,,საქართველოს შრომის, ჯანმრთელობისა და სოციალური დაცვის სამინისტროს დებულების დამტკიცების შესახებ“ საქართველოს მთავრობის 2005 წლის 31 დეკემბრის №249 დადგენილებაში ცვლილებისა და დამატებების შეტანის თაობაზე“

საქართველოს მთავრობის

დადგენილება №110

2008 წლის 29 აპრილი

ქ. თბილისი

 „საქართველოს შრომის, ჯანმრთელობისა და სოციალური დაცვის სამინისტროს დებულების დამტკიცების შესახებ“ საქართველოს მთავრობის 2005 წლის 31 დეკემბრის №249 დადგენილებაში ცვლილებისა და დამატებების შეტანის თაობაზე

1. „ნორმატიული აქტების შესახებ“ საქართველოს კანონის 36-ე მუხლის შესაბამისად, „საქართველოს შრომის, ჯანმრთელობისა და სოციალური დაცვის სამინისტროს დებულების დამტკიცების შესახებ“ საქართველოს მთავრობის 2005 წლის 31 დეკემბრის №249 დადგენილებით (სსმ III, 2005 წ., №154, მუხლი 1714) დამტკიცებულ დებულებაში შეტანილ იქნეს შემდეგი ცვლილება და დამატებები:

ა) მე-4 მუხლის მე-5 პუნქტს დაემატოს შემდეგი შინაარსის „კ“ ქვეპუნქტი:

„კ) საგანგებო სიტუაციის კოორდინაციისა და რეჟიმის სამსახური (სამმართველო)“;

ბ) მე-14 მუხლს დაემატოს შემდეგი შინაარსის „ზ“ ქვეპუნქტი:

„ზ) ჯანმრთელობის დაცვის სექტორში რეგულირების განმახორციელებელი სამინისტროს სისტემის დაწესებულებების საქმიანობის კოორდინაცია“;

გ) ამოღებულ იქნეს მე-17 მუხლის „ზ“, „თ“ და „ი“ ქვეპუნქტები.“;

დ) დებულებას დაემატოს შემდეგი შინაარსის 18⁵ მუხლი:

     „მუხლი 18⁵. საგანგებო სიტუაციის კოორდინაციისა და რეჟიმის სამსახური (სამმართველო)

საგანგებო სიტუაციების კოორდინაციისა და რეჟიმის სამსახურის (სამმართველოს) ძირითად ამოცანებს და კომპეტენციას განეკუთვნება:

ა) საგანგებო სიტუაციის დროს მოსახლეობის დროული სამედიცინო მომსახურების ღონისძიებათა განხორციელების მიზნით საქართველოს შრომის, ჯანმრთელობისა და სოციალური დაცვის სამინისტროს სფეროში შესაბამისი ძალებისა და საშუალებების მობილიზება და სამედიცინო დაწესებულებების საქმიანობის კოორდინაცია;

ბ) ტექნოგენური, ბუნებრივი კატასტროფებისა და ეპიდემიების დროს დამდგარი საგანგებო სიტუაციებისას დაზარალებული მოსახლეობის სამედიცინო უზრუნველყოფისათვის საჭირო სამობილიზაციო გეგმების შედგენა-განხორციელება; სხვადასხვა სახის კატასტროფის დროს დამდგარი საგანგებო სიტუაციებისას დაზარალებული მოსახლეობის სამედიცინო უზრუნველყოფისათვის საჭირო სამედიცინო რეზერვის დადგენილი წესით შექმნა და შენახვის ორგანიზება; არსებული სამობილიზაციო რეზერვის შენახვის პროცესის ზედამხედველობა;

გ) „სახელმწიფო საიდუმლოების შესახებ“ საქართველოს კანონის ამოქმედებასთან დაკავშირებით ნორმატიული აქტების დამტკიცების თაობაზე“ საქართველოს პრეზიდენტის 1997 წლის 21 იანვრის №42 ბრძანებულებით გათვალისწინებული სარეჟიმო საიდუმლო ორგანოსათვის დაკისრებული ფუნქციების, უფლებებისა და მოვალეობების განხორციელება.“.

2. დადგენილება ამოქმედდეს გამოქვეყნებისთანავე.

პრემიერ-მინისტრი ვ. გურგენიძე