ბულგარეთში საქართველოს რესპუბლიკის სავაჭრო-ეკონომიკური წარმომადგენლობის დაარსების შესახებ

საქართველოს რესპუბლიკის მინისტრთა კაბინეტის

დადგენილება №54

1994 წლის 25 იანვარი

ქ. თბილისი

ბულგარეთში საქართველოს რესპუბლიკის სავაჭრო-ეკონომიკური წარმომადგენლობის დაარსების შესახებ

საქართველოს რესპუბლიკასა და ბულგარეთს შორის სავაჭრო-ეკონომიკურ ურთიერთობათა გაღრმავების მიზნით საქართველოს რესპუბლიკის მინისტთა კაბინეტი ადგენს:

1. დაარსდეს საქართველოს რესპუბლიკის სავაჭრო-ეკონომიკური წარმომადგენლობა ბულგარეთში (ქ. სოფიაში).

2. დაევალოს საქართველოს რესპუბლიკის საგარეო ეკონომიკურ ურთიერთობათა კომიტეტს საქართველოს რესპუბლიკის ფინანსთა სამინისტროსთან, სხვა შესაბამის სამინისტრო-უწყებებთან და ბულგარეთში საქართველოს რესპუბლიკის სავაჭრო-ეკონომიკურ წარმომადგენლთან ერთად შეიმუშაოს და დასამტკიცებლად წარმოუდგინოს საქართველოს რესპუბლიკის მინისტრთა კაბინეტს წინადადებანი ბულგარეთში საქართველოს რესპუბლიკის სავაჭრო-ეკონომიკური წარმომადგენლობის აპარატის მუშაკთა რიცხოვნობის, შესანახი ხარჯებისა და მატერიალურ-ტექნიკური უზრუნველყოფის შესახებ.

საქართველოს რესპუბლიკის პრემიერ-მინისტრი ო. ფაცაცია