ანგარიშგებისა და მონაცემების ერთიანი ელექტრონული ბაზის წარმოების წესის დამტკიცების თაობაზე

ანგარიშგებისა და მონაცემების ერთიანი ელექტრონული ბაზის წარმოების წესი

მუხლი 1. წესის მიზანი

„ანგარიშგებისა და მონაცემების ერთიანი ელექტრონული ბაზის წარმოების წესი (შემდგომ − წესი) მიზნად ისახავს ინტეგრირებული ადმინისტრირებისა და კონტროლის ერთიანი ელექტრონული სისტემის შემადგენელი ანგარიშგებისა და მონაცემების ერთიანი ელექტრონული ბაზის შექმნას.

მუხლი 2. ტერმინთა განმარტება

1. ამ წესის მიზნებისათვის გამოყენებულ ტერმინებს აქვთ შემდეგი მნიშვნელობა:

ა) სამინისტრო − საქართველოს გარემოს დაცვისა და სოფლის მეურნეობის სამინისტრო;

ბ) სააგენტო − ა(ა)იპ − სოფლის განვითარების სააგენტო;

გ) მხარდამჭერი ღონისძიებები − სასოფლო-სამეურნეო საქმიანობის ხელშეწყობისა და სოფლის განვითარებისთვის განხორციელებული ღონისძიებები (მათ შორის, გადახდები);

2. ამ წესის მიზნებისათვის ასევე გამოიყენება „სოფლის მეურნეობისა და სოფლის განვითარების შესახებ“ საქართველოს კანონით და საქართველოს სხვა ნორმატიული აქტებით განსაზღვრული ტერმინები.

მუხლი 3. ანგარიშგებისა და მონაცემების ერთიანი ელექტრონული ბაზა

1. ანგარიშგებისა და მონაცემების ერთიანი ელექტრონული ბაზა იქმნება სააგენტოში, რომელშიც აისახება დანართის − მხარდამჭერი ღონისძიებების შესაფასებლად და შესაბამის პოლიტიკასთან დაკავშირებული გადაწყვეტილების მისაღებად საჭირო მაჩვენებლები.

2. ამ მუხლის პირველი პუნქტით გათვალისწინებულ ბაზის წარმოებას ახორციელებს სააგენტო.

მუხლი 4. მაჩვენებლების მომზადება და წარდგენა

სააგენტო ვალდებულია ყოველწლიურად, არაუგვიანეს პირველი აპრილისა, სამინისტროს წარუდგინოს წინა წლის დანართში ასახული მაჩვენებლების ბაზა.

დანართი

შენიშვნა: აუცილებელია პროგრამებისთვის დაინერგოს ეკონომიკური საქმიანობის სახეების საქართველოს ეროვნული კლასიფიკატორი (NACE Rev.2);

აუცილებელია ბენეფიციარებმა სააგენტოს წარუდგინონ საქმიანობის შეწყვეტის/გასხვისების შესახებ ინფორმაცია, რაც შემდგომ „სტატუსის” სახით შესაბამისი კოდით აისახება ბაზებში;

აუცილებელია ბენეფიციარებს გააჩნდეთ ინფორმაციის წარმოდგენის ვალდებულება მარტივი კითხვარის საშუალებით.