“საქართველოს დაზღვევის სახელმწიფო ზედამხედველობის სამსახუროს უფროსის 1999 წლის 12 თებერვლის №3 ბრძანებით დამტკიცებულ “სადაზღვევო ორგანოზაციების ანგარიშგების წესებში" ცვლილებებისა და დამატებების შეტანის თაობაზე"

სახელმწიფო  სარეგისტრაციო კოდი 290.160.000.24.016.009.645

საქართველოს დაზღვევის სახელმწიფო ზედამხედველობის სამსახურის

უფროსის ბრძანება №33

2006 წლის 7 დეკემბერი

ქ. თბილისი

საქართველოს დაზღვევის სახელმწიფო ზედამხედველობის სამსახურის უფროსის  1999 წლის 12 თებერვლის №3 ბრძანებით დამტკიცებულ ,,სადაზღვევო ორგანიზაციების ანგარიშგების წესებში“ (სსმ III, 1999 წ., №8(15), მუხლი 137) ცვლილებებისა და დამატებების შეტანის თაობაზე

მუხლი 1. საქართველოს დაზღვევის სახელმწიფო ზედამხედველობის სამსახურის უფროსის 1999 წლის 12 თებერვლის №3 ბრძანებით დამტკიცებულ ,,სადაზღვევო ორგანიზაციების ანგარიშგების წესებში“ შეტანილ იქნეს შემდეგი ცვლილებები და დამატებები:

1. უწყებრივ სტატისტიკური დაკვირვების ფორმა №XII-8-ში მე-6 და მე-7 სვეტი გაერთიანდეს და მე-6 სვეტი ჩამოყალიბდეს შემდეგი რედაქციით: ,,სხვა აქტივები“.

2. მე-2 მუხლში თ¹) პუნქტის შემდეგ დაემატოს შემდეგი შინაარსის თ²) პუნქტი:

,,თ²) ფორმა №XII-10 ,,სადაზღვევო ორგანიზაციის მიერ სადაზღვევო ბროკერის მეშვეობით გაწეული საქმიანობის შესახებ მონაცემები“;

3. მე-3 მუხლი ჩამოყალიბდეს შემდეგი რედაქციით:

,,3. ფორმა №XII-1^ა ,,მონაცემები კვარტალის განმავლობაში გაწეული საქმიანობის შესახებ“, ფორმა №XII-2^ა ,,მონაცემები სადაზღვევო ორგანიზაციის საკუთარი კაპიტალის ოდენობის შესახებ“, ფორმა №XII-4^ა ,,მოქმედი ხელშეკრულებების რაოდენობის“ შესახებ, ფორმა №XII-5^ა ,,სადაზღვევო რეზერვების ინვესტირების შესახებ“, ფორმა №XII-6^ა ,,მონაცემები გადაზღვევის ოპერაციების განხორციელების შესახებ“, ფორმა №XII-7^ა ,,მონაცემები საქმის წარმოებისათვის გაწეული ხარჯების შესახებ“, ფორმა №XII-8^ა ,,მონაცემები კვარტალის ბოლოსათვის სადაზღვევო ორგანიზაციის კუთვნილი აქტივების შესახებ“, ფორმა №XII-9^ა ,,მონაცემები საბანკო ანგარიშებზე რიცხული თანხების შესახებ“ და ფორმა №XII-10^ა ,,სადაზღვევო ორგანიზაციის მიერ სადაზღვევო ბროკერის მეშვეობით გაწეული საქმიანობის შესახებ მონაცემები“ სადაზღვევო ორგანიზაციის მხრიდან ექვემდებარება საქართველოს დაზღვევის სახელმწიფო ზედამხედველობის სამსახურში ყოველკვარტალურ წარმოდგენას ყოველი კვარტალის დამთავრებიდან 25 დღის ვადაში“.

მუხლი 2. ეს ბრძანება ამოქმედდეს გამოქვეყნებისთანავე.

ა. ცერცვაძე