საქართველოს რესპუბლიკის იუსტიციის სამინისტროს ცენტრალურ აპარატში საერთაშორისო სამართლებრივი ურთიერთობის განყოფილების შექმნის შესახებ

საქართველოს რესპუბლიკის

მინისტრთა კაბინეტის

დადგენილება №319

1993 წლის 26 აპრილი

ქ. თბილისი

საქართველოს რესპუბლიკის იუსტიციის სამინისტროს ცენტრალურ აპარატში საერთაშორისო სამართლებრივი ურთიერთობის განყოფილების შექმნის შესახებ

„სამართლებრივი ურთიერთდახმარების შესახებ საქართველოს რესპუბლიკისა და უცხო სახელმწიფოებს შორის ხელშეკრულებათა დროულად დადების ღონისძიებათა თაობაზე“ საქართველოს პარლამენტის თავმჯდომარის – სახელმწიფოს მეთაურის 1993 წლის 10 თებერვლის №18 ბრძანებულების შესაბამისად საქართველოს რესპუბლიკის მინისტრთა კაბინეტი ადგენს:

1. შეიქმნას საქართველოს რესპუბლიკის იუსტიციის სამინისტროს ცენტრალურ აპარატში 1993 წლის 1 აპრილიდან საერთაშორისო სამართლებრივი ურთიერთობის განყოფილება 4 საშტატო ერთეულით.

2. დაევალოს საქართველოს რესპუბლიკის ფინანსთა სამინისტროს გაითვალისწინოს ზემოაღნიშნული განყოფილების მუშაკთა შესანახი ხარჯები სახელმწიფო ბიუჯეტის პროექტის შედგენისას.

 

საქართველოს რესპუბლიკის

პრემიერ-მინისტრი                                                    თ. სიგუა