საქართველოს რესპუბლიკის შინაგან საქმეთა სამინისტროს სახანძრო-ტექნიკური კოლეჯის დაარსების შესახებ

საქართველოს რესპუბლიკის

მ თ ა ვ რ ო ბ ი ს

დ ა დ გ ე ნ ი ლ ე ბ ა №531

1992 წლის 4 მაისი

ქ. თბილისი

საქართველოს რესპუბლიკის შინაგან საქმეთა სამინისტროს სახანძრო-ტექნიკური კოლეჯის დაარსების შესახებ

რესპუბლიკაში ხანძართან ბრძოლის სრულყოფის და ხანძარსაწინააღმდეგო სამსახურის საქმიანობის შემდგომი გაუმჯობესების, მასში შემავალი ქვედანაყოფებისათვის ოფიცერთა ეროვნული კადრების მომზადების უზრუნველსაყოფად საქართველოს რესპუბლიკის მთავრობა ა დ გ ე ნ ს:

1. მიღებულ იქნეს საქართველოს რესპუბლიკის შინაგან საქმეთა სამინისტროს წინადადება სახანძრო დაცვის სასწავლო ცენტრის ბაზაზე სახანძრო-ტექნიკური კოლეჯის დაარსების შესახებ.

2. დაევალოთ საქართველოს რესპუბლიკის შინაგან საქმეთა სამინისტროს, საქართველოს რესპუბლიკის განათლების სამინისტროსა და საქართველოს რესპუბლიკის თავდაცვის სამინისტროს უზრუნველყონ 1992 წლის პირველ ნახევარში სახანძრო-ტექნიკური კოლეჯისათვის სწავლების პროგრამის შემუშავება, მისთვის საჭირო რაოდენობის სასწავლო-ტექნიკური საშუალებების, კომპიუტერული ტექნიკის, სატრანსპორტო საშუალებების გამოყოფა

3.  სახანძრო-ტექნიკური კოლეჯის კურსანტებით დაკომპლექტებისათვის დაშვებულ იქნეს ყოველწლიურად 50 წვევამდელის მიღება მათთვის სამხედრო სავალდებულო სამსახურში გაწვევის გადავადებით, კოლეჯის კურსდამთავრებულები აყვანილ იქნენ შინაგან საქმეთა სამინისტროს კადრების სპეც-აღრიცხვაზე.

4. დაევალოს საქართველოს რესპუბლიკის შინაგან საქმეთა სამინისტროს საქართველოს რესპუბლიკის თავდაცვის სამინისტროსთან და საქართველოს რესპუბლიკის განათლების სამინისტროსთან შეთანხმებით შეიმუშაოს სახანძრო-ტექნიკური კოლეჯის დებულება, რომელშიც განისაზღვროს ხანძარსაწინააღმდეგო სამსახურისათვის სპეციალური განათლების მქონე ოფიცერთა ეროვნული კადრების მომზადება, სამწლიანი სწავლების ციკლით.

5. დაევალოს საქართველოს რესპუბლიკის შინაგან საქმეთა სამინისტროს გამოუყოს სახანძრო-ტექნიკურ კოლეჯს საჭირო რაოდენობის თანხა 1992 წელს მისთვის გათვალისწინებული საერთო ასიგნებებიდან.

6. საქართველოს რესპუბლიკის შინაგან საქმეთა სამინისტრომ შეიტანოს სათანადო ცვლილებანი შტატებში, თანამდებობრივ განაკვეთებში და განახორციელოს საჭირო ღონისძიებანი კოლეჯისათვის კვალიფიციური მეთაურ-მასწავლებლების კადრების შესარჩევად და დასაკომპლექტებლად.

საქართველოს რესპუბლიკის მთავრობის

თავმჯდომარის პრემიერ-მინისტრის

მოვალეობის შემსრულებელი                                           თ. სიგუა

 

საქართველოს რესპუბლიკის მთავრობის

სახელმწიფო კანცელარიის მმართველის

პირველი მოადგილის

მოვალეობის შემსრულებელი                                                   კ. გელაშვილი

საქართველოს რესპუბლიკის