„საჯარო სამართლის იურიდიული პირის – შეფასებისა და გამოცდების ეროვნული ცენტრის დებულების დამტკიცების შესახებ“ საქართველოს განათლებისა და მეცნიერების მინისტრის 2007 წლის 5 თებერვლის №93 ბრძანებაში ცვლილების შეტანის თაობაზე

1. მე-3 მუხლის:

ა) მე-2 პუნქტის „ი“ ქვეპუნქტის შემდეგ დაემატოს შემდეგი შინაარსის „ი¹“ ქვეპუნქტი:

„ი¹) ამტკიცებს ცენტრის პირველადი სტრუქტურული ერთეულების დებულებებს;“.

ბ) მე-2 პუნქტის შემდეგ დაემატოს შემდეგი შინაარსის 2¹  პუნქტი:

„2¹. ცენტრის დირექტორს ჰყავს მოადგილეები, რომლებსაც თანამდებობაზე ნიშნავს და თანამდებობიდან ათავისუფლებს მინისტრი.“.

2. მე-3 მუხლის შემდეგ დაემატოს შემდეგი შინაარსის 3¹ მუხლი:

„მუხლი 3¹ ცენტრის სტრუქტურა

1. ამ დებულებით გათვალისწინებული ამოცანებისა და მიზნების შესრულებას ცენტრი უზრუნველყოფს სტრუქტურული ერთეულების  მეშვეობით.

2. ცენტრის პირველადი სტრუქტურული ერთეულებია:

ა) ადმინისტრაციული დეპარტამენტი;

ბ) გამოცდების ადმინისტრირების დეპარტამენტი;

გ) პროექტების მართვის დეპარტამენტი;

დ) საინფორმაციო ტექნოლოგიების დეპარტამენტი;

ე) ზუსტ და საბუნებისმეტყველო მეცნიერებათა, ესთეტიკური და ფიზიკური აღზრდის საგამოცდო ტესტების შემუშავებისა და შეფასების დეპარტამენტი;

ვ) მასწავლებელთა,  ზოგადი უნარების და სამაგისტრო გამოცდების ტესტების შემუშავებისა და შეფასების  დეპარტამენტი;

ზ) სახელმწიფო და უცხო ენათა და საზოგადოებრივ მეცნიერებათა საგამოცდო ტესტების შემუშავებისა და შეფასების დეპარტამენტი;

თ) აუდიტის და ინსპექტირების სამსახური;

ი) სტრატეგიული კომუნიკაციების სამსახური.“.