„საქართველოს საბაჟო ტერიტორიაზე საქონლის გადაადგილებისა და გაფორმების შესახებ ინსტრუქციების დამტკიცების თაობაზე“ საქართველოს ფინანსთა მინისტრის 2019 წლის 29 აგვისტოს №257 ბრძანებაში ცვლილების შეტანის შესახებ

საქართველოს ფინანსთა მინისტრის

2026 წლის 8 აპრილი

ქ. თბილისი

1. მე-13 მუხლის მე-4 პუნქტი ჩამოყალიბდეს შემდეგი რედაქციით:

„4. ელექტრონული მოწმობის შევსების მიზნით, რკინიგზა მიმდინარე რეჟიმში აწვდის შემოსავლების სამსახურს საქართველოს საბაჟო ტერიტორიაზე გადაადგილებულ, საბაჟო კონტროლს დაქვემდებარებული ტვირთის გადამზიდავ სარკინიგზო ვაგონებზე/კონტეინერებზე გაფორმებული საგზაო უწყისების (შემდგომში – უწყისი) შესახებ რკინიგზის მონაცემთა ბაზაში ასახულ შემდეგ მონაცემებს:

ა) ზოგადი ინფორმაცია:

ა.ა) გამგზავნის/გამომგზავნის დასახელება და საიდენტიფიკაციო ნომერი (უწყისის მიხედვით);

ა.ბ) გამგზავნი/გამომგზავნი რკინიგზის სადგური;

ა.გ) გამგზავნი/გამომგზავნი ქვეყნის დასახელება და ციფრული კოდი;

ა.დ) დანიშნულების რკინიგზის სადგური;

ა.ე) დანიშნულების ქვეყნის დასახელება და ციფრული კოდი;

ა.ვ) კონტეინერის/ვაგონის ნომერი;

ა.ზ) კონტეინერის სუფიქსი;

ა.თ) კონტეინერი ტვირთის სახით;

ა.ი) მიმღების დასახელება და საიდენტიფიკაციო ნომერი (უწყისის მიხედვით);

ა.კ) რკინიგზის მიერ დადებული ლუქების რაოდენობა და ნომრები;

ა.ლ) ტარა;

ა.მ) კონტეინერში/ვაგონში განთავსებული შეფუთვების რაოდენობა;

ა.ნ) კონტეინერში/ვაგონში განთავსებული ტვირთის მთლიანი ბრუტო წონა;

ა.ო) უწყისის გამცემი ქვეყნის კოდი (გზის კოდი);

ა.პ) უწყისის ნომერი;

ბ) კონტეინერში/ვაგონში განთავსებულ თითოეული დასახელების/სახეობის საქონელთან დაკავშირებული შემდეგი ინფორმაცია:

ბ.ა) გამგზავნის/გამომგზავნის დასახელება (საქონლის ნასყიდობის დოკუმენტის მიხედვით);

ბ.ბ) გამგზავნი/გამომგზავნი ქვეყნის დასახელება (საქონლის ნასყიდობის დოკუმენტის მიხედვით);

ბ.გ) ერთეულის რაოდენობა;

ბ.დ) მიმღების დასახელება (საქონლის ნასყიდობის დოკუმენტის მიხედვით);

ბ.ე) მიმღების ქვეყნის დასახელება (საქონლის ნასყიდობის დოკუმენტის მიხედვით);

ბ.ვ) საქონლის დასახელება;

ბ.ზ) საქონლის კოდი სეს ესნ-ის შესაბამისად (ოთხნიშნა დონეზე, ხოლო აქციზური საქონლის (გარდა მსუბუქი ავტომანქანისა), აგრეთვე ნავთობის მსუბუქი, საშუალო, მძიმე დისტილატების შემთხვევაში – რვანიშნა დონეზე);

ბ.თ) საქონლის ბრუტო წონა;

ბ.ი) საქონლის რაოდენობა;

ბ.კ) საქონლის ნეტო წონა;

ბ.ლ) შეფუთვის რაოდენობა;

გ) ტვირთის დანიშნულების ადგილზე გამოცხადების შესახებ ინფორმაცია;

დ) ტვირთის დანიშნულების ადგილზე გამოცხადების თარიღი;

ე) იმ რკინიგზის სადგურის კოდი, რომელიც ახორციელებს ტვირთის დანიშნულების ადგილზე გამოცხადების დადასტურებას.“.

2. მე-14 მუხლის მე-14 პუნქტი ჩამოყალიბდეს შემდეგი რედაქციით:

„14. გრაფა „ტვირთის კოდი“ – ივსება სისტემის მიერ, რკინიგზის მონაცემთა ბაზიდან მიღებული ინფორმაციის საფუძველზე, რომელიც საჭიროების შემთხვევაში რედაქტირდება. გრაფაში მიეთითება საქონლის კოდი სეს ესნ-ის შესაბამისად:

ა) ოთხნიშნა დონეზე, ამასთან, შესაბამისი სასაქონლო პოზიციის მითითების შემდეგ აღინიშნება „00“;

ბ) რვანიშნა დონეზე – აქციზური საქონლის (გარდა მსუბუქი ავტომანქანისა), აგრეთვე ნავთობის მსუბუქი, საშუალო, მძიმე დისტილატების შემთხვევაში.“.