„ტყიბულის მუნიციპალიტეტის 2026 წლის პროგრამული ბიუჯეტიდან სოციალური დახმარების გაცემის წესის დამტკიცების შესახებ“ ტყიბულის მუნიციპალიტეტის საკრებულოს 2025 წლის 24 დეკემბრის №26 დადგენილებაში ცვლილების შეტანის თაობაზე

1. დანართის მე-4 მუხლის მე-3 პუნქტი ჩამოყალიბდეს შემდეგი რედაქციით:

„3. ოჯახები შვილის შეძენის შემთხვევაში.

3.1. ფულადი დახმარება განისაზღვრება:

ა) პირველი, მეორე, მესამე შვილის შეძენის შემთხვევაში 1000 (ათასი) ლარის ოდენობით;

ბ) მეოთხე შვილის შეძენის შემთხვევაში 4000 (ოთხი ათასი) ლარის ოდენობით;

გ) მეხუთე და შემდეგი შვილის შეძენის შემთხვევაში 5000 (ხუთი ათასი) ლარის ოდენობით.

3.2. დახმარების მთხოვნელმა განცხადებასთან ერთად უნდა წარმოადგინოს:

ა) მშობლების პირადობის მოწმობის ასლები;

ბ) ბავშვის დაბადების მოწმობის ასლი;

გ) არასრულწლოვნის რეგისტრაციის ბარათი;

დ) ქალაქის და შესაბამისი სოფლის ამბულატორიის ოჯახის ექიმის ცნობა ბავშვის სამედიცინო აღრიცხვაზე აყვანის თაობაზე;

ე) განმცხადებლის საბანკო ანგარიშის ნომერი.

3.3. სავალდებულოა ახალშობილი და ორივე მშობელი იყოს რეგისტრირებული და ფაქტობრივად მაცხოვრებელი ტყიბულის მუნიციპალიტეტის ტერიტორიაზე, რაც დასტურდება მერის წარმომადგენლის (შესაბამის ადმინისტრაციულ ერთეულში) მოხსენებითი ბარათის საფუძველზე.“.