მცხეთის, ბორჯომისა და თეთრი წყაროს რაიონებში საკარმიდამო მიწის ფონდში ფართობების გამოყოფის შესახებ

მცხეთის, ბორჯომისა და თეთრი წყაროს რაიონებში საკარმიდამო მიწის ფონდში ფართობების გამოყოფის შესახებ საქართველოს რესპუბლიკის მინისტრთა კაბინეტის დადგენილება №761 1991 წლის 3 ოქტომბერი ქ. თბილისი მცხეთის, ბორჯომისა და თეთრი წყაროს რაიონებში საკარმიდამო მიწის ფონდში ფართობების გამოყოფის შესახებ საქართველოს რესპუბლიკის მინისტრთა კაბინეტი ადგენს: დამტკიცდეს მცხეთის რაიონის პრეფექტურის 1991 წლის 27 აგვისტოს №104 განკარგულება, ბორჯომის რაიონის პრეფექტის კაბინეტის 1991 წლის 8 აგვისტოს №31 გადაწყვეტილება, თეთრი წყაროს პრეფექტურის 1991 წლის 2 სექტემბრის №43 განკარგულება და ამის შესაბამისად გამოეყოთ: 1. მცხეთის რაიონის დიღმის მერძევეობა-მებოსტნეობის საზოგადოებრივი მეურნეობის მიწებიდან 0,10 ჰექტარი საძოვარი (სოფელ ლისში) - ამავე მეურნეობას საკარმიდამო მიწის ფონდში ავარიულ სახლში მცხოვრები ერთი ოჯახის დასაკმაყოფილებლად. 2. ბორჯომის რაიონის ყვიბისის კოლმეურნეობის მიწებიდან 0,15 ჰექტარი სახნავი - ამავე კოლმეურნეობას საკარმიდამო მიწის ფონდში ერთი დამეწყრილი კომლის დასაკმაყოფილებლად. 3. თეთრი წყაროს რაიონის ვაშლოვანის მეცხოველეობის საზოგადოებრივი მეურნეობის მიწებიდან 0,25 ჰექტარი სახნავი - ამავე მეურნეობას საკარმიდამო მიწის ფონდში რსფსრ-დან დაბრუნებული ერთი ოჯახის დასაკმაყოფილებლად. 4. გამოყოფილ ფართობზე ისტორიული ძეგლის აღმოჩენის შემთხვევაში მცხეთის, ბორჯომისა და თეთრი წყაროს რაიონების პრეფექტურებმა აცნობონ საქართველოს მეცნიერებათა აკადემიის არქეოლოგიური კვლევის ცენტრს. საქართველოს რესპუბლიკის პრემიერ-მინისტრი                                                                ბ. გუგუშვილი საქართველოს რესპუბლიკის მინისტრთა კაბინეტის კანცელარიის მმართველი                                                           ა. ლანდია