“შრომის, ჯანმრთელობისა და სოციალური დაცვის 2006 წლის ზოგიერთი პროგრამის დამტკიცების შესახებ" საქართველოს შრომის, ჯანმრთელობისა და სოციალური დაცვის მინისტრის 2006 წლის 15 თებერვლის №53/ნ ბრძანებაში ცვლილებების შეტანის თაობაზე"

სახელმწიფო სარეგისტრაციო კოდი 470.020.000.22.035.009.661

საქართველოს შრომის, ჯანმრთელობისა და სოციალური დაცვის

მინისტრის ბრძანება №319/ნ

2006 წლის 13 დეკემბერი

ქ. თბილისი

„შრომის, ჯანმრთელობისა და სოციალური დაცვის 2006 წლის ზოგიერთი სახელმწიფო პროგრამის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2006 წლის 15 თებერვლის №53/ნ ბრძანებაში ცვლილებების შეტანის თაობაზე

„ნორმატიული აქტების შესახებ” საქართველოს კანონის 36-ე მუხლის შესაბამისად, ვბრძანებ:

    მუხლი 1.

  „შრომის, ჯანმრთელობისა და სოციალური დაცვის 2006 წლის ზოგიერთი სახელმწიფო პროგრამის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2006 წლის 15 თებერვლის №53/ნ ბრძანებაში (სსმ III, №21, 2006 წ., მუხ.257) შეტანილ იქნეს შემდეგი ცვლილებები:

1. ბრძანების პირველი პუნქტის „გ“ ქვეპუნქტით დამტკიცებულ დანართ №3-ში (მოსახლეობის ამბულატორიული დახმარების 2006 წლის სახელმწიფო პროგრამა) ცხრილი №5 და ცხრილი №5-ლ ჩამოყალიბდეს თანდართული №1 და №2 დანართების შესაბამისად.

2. ბრძანების პირველი პუნქტის „დ“ ქვეპუნქტით დამტკიცებული №4 დანართის (მოსახლეობის სტაციონარული დახმარების 2006 წლის სახელმწიფო პროგრამა):

ა) 217-ე მუხლის მე-2 პუნქტის „ვ” ქვეპუნქტი ჩამოყალიბდეს შემდეგი რედაქციით:

„ვ) (ღონისძიება №6)

გეგმური ჰოსპიტალური მომსახურების ორგანიზება.

 პირველადი ჯანდაცვის მიმწოდებელი ვალდებულია მოახდინოს გეგმური ჰოსპიტალური მომსახურების საჭიროების მქონე პაციენტების ჯგუფების ფორმირება. პაციენტთა მიზნობრივი ჯგუფების კონსულტირება მოხდება გეგმური ჰოსპიტალური მომსახურების შესრულებაზე ფონდთან ხელშეკრულების მქონე სამკურნალო დაწესებულების სპეციალისტების მიერ. გეგმური ჰოსპიტალური მომსახურების საჭიროების მქონე პაციენტების სია მდგომარეობის სიმძიმის ხარისხის მიხედვით გადაეცემა ფონდს. ფონდში მოხდება რეგიონებიდან წარმოდგენილი მოთხოვნების ანალიზი და გეგმური ჰოსპიტალური მომსახურების სიების ფორმირება. მოსარგებლისთვის გეგმური ჰოსპიტალური მომსახურების ანაზღაურება სტაციონარში ითვალისწინებს სამკურნალო და სტაციონარში მკურნალობასთან დაკავშირებული არასამედიცინო ხარჯების სრულ ანაზღაურებას.“.

ბ) 218-ე მუხლის „ა“ ქვეპუნქტი ჩამოყალიბდეს შემდეგი რედაქციით:

„ა) ამბულატორიული მომსახურება (გარდა მედიკამენტებით უზრუნველყოფისა, სტომატოლოგიური მკურნალობის ხარჯებისა და სათვალის, ლინზების და კონტაქტური ლინზების შეძენასთან დაკავშირებული ხარჯებისა);“;

გ) 218-ე მუხლის „დ“ ქვეპუნქტი ჩამოყალიბდეს შემდეგი რედაქციით:

„დ) გეგმური ჰოსპიტალური მომსახურება დაფინანსდება სრულად, გარდა დანართი 3-ით გათვალისწინებული სამედიცინო მომსახურების ხარჯებისა.“;

დ) დანართი 3 ჩამოყალიბდეს თანდართული №3 დანართის შესაბამისად.

    მუხლი 2. ბრძანება ძალაშია გამოქვეყნებისთანავე.

ლ. ჭიპაშვილი

 

დანართი №1

 

 

 

 

 

 

 

 

 

 

 

 

 

 

დანართი 2

ცხრილი №5-ლ

მოსახლეობის ამბულატორული დახმარების სახელმწიფო პროგრამა

აჟარის უბნის საავადმყოფოს საშტატო განრიგი

 

 

 

 

 

 

 

 

 

 

 

 

 

 

 

 

 

 

 

 

 

დანართი №3

სამედიცინო მომსახურების ხარჯები, რომლებიც არ ფინანსდება სიღარიბის ზღვარს ქვემოთ მყოფი მოსახლეობის სამედიცინო დაზღვევის კომპონენტის ფარგლებში

1. ესთეტიკური ქირურგიის ხარჯები.

2. ფსიქიური დაავადებების და ტუბერკულოზის მკურნალობის ხარჯები.

3. ვენერიული დაავადებების, შიდსის, C ჰეპატიტის და მალარიის მკურნალობის ხარჯები.

4. კოსმეტიკური მიზნით ჩატარებული მკურნალობის ხარჯები.

5. სანიტარიულ-კურორტული მკურნალობის ხარჯები.

6. სექსუალური დარღვევების კვლევისა და მკურნალობის ხარჯები.

7. უშვილობის მკურნალობასთან დაკავშირებული ხარჯები.

8. კონკრეტული ჩვენებების გარეშე ჩატარებული გამოკვლევებისა და მკურნალობის ხარჯები.

9. არალიცენზირებულ სამედიცინო დაწესებულებებსა და სამედიცინო საქმიანობის უფლებების არმქონე კერძო პირებთან კონსულტაციისა და მკურნალობის ხარჯები.

10. საზღვარგარეთ მკურნალობის ხარჯები.

11. კანონსაწინააღმდეგო ქმედებების ან თვითდაშავებით მიღებული დაზიანებების მკურნალობის ხარჯები.

12. ნარკოტიკული ნივთიერებების ან ალკოჰოლის ზემოქმედების ქვეშ ყოფნისას მიღებული დაზიანებების მკურნალობის ხარჯები.

13. გეგმური თერაპიული მკურნალობის ხარჯები.