„საჯარო სკოლის დირექტორის შესარჩევი კონკურსის გამართვის წესის დამტკიცების თაობაზე"

„საჯარო სკოლის დირექტორის შესარჩევი კონკურსის გამართვის წესის დამტკიცების თაობაზე" /* Font Definitions */ @font-face {font-family:Sylfaen; panose-1:1 10 5 2 5 3 6 3 3 3;} @font-face {font-family:"Cambria Math"; panose-1:2 4 5 3 5 4 6 3 2 4;} @font-face {font-family:SPLiteraturuly;} @font-face {font-family:SPAcademi;} @font-face {font-family:"SPLiteraturuly MT";} @font-face {font-family:SPGrotesk;} @font-face {font-family:Geo_dumM;} /* Style Definitions */ p.MsoNormal, li.MsoNormal, div.MsoNormal {margin:0in; margin-bottom:.0001pt; font-size:12.0pt; font-family:"Times New Roman","serif";} h1 {margin-top:.25in; margin-right:0in; margin-bottom:6.0pt; margin-left:0in; text-align:center; page-break-after:avoid; font-size:12.0pt; font-family:"SPLiteraturuly MT"; layout-grid-mode:line;} h2 {margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; line-height:12.0pt; page-break-after:avoid; font-size:10.0pt; font-family:SPLiteraturuly; letter-spacing:2.75pt; font-weight:normal;} h3 {margin:0in; margin-bottom:.0001pt; text-align:center; line-height:12.0pt; page-break-after:avoid; font-size:10.0pt; font-family:"SPLiteraturuly MT"; letter-spacing:2.5pt;} h6 {margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; page-break-after:avoid; font-size:10.0pt; font-family:SPLiteraturuly;} p.MsoToc1, li.MsoToc1, div.MsoToc1 {margin:0in; margin-bottom:.0001pt; text-align:justify; font-size:12.0pt; font-family:SPLiteraturuly;} p.MsoToc2, li.MsoToc2, div.MsoToc2 {margin-top:0in; margin-right:0in; margin-bottom:0in; margin-left:12.0pt; margin-bottom:.0001pt; text-align:justify; font-size:12.0pt; font-family:SPLiteraturuly;} p.MsoToc3, li.MsoToc3, div.MsoToc3 {margin-top:0in; margin-right:0in; margin-bottom:0in; margin-left:24.0pt; margin-bottom:.0001pt; text-align:justify; font-size:12.0pt; font-family:SPLiteraturuly;} p.MsoToc4, li.MsoToc4, div.MsoToc4 {margin-top:0in; margin-right:0in; margin-bottom:12.0pt; margin-left:.5in; text-align:center; font-size:12.0pt; font-family:"SPLiteraturuly MT"; letter-spacing:5.0pt; font-weight:bold;} p.MsoFootnoteText, li.MsoFootnoteText, div.MsoFootnoteText {margin:0in; margin-bottom:.0001pt; text-align:justify; font-size:12.0pt; font-family:SPLiteraturuly;} p.MsoHeader, li.MsoHeader, div.MsoHeader {margin:0in; margin-bottom:.0001pt; font-size:12.0pt; font-family:"Times New Roman","serif";} p.MsoFooter, li.MsoFooter, div.MsoFooter {margin:0in; margin-bottom:.0001pt; font-size:12.0pt; font-family:"Times New Roman","serif";} span.MsoFootnoteReference {vertical-align:super;} p.MsoTitle, li.MsoTitle, div.MsoTitle {margin-top:300.0pt; margin-right:0in; margin-bottom:3.0pt; margin-left:0in; text-align:center; font-size:16.0pt; font-family:"SPGrotesk","sans-serif"; letter-spacing:3.0pt; font-weight:bold;} p.MsoBodyText, li.MsoBodyText, div.MsoBodyText {margin:0in; margin-bottom:.0001pt; text-align:justify; font-size:14.0pt; font-family:SPAcademi;} p.MsoBodyText2, li.MsoBodyText2, div.MsoBodyText2 {margin:0in; margin-bottom:.0001pt; text-align:justify; line-height:12.0pt; font-size:12.0pt; font-family:"Times New Roman","serif";} p.MsoPlainText, li.MsoPlainText, div.MsoPlainText {margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; page-break-before:always; font-size:10.0pt; font-family:SPLiteraturuly; font-style:italic;} p.MsoAutoSig, li.MsoAutoSig, div.MsoAutoSig {margin:0in; margin-bottom:.0001pt; font-size:12.0pt; font-family:"Times New Roman","serif";} p.parlamdrst, li.parlamdrst, div.parlamdrst {mso-style-name:parlamdrst; margin:0in; margin-bottom:.0001pt; text-align:justify; text-indent:14.2pt; font-size:11.0pt; font-family:SPLiteraturuly;} p.chveulebrivi, li.chveulebrivi, div.chveulebrivi {mso-style-name:chveulebrivi; margin:0in; margin-bottom:.0001pt; text-align:justify; text-indent:14.2pt; font-size:10.0pt; font-family:SPLiteraturuly; layout-grid-mode:line;} p.data, li.data, div.data {mso-style-name:data; margin:0in; margin-bottom:.0001pt; text-align:justify; font-size:10.0pt; font-family:SPLiteraturuly; layout-grid-mode:line; font-style:italic;} p.petiti, li.petiti, div.petiti {mso-style-name:petiti; margin-top:6.0pt; margin-right:0in; margin-bottom:0in; margin-left:14.2pt; margin-bottom:.0001pt; text-align:justify; font-size:8.5pt; font-family:SPLiteraturuly; layout-grid-mode:line; font-style:italic;} p.prezident, li.prezident, div.prezident {mso-style-name:prezident; margin:0in; margin-bottom:.0001pt; text-align:justify; font-size:10.0pt; font-family:SPLiteraturuly; layout-grid-mode:line;} p.kanoni, li.kanoni, div.kanoni {mso-style-name:kanoni; margin-top:.25in; margin-right:0in; margin-bottom:6.0pt; margin-left:0in; text-align:center; font-size:12.0pt; font-family:"Geo_dumM","serif"; letter-spacing:3.0pt; font-weight:bold;} p.kitxva, li.kitxva, div.kitxva {mso-style-name:kitxva; margin-top:0in; margin-right:0in; margin-bottom:5.65pt; margin-left:0in; text-align:justify; text-indent:14.2pt; text-autospace:none; font-size:12.0pt; font-family:SPLiteraturuly; font-weight:bold;} p.pasuxi, li.pasuxi, div.pasuxi {mso-style-name:pasuxi; margin-top:0in; margin-right:0in; margin-bottom:0in; margin-left:56.7pt; margin-bottom:.0001pt; text-align:justify; text-indent:-28.35pt; text-autospace:none; font-size:12.0pt; font-family:SPLiteraturuly;} p.Style1, li.Style1, div.Style1 {mso-style-name:Style1; margin-top:26.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-autospace:none; font-size:10.0pt; font-family:"SPLiteraturuly MT"; font-weight:bold;} p.chveulebrivi-wigni, li.chveulebrivi-wigni, div.chveulebrivi-wigni {mso-style-name:chveulebrivi-wigni; margin:0in; margin-bottom:.0001pt; text-align:justify; text-indent:22.7pt; text-autospace:none; font-size:10.0pt; font-family:SPLiteraturuly;} p.abzacixml, li.abzacixml, div.abzacixml {mso-style-name:abzaci_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.sulcvlilebaxml, li.sulcvlilebaxml, div.sulcvlilebaxml {mso-style-name:sul_cvlileba_xml; margin:0in; margin-bottom:.0001pt; text-indent:14.15pt; font-size:11.0pt; font-family:"Sylfaen","serif"; font-weight:bold;} p.zogadinacilixml, li.zogadinacilixml, div.zogadinacilixml {mso-style-name:zogadi_nacili_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; line-height:12.0pt; page-break-after:avoid; font-size:11.0pt; font-family:"Sylfaen","serif"; font-weight:bold;} p.gansakutrebulinacilixml, li.gansakutrebulinacilixml, div.gansakutrebulinacilixml {mso-style-name:gansakutrebuli_nacili_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; page-break-after:avoid; font-size:11.0pt; font-family:"Sylfaen","serif"; font-weight:bold;} p.sataurixml, li.sataurixml, div.sataurixml {mso-style-name:satauri_xml; margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.15pt; font-size:12.0pt; font-family:"Sylfaen","serif"; font-weight:bold;} p.tarigixml, li.tarigixml, div.tarigixml {mso-style-name:tarigi_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.satauri2, li.satauri2, div.satauri2 {mso-style-name:satauri2; margin:0in; margin-bottom:.0001pt; text-align:center; font-size:11.0pt; font-family:"Sylfaen","serif"; font-weight:bold;} p.danartixml, li.danartixml, div.danartixml {mso-style-name:danarti_xml; margin-top:6.0pt; margin-right:0in; margin-bottom:6.0pt; margin-left:0in; text-align:right; text-indent:14.2pt; font-size:10.0pt; font-family:"Sylfaen","serif"; font-weight:bold; font-style:italic;} p.khelmoceraxml, li.khelmoceraxml, div.khelmoceraxml {mso-style-name:khelmocera_xml; margin-top:6.0pt; margin-right:0in; margin-bottom:6.0pt; margin-left:0in; text-indent:14.15pt; font-size:11.0pt; font-family:"Sylfaen","serif"; font-weight:bold;} p.ckhrilixml, li.ckhrilixml, div.ckhrilixml {mso-style-name:ckhrili_xml; margin:0in; margin-bottom:.0001pt; font-size:9.0pt; font-family:"Sylfaen","serif";} p.mimgebixml, li.mimgebixml, div.mimgebixml {mso-style-name:mimgebi_xml; margin:0in; margin-bottom:.0001pt; text-align:center; text-indent:14.2pt; font-size:14.0pt; font-family:"Sylfaen","serif"; font-weight:bold;} p.saxexml, li.saxexml, div.saxexml {mso-style-name:saxe_xml; margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:14.15pt; font-size:11.0pt; font-family:"Sylfaen","serif"; font-weight:bold;} p.adgilixml, li.adgilixml, div.adgilixml {mso-style-name:adgili_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.kodixml, li.kodixml, div.kodixml {mso-style-name:kodi_xml; margin-top:0in; margin-right:0in; margin-bottom:12.0pt; margin-left:255.1pt; text-align:right; page-break-after:avoid; font-size:10.0pt; font-family:"Sylfaen","serif";} p.muxlixml, li.muxlixml, div.muxlixml {mso-style-name:muxli_xml; margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-family:"Sylfaen","serif"; font-weight:bold;} p.tavixml, li.tavixml, div.tavixml {mso-style-name:tavi_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; font-size:11.0pt; font-family:"Sylfaen","serif"; font-weight:bold;} p.tavisataurixml, li.tavisataurixml, div.tavisataurixml {mso-style-name:tavi_satauri_xml; margin-top:0in; margin-right:0in; margin-bottom:12.0pt; margin-left:0in; text-align:center; font-size:11.0pt; font-family:"Sylfaen","serif"; font-weight:bold;} /* Page Definitions */ @page Section1 {size:8.5in 11.0in; margin:1.0in 1.25in 1.0in 1.25in;} div.Section1 {page:Section1;} /* List Definitions */ ol {margin-bottom:0in;} ul {margin-bottom:0in;} სახელმწიფო  სარეგისტრაციო კოდი 040.030.000.22.022.009.557 საქართველოს განათლებისა და მეცნიერების მინისტრის ბრძანება №929 2006 წლის 13 ნოემბერი ქ. თბილისი საჯარო სკოლის დირექტორის შესარჩევი კონკურსის გამართვის წესის დამტკიცების თაობაზე „ზოგადი განათლების შესახებ“ საქართველოს კანონის 26-ე მუხლის პირველი პუნქტის „შ“ ქვეპუნქტის, „საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილებით დამტკიცებული დებულების მე-3 მუხლის მე-2 პუნქტის „მ“ ქვეპუნქტის საფუძველზე, ვბრძანებ: 1. დამტკიცდეს ამ ბრძანების №1 დანართში მოყვანილი საჯარო სკოლის დირექტორის შესარჩევი კონკურსის წესი. 2. დამტკიცდეს ამ ბრძანების №2 დანართში მოყვანილი ნორმატიული აქტების ნუსხა, რომელთა ცოდნა აუცილებელია საჯარო სკოლის დირექტორებისათვის. 3.  ეს ბრძანება ძალაში შევიდეს გამოქვეყნებისთანავე. ა. ლომაია დანართი №1 საჯარო სკოლის დირექტორის შესარჩევი კონკურსის გამართვის წესი თავი I ზოგადი დებულებანი     მუხლი 1🔗. წესის რეგულირების სფერო ეს წესი განსაზღვრავს საჯარო სკოლებში დირექტორობის კანდიდატების შესარჩევი კონკურსის გამართვის წესს, რომლის გავლის შემდეგაც შერჩეული დირექტორობის კანდიდატები ასარჩევად წარედგინება საჯარო სკოლების სამეურვეო საბჭოებს.     მუხლი 2🔗. ტერმინთა განმარტება წინამდებარე წესში მოყვანილ ტერმინებს აქვს შემდეგი მნიშვნელობა: ა) გამოცდის ადმინისტრატორი (შემდგომში – ადმინისტრატორი) – საგამოცდო ცენტრში დირექტორობის კანდიდატების შერჩევის პროცესში ორგანიზებული ტესტირების ჩატარებაზე პასუხისმგებელი პირი; ბ) გამოცდის ადმინისტრატორის თანაშემწე (შემდგომში – ადმინისტრატორის თანაშემწე) – პირი, რომელიც ახორციელებს საგამოცდო ცენტრში კონკურსანტთა რეგისტრაციას და თვალყურს ადევნებს საგამოცდო ცენტრში ტესტირების პროცესის მიმდინარეობას; გ) გამსწორებელი – საჯარო სამართლის იურიდიული პირის – ეროვნული გამოცდების ცენტრის (შემდგომში – ეროვნული გამოცდების ცენტრის) მიერ ხელშეკრულების საფუძველზე მოწვეული სპეციალისტი, რომელმაც გაიარა შესაბამისი სწავლება და უფლებამოსილია შეაფასოს კონკურსანტის მიერ შესრულებული ტესტური ნაშრომი; დ) დამკვირვებელი – საზოგადოების წარმომადგენელი, რომელსაც ეროვნული გამოცდების ცენტრმა მიანიჭა დამკვირვებლის სტატუსი; ე) დაშიფვრის ინდივიდუალური შტრიხკოდი – ვერტიკალური ხაზების საშუალებით კოდირებული რიცხვი, რომელიც არ აღიქმება ვიზუალურად და მისი გაშიფრვა შესაძლებელია მხოლოდ სპეციალური მოწყობილობის გამოყენებით; ვ) დირექტორობის კანდიდატი – კონკურსანტი, რომელიც წინამდებარე წესის შესაბამისად გაივლის ტესტირებას, გასაუბრებას და შერჩეულ იქნება საქართველოს განათლებისა და მეცნიერების მინისტრის (შემდგომში – მინისტრის) მიერ კონკრეტულ საკონკურსო ტერიტორიულ ერთეულში განთავსებული საჯარო სკოლის დირექტორობის კანდიდატად; ზ) კონკურსანტი – პირი, რომელიც დარეგისტრირდა საგანმანათლებლო რესურსცენტრში ერთ საკონკურსო ტერიტორიულ ერთეულში განთავსებული საჯარო სკოლების დირექტორობის კანდიდატების შესარჩევ კონკურსში მონაწილეობის მისაღებად; თ) კონკურსი – საქართველოს საჯარო სკოლის დირექტორობის კანდიდატის შესარჩევი პროცედურა, რომლის შედეგადაც შერჩეული დირექტორობის კანდიდატი ასარჩევად წარედგინება შესაბამისი საკონკურსო ტერიტორიული ერთეულის საჯარო სკოლის სამეურვეო საბჭოს; ი) საგამოცდო სექტორის მეთვალყურე (შემდგომში – მეთვალყურე) – ეროვნული გამოცდების ცენტრის მიერ ხელშეკრულების საფუძველზე დაქირავებული პირი, რომელიც საგამოცდო სექტორის ფარგლებში მეთვალყურეობას უწევს ტესტირების ჩატარების პროცესს; კ) საგამოცდო ცენტრი – ტესტირების ჩატარების მიზნით ეროვნული გამოცდების ცენტრის მიერ სპეციალურად მოწყობილი და აღჭურვილი განცალკევებული შენობა ან მისი ნაწილი; ლ) საგამოცდო სექტორი – საგამოცდო ცენტრის დანაყოფი, სადაც კონკურსანტები განთავსდებიან ტესტირების მიმდინარეობისას; მ) მინიმალური კომპეტენციის ზღვარი – ტესტირების თითოეული ნაწილისათვის დადგენილ ქულათა მინიმალური ოდენობა, რომლის გადალახვაც კონკურსანტისათვის აუცილებელია რანჟირების დოკუმენტში მოსახვედრად და გასაუბრებაზე გასვლის შესაძლებლობის მოსაპოვებლად; ნ) საკონკურსო ქულა – კონკურსანტის მიერ ტესტირების ნაწილების მიხედვით მოპოვებული სკალირებული ქულების ჯამი; ო) რანჟირება საკონკურსო ქულით – წინამდებარე წესის შესაბამისად, კონკურსანტის მიერ ტესტირების თითოეულ ნაწილში მიღებული ქულების მიხედვით დადგენილი ჩამონათვალი, რომლითაც ირკვევა, თუ რომელმა კონკურსანტმა გადალახა ტესტირების თითოეული ნაწილისათვის მინიმალური კომპეტენციის ზღვარი და რომელ კონკურსანტს შეიძლება მიეცეს კონკურსის გასაუბრების ეტაპზე გასვლის შესაძლებლობა; პ) საგამოცდო-საიდენტიფიკაციო ბარათი – ეროვნული გამოცდების ცენტრის მიერ გაცემული მოწმობა, რომლის საფუძველზეც კონკურსანტი დაიშვება ტესტირებასა და გასაუბრებაზე; ჟ) საგამოცდო ტესტი – გამოცდების ეროვნული ცენტრის მიერ შედგენილი ტესტურ დავალებათა რვეული და პასუხების ფურცელი; რ) საგანმანათლებლო რესურსცენტრი (შემდგომში – რესურსცენტრი) – საქართველოს განათლებისა და მეცნიერების სამინისტროს ტერიტორიული ორგანო; ს) საკონკურსო ტერიტორიული ერთეული – მინისტრის ინდივიდუალური ადმინისტრაციულ-სამართლებრივი აქტით განსაზღვრული კონკრეტული ადგილმდებარეობის მიხედვით შერჩეული საჯარო სკოლების ჩამონათვალი, რომელზეც ცხადდება კონკურსი; ტ) სკალირებული ქულა – კონკურსანტის მიერ ტესტირების თითოეულ ნაწილში მიღებული ქულა, ტესტის ფსიქომეტრული პარამეტრების მიხედვით განთავსებული ერთ საერთო სტანდარტულ სკალაზე; უ) ტესტირება – კონკურსის მეორე ეტაპი, რომლის შედეგების შესაბამისად ხორციელდება რანჟირება საკონკურსო ქულით და დგება იმ კონკურსანტების ჩამონათვალი, რომელთაც შესაძლებელია მიეცეთ კონკურსის მესამე ეტაპზე – გასაუბრებაზე გასვლის შესაძლებლობა; ფ) საინფორმაციო-ტექნოლოგიური ჯგუფი – ეროვნული გამოცდების ცენტრის სტრუქტურული ერთეული, რომელიც პასუხისმგებელია საგამოცდო პროცესის პროგრამულ უზრუნველყოფაზე. თავი II დირექტორობის კანდიდატთა შესარჩევი კონკურსის მიზნები, ამოცანები და შედეგები     მუხლი 3🔗. დირექტორობის კანდიდატთა შესარჩევი კონკურსის მიზნები და ამოცანები 1. დირექტორობის კანდიდატთა შესარჩევი კონკურსი მიზნად ისახავს საჯარო სკოლის მართვისათვის აუცილებელი ცოდნისა და უნარ-ჩვევების მქონე კონკურსანტების გამოვლენას და მათ წარდგენას საჯარო სკოლის სამეურვეო საბჭოსათვის ასარჩევად. 2. დირექტორობის კანდიდატთა შესარჩევი კონკურსის მიზანია უზრუნველყოს, საჯარო სკოლის დირექტორობის კანდიდატად სამეურვეო საბჭოს წარედგენოს იმ პირის კანდიდატურა, რომელსაც: ა) გააზრებული აქვს ზოგადი განათლების ეროვნული მიზნები, ეროვნული სასწავლო გეგმით გათვალისწინებული სწავლისა და სწავლების ძირითადი პრინციპები; ბ) აქვს სკოლის მართვისათვის, მათ შორის პროექტების, ადამიანური, ფინანსური და მატერიალური რესურსების მართვისათვის აუცილებელი უნარ-ჩვევები; გ) აქვს ზოგადი განათლების, საჯარო სამართლის და შრომის სფეროში მოქმედი საქართველოს კანონმდებლობის ცოდნა; დ) გააზრებული აქვს პროფესიული ეთიკის ნორმები და მოქმედებს საყოველთაოდ აღიარებული და საქართველოს კანონმდებლობით განსაზღვრული ადამიანის უფლებების დაცვის პრინციპებზე დაყრდნობით.     მუხლი 4🔗. კონკურსის შედეგები 1. კონკურსის შედეგად შეირჩევა საჯარო სკოლის დირექტორობის კანდიდატები მათ მიერ მითითებული საკონკურსო ტერიტორიული ერთეულების მიხედვით. 2. მინისტრი დირექტორობის კანდიდატებს ინდივიდუალური ადმინისტრაციულ-სამართლებრივი აქტით წარუდგენს იმ საჯარო სკოლის სამეურვეო საბჭოს, რომელიც განთავსებულია კონკურსანტის მიერ სარეგისტრაციო განაცხადში მითითებულ საკონკურსო ტერიტორიულ ერთეულში. თავი III კონკურსი     მუხლი 5🔗. კონკურსის ეტაპები და მათი სამართლებრივი შედეგები 1. კონკურსი შედგება შემდეგი ეტაპებისაგან: ა) საბუთების გადარჩევა; ბ) ტესტირება; გ) გასაუბრება; დ) კანდიდატების საჯარო სკოლაში წარსადგენად განაწილება. 2. საბუთების გადარჩევის შედეგად განისაზღვრება იმ პირთა ნუსხა, რომელთა მიერ წარდგენილი სარეგისტრაციო დოკუმენტაცია სრულყოფილია და შეესაბამება დირექტორობის კანდიდატისთვის წაყენებულ საკვალიფიკაციო მოთხოვნებს და რომლებიც დაიშვებიან ტესტირებაზე. 3. ტესტირების შედეგად განისაზღვრება იმ კონკურსანტების რეიტინგული ჩამონათვალი, რომლებმაც გასაუბრების ეტაპის წარმატებით გადალახვის შემთხვევაში მათ მიერ მითითებული საკონკურსო ტერიტორიული ერთეულის საჯარო სკოლების სამეურვეო საბჭოსთვის წარდგენის უპირატესი უფლება მოიპოვეს. 4. გასაუბრებისას ხდება ტესტირების შედეგად მიღებული უმაღლესი საკონკურსო ქულების მქონე კონკურსანტთა შესაბამისობის ან შეუსაბამობის დადგენა დირექტორისათვის ამ წესის მე-3 მუხლის მე-2 პუნქტით წაყენებულ მოთხოვნებთან, რის შედეგადაც შეიძლება მიღებულ იქნეს გადაწყვეტილება კონკურსანტის მინისტრისათვის წარდგენის ან წარდგენაზე უარის შესახებ. საჯარო სკოლის სამეურვეო საბჭოს მიერ ასარჩევად დირექტორების კანდიდატურების წარდგენა ხორციელდება ტესტირების შედეგად დადგენილი კონკურსანტების რეიტინგული ჩამონათვალის სავალდებულო გათვალისწინებით.     მუხლი 6🔗. კონკურსის ჩატარებაზე პასუხისმგებელი ორგანოები 1. დირექტორობის კანდიდატთა შესარჩევი კონკურსის ჩატარებას უზრუნველყოფს საქართველოს განათლებისა და მეცნიერების სამინისტრო. 2. კონურსანტების რეგისტრაციას და მათ მიერ წარდგენილი საბუთების გადარჩევას უზრუნველყოფს რესურსცენტრი. კონკურსანტების რეგისტრაცია ხორციელდება ეროვნული გამოცდების ცენტრის წარდგინებით საქართველოს განათლებისა და მეცნიერების სამინისტროს მიერ დადგენილი განაცხადის ფორმების მიხედვით. 3. კონკურსანტების ტესტირებას უზრუნველყოფს ეროვნული გამოცდების ცენტრი. 4. კონკურსანტებთან გასაუბრებას უზრუნველყოფს თითოეულ საკონკურსო ტერიტორიულ ერთეულში მინისტრის მიერ შექმნილი კომისია.     მუხლი 7🔗. დირექტორობის კანდიდატის საკვალიფიკაციო მოთხოვნები დირექტორობის კანდიდატი შეიძლება იყოს საქართველოს მოქალაქე, რომელსაც აქვს უმაღლესი განათლება, 3 წლის მუშაობის სტაჟი და არ მიუღწევია 65 წლის ასაკისათვის.     მუხლი 8🔗. ვადები კონკურსანტების რეგისტრაციისა და კონკურსის თითოეული ეტაპის ჩატარების ვადები განისაზღვრება მინისტრის ინდივიდუალური ადმინისტრაციულ-სამართლებრივი აქტით. მინისტრის ინდივიდუალური ადმინისტრაციულ-სამართლებრივი აქტი ცხადდება საჯაროდ საქართველოს ზოგადი ადმინისტრაციული კოდექსით დადგენილი წესით.     მუხლი 9🔗. კონკურსის ენობრივი თავისებურებები 1. საბუთების წარდგენა, ტესტირება და გასაუბრება ხორციელდება ქართულ ენაზე, გარდა ამ მუხლით დადგენილი შემთხვევებისა. 2. კონკურსანტები უფლებამოსილნი არიან ჩააბარონ ამ წესის მე-13 მუხლის „ა.ა“ ქვეპუნქტით გათვალისწინებული ტესტირების ნაწილი ქართულ ან რუსულ ენაზე. 3. პირები, რომლებიც სარეგისტრაციო განაცხადში მიუთითებენ იმ საკონკურსო ტერიტორიულ ერთეულს, სადაც განთავსებულია არაქართულენოვანი სკოლები, უფლებამოსილნი არიან ტესტირება გაიარონ რუსულ ენაზე, გარდა ამ წესის მე-13 მუხლის „ბ.ა“ ქვეპუნქტით გათვალისწინებული ტესტირების ნაწილისა. თავი IV კონკურსანტების რეგისტრაცია     მუხლი 10🔗. საკონკურსო ტერიტორიული ერთეული 1. საქართველოს ტერიტორიაზე კონკურსი ცხადდება და ტარდება საკონკურსო ტერიტორიული ერთეულების მიხედვით. საკონკურსო ტერიტორიული ერთეულები განისაზღვრება მინისტრის ინდივიდუალური ადმინისტრაციულ-სამართლებრივი აქტით, რომელშიც მიეთითება ამ ერთეულში განთავსებული ყველა ის საჯარო სკოლა, რომლის დირექტორობის კანდიდატების შერჩევა უნდა მოხდეს კონკურსის მეშვეობით. ამავე აქტით განისაზღვრება კონკრეტული რესურსცენტრები, რომლებიც მიიღებენ კონკურსანტების განცხადებებს. 2. კონკურსანტს უფლება აქვს კონკურსში მონაწილეობა მიიღოს მხოლოდ ერთ საკონკურსო ტერიტორიულ ერთეულში. 3. კონკურსანტი, ამ წესის შესაბამისად, კონკურსის ყველა ეტაპის წარმატებით გავლის შემთხვევაში, შეიძლება წარდგენილ იქნეს მის მიერ სარეგისტრაციო განაცხადში მითითებულ საკონკურსო ტერიტორიულ ერთეულში განთავსებულ ნებისმიერ საჯარო სკოლაში.     მუხლი 11🔗. მონაცემთა ელექტრონული ბაზა 1. კონკურსის ჩატარების მიზნით ეროვნული გამოცდების ცენტრი, რესურსცენტრებიდან წარდგენილი დოკუმენტაციის საფუძველზე, ქმნის მონაცემთა ელექტრონულ ბაზას, რომელშიც შეიყვანება: ა) საქართველოს ტერიტორიაზე არსებული საკონკურსო ტერიტორიული ერთეულები შესაბამისი საჯარო სკოლების მითითებით; ბ) კონკურსანტების მონაცემები საკონკურსო ტერიტორიული ერთეულების მიხედვით. 2. ეროვნული გამოცდების ცენტრისათვის გადაგზავნილი ინფორმაციისა და დოკუმენტაციის სისრულეზე პასუხისმგებელია შესაბამისი რესურსცენტრი.     მუხლი 12🔗. კონკურსანტების რეგისტრაცია რესურსცენტრში 1. კონკურსანტად რეგისტრაციის მსურველმა წინამდებარე წესის მე-10 მუხლის პირველი პუნქტით განსაზღვრულ ნებისმიერ რესურსცენტრში უნდა წარადგინოს: ა) სარეგისტრაციო განაცხადი საქართველოს განათლებისა და მეცნიერების სამინისტროს მიერ დადგენილი ფორმის შესაბამისად, რომელშიც გარდა „საქართველოს ზოგადი ადმინისტრაციული კოდექსის“ 78-ე მუხლით განსაზღვრული მონაცემებისა, უნდა მიეთითოს მხოლოდ ერთი საკონკურსო ტერიტორიული ერთეული, რომლის ტერიტორიაზე განთავსებულ საჯარო სკოლებშიც სურს კონკურსანტს განხილულ იქნეს მისი კანდიდატურა, ინფორმაცია კონკურსანტის განათლების, სამუშაო გამოცდილების, კონკურსის ენობრივი თავისებურებების გამოყენებისა და კომპიუტერული პროგრამების ცოდნის თაობაზე; ბ) საქართველოს მოქალაქის პირადობის მოწმობის ასლი; გ) უმაღლესი განათლების დამადასტურებელი დოკუმენტის ასლი; დ) სამოტივაციო წერილი არა უმეტეს A4-ის ფორმატის ერთი გვერდის მოცულობით; ე) ცნობა ნასამართლობის შესახებ; ვ) ორი ფოტოსურათი (3X4-ზე); ზ) სარეგისტაციო საფასურის გადახდის დამადასტურებული ქვითარი. 2. კონკურსანტი პასუხისმგებელია რესურსცენტრში ამ მუხლის პირველი პუნქტის თანახმად წარდგენილი ინფორმაციის სიზუსტესა და უტყუარობაზე. ამ მუხლის პირველი პუნქტით განსაზღვრული ინფორმაციის არასწორად მითითების შემთხვევაში, კონკურსანტი შეიძლება მოხსნილ იქნეს კონკურსიდან კონკურსის ნებისმიერ ეტაპზე. თავი V ტესტირება     მუხლი 13🔗. ტესტირების ეტაპები 1. ტესტირება შედგება 2 ეტაპისაგან: ა) I ეტაპის დანიშნულებაა შემოწმდეს ვერბალური და რაოდენობრივი ინფორმაციის აღქმისა და ანალიზის, ლოგიკური აზროვნებისა და კომუნიკაციური უნარები, რაც აუცილებელია ზოგადი განათლების სფეროში პროექტების, ადამიანური, ფინანსური და მატერიალური რესურსების მართვისათვის. I ეტაპი მოიცავს შემდეგ 2 ნაწილს: ა.ა) ზოგადი უნარები; ა.ბ) პროფესიული უნარები; ბ) II ეტაპი მიზნად ისახავს ქართულ ენაზე ოფიციალური კორესპონდენციის წარმოების უნარისა და კანონმდებლობის ცოდნის შემოწმებას. II ეტაპი მოიცავს შემდეგ 2 ნაწილს: ბ.ა) ქართულ ენაზე ფუნქციური წერის უნარ-ჩვევები; ბ.ბ) ზოგადი განათლების, საჯარო სამართლის და შრომის სფეროში მოქმედი, საჯარო სკოლის დირექტორისათვის აუცილებელი საქართველოს კანონმდებლობის ცოდნა მინისტრის მიერ დამტკიცებული ნუსხის შესაბამისად. 2. ეროვნული გამოცდების ცენტრი ტესტირებამდე არა უგვიანეს 2 კვირით ადრე უზრუნველყოფს ტესტების ნიმუშების გამოქვეყნებას.     მუხლი 14🔗. მინიმალური კომპეტენციის ზღვარი 1. მინიმალური კომპეტენციის ზღვარი განისაზღვრება ტესტირების (ტესტური დავალებების) თითოეული ნაწილისათვის ცალ-ცალკე და ფორმდება მინისტრის ინდივიდუალური ადმინისტრაციულ-სამართლებრივი აქტით ეროვნული გამოცდების ცენტრის დირექტორის წარდგინებით, რომელიც ქვეყნდება საქართველოს ზოგადი ადმინისტრაციული კოდექსით დადგენილი წესის შესაბამისად და განთავსდება ეროვნული გამოცდების ცენტრის ოფიციალურ ვებ-გვერდზე ტესტირებამდე არა უგვიანეს 2 კვირით ადრე ამ წესის მე-13 მუხლის მე-2 პუნქტით განსაზღვრულ ტესტების ნიმუშებთან ერთად. 2. კონკურსანტი, რომელიც ვერ გადალახავს მინიმალურ კომპეტენციის ზღვარს, არ დაიშვება კონკურსის შემდეგ ეტაპზე.     მუხლი 15🔗. ტესტირების მიმდინარეობა 1. კონკურსანტების ტესტირება ჩატარდება მინისტრის ინდივიდუალური ადმინისტრაციულ-სამართლებრივი აქტით დამტკიცებული განრიგის შესაბამისად საგამოცდო ცენტრებში, რომლებიც განლაგებულია საჯარო სამართლის იურიდიულ პირ – საგანმანათლებლო დაწესებულებებში საკონკურსო ტერიტორიული ერთეულების მიხედვით. 2. იმ საგამოცდო ცენტრში, რომელიც სარეგისტრაციო განაცხადშია მითითებული, კონკურსანტი უნდა გამოცხადდეს ტესტირების დაწყებამდე ერთი საათით ადრე და გაიაროს რეგისტრაცია. 3. საგამოცდო ცენტრში რეგისტრაციის გასავლელად კონკურსანტი ვალდებულია წარადგინოს: ა) საგამოცდო-საიდენტიფიკაციო ბარათი; ბ) პირადობის დამადასტურებელი მოწმობა. 4. რეგისტრაციის შემდეგ კონკურსანტი განთავსებულ იქნება შესაბამის საგამოცდო სექტორში მისთვის განკუთვნილ სამუშაო მაგიდასთან. 5. გამოცდების დაწყებამდე კონკურსანტების თვალწინ იხსნება საგამოცდო ტესტურ დავალებათა რვეულებისა და პასუხების ფურცლების დალუქული შეკვრა. 6. მუშაობის დაწყებამდე კონკურსანტი უნდა დარწმუნდეს, რომ მისთვის გადაცემული საგამოცდო ტესტურ დავალებათა რვეული და პასუხების ფურცელი არ არის დაზიანებული, რასაც იგი ადასტურებს საგამოცდო სექტორის უწყისში ხელმოწერით. 7. ტესტირების დაწყებამდე კონკურსანტებს მოკლედ გააცნობენ გამოცდების ჩატარებისა და საგამოცდო ტესტურ დავალებათა რვეულის გამოყენებისა და პასუხების ფურცლის შევსების წესებს, მის უფლება-მოვალეობებს, რის შემდეგაც დაიწყება საგამოცდო დროის ათვლა. სამუშაო დრო გამოცდის თითოეული ნაწილისათვის განსხვავებულია და მითითებულია საგამოცდო ტესტურ დავალებათა რვეულში. მეთვალყურე უზრუნველყოფს, რომ დროის ათვლამდე კონკურსანტებს არ ჰქონდეთ მუშაობის დაწყების საშუალება. 8. კონკურსანტთა პასუხების ფურცლის ანონიმურობის უზრუნველსაყოფად, ტესტირების დაწყებამდე, ეროვნული გამოცდების ცენტრის მიერ დადგენილი სახელმძღვანელო პრინციპების შესაბამისად, ხდება მათი დაშიფვრა ინდივიდუალური შტრიხკოდით. 9. კონკურსანტი ვალდებულია: ა) დაუგვიანებლად გამოცხადდეს ტესტირებაზე – ტესტირების დროის ათვლის დაწყების (რეგისტრაციის დამთავრების) შემდეგ კონკურსანტი ტესტირებაზე არ დაიშვება; ბ) თან იქონიოს: ბ.ა) ბურთულიანი ავტოკალამი (შავი, ლურჯი ან იისფერი); ბ.ბ) საგამოცდო–საიდენტიფიკაციო ბარათი; ბ.გ) პირადობის დამადასტურებელი მოწმობა. გ) ტესტირების (სამუშაოს) დამთავრების შემდეგ საგამოცდო ტესტის ჩაბარებისას ხელი მოაწეროს სპეციალურ უწყისში; დ) შეასრულოს ამ წესით გათვალისწინებული სხვა ვალდებულებანი და მეთვალყურის ცალკეული მითითებანი. 10. ტესტირების მსვლელობისას კონკურსანტს ეკრძალება: ა) მობილური ტელეფონის, პეიჯერის ან სხვა ელექტრონული აპარატურის ქონა; ბ) ტესტირებაზე დამხმარე მასალის – სახელმძღვანელოების, ჩანაწერების, ფურცლების და სხვათა გამოყენება; გ) პასუხების ფურცლის შესავსებად განსხვავებული ფერის (წითელი, მწვანე,...) მელნის გამოყენება, აგრეთვე, პასუხების ფურცელზე მაიდენტიფიცირებელი ნიშნის (სახელი, ნომერი, მისამართი და სხვა) ან რაიმე სახის ისეთი გრაფიკული გამოსახულების (ფიგურა, წარწერა და ა.შ.) დატანა, რომელიც დაკავშირებული არ არის ტესტურ დავალებასთან; დ) გადალაპარაკება, დახმარების გაწევა ან მიღება რაიმე ფორმით, სხვა კონკურსანტებისათვის რაიმე ფორმით ხელის შეშლა; ე) სამუშაო ადგილის უნებართვოდ დატოვება. სამუშაო ადგილის დატოვება შესაძლებელია მხოლოდ თანმხლებ პირთან ერთად. 11. ამ მუხლის მე-10 პუნქტით გათვალისწინებული მოთხოვნების დარღვევის შემთხვევაში კონკურსანტს მიეცემა გაფრთხილება, რაც ფორმდება ეროვნული გამოცდების ცენტრის დირექტორის ინდივიდუალური ადმინისტრაციულ-სამართლებრივი აქტით დამტკიცებული ფორმის ოქმით. იმ შემთხვევაში, თუ კონკურსანტი შემჩნეული იქნება ამ მუხლის მე-10 პუნქტის „გ“ ქვეპუნქტით გათვალისწინებული მოქმედების ჩადენაში, გაფრთხილების მიცემასთან ერთად მას ჩამოერთმევა პასუხების ფურცელი, რომლის ნაცვლადაც გადაეცემა სარეზერვო პასუხების ფურცელი. პასუხების ფურცელი, რომლის შევსებისას გამოყენებულ იქნება განსხვავებული ფერის მელანი ან რომელიც შეიცავს მაიდენტიფიცირებელ ნიშანს ან რაიმე სახის გამოსახულებას (რომელიც დაკავშირებული არ არის ტესტურ დავალებასთან) არ გასწორდება. დარღვევის განმეორების შემთხვევაში ფორმდება ეროვნული გამოცდების ცენტრის დირექტორის ინდივიდუალური ადმინისტრაციულ-სამართლებრივი აქტით დამტკიცებული ფორმის ოქმი კონკურსანტის ტესტირებიდან მოხსნის შესახებ. ზემოაღნიშნულთან დაკავშირებით კონკურსანტს უფლება აქვს ტესტირების პროცესის მონაწილე პირების მიმართ ამ წესის მე-19 მუხლის საფუძველზე წარადგინოს პრეტენზია, რომლის დაკმაყოფილების შემთხვევაში მას ჩაუტარდება ხელახალი ტესტირება 10 დღის ვადაში. გაფრთხილების გარეშე კონკურსანტის ტესტირებიდან მოხსნა შესაძლებელია წესრიგის უხეში დარღვევის, ტესტირების პროცესის მონაწილე პირის შეურაცხყოფის ან სხვა მსგავს შემთხვევაში, რაც აგრეთვე ფორმდება შესაბამისი ოქმით. 12. ტესტირების დროის ამოწურვამდე სამუშაოს დამთავრების შემთხვევაში კონკურსანტს უფლება აქვს, ტესტურ დავალებათა რვეულისა და პასუხების ფურცლის ჩაბარების შემდეგ დატოვოს დარბაზი მეთვალყურის ან მის მიერ ამისთვის გამოყოფილი საგამოცდო პროცესის მონაწილე სხვა პირის თანხლებით. 13. ტესტირების დროის ამოწურვის ან კონკურსანტის მიერ სამუშაოს დასრულების შემდეგ მეთვალყურე ამოწმებს თითოეული კონკურსანტის ტესტურ დავალებათა რვეულის გვერდების რაოდენობას, პასუხების ფურცელზე შტრიხკოდის დაუზიანებლობას და კონკურსანტის მიერ უწყისში ხელმოწერის შემდეგ იბარებს მათ. 14. ჩაბარებული ტესტურ დავალებათა რვეულები და პასუხების ფურცლები იკვრება სექტორების მიხედვით, ილუქება და იგზავნება ეროვნული გამოცდების ცენტრში. 15. საგამოცდო სექტორში ან ცენტრში ფორსმაჟორული სიტუაციის არსებობის შემთხვევაში ეროვნული გამოცდების ცენტრი ატარებს ხელახალ ტესტირებას ამ კონკრეტულ ცენტრში ტესტირების დასრულებიდან არა უგვიანეს 10 დღის ვადაში.     მუხლი 16🔗. ტესტირების პროცესის კონტროლი და მეთვალყურეობა 1. საგამოცდო ცენტრში ტესტირების მიმდინარეობისას დაშვებულია მხოლოდ შემდეგი პირების ყოფნა: ა) საქართველოს განათლებისა და მეცნიერების სამინისტროსა და გამოცდების ეროვნული ცენტრის უფლებამოსილი წარმომადგენლები; ბ) ადმინისტრატორი; გ) ადმინისტრატორის თანაშემწე; დ) მეთვალყურე; ე) დამკვირვებელი. 2. ამ მუხლის პირველი პუნქტით გათვალისწინებული პირების საგამოცდო ცენტრში ყოფნამ ხელი არ უნდა შეუშალოს ტესტირების პროცესის მიმდინარეობას. 3. ადმინისტრატორი, ადმინისტრატორის თანაშემწე, მეთვალყურე და დამკვირვებელი არ შეიძლება დანიშნულ იყოს ტესტირებაზე იმ საგამოცდო ცენტრში, სადაც ტესტირებას გადის მათი ნათესავი კონკურსანტი. 4. ტესტირების ობიექტურად და გამჭვირვალედ ჩატარების მიზნით საგამოცდო ცენტრებში ტესტირების მიმდინარეობას თვალყურს ადევნებენ დამკვირვებლები. დამკვირვებელთა რაოდენობის განსაზღვრა, მათი დანიშვნა და საგამოცდო ცენტრებში განაწილება ხდება ეროვნული გამოცდების ცენტრის დირექტორის ინდივიდუალური ადმინისტრაციულ-სამართლებრივი აქტით. საგამოცდო ცენტრში ტესტირების მიმდინარეობისას დაუშვებელია ამ წესით გაუთვალისწინებელი პირების ყოფნა. 5. ტესტირებაზე დამკვირვებელი შეიძლება იყოს საზოგადოებრივი ორგანიზაციის წარმომადგენელი ან დამოუკიდებელი ფიზიკური პირი, რომელმაც ეროვნული გამოცდების ცენტრის მიერ დადგენილ ვადაში გააკეთა განაცხადი დამკვირვებლის რეგისტრაციის მოთხოვნით და ეროვნული გამოცდების ცენტრის მიერ მიენიჭა ან წილისყრით განესაზღვრა დამკვირვებლის სტატუსი. დამკვირვებლის სტატუსის მოსაპოვებლად წილისყრა ტარდება იმ შემთხვევაში, თუ იმ პირთა რიცხვი, რომელთაც გააკეთეს განაცხადი ტესტირებაზე დამკვირვებლის რეგისტრაციის მოთხოვნით, აჭარბებს საგამოცდო ცენტრში/ცენტრებში ეროვნული გამოცდების ცენტრის მიერ დადგენილ დამკვირვებელთა ზღვრულ ოდენობას. წილისყრის შედეგები ფორმდება შესაბამისი ოქმით. 6. ტესტირებაზე დამკვირვებელი უფლებამოსილია დააკვირდეს საგამოცდო ცენტრში ტესტირების მიმდინარეობას, ხოლო დარღვევის აღმოჩენის შემთხვევაში დააფიქსიროს იგი ოქმით ტესტირების პროცესში ჩარევის გარეშე. ოქმი დგება 2 ეგზემპლარად, რომლის 1 ეგზემპლარი გადაეცემა საგამოცდო ცენტრის ადმინისტრატორს. 7. ამ მუხლის პირველი პუნქტით გათვალისწინებულ პირებს და დამკვირვებლებს ეკრძალებათ ნებისმიერი ფორმით კონკურსანტის დახმარება ან მათი მუშაობისთვის ხელის შეშლა. 8. ამ მუხლის მე-3 პუნქტის მიზნებისთვის ნათესავად ჩაითვლება: ა) პირდაპირი ხაზის ნათესავი; ბ) მეუღლე, მეუღლის და-ძმა და მისი პირდაპირი ხაზის ნათესავი; გ) აღმავალი ხაზის პირდაპირი ნათესავის და-ძმა და მათი შვილები; დ) და-ძმა, მათი მეუღლეები და შვილები.     მუხლი 17🔗. ტესტური ნაშრომების შემოწმება   1. საგამოცდო ცენტრიდან გაგზავნილი დალუქული პასუხების ფურცლები იხსნება, რეგისტრირდება და გამსწორებელთა კომისიებში ნაწილდება ეროვნული გამოცდების ცენტრში. 2. გამსწორებელთა ანონიმურობა დაცულია დაშიფვრის – ინდივიდუალური შტრიხკოდების მეშვეობით. 3. თითოეული ნაშრომს შეფასების ერთიანი სქემის მიხედვით განიხილავს კომისიის წევრი, რომლის ანონიმურობა დაცულია დაშიფვრის ინდივიდუალური შტრიხკოდის მეშვეობით. 4. პასუხების ფურცელი, რომლის შევსებისას გამოყენებულია განსხვავებული ფერის მელანი ან რომელიც შეიცავს მაიდენტიფიცირებელ ნიშანს (სახელი, ნომერი, მისამართი და სხვა) ან რაიმე სახის გრაფიკულ გამოსახულებას (ფიგურა, წარწერა და ა.შ.) რომელიც დაკავშირებული არ არის ტესტურ დავალებასთან, არ ექვემდებარება გასწორებას და ფასდება ნული ქულით. 5. ტესტირების შედეგები ქვეყნდება რესურსცენტრებში გასწორების პროცესის დასრულებიდან არა უგვიანეს 3 დღისა. რესურსცენტრებში გამოსაქვეყნებლად იგზავნება აგრეთვე ტესტებისა და საპრეტენზიო ფორმების ნიმუშები. ამასთან, ზემოაღნიშნულ ვადაში საგამოცდო ცენტრების მეშვეობით ეროვნული გამოცდების ცენტრი უზრუნველყოფს კონკურსანტების მიერ შევსებული პასუხების ფურცლების ასლების გაცემას. პასუხების ფურცლის ასლის მისაღებად საჭიროა კონკურსანტის საიდენტიფიკაციო კოდის მითითებით შევსებული წერილობითი მოთხოვნა.     მუხლი 18🔗. ტესტირების შედეგები – რანჟირება საკონკურსო ქულებით წინამდებარე წესის შესაბამისად, კონკურსანტების მიერ ტესტირების თითოეულ ნაწილში მიღებული ქულების მიხედვით, მინისტრის ინდივიდუალური ადმინისტრაციულ-სამართლებრივი აქტით – რანჟირების დოკუმენტით დგინდება იმ კონკურსანტთა რეიტინგული ნუსხა, რომელთაც ტესტირების თითოეული ნაწილისათვის გადალახეს მინიმალური კომპეტენციის ზღვარი და რომელთაც შესაძლოა მიეცეთ კონკურსის მესამე ეტაპზე – გასაუბრებაზე გასვლის შესაძლებლობა.     მუხლი 19🔗. ტესტირების პროცედურული გასაჩივრება და საბოლოო შედეგები 1. ტესტირების ფარგლებში წარმოშობილი დავები განიხილება მინისტრის ინდივიდუალური ადმინისტრაციულ-სამართლებრივი აქტით შექმნილი საპრეტენზიო საბჭოს და ტესტირების შემადგენელი ნაწილების მიხედვით შექმნილი საპრეტენზიო კომისიების მიერ. 2. ტესტირების პროცედურის დადგენილი წესის დარღვევის ფაქტის თაობაზე კონკურსანტი უფლებამოსილია ტესტირების დასრულების დღის 21 საათამდე პრეტენზია შეიტანოს საპრეტენზიო საბჭოს სახელზე იმ საკონკურსო ტერიტორიული ერთეულის რესურსცენტრში, სადაც კონკურსანტმა გაიარა ტესტირება. პრეტენზიის წარდგენისას კონკურსანტმა თან უნდა იქონიოს საგამოცდო-საიდენტიფიკაციო ბარათი და პირადობის დამადასტურებელი მოწმობა. რესურსცენტრში შეტანილი პრეტენზია განსახილველად იგზავნება საპრეტენზიო საბჭოში, რომელიც მას განიხილავს 5 დღის განმავლობაში და გადაწყვეტილების შინაარსს დაუყოვნებლივ აცნობებს კონკურსანტს იმავე რესურსცენტრის მეშვეობით, რომელშიც მან წარადგინა პრეტენზია. საპრეტენზიო განაცხადის ფორმა მტკიცდება ეროვნული გამოცდების ცენტრის წარდგინებით მინისტრის ინდივიდუალური ადმინისტრაციულ-სამართლებრივი აქტით. 3. ტესტირების პროცედურის დადგენილი წესის დარღვევის ფაქტის თაობაზე წარდგენილი პრეტენზია შეიძლება ეხებოდეს: ა) პრეტენზიის წარმდგენი კონკურსანტის უფლებების დარღვევას ტესტირების პროცესის მონაწილე სხვა პირების მიერ; ბ) სხვა კონკურსანტის მიმართ ტესტირების პროცედურის დადგენილი წესის დარღვევას ტესტირების პროცესის მონაწილე სხვა პირების მიერ (კონკურსანტისათვის დახმარების აღმოჩენა, აკრძალული ნივთების მიწოდება და ა.შ). 4. თუ ამ მუხლის მე-3 პუნქტის „ა“ ქვეპუნქტით გათვალისწინებული პრეტენზიის განხილვის შედეგად დადასტურდა პრეტენზიის წარმდგენი კონკურსანტის უფლებების დარღვევა სხვა კონკურსანტის მიერ, საპრეტენზიო საბჭოს გამოაქვს გადაწყვეტილება ამ უკანასკნელის ნაშრომის ნული ქულით შეფასების თაობაზე, ხოლო თუ იგივე ქმედება ჩადენილია ტესტირების პროცესის სხვა მონაწილის (ადმინისტრატორი, ადმინისტრატორის თანაშემწე, მეთვალყურე, დამკვირვებელი,) მიერ საპრეტენზიო საბჭოს გამოაქვს გადაწყვეტილება აღნიშნული პირის (პირების) უფლებამოსილების შეწყვეტის შესახებ, რის თაობაზეც დაუყოვნებლივ ეცნობება ეროვნული გამოცდების ცენტრის ადმინისტრაციას.  5. თუ ამ მუხლის მე–3 პუნქტის „ბ“ ქვეპუნქტით გათვალისწინებული პრეტენზიის განხილვის შედეგად დადასტურდა სხვა კონკურსანტის მიმართ ტესტირების პროცედურის დადგენილი წესის დარღვევა ტესტირების პროცესში მონაწილე კონკურსანტებისა და სხვა პირების მხრიდან (კონკურსანტისათვის დახმარების აღმოჩენა, აკრძალული ნივთების მიწოდება და ა.შ), საპრეტენზიო საბჭოს გამოაქვს გადაწყვეტილება იმ კონკურსანტების ნაშრომების ნული ქულით შეფასების შესახებ, რომელთაც დაარღვიეს ტესტირების პროცედურა, ხოლო თუ იგივე ქმედება ჩადენილია ტესტირების პროცესის სხვა მონაწილის (ადმინისტრატორი, ადმინისტრატორის თანაშემწე, მეთვალყურე, დამკვირვებელი) მიერ, საპრეტენზიო საბჭოს გამოაქვს გადაწყვეტილება, აგრეთვე, აღნიშნული პირის (პირების) უფლებამოსილების შეწყვეტის შესახებ, რის თაობაზეც დაუყოვნებლივ ეცნობება ეროვნული გამოცდების ცენტრის ადმინისტრაციას. 6. ტესტირების შედეგების გამოქვეყნებიდან        5 დღის განმავლობაში კონკურსანტს უფლება აქვს წარადგინოს საპრეტენზიო განაცხადი ტესტის/ტესტის ნაწილების შეფასებასთან დაკავშირებით. პრეტენზიის წარდგენა შესაძლებელია საპრეტენზიო განაცხადის შევსებით, რომელშიც მითითებული უნდა იყოს იმ ტესტური დავალების ნომერი, რომელთან დაკავშირებითაც წარდგენილია პრეტენზია. საპრეტენზიო განაცხადი ბარდება იმ საკონკურსო ტერიტორიული ერთეულის რესურსცენტრში, სადაც კონკურსანტმა გაიარა ტესტირება. საპრეტენზიო განაცხადის ფორმა მტკიცდება ეროვნული გამოცდების ცენტრის წარდგინებით მინისტრის ინდივიდუალური ადმინისტრაციულ-სამართლებრივი აქტით. 7. საპრეტენზიო განაცხადები თავს იყრის საინფორმაციო-ტექნოლოგიურ ჯგუფში, სადაც ისინი დახარისხდება ტესტირების შემადგენელი ნაწილების მიხედვით და დაიგზავნება შესაბამის საპრეტენზიო კომისიებში. 8. ტესტირების ცალკეული ნაწილის შეფასებებთან დაკავშირებული საპრეტენზიო განცხადებები განიხილება შესაბამის საპრეტენზიო კომისიებში. საპრეტენზიო განაცხადს განიხილავს კომისიის წევრი, რომლის ანონიმურობა დაცულია დაშიფვრის ინდივიდუალური შტრიხკოდის მეშვეობით. კომისიის წევრი იხილავს მხოლოდ იმ ტესტური დავალების შეფასების სისწორეს, რომელიც მითითებული იყო საპრეტენზიო განაცხადში. საპრეტენზიო განაცხადის განხილვასთან დაკავშირებულ გადაწყვეტილებას ამტკიცებს საპრეტენზიო საბჭო. საპრეტენზიო საბჭოს გადაწყვეტილებები განმცხადებლებს ეგზავნებათ რესურსცენტრში განაცხადის შეტანიდან არა უგვიანეს 25 დღისა. 9. საპრეტენზიო საბჭოს მიერ საპრეტენზიო განაცხადების განხილვის დასრულების შემდეგ ტესტირების შედეგების შესახებ მონაცემები ქვეყნდება რესურსცენტრებში და/ან საგამოცდო ცენტრებში საჯარო სტენდზე გაკვრით. თავი VI გასაუბრება     მუხლი 20🔗. გასაუბრების უფლების მქონე პირები და გასაუბრებაზე გასვლის რიგითობა 1. გასაუბრებაზე გასვლის უფლება აქვთ ტესტირების შედეგად საუკეთესო საკონკურსო ქულების მქონე პირებს. თითოეულ საკონკურსო ტერიტორიულ ერთეულში გასაუბრებაზე დაშვებული კონკურსანტების რაოდენობა არ უნდა აღემატებოდეს საკონკურსო ტერიტორიულ ერთეულში არსებული საჯარო სკოლების რაოდენობის 3-ზე ნამრავლს. 2. ტესტირების შედეგად თანაბარი საკონკურსო ქულის მოპოვების შემთხვევაში, გასაუბრებაზე გასვლის უფლება განისაზღვრება ტესტირების თითოეულ ნაწილში მოპოვებული ქულებით, ტესტირების ნაწილების შემდეგი პრიორიტეტულობის მიხედვით: ა) პირველი პრიორიტეტი – ზოგადი უნარები; ბ) მეორე პრიორიტეტი – პროფესიული უნარები; გ) მესამე პრიორიტეტი – ქართულ ენაზე ფუნქციური წერის უნარ-ჩვევები; დ) მეოთხე პრიორიტეტი – ზოგადი განათლების, საჯარო სამართლის და შრომის სფეროში მოქმედი, საჯარო სკოლის დირექტორისათვის აუცილებელი საქართველოს კანონმდებლობის ცოდნა მინისტრის მიერ დამტკიცებული ნუსხის შესაბამისად. 3. თითოეულ საკონკურსო ტერიტორიულ ერთეულში არსებული საჯარო სკოლების რაოდენობის 3-ზე ნამრავლის შესაბამისი რაოდენობის საუკეთესო საკონკურსო ქულების მქონე კონკურსანტთა მინისტრისათვის წარდგენის შესახებ გადაწყვეტილების მიღების შემდეგ დარჩენილ კონკურსანტებთან გასაუბრება არ ტარდება. 4. გასაუბრების შედეგად ყოველი კონკურსანტის მიმართ მიიღება გადაწყვეტილება კონკურსანტის მინისტრისათვის წარდგენის ან წარდგენაზე უარის შესახებ. 5. კონკურსანტის მინისტრისათვის წარდგენაზე უარის შესახებ გადაწყვეტილების მიღების შემთხვევაში გასაუბრებაზე დამატებით დაიშვება გასაუბრებაზე გასული კონკურსანტების შემდეგ უმაღლესი საკონკურსო ქულის მქონე კონკურსანტი, რომელმაც ტესტირების თითოეული ნაწილისათვის გადალახა მინიმალური კომპეტენციის ზღვარი. თანაბარი საკონკურსო ქულის არსებობის შემთხვევაში გასაუბრებაზე დაიშვება კონკურსანტი ამ მუხლის მე-2 პუნქტით დადგენილი წესის შესაბამისად. 6. გასაუბრების დროს კონკურსანტმა შეიძლება მიუთითოს კომისიას სასურველი საჯარო სკოლის შესახებ, რაც გათვალისწინებულ იქნება მხოლოდ ამ წესის 25-ე მუხლის მე-2 პუნქტის შემთხვევაში.     მუხლი 21🔗. გასაუბრების კომისია 1. კონკურსანტებთან გასაუბრება ტარდება თითოეულ საკონკურსო ტერიტორიულ ერთეულში მინისტრის ინდივიდუალური ადმინისტრაციულ-სამართლებრივი აქტით შექმნილი გასაუბრების კომისიის მიერ. 2. გასაუბრების კომისიის წევრი, რომელიც კონკურსანტის ნათესავია, ვალდებულია აცილების საფუძვლის არსებობის შესახებ განაცხადოს კომისიის თავმჯდომარის წინაშე, ხოლო კომისიის თავმჯდომარე აღნიშნულის შესახებ აცნობებს მინისტრს. ნათესავად ითვლება პირი, რომელიც გათვალისწინებულია ამ წესის მე-16 მუხლის მე-8 პუნქტით. მინისტრი იღებს გადაწყვეტილებას: ა) კომისიის წევრის უფლებამოსილების შეწყვეტის შესახებ; ბ) კომისიის წევრის უფლებამოსილების შეწყვეტის და მისი სხვა პირით შეცვლის შესახებ; გ) კომისიის წევრის აცილების თაობაზე იმ კონკურსანტთან გასაუბრებისას, რომელიც მისი ნათესავია.     მუხლი 22🔗. კომისიის მიერ გასაუბრების შეწყვეტის აუცილებლობა კომისია ვალდებულია თითოეულ საკონკურსო ტერიტორიულ ერთეულში არსებული საჯარო სკოლების რაოდენობის 3-ზე ნამრავლის ოდენობის კონკურსანტების მინისტრისათვის წარდგენის შესახებ გადაწყვეტილების მიღების შემდეგ შეწყვიტოს გასაუბრება.     მუხლი 23🔗. გასაუბრების პროცედურული ნაწილის გასაჩივრება 1. გასაუბრების ფარგლებში წარმოშობილი დავები განიხილება ამ წესის მე-19 მუხლით გათვალისწინებული საპრეტენზიო საბჭოს მიერ. 2. გასაუბრების პროცედურული ნაწილის თაობაზე კონკურსანტი უფლებამოსილია გასაუბრების დასრულების დღის 21 საათამდე საპრეტენზიო განაცხადი შეიტანოს საპრეტენზიო საბჭოს სახელზე იმ საკონკურსო ტერიტორიული ერთეულის რესურსცენტრში, სადაც კონკურსანტმა გაიარა გასაუბრება ან საქართველოს განათლებისა და მეცნიერების სამინისტროში. პრეტენზიის წარდგენისას კონკურსანტმა თან უნდა იქონიოს საგამოცდო-საიდენტიფიკაციო ბარათი და პირადობის დამადასტურებელი მოწმობა. რესურსცენტრში შეტანილი საპრეტენზიო განაცხადი განსახილველად იგზავნება საპრეტენზიო საბჭოში, რომელიც მას განიხილავს 10 დღის განმავლობაში და გადაწყვეტილების შინაარსს დაუყოვნებლივ აცნობებს კონკურსანტს იმავე რესურსცენტრის მეშვეობით, რომელშიც მან წარადგინა საპრეტენზიო განაცხადი, ხოლო თუ განაცხადი წარდგენილ იქნა საქართველოს განათლებისა და მეცნიერების სამინისტორში – მის მიერ განაცხადში მითითებულ მისამართზე. საპრეტენზიო განაცხადის ფორმა მტკიცდება მინისტრის ინდივიდუალური ადმინისტრაციულ-სამართლებრივი აქტით. 3. გასაუბრების პროცედურის წესის დარღვევის ფაქტის თაობაზე წარდგენილი პრეტენზია შეიძლება ეხებოდეს: ა) პრეტენზიის წარმდგენი კონკურსანტის უფლებების დარღვევას გასაუბრების კომისიის წევრის მიერ; ბ) გასაუბრების კომისიის წევრის მიერ რომელიმე კონკურსანტთან მიმართებით აცილების საფუძვლის შესახებ ინფორმაციის განუცხადებლობას. 4. თუ ამ მუხლის მე-3 პუნქტის „ა“ ქვეპუნქტით გათვალისწინებული საპრეტენზიო განაცხადის განხილვის შედეგად დადასტურდა კონკურსანტის უფლებების დარღვევა კომისიის წევრის მიერ, საბჭოს გამოაქვს გადაწყვეტილება ამ უკანასკნელის გასაუბრების შედეგების გაუქმების, კომისიის წევრის უფლებამოსილების შეწყვეტისა და ამ კონკურსანტთან ხელახალი გასაუბრების დანიშვნის შესახებ. 5. თუ ამ მუხლის მე-3 პუნქტის „ბ“ ქვეპუნქტით გათვალისწინებული პრეტენზიის განხილვის შედეგად დადასტურდა კომისიის წევრის მიერ რომელიმე კონკურსანტთან მიმართებით აცილების საფუძვლის შესახებ ინფორმაციის განუცხადებლობა, საპრეტენზიო საბჭოს გამოაქვს გადაწყვეტილება იმ კონკურსანტების გასაუბრების შედეგების გაუქმების შესახებ, რომელთა მიმართებითაც არ იქნა აცილების საფუძველი გაცხადებული და გასაუბრების კომისიის წევრის უფლებამოსილების შეწყვეტისა და ამ კონკურსანტთან ხელახალი გასაუბრების დანიშვნის თაობაზე.     მუხლი 24🔗. გასაუბრების შედეგები გასაუბრების შედეგად საპრეტენზიო საბჭოს გადაწყვეტილებების გათვალისწინებით მინისტრისათვის წარსადგენად შეირჩევა თითოეულ საკონკურსო ტერიტორიულ ერთეულში არსებული საჯარო სკოლების რაოდენობის 3-ზე ნამრავლის რაოდენობის კონკურსანტი. იმ შემთხვევაში, თუ ტერიტორიულ ერთეულში კონკურსი ვერ გაიარა ამ რაოდენობის კონკურსანტმა, წარდგენილ კანდიდატთა რაოდენობა შეიძლება იყოს 3-ზე ნაკლები. თავი VII კონკურსის შედეგები     მუხლი 25🔗. კანდიდატების განაწილება საკონკურსო ტერიტორიული ერთეულის საჯარო სკოლებში 1. კონკურსის ეტაპების ჩატარების შემდეგ მინისტრი ანაწილებს კონკურსანტებს ტერიტორიული ერთეულის საჯარო სკოლებში კანდიდატებად. მინისტრისათვის წარდგენილ თითოეულ საკონკურსო–ტერიტორიულ ერთეულში უმაღლესი საკონკურსო ქულების მქონე კონკურსანტთა 20%, განაწილდება ტერიტორიული ერთეულის იმ სასურველ საჯარო სკოლაში, რომელიც მან მიუთითა გასაუბრების დროს. 2. ტესტირების შედეგად თანაბარი საკონკურსო ქულის მოპოვების შემთხვევაში, საკონკურსო-ტერიტორიული ერთეულის უმაღლესი საკონკურსო ქულების მქონე კონკურსანტთა 20%-ში მოხვდება კონკურსანტი, რომელიც ტესტირების ნაწილებში მოპოვებული ქულების მიხედვით, ტესტირების ნაწილების შემდეგი პრიორიტეტულობის მიხედვით: ა) პირველი პრიორიტეტი – ზოგადი უნარები; ბ) მეორე პრიორიტეტი – პროფესიული უნარები; გ) მესამე პრიორიტეტი – ქართულ ენაზე ფუნქციური წერის უნარ-ჩვევები; დ) მეოთხე პრიორიტეტი – ზოგადი განათლების, საჯარო სამართლის და შრომის სფეროში მოქმედი, საჯარო სკოლის დირექტორისათვის აუცილებელი საქართველოს კანონმდებლობის ცოდნა მინისტრის მიერ დამტკიცებული ნუსხის შესაბამისად. 3. იმ შემთხვევაში, თუ ამ მუხლის პირველი პუნქტით გათვალისწინებულ პირთაგან 3-ზე მეტი კონკურსანტი მიუთითებს ერთსა და იმავე საჯარო სკოლას, ამ საჯარო სკოლაში განაწილდება უმაღლესი საკონკურსო ქულების მქონე 3 კანდიდატი, ხოლო დანარჩენი კონკურსანტები კანდიდატებად განაწილდებიან მინისტრის მიერ ამ მუხლის მე-4 პუნქტით დადგენილი წესით. 4. ამ მუხლის მე-3 პუნქტით განსაზღვრული კონკურსანტების გარდა, ყველა სხვა კონკურსანტის განაწილება ხდება მინისტრის მიერ, კონკურსანტის სასურველი სკოლის გათვალისწინების გარეშე, შემთხვევითი შერჩევის პრინციპით.     მუხლი 26🔗. კონკურსის პირველადი შედეგები 1. კონკურსის ეტაპების ჩატარების შემდეგ მინისტრი გამოსცემს ინდივიდუალური ადმინისტრაციულ-სამართლებრივი აქტის პროექტს, რომელიც განსაზღვრავს ტერიტორიული ერთეულის საჯარო სკოლებში კანდიდატების განაწილებას ამ წესის 25-ე მუხლის დაცვით. 2. თუ დირექტორობის შერჩეული კანდიდატი უარს განაცხადებს 5 დღის ვადაში პროექტით გათვალისწინებულ სკოლაში დირექტორობის კანდიდატად წარდგენაზე, მისი კანდიდატურა სხვა სკოლაში წარსადგენად აღარ განიხილება.     მუხლი 27🔗. განმეორებითი განაწილება და საბოლოო შედეგები 1. პროექტის გამოქვეყნებიდან 5 დღის გასვლის შემდეგ მინისტრი ინდივიდუალური ადმინისტრაციულ-სამართლებრივი აქტით ამტკიცებს დირექტორობის კანდიდატებს კონკრეტული საჯარო სკოლების სამეურვეო საბჭოებისათვის წარსადგენად. 2. იმ შემთხვევაში, თუ ამ მუხლის პირველი პუნქტით დადგენილი ვადის გასვლის შემდეგ გამოვლინდა, რომ საკონკურსო ტერიტორიულ ერთეულში განთავსებულ სკოლაში კანდიდატად შერჩეულმა პირებმა უარი თქვეს კანდიდატობაზე მინისტრის მიერ ამ სკოლაში განმეორებით განაწილდებიან დირექტორობის კანდიდატები ამავე ტერიტორიული ერთეულის სხვა სკოლაში/სკოლებში არჩევნების ჩატარების შემდეგ. განმეორებით განაწილებაში მონაწილეობას იღებენ მხოლოდ ის კანდიდატები, რომლებიც იმავე საკონკურსო ტერიტორიულ ერთეულში არსებულ საჯარო სკოლებში წარდგენილ იქნენ სამეურვეო საბჭოსათვის ასარჩევად და არ იქნენ არჩეულნი. 3. საკონკურსო ტერიტორიულ ერთეულში კონკურსი დასრულებულად ითვლება ამ ერთეულში შემავალი ყველა იმ საჯარო სკოლის დირექტორის კანდიდატის არჩევის ან სამეურვეო საბჭოს მიერ დირექტორის აურჩევლობის შემთხვევაში. თავი VIII გარდამავალი დებულებანი     მუხლი 28🔗. ეროვნული გამოცდების ცენტრი „უმაღლესი განათლების შესახებ“ საქართველოს კანონით გათვალისწინებული ეროვნული გამოცდების ცენტრის შექმნამდე მის ფუნქციებს ასრულებს საჯარო სამართლის იურიდიული პირი – შეფასებისა და გამოცდების ეროვნული ცენტრი. დანართი №2 ნორმატიული აქტები, რომელთა ცოდნა სავალდებულოა საჯარო სკოლის დირექტორებისათვის 1. საქართველოს კანონები: ა) „საქართველოს კონსტიტუცია“; ბ) „ზოგადი განათლების შესახებ“; გ) „საჯარო სამართლის იურიდიული პირის შესახებ“; დ) „საქართველოს ზოგადი ადმინისტრაციული კოდექსი“; ე) „საქართველოს შრომის კოდექსი“. 2. საქართველოს მთავრობის დადგენილებები: ა) „საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილება; ბ) „მასწავლებლის პროფესიული მომზადებისა და განვითარების კონცეფციის დამტკიცების შესახებ“ საქართველოს მთავრობის 2006 წლის 9 თებერვლის №29 დადგენილება; 3. საქართველოს განათლებისა და მეცნიერების მინისტრის ბრძანებები: ა) „ეროვნული სასწავლო გეგმის დამტკიცების შესახებ“ 2006 წლის 28 სექტემბრის №841 ბრძანება; ბ) „ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ“ 2005 წლის 15 სექტემბრის №448 ბრძანება; გ) „საქართველოს განათლებისა და მეცნიერების სამინისტროს ტერიტორიული ორგანოების საგანმანათლებლო რესურსცენტრების ტიპური დებულების დამტკიცების შესახებ“ 2006 წლის 17 იანვრის №31 ბრძანება; დ) „საქართველოს საჯარო სკოლის სამეურვეო საბჭოს წევრების არჩევის, მათთვის უფლებამოსილების შეწყვეტისა და რეგისტრაციის წესის შესახებ“ დებულების დამტკიცების თაობაზე“ 2006 წლის 17 იანვრის №30 ბრძანება; ე) „საჯარო სკოლების მასწავლებელთა შრომის ანაზღაურების ოდენობისა და პირობების შესახებ ინსტრუქციის დამტკიცების თაობაზე“ 2005 წლის 21 ოქტომბრის №576 ბრძანება; ვ) „ზოგადსაგანმანათლებლო დაწესებულებებში ვაუჩერის გაცემისა და გადატანის წესის დამტკიცების შესახებ“ საქართველოს განათლებისა და მეცნიერების მინისტრისა და საქართველოს ფინანსთა მინისტრის 2006 წლის 3 აგვისტოს №730/926 ერთობლივი ბრძანება; ზ) „საქართველოს ზოგადსაგანმანათლებლო დაწესებულებების აკრედიტაციის ნორმატივის – ადამიანური რესურსების ნორმატივის განსაზღვრის შესახებ“ 2006 წლის 27 ივლისის №727 ბრძანება.