წალენჯიხის მუნიციპალიტეტის ქალაქ წალენჯიხის ცენტრალური მოედნისთვის გოგი კალანდიას სახელის მინიჭების თაობაზე

წალენჯიხის მუნიციპალიტეტის ქალაქ წალენჯიხის ცენტრალური მოედნისთვის გოგი კალანდიას სახელის მინიჭების თაობაზე წალენჯიხის მუნიციპალიტეტის საკრებულოს განკარგულება №2 2026 წლის 30 იანვარი  ქ. წალენჯიხა   წალენჯიხის მუნიციპალიტეტის  ქალაქ წალენჯიხის ცენტრალური მოედნისთვის გოგი კალანდიას სახელის  მინიჭების  თაობაზე საქართველოს ორგანული კანონის „ადგილობრივი თვითმმართველობის კოდექსი“ 24-ე მუხლის პირველი პუნქტის „ა.ე“ ქვეპუნქტის, 61-ე მუხლის პირველი პუნქტის, „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ საქართველოს მთავრობის 2015 წლის 1 ივნისის №239 დადგენილების მე-7 მუხლის პირველი პუნქტის შესაბამისად, 1. წალენჯიხის მუნიციპალიტეტის ქალაქ წალენჯიხის ცენტრალურ მოედანს მიენიჭოს გოგი კალანდიას სახელი. 2. ამ განკარგულების შესახებ ეცნობოს საქართველოს იუსტიციის სამინისტროს მმართველობის სფეროში მოქმედ სსიპ – სახელმწიფო სერვისების განვითარების სააგენტოს, მონაცემთა ბაზაში ცვლილების შეტანის მიზნით, საქართველოს შინაგან საქმეთა სამინისტროს, საქართველოს ცენტრალურ საარჩევნო კომისიას, საჯარო რეესტრის ეროვნულ სააგენტოსა და წალენჯიხის მუნიციპალიტეტის მერიას. 3. განკარგულება ძალაშია გაცნობისთანავე; 4. განკარგულება შეიძლება გასაჩივრდეს, კანონით დადგენილი წესით, გაცნობიდან ერთი თვის ვადაში ზუგდიდის რაიონულ სასამართლოში (მის.: ქ. წალენჯიხა, ლაღიძის ქ. №12). წალენჯიხის მუნიციპალიტეტის საკრებულოს თავმჯდომარე                    ცოტნე შონია