„იარაღის რეგისტრაციის მოწმობის, სანებართვო მოწმობების ფორმების, აგრეთვე მათი გამოყენებისა და აღრიცხვა-ანგარიშგების წესის დამტკიცების შესახებ“ საქართველოს შინაგან საქმეთა მინისტრის 2008 წლის 22 დეკემბრის №1371 ბრძანებაში ცვლილების შეტანის თაობაზე

დანართი

იარაღის სარეგისტრაციო მოწმობა (ფორმა №1)

ავერსი:

რევერსი:

მუხლი 1

1. იარაღის სარეგისტრაციო მოწმობის (ფორმა №1) მახასიათებლებია:

ა) ფორმა: მართკუთხა, სიგანე: 54.00 მმ. (ISO 7810, 53.92 – 54.03 მმ), სიგრძე: 85.60 მმ (ISO 7810, 85.47 – 85.72 მმ), სისქე: 0.80 მმ (ISO 7810, 0.76 – 0.84 მმ);

ბ) ფერი: კომბინირებული – ნაცრისფერი, ლურჯი, წითელი;

გ) შეესაბამება ISO/IEC 7810-ის ან სხვა იდენტურ/შესაბამის სტანდარტს;

დ) მზადდება ლამინირებული პოლიკარბონატის (შეურეველი, სუფთა პოლიკარბონატი) ფირფიტისაგან, მრავალშრიანი ტექნოლოგიით, ბარათის ფირფიტის გამოყენებით, დაწყობილ და ლამინირებულ ერთიან მონოსხეულად, სიმხურვალისა და წნევის პირობებში.

2. იარაღის სარეგისტრაციო მოწმობაზე (ფორმა №1) დატანილია ორენოვანი (ქართულ და ინგლისურ ენებზე) წარწერა/სიმბოლო(ები), შემდეგი მახასიათებლებით:

ა) წარწერის/სიმბოლო(ები)ს დამწერლობა: ქართული/ლათინური;

ბ) წარწერის/სიმბოლო(ები)ს შრიფტი: „Arial Unicode Regular“;

გ) წარწერის/სიმბოლო(ები)ს შრიფტის ზომა:

გ.ა) ამ დანართის მე-2 მუხლის პირველი პუნქტით განსაზღვრული წარწერა/სიმბოლო(ები) შესრულებულია დიდი ზომის შრიფტით;

გ.ბ) ამ დანართის მე-2 მუხლის მე-2 და მე-4 პუნქტებით განსაზღვრული წარწერა/სიმბოლო(ები) შესრულებულია პატარა ზომის შრიფტით;

დ) ამ დანართის მე-2 მუხლის მე-5 პუნქტის „გ“ ქვეპუნქტით განსაზღვრული წარწერა/სიმბოლო(ები):

დ.ა) შესრულებულია ქართულ ენაზე;

დ.ბ) შესრულებულია ამ პუნქტის „გ.ბ“ ქვეპუნქტით განსაზღვრულ შრიფტზე პატარა ზომის შრიფტით.

მუხლი 2

1. იარაღის სარეგისტრაციო მოწმობის (ფორმა №1) (ავერსი) ზედა ნაწილში დატანილია ლურჯი ფერის ორენოვანი (ქართული და ინგლისური) წარწერა: „იარაღის სარეგისტრაციო მოწმობა“ და „WEAPON REGISTRATION CERTIFICATE“.

2. იარაღის სარეგისტრაციო მოწმობაზე (ფორმა №1) (ავერსი) დატანილია ლურჯ ფერში შესრულებული იარაღის სარეგისტრაციო მოწმობის (ფორმა №1) მონაცემები (ქართულ-ინგლისურენოვანი წარწერა):

ა) სახელი;

ბ) გვარი;

გ) პირადი ნომერი;

დ) გაცემის თარიღი;

ე) მოქმედების ვადა;

ვ) ნებართვის სახე;

ზ) იარაღის სარეგისტრაციო მოწმობის ნომერი (ფოტოსურათის ქვემოთ, დამცავ ბადეზე).

3. იარაღის სარეგისტრაციო მოწმობის (ფორმა №1) (ავერსი):

ა) ზედა მარცხენა კუთხეში გამოსახულია საქართველოს საერთაშორისო კოდი „GE“, ლურჯი ფერის კონტურით;

ბ) ზედა მარცხენა კუთხეში დატანილია საქართველოს სახელმწიფო დროშის გამოსახულება;

გ) მარცხენა მხარეს განთავსებულია იარაღის მოწმობის მფლობელის ფოტოსურათი;

დ) მიკროტექსტი – იარაღის მოწმობის გრაფიკულ დიზაინში სხვადასხვა ადგილზე ხაზები შევსებულია მიკროტექსტით „საქართველო“, ხოლო ტალღისებურ ზოლებში ინტეგრირებულია მიკროტექსტები ქართულ და ინგლისურ ენებზე „იარაღის სარეგისტრაციო მოწმობა“ და „WEAPON REGISTRATION CERTIFICATE“. მიკროტექსტები გადადის ფოტოსურათზე და ხილულია გამადიდებელი საშუალებით;

ე) მარცხენა მხარეს, მთელ კედელზე, ვერტიკალურად დატანილია ვაზის ქართული ორნამენტი, რომელიც ნაწილობრივ გადადის ფოტოსურათზე;

ვ) კომპოზიციის საერთო დამცავი ბადის ფონზე მარჯვენა ნაწილში, ღია ნაცრისფერ-ცისფერ ველზე გამოსახულია ლურჯი ფერის იარაღის ნიშანი (კონტური);

ზ) კომპოზიციის საერთო დამცავი ბადის ფონზე მარჯვენა ნაწილში, ღია ნაცრისფერ-ცისფერ ველზე გამოსახულია მონაცრისფრო საქართველოს სახელმწიფო რუკა სრული სახით;

თ) ქვედა მარჯვენა კუთხეში დატანილია ლურჯი ფერის კანტით შესრულებული წრე, სადაც აღინიშნება ნებართვის კატეგორია.

4. იარაღის სარეგისტრაციო მოწმობაზე (ფორმა №1) (რევერსი) დატანილია:

ა) ლურჯ ფერში შესრულებული იარაღის სარეგისტრაციო მოწმობის მონაცემები (ქართულ-ინგლისურენოვანი წარწერა):

ა.ა) მარკა;

ა.ბ) მოდელი;

ა.გ) კალიბრი;

ა.დ) ნომერი;

ა.ე) იარაღის შენახვის ადგილი;

ა.ვ) იარაღის დამატებითი ძირითადი ელემენტები.

5. იარაღის სარეგისტრაციო მოწმობის (ფორმა №1) (რევერსი):

ა) შუა ნაწილში დატანილია საქართველოს სახელმწიფო გერბი, ფერითი გამოსახულებით;

ბ) ქვედა მარჯვენა ნაწილში ბარათის ზედაპირზე ამოტვიფრულია შინაგან საქმეთა სამინისტროს შენობის რელიეფური გამოსახულება და კომპოზიციის საერთო დამცავი ბადის ფონზე ღია ნაცრისფერ-ცისფერ ველზე მონაცრისფრო ფერის კონტურით ასევე გამოსახულია შინაგან საქმეთა სამინისტროს შენობა;

გ) ქვედა მარცხენა კუთხეში მითითებულია დამკვეთისა და დამამზადებლის სახელწოდება, ასევე „სემგს“-ს რეგისტრაციის ნომერი;

დ) ქვედა მარჯვენა კუთხეში დატანილია საჯარო სამართლის იურიდიული პირის – საქართველოს შინაგან საქმეთა სამინისტროს მომსახურების სააგენტოს (შემდგომ – სააგენტო) ემბლემა; აბრეშუმისებური ბეჭდვის ტექნოლოგიით შესრულებული დამცავი ნიშანი – ოპტიკურად ცვალებადი ელემენტი – სააგენტოს ემბლემა შესრულებული ოპტიკურად ცვალებადი მელნით;

ე) მიკროტექსტი – გრაფიკულ დიზაინში სხვადასხვა ადგილზე ხაზები შევსებულია მიკროტექსტით „საქართველო“, ხოლო ტალღისებურ ზოლებში ინტეგრირებულია მიკროტექსტები ქართულ და ინგლისურ ენებზე „იარაღის სარეგისტრაციო მოწმობა“ და „WEAPON REGISTRATION CERTIFICATE“. მიკროტექსტები ხილულია გამადიდებელი საშუალებით;

ვ) მარცხენა მხარეს, მთელ კიდეზე, ვერტიკალურად დატანილია ქართული ორიგინალური ორნამენტი – ვაზი.