საქართველოს რესპუბლიკის ყოფილი პურპროდუქტების სამინისტროსათვის დუშეთის რაიონში გამოყოფილი მიწის ფართობის ყოფილი მიწათმოსარგებლისათვის დაბრუნების შესახებ

საქართველოს რესპუბლიკის მინისტრთა კაბინეტის

 

დადგენილება №846

 

1991 წლის 8 ნოემბერი

 

ქ. თბილისი

 

საქართველოს რესპუბლიკის ყოფილი პურპროდუქტების სამინისტროსათვის დუშეთის რაიონში გამოყოფილი მიწის ფართობის ყოფილი მიწათმოსარგებლისათვის დაბრუნების შესახებ

საქართველოს რესპუბლიკის მინისტრთა კაბინეტი ადგენს:

1. დამტკიცდეს დუშეთის რაიონის პრეფექტების კაბინეტის სხდომის 1991 წლის 8 აგვისტოს №30 გადაწყვეტილება, დაკმაყოფილდეს პურპროდუქტების მრეწველობის რესპუბლიკური სამრეწველო გაერთიანების შუამდგომლობა საქართველოს რესპუბლიკის ყოფილი პურპროდუქტების სამინისტროსათვის ხორხის მეცხოველეობის მეურნეობის მიწებიდან (სოფლები: გუდრუხი, ხარტიში, ზემო თვალივი, ქვემო თვალივი) დამხმარე სასოფლო მეურნეობის (მეცხოველეობის) მოსაწყობად გამოყოფილი 468 ჰექტარი ფართობი (სათიბი - 130 ჰექტარი, საძოვარი - 320 ჰექტარი, საკარმიდამო მიწები - 18 ჰექტარი), მასზე არსებული ფერმის შენობა-ნაგებობებით დაუბრუნდეს ყოფილ მიწათმოსარგებლეს - ხორხის მეცხოველეობის მეურნეობას.

2. ამასთან დაკავშირებით ძალადაკარგულად ჩაითვალოს საქართველოს სსრ მინისტრთა საბჭოს 1989 წლის 20 ივნისის №307 დადგენილების 27-ე პუნქტი, რომელიც ეხება საქართველოს რესპუბლიკის ყოფილი პურპროდუქტების სამინისტროსათვის დამხმარე სასოფლო მეურნეობის მოსაწყობად ხორხის მეურნეობის მიწებიდან 468 ჰექტარი მიწის გამოყოფას.

საქართველოს რესპუბლიკის პრემიერ-მინისტრი  ბ. გუგუშვილი

საქართველოს რესპუბლიკის მინისტრთა კაბინეტის კანცელარიის მმართველი  ა. ლანდია