრთა კაბინეტის კანცელარიის მმართველი ა. ლანდია