“საჯარო სკოლის დირექტორის შესარჩევი კონკურსის გამართვის წესის დამტკიცების თაობაზე" საქართველოს განათლებისა და მეცნიერების მინისტრის 2006 წლის 13 ნოემბრის №929 ბრძანებაში ცვლილებებისა და დამატებების შეტანის თაობაზე"

სახელმწიფო სარეგისტრაციო კოდი 040.030.000.22.022.009.662

საქართველოს განათლებისა და მეცნიერების

მინისტრის ბრძანება №982

2006 წლის 7 დეკემბერი

ქ. თბილისი

 „საჯარო სკოლის დირექტორის შესარჩევი კონკურსის გამართვის წესის დამტკიცების თაობაზე“ საქართველოს განათლებისა და მეცნიერების მინისტრის 2006 წლის 13 ნოემბრის №929 ბრძანებაში ცვლილებებისა და დამატებების შეტანის თაობაზე

„ნორმატიული აქტების შესახებ“ საქართველოს კა­ნო­ნის 36-ე მუხლის, საქართველოს ზოგადი ადმინის­ტრაციული კოდექსის 63-ე მუხლისა და „საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილებით დამ­ტკი­ცე­­ბუ­­ლი დებულების მე-3 მუხლის მე-2 პუნქტის „ა“ და „მ“ ქვეპუნქტების საფუძველზე, ვბრძანებ:

    მუხლი 1.

„საჯარო სკოლის დირექტორის შესარ­ჩევი კონკურსის გამართვის წესის დამტკიცების თაობაზე“ საქართველოს განათლებისა და მეცნიერების მინისტრის 2006 წლის 13 ნოემბრის №929 ბრძანების (სსმ III, 16.11.2006, №154, მუხ. 2136) №1 დანართით დამტკი­ცებულ „საჯარო სკოლის დირექტორის შესარ­ჩევი კონკურსის გამართვის წესში“ შეტანილ იქნეს შემდეგი ცვლილებები და დამატებები:

1. მე-2 მუხლის „რ“ ქვეპუნქტი ჩამოყალიბდეს შემდეგი რედაქციით:

„რ) საგანმანათლებლო რესურსცენტრი (შემდგომ­შ­ი – რესურსცენტრი) – საქართველოს განათლებისა და მეცნიერების სამინისტროს, აგრეთვე ავტონომიური რესპუბლიკის შესაბამისი განათლების სამინისტროს ტერიტორიული ორგანო;“.

2. მე-6 მუხლის:

ა) პირველი პუნქტი ჩამოყალიბდეს შემდეგი რედაქ­ციით:

„1. დირექტორობის კანდიდატთა შესარჩევი კონკურ­სის ჩატარებას უზრუნველყოფს საქართველოს განათ­ლებისა და მეცნიერების სამინისტრო, ხოლო ავტონო­მიური რესპუბლიკის საჯარო სკოლების მიმართ – შესაბამისი განათლების სამინისტრო.“

ბ) მე-4 პუნქტი ჩამოყალიბდეს შემდეგი რედაქციით:

„4. კონკურსანტებთან გასაუბრებას უზრუნველყოფს თითოეულ საკონკურსო ტერიტორიულ ერთეულში მინისტრის მიერ შექმნილი კომისია. ავტონომიური რესპუბლიკის საჯარო სკოლების დირექტორობის კანდიდატთა შესარჩევად კონკურსანტების გასაუბრებას უზრუნველყოფს შესაბამისი განათლების სამინისტროს მიერ შექმნილი კომისია.“.

3. მე-9 მუხლის მე-2 პუნქტი ჩამოყალიბდეს შემდეგი რედაქციით:

„2. კონკურსანტები უფლებამოსილნი არიან ტესტი­რე­ბა გაიარონ რუსულ ენაზე, გარდა ამ წესის მე-13 მუხ­­ლის „ბ.ა“ ქვეპუნქტით გათვალისწინებული ტეს­ტირების ნაწილისა.“

4. მე-9 მუხლიდან ამოღებულ იქნეს მე-3 პუნქტი.

5. მე-12 მუხლის პირველი პუნქტიდან ამოღებულ იქნეს „ე“ და „ზ“ ქვეპუნქტები.

6. 27-ე მუხლის:

ა) პირველ პუნქტს დაემატოს 1¹ ქვეპუნქტი და ჩამ­ოყა­ლიბდეს შემდეგი რედაქცით:

„1¹. საქართველოს განათლებისა და მეცნიერების სა­მი­ნის­ტრო უფლებამოსილია დირექტორობის კანდიდა­ტებზე საქართველოს შინაგან საქმეთა სამინისტროდან გამოითხოვოს ინფორმაცია ნასამართლობის შესახებ და ამ მუხლის პირველი პუნქტით გათვალისწინებულ ინდი­ვიდუალურ ადმინისტრაციულ-სამართლებრივ აქ­ტთან ერთად წარუდგინოს შესაბამისი სკოლის სა­მეურვეო საბჭოს.“;

ბ) მე-2 პუნქტი ჩამოყალიბდეს შემდეგი რედაქციით:

„2. იმ შემთხვევაში, თუ ამ მუხლის პირველი პუნ­ქტით დადგენილ ვადაში გამოვლინდა, რომ საკონ­კურსო ტერიტორიულ ერთეულში განთავსებულ სკო­ლაში კანდიდატად შერჩეულმა პირებმა უარი თქვეს კანდიდატობაზე მინისტრის მიერ ამ სკოლაში გან­მეორებით განაწილდებიან დირექტორობის კანდიდა­ტები ამავე ტერიტორიული ერთეულის სხვა სკოლაში/სკოლებში არჩევნების ჩატარების შემდეგ. განმეორებით განაწილებაში მონაწილეობას იღებენ მხოლოდ ის კანდიდატები, რომლებიც იმავე საკონკურსო ტერიტო­რიულ ერთეულში არსებულ საჯარო სკოლებში წარ­დგენილ იქნენ სამეურვეო საბჭოსათვის ასარჩევად და არ იქნენ არჩეულნი.“.

7. 27-ე მუხლის შემდეგ დაემატოს VII¹ თავი შემდეგი რედაქციით:

„თავი VII¹

ავტონომიური რესპუბლიკის სკოლების დორექტორების შერჩევის კონკურსის თავისებურებები

    მუხლი 27¹. ავტონომიური რესპუბლიკის სკოლების დირექტორების შერჩევის კონკურსის თავისებურებები

ამ წესის მე-4 მუხლის მე-2 პუნქტით, მე-5 მუხლის მე-4 პუნქტით, მე-20 მუხლის მე-3, მე-4 და მე-5 პუნქტებით, 21-ე, 22-ე, 24-ე, 25-ე მუხლის პირველი, მე-3 და მე-4 პუნქტებით, 26-ე მუხლის პირველი პუნ­ქტით და 27-ე მუხლის პირველი და მე-2 პუნქტებით გათვალისწინებულ მინისტრის უფლებამოსილებებს ავტონომიური რესპუბლიკის საჯარო სკოლების მიმართ ახორციელებს შესაბამისი ავტონომიური რესპუბლიკის განათლების მინისტრი, რომელიც მოქმედებს ამ წესით დადგენილი ნორმების შესაბამისად.

    მუხლი 2.

„საჯარო სკოლის დირექტორის შესარ­ჩევი კონკურსის გამართვის წესის დამტკიცების თაობაზე“ საქართველოს განათლებისა და მეცნიერების მინის­ტრის 2006 წლის 13 ნოემბრის №929 ბრძანების №2 დანართით დამტკიცებული ნუსხის მე-2 პუნქტის „ბ“ და მე-3 პუნქტის „ვ“ ქვეპუნქტები ჩამოყალიბდეს შემდეგი რედაქციით:

„ბ) „მასწავლებლის მომზადებისა და პროფესიული განვითარების კონცეფციის დამტკიცების შესახებ“ საქართველოს მთავრობის 2006 წლის 9 თებერვლის №29 დადგენილება;

ვ) „ზოგადსაგანმანათლებლო დაწესებულებებში ვაუჩერის გაცემისა და გადატანის წესის დამტკიცების შესახებ“ საქართველოს განათლებისა და მეცნიერების მინისტრისა და საქართველოს ფინანსთა მინისტრის 2006 წლის 3 აგვისტოს №740/926 ერთობლივი ბრძა­ნება;“.

    მუხლი 3.

ბრძანება ამოქმედდეს გამოქვეყნე­ბისთანავე.

ა. ლომაია