„საქართველოს იუსტიციის სამინისტროს სასჯელაღსრულების დეპარტამენტის დებულების დამტკიცების შესახებ“ საქართველოს იუსტიციის მინისტრის 2006 წლის 6 სექტემბრის №712 ბრძანებაში ცვლილებებისა და დამატებების შეტანის შესახებ

სახელმწიფო სარეგისტრაციო კოდი 010.240.030.22.027.009.814

საქართველოს იუსტიციის მინისტრის

ბრძანება №15

2007 წლის 17 იანვარი

ქ. თბილისი

,,საქართველოს იუსტიციის სამინისტროს სასჯელაღსრულების დეპარტამენტის დებულების დამტკიცების შესახებ“ საქართველოს იუსტიციის მინისტრის 2006 წლის 6 სექტემბრის №712 ბრძანებაში ცვლილებებისა და დამატებების შეტანის შესახებ

,,პატიმრობის შესახებ“ საქართველოს კანონის მე-4 მუხლის მე-3 პუნქტის, საქართველოს სისხლის სამართლის საპროცესო კოდექსის 62-ე მუხლის 6³ ნაწილისა და ,,ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

მუხლი 1. საქართველოს იუსტიციის მინისტრის 2006 წლის 6 სექტემბრის №712 ბრძანებით დამტკიცებულ საქართველოს იუსტიციის სამინისტროს სასჯელაღსრულების დეპარტამენტის დებულებაში (სსმ III, 2006 წ., №121, მუხ. 1626) შეტანილ იქნეს შემდეგი ცვლილებები და დამატებები:

მე-3 მუხლის:

ა) პირველი პუნქტის ,,დ“ ქვეპუნქტი ჩამოყალიბდეს შემდეგი რედაქციით:

,,დ) კანონმდებლობით დადგენილი წესით სასჯელაღსრულების დაწესებულებათა უსაფრთხოების უზრუნველყოფა და ოპერატიულ-სამძებრო ღონისძიებების წარმოება, აგრეთვე კანონით გათვალისწინებულ შემთხვევებში დანაშაულების წინასწარი გამოძიება;“;

ბ) მე-2 პუნქტის ,,დ“ ქვეპუნქტი ჩამოყალიბდეს შემდეგი რედაქციით:

,,დ) კანონმდებლობით დადგენილი წესით ახორციელებს ოპერატიულ-სამძებრო საქმიანობასა და კანონით გათვალისწინებულ შემთხვევებში დანაშაულების წინასწარ გამოძიებას;“.

2. მე-6 მუხლს დაემატოს შემდეგი შინაარსის ,,ო“ ქვეპუნქტი:

,,ო) საგამოძიებო სამსახური.“.

3. დებულებას დაემატოს შემდეგი შინაარსის 18¹ მუხლი:

,,მუხლი 18¹. საგამოძიებო სამსახური

1. საგამოძიებო სამსახური თავისი კომპეტენციის ფარგლებში ახორციელებს:

ა) საქართველოს სისხლის სამართლის კოდექსის 342¹, 378-ე, 378¹, 378², 379-ე, 380-ე, 381-ე (თავისუფლების აღკვეთასთან დაკავშირებული განაჩენის შეუსრულებლობის ნაწილში) მუხლებით გათვალისწინებული დანაშაულების, აგრეთვე სასჯელაღსრულების დაწე-სებულების ტერიტორიაზე მომხდარი დანაშაულების წინასწარ გამოძიებას;

ბ) საქართველოს სისხლის სამართლის კოდექსის 342¹, 378-ე, 378¹, 378², 379-ე, 380-ე, 381-ე (თავისუფლების აღკვეთასთან დაკავშირებული განაჩენის შეუსრულებლობის ნაწილში) მუხლებით გათვალისწინებული დანაშაულების, აგრეთვე სასჯელაღსრულების დაწესებულების ტერიტორიაზე მომხდარი დანაშაულების ჩადენის ხელშემწყობი მიზეზების შესწავლას, ანალიზს და შესაბამისი რეკომენდაციების შემუშავებას;

გ) კანონმდებლობით გათვალისწინებულ სხვა უფლებამოსილებებს.

2. საგამოძიებო სამსახური ანგარიშვალდებულია მინისტრთან.

3. საგამოძიებო სამსახურში შედის აღმოსავლეთის განყოფილება და დასავლეთის განყოფილება.“.

მუხლი 2. ბრძანება ამოქმედდეს გამოქვეყნებისთანავე.

გ. ქავთარაძე