საქართველოს რესპუბლიკის საგარეო საქმეთა სამინისტროსთან დიპლომატიური კორპუსისა და უცხოეთის წარმომადგენლობათა მომსახურების მთავარი სამმართველოს შექმნის შესახებ

საქართველოს რესპუბლიკის საგარეო საქმეთა სამინისტროსთან დიპლომატიური კორპუსისა და უცხოეთის წარმომადგენლობათა მომსახურების მთავარი სამმართველოს შექმნის შესახებ საქართველოს რესპუბლიკის მინისტრთა კაბინეტის დადგენილება №754 1991 წლის 2 ოქტომბერი ქ. თბილისი საქართველოს რესპუბლიკის საგარეო საქმეთა სამინისტროსთან დიპლომატიური კორპუსისა და უცხოეთის წარმომადგენლობათა მომსახურების მთავარი სამმართველოს შექმნის შესახებ საქართველოს რესპუბლიკის მინისტრთა კაბინეტი ადგენს: 1. საზღვარგარეთის ქვეყნებთან, აგრეთვე სუვერენულ რესპუბლიკებთან პირდაპირი დიპლომატიური და საგარეო ეკონომიკური ურთიერთობების განვითარების პროცესისათვის ყოველმხრივ ხელშეწყობის მიზნით შეიქმნას საქართველოს რესპუბლიკის საგარეო საქმეთა სამინისტროსთან სამეურნეო ანგარიშზე დიპლომატიური კორპუსისა და უცხოეთის წარმომადგენლობათა მომსახურების მთავარი სამმართველო ამავე სამინისტროსთან არსებული საწარმოო-კომერციული სამმართველოს ბაზაზე. 2. საქართველოს რესპუბლიკის საგარეო საქმეთა სამინისტრომ ერთი კვირის ვადაში დაამტკიცოს დიპლომატიური კორპუსისა და უცხოეთის წარმომადგენლობათა მომსახურების მთავარი სამმართველოს სტრუქტურა და საშტატო განრიგი. საქართველოს რესპუბლიკის პრემიერ-მინისტრი                                                                ბ. გუგუშვილი საქართველოს რესპუბლიკის მინისტრთა კაბინეტის კანცელარიის მმართველი                                                            ა. ლანდია