სახელმწიფო აუდიტის სამსახურის მიერ ადმინისტრაციული სამართალდარღვევის საქმისწარმოების ზოგიერთი საკითხის მოწესრიგების შესახებ

✨ ჰკითხე AI-ს ამ კანონის შესახებ
სახელმწიფო აუდიტის სამსახურის გენერალური აუდიტორის ბრძანება to_be_enacted ადგილობრივი მმართველობა
მიღების თარიღი
04.05.2026
გამომცემი ორგანო
სახელმწიფო აუდიტის სამსახურის გენერალური აუდიტორი
ნომერი
№010
სარეგისტრაციო კოდი
010230000.58.070.016105
გამოქვეყნების წყარო
matsne.gov.ge , 05/05/2026
📎 დანართები 5

დოკუმენტის ტექსტი

 

სახელმწიფო აუდიტის სამსახურის გენერალური აუდიტორის

ბრძანება №010

2026 წლის 4 მაისი

ქ. თბილისი

 

 

სახელმწიფო აუდიტის სამსახურის მიერ ადმინისტრაციული სამართალდარღვევის საქმისწარმოების ზოგიერთი საკითხის მოწესრიგების შესახებ


„სახელმწიფო აუდიტის სამსახურის შესახებ“ საქართველოს ორგანული კანონის მე-10 მუხლის „მ“ ქვეპუნქტისა და 262 მუხლის პირველი პუნქტის, „სახელმწიფო აუდიტის სამსახურის შესახებ“ საქართველოს ორგანულ კანონში ცვლილების შეტანის თაობაზე“ 2025 წლის 17 დეკემბრის №1314-IVმს-XIმპ საქართველოს ორგანული კანონის მე-2 მუხლის მე-6 პუნქტის, „ნორმატიული აქტების შესახებ“ საქართველოს ორგანული კანონის 25-ე მუხლის პირველი პუნქტის „ბ“ ქვეპუნქტის, „მოქალაქეთა პოლიტიკური გაერთიანებების შესახებ“ საქართველოს ორგანული კანონის 342 მუხლის მე-11 და მე-12 პუნქტების, საქართველოს ორგანული კანონის „საქართველოს საარჩევნო კოდექსი“ 94-ე მუხლის მე-6 პუნქტის, „კორუფციის წინააღმდეგ ბრძოლის შესახებ“ საქართველოს კანონის მე-20 მუხლის მე-2 და 21 პუნქტების, „გრანტების შესახებ“ საქართველოს კანონის 63 მუხლის პირველი და მე-2 პუნქტების, „უცხოური გავლენის გამჭვირვალობის შესახებ“ საქართველოს კანონის მე-9 მუხლის მე-5 პუნქტის, „პერსონალურ მონაცემთა დაცვის შესახებ“ საქართველოს კანონის 52-ე მუხლის მე-4 პუნქტის, 58-ე მუხლის პირველი პუნქტის, 59-ე მუხლის მე-2 პუნქტის, საქართველოს ადმინისტრაციულ სამართალდარღვევათა კოდექსის 239-ე მუხლის პირველი და 392 ნაწილების, 240-ე მუხლის, „სააღსრულებო წარმოებათა შესახებ“ საქართველოს კანონის მე-20 და 21-ე მუხლების, „მკაცრი  აღრიცხვის ფორმების“ შესახებ საქართველოს კანონის მე-3 მუხლის „ბ“ ქვეპუნქტისა და მე-8 მუხლის, „მკაცრი აღრიცხვის ფორმების ნუსხის, მკაცრი აღრიცხვის ფორმების რეგისტრაციის წესისა და მკაცრი აღრიცხვის ფორმების რეგისტრაციის ჟურნალის ფორმის დამტკიცების თაობაზე“ საქართველოს ეკონომიკისა და მდგრადი განვითარების მინისტრის 2020 წლის 31 აგვისტოს №1-1/345 ბრძანების პირველი მუხლით დამტკიცებული მკაცრი აღრიცხვის ფორმების ნუსხის მე-17 პუნქტის შესაბამისად, ვბრძანებ:

მუხლი 1
1. თანდართული სახით დამტკიცდეს:

ა) სახელმწიფო აუდიტის სამსახურის ადმინისტრაციული სამართალდარღვევის ოქმის ფორმა (დანართი №1);

ბ) სახელმწიფო აუდიტის სამსახურის ადმინისტრაციული სამართალდარღვევის ოქმის შენახვის, გამოყენებისა და აღრიცხვის წესი (დანართი №2);

გ) ადმინისტრაციული სამართალდარღვევის ოქმის აღრიცხვის ჟურნალის ფორმა (დანართი №3);

დ) გამოსაყენებლად უვარგისი ადმინისტრაციული სამართალდარღვევის ოქმის ჩამოწერის აქტის ფორმა (დანართი №4);

ე) სააღსრულებო ფურცლის ფორმა (დანართი №5).

2. ამ ბრძანების პირველი პუნქტის „ა“ ქვეპუნქტით გათვალისწინებული ადმინისტრაციული სამართალდარღვევის ოქმის ფორმა დამტკიცდეს შემდეგი დამცავი ნიშნებით:

ა) ექსკლუზიური ნუმერაცია, რომელიც ანათებს ულტრაცისფერ სხივებში;

ბ) ექსკლუზიური გილიოშური ბადე;

გ) წყლის ნიშანი (საქართველოს სახელმწიფო გერბი);

დ) მიკროშრიფტი, სადაც იკითხება „სახელმწიფო აუდიტის სამსახური“.

მუხლი 2
სახელმწიფო აუდიტის სამსახურის ადმინისტრაციული სამართალდარღვევის ოქმის შედგენაზე უფლებამოსილ პირებად განისაზღვროს:

ა) აუდიტის დეპარტამენტის ხელმძღვანელი – „სახელმწიფო აუდიტის სამსახურის შესახებ“ საქართველოს ორგანული კანონით გათვალისწინებულ ადმინისტრაციულ სამართალდარღვევაზე;

ბ) პერსონალურ მონაცემთა დაცვის დეპარტამენტის თანამშრომლები თავისი კომპეტენციის ფარგლებში – „პერსონალურ მონაცემთა დაცვის შესახებ“ საქართველოს კანონით გათვალისწინებულ ადმინისტრაციულ სამართალდარღვევაზე;

გ) ფინანსების გამჭვირვალობის დეპარტამენტის თანამშრომლები თავისი კომპეტენციის ფარგლებში –„მოქალაქეთა პოლიტიკური გაერთიანებების შესახებ“ საქართველოს ორგანული  კანონით, საქართველოს ორგანული კანონით „საქართველოს საარჩევნო კოდექსი“, „გრანტების შესახებ“ საქართველოს კანონით, „უცხოური გავლენის გამჭვირვალობის შესახებ“ საქართველოს კანონით და საქართველოს ადმინისტრაციულ სამართალდარღვევათა კოდექსის 15313 მუხლით გათვალისწინებულ ადმინისტრაციულ სამართალდაღვევებზე.

მუხლი 3
ამ ბრძანების მე-2 მუხლის „ბ“ ქვეპუნქტითა და „გ“ ქვეპუნქტით განსაზღვრული „უცხოური გავლენის გამჭვირვალობის შესახებ“ საქართველოს კანონით, ასევე „კორუფციის წინააღმდეგ ბრძოლის შესახებ“ საქართველოს კანონით გათვალისწინებულ ადმინისტრაციულ სამართალდარღვევებზე  ადმინისტრაციული სახდელის დადებაზე, ასევე ადმინისტრაციული სახდელის დადების შესახებ გადაწყვეტილების აღსრულების მიზნით სააღსრულებო ფურცლის გაცემაზე გადაწყვეტილებას იღებს გენერალური აუდიტორი.
მუხლი 4
„მოქალაქეთა პოლიტიკური გაერთიანებების შესახებ“ საქართველოს ორგანული კანონით და „გრანტების შესახებ“ საქართველოს კანონით დადგენილი კომპეტენციის ფარგლებში სამართალდამრღვევის ქონებაზე (მათ შორის, საბანკო ანგარიშებზე) ყადაღის დადების შესახებ გადაწყვეტილებას იღებს სახელმწიფო აუდიტის სამსახურის ფინანსების გამჭვირვალობის დეპარტამენტის უფროსი.
მუხლი 5
ძალადაკარგულად გამოცხადდეს:

ა) „სახელმწიფო აუდიტის სამსახურის ქვემდებარეობისათვის მიკუთვნებული ადმინისტრაციული სამართალდარღვევის საქმისწარმოების ზოგიერთი საკითხის მოწესრიგების შესახებ“ გენერალური აუდიტორის 2018 წლის 15 მარტის №02612/21 ბრძანება;

ბ) „პერსონალურ მონაცემთა დაცვის სამსახურის ადმინისტრაციული სამართალდარღვევის ოქმის ფორმის, მისი შენახვის, გამოყენებისა და აღრიცხვა-ანგარიშგების წესის დამტკიცების შესახებ“ პერსონალურ მონაცემთა დაცვის სამსახურის უფროსის 2022 წლის 18 მარტის №08 ბრძანება;

გ) „სსიპ – ანტიკორუფციული ბიუროს ქვემდებარეობისათვის მიკუთვნებული ადმინისტრაციული სამართალდარღვევის საქმისწარმოების ზოგიერთი საკითხის მოწესრიგების შესახებ“ სსიპ – ანტიკორუფციული ბიუროს უფროსის 2023 წლის 23 აგვისტოს №3 ბრძანება.

მუხლი 6
ეს ბრძანება ამოქმედდეს 2026 წლის 15 მაისიდან.

სახელმწიფო აუდიტის სამსახურის გენერალური აუდიტორიგიორგი გაბიტაშვილი
📎 დანართები (5)
დან.1.docx ⬇

სახელმწიფო აუდიტის სამსახური

ადმინისტრაციული სამართალდარღვევის

ოქმი № 000000

------------------------------------------------------- -------------------------------------------

(ოქმის შედგენის ადგილი) (თარიღი)

---------------------------------------------------------------------------------------------------------------------------------------------------------------------------------------------------------------------

(ოქმის შემდგენლის თანამდებობა, სახელი, მამის სახელი, გვარი)

სამართალდამრღვევი:

----------------------------------------------------------------------------------------------------------------------------------------------------------------------------------

(მონაცემები სამართალდამრღვევი ფიზიკური პირის შესახებ: სახელი, გვარი, პირადი ნომერი, მისამართი)

---------------------------------------------------------------------------------------------------------------------------------------------------------------------------------------

(მონაცემები სამართალდამრღვევი იურიდიული პირის შესახებ: იურიდიული პირის სახელწოდება, იურიდიული მისამართი, გადასახადის გადამხდელის საიდენტიფიკაციო ნომერი)

სამართალდარღვევის ჩადენის ადგილი, დრო და არსი: -------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------

ნორმატიული აქტი, რომელიც ითვალისწინებს პასუხისმგებლობას ამ სამართალდარღვევისათვის: ----------------------------------------------------

----------------------------------------------------------------------------------------------------------------------------------------------------------------------

(ნორმატიული აქტის დასახელება, მუხლი, პუნქტი/ნაწილი, ქვეპუნქტი)

სამართალდამრღვევს განემარტა საქართველოს ადმინისტრაციულ სამართალდარღვევათა კოდექსის 252-ე მუხლით გათვალისწინებული უფლებები და მოვალეობები:

ადმინისტრაციულ პასუხისგებაში მიცემულ პირს უფლება აქვს: გაეცნოს საქმის მასალებს, მისცეს ახსნა-განმარტებანი, წარადგინოს მტკიცებულებანი, განაცხადოს შუამდგომლობანი; საქმის განხილვისას ისარგებლოს ადვოკატის იურიდიული დახმარებით; გამოვიდეს მშობლიურ ენაზე და თუ არ იცის მიმდინარე წარმოების ენა, ისარგებლოს თარჯიმნის მომსახურებით; გაასაჩივროს საქმის გამო მიღებული დადგენილება.

სამართალდამრღვევის ახსნა-განმარტება: ------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------

მონაცემები მოწმის შესახებ (თუ არის): ----------------------------------------------------------------------------------------------------------------------------------

(მოწმის სახელი, გვარი, პირადი ნომერი, მისამართი)

საქმის გადასაწყვეტად საჭირო სხვა ცნობები: ----------------------------------------------------------------------------------------------------------

--------------------------------- ------------------------------------ -----------------------------

(ოქმის შემდგენლის ხელმოწერა) (სამართალდამრღვევის ხელმოწერა, ხელმოწერაზე (მოწმის ხელმოწერა)

ან ოქმის ჩაბარებაზე უარის აღნიშვნა)

დან.2.docx ⬇

დანართი №2

სახელმწიფო აუდიტის სამსახურის ადმინისტრაციული სამართალდარღვევის ოქმის შენახვის, გამოყენებისა და აღრიცხვის წესი

მუხლი 1. ზოგადი დებულებები

ეს წესი შემუშავებულია საქართველოს ადმინისტრაციულ სამართალდარღვევათა კოდექსის, „მკაცრი აღრიცხვის ფორმების შესახებ“ საქართველოს კანონის მე-8 მუხლისა და „მკაცრი აღრიცხვის ფორმების ნუსხის, მკაცრი აღრიცხვის ფორმების რეგისტრაციის წესისა და მკაცრი აღრიცხვის ფორმების რეგისტრაციის ჟურნალის ფორმის დამტკიცების თაობაზე“ საქართველოს ეკონომიკისა და მდგრადი განვითარების მინისტრის 2020 წლის 31 აგვისტოს №1-1/345 ბრძანების საფუძველზე და აწესრიგებს სახელმწიფო აუდიტის სამსახურის (შემდგომ – სამსახური) ადმინისტრაციული სამართალდარღვევის ოქმის (შემდგომ – ოქმი) შენახვის, გამოყენებისა და აღრიცხვის საკითხებს.

მუხლი 2. ოქმის მომარაგება და დამზადება

1. სამსახური ოქმის ფორმებით მომარაგებას ახორციელებს დამოუკიდებლად.

2. ოქმის ფორმა მზადდება „მკაცრი აღრიცხვის ფორმების შესახებ“ საქართველოს კანონის შესაბამისად შერჩეულ პოლიგრაფიულ საწარმოში.

3. ოქმის ფორმების პოლიგრაფიული საწარმოდან გამოტანის უფლება აქვს სათანადოდ გაფორმებული მინდობილობით აღჭურვილ პირს.

მუხლი 3. ოქმის შენახვა და უფლებამოსილი პირისთვის გადაცემა

1. ოქმი ინახება ოქმის აღრიცხვაზე პასუხისმგებელ პირთან (შემდგომ – პასუხისმგებელი პირი), რომელსაც ინდივიდუალური ადმინისტრაციულ-სამართლებრივი აქტით – ბრძანებით განსაზღვრავს გენერალური აუდიტორი.

2. ოქმი ინახება ცეცხლგამძლე კარადაში. შენახვის ადგილი დაცული და მიუწვდომელი უნდა იყოს გარეშე პირთათვის.

3. ოქმი, მის შედგენაზე უფლებამოსილ პირებზე, გაიცემა მხოლოდ წერილობითი მოთხოვნის საფუძველზე. პასუხისმგებელი პირი ოქმის გაცემას აღრიცხავს ადმინისტრაციული სამართალდარღვევის ოქმის აღრიცხვის ჟურნალში (შემდგომ – აღრიცხვის ჟურნალი).

მუხლი 4. აღრიცხვის ჟურნალის გაფორმების, წარმოებისა და შენახვის წესი

1. აღრიცხვის ჟურნალი იწარმოება ყოველი კალენდარული წლისათვის.

2. ოქმი, მისი შედგენიდან არაუგვიანეს ხუთი სამუშაო დღისა, რეგისტრირებული უნდა იქნეს ოქმების აღრიცხვის ჟურნალში.

3. აღრიცხვის ჟურნალის ფურცლები ინომრება რიგითობის მიხედვით. მისი გარეკანი და ფურცლები უნდა იყოს ზონარგაყრილი. ამასთანავე, ზონარის კვანძზე ეკვრება ეტიკეტი, რომელიც მოწმდება სამსახურის გერბიანი ბეჭდით. ბეჭდის ლუქი დატანილი უნდა იყოს იმგვარად, რომ ანაბეჭდი გადადიოდეს როგორც ლუქის ნაწილზე, ასევე ჟურნალის ფურცელზე.

4. აღრიცხვის ჟურნალში ჩანაწერი კეთდება ლურჯი ფერის კალმით. ჩანაწერის წაშლა, ჩასწორება და მოშორება კორექტორის დახმარებით დაუშვებელია. აუცილებლობის შემთხვევაში, უზუსტო ჩანაწერი გადაიხაზება ერთი ხაზით ისე, რომ ნათლად ჩანდეს ადრე დაწერილი ტექსტი, ხოლო გრაფაში – „შენიშვნა“ პასუხისმგებელი პირი აკეთებს შესაბამის ჩანაწერს. ახალი ჩანაწერი კეთდება აღრიცხვის ჟურნალის შემდეგ გრაფაში.

5. თუ კალენდარული წლის განმავლობაში აღრიცხვის ერთი ჟურნალი აღმოჩნდება არასაკმარისი, იხსნება ახალი, რომელიც წარმოადგენს მის გაგრძელებას. იმ შემთხვევაში, თუ კალენდარული წლის ბოლოს აღრიცხვის ჟურნალი იძლევა საშუალებას მასში ჩანაწერები გაკეთდეს შემდგომი კალენდარული წლებისთვისაც, დასაშვებია მისი გამოყენება ახალი ჟურნალის გახსნის გარეშე.

6. კალენდარული წლის ბოლოს აღრიცხვის ჟურნალში პასუხისმგებელი პირი აკეთებს ჩანაწერს რეგისტრირებული ოქმების რაოდენობის შესახებ (გაცემული, გამოყენებული, გამოსაყენებლად უვარგისი ოქმებისა და არსებული მარაგის შესახებ).

7. აღრიცხვის ჟურნალი ინახება პასუხისმგებელ პირთან. შენახვის ადგილი უნდა იყოს დაცული და მიუწვდომელი გარეშე პირთათვის და ინახებოდეს ცეცხლგამძლე კარადაში.

8. აღრიცხვის ჟურნალის შენახვისას უზრუნველყოფილი უნდა იქნეს მასში ასახული მონაცემების დაცულობა. აღრიცხვის ჟურნალი ან/და მასში არსებული მონაცემები არ შეიძლება გაიცეს მესამე პირზე/პირებზე, გარდა საქართველოს კანონმდებლობით გათვალისწინებული შემთხვევებისა.

9. დასაშვებია ოქმების აღრიცხვა ოქმების აღრიცხვის ჟურნალის ელექტრონულ ვერსიაში, რომლის წერილობითი ფორმით ამობეჭდვა უნდა მოხდეს ყოველი წლის ბოლოს. ოქმების აღრიცხვის ჟურნალის ელექტრონული ვერსიის მიმართ ამ მუხლის მოთხოვნები ვრცელდება მისი წერილობითი ფორმით ამობეჭდვის შემდეგ.

მუხლი 5. ოქმის შედგენა

1. ოქმი ივსება ლურჯი, ბურთულიანი კალმით. ოქმში ჩანაწერი კეთდება გარკვევით, დაუშვებელია გადახაზვა, გადაშლა, გადაფხეკა და ა.შ. ოქმის დაზიანების ან მასში არასწორი მონაცემების შეტანის შემთხვევაში დგება ახალი ოქმი. ძველი გადაიხაზება ჯვარედინად, რომელსაც ოქმის შედგენაზე უფლებამოსილი პირი გაუქმების მიზეზის მითითებით აბარებს პასუხისმგებელ პირს.

2. ოქმის შედგენაზე უფლებამოსილი პირი ვალდებულია ოქმის შედგენიდან არაუგვიანეს 3 სამუშაო დღისა, პასუხისმგებელ პირს მიაწოდოს ინფორმაცია ოქმის შევსებასთან დაკავშირებით.

3. ოქმის შედგენაზე უფლებამოსილი პირი მისთვის გადაცემული ოქმის დაკარგვის შემთხვევაში, ინფორმაციას წერილობითი სახით დაუყოვნებლივ აცნობებს გენერალურ აუდიტორს.

მუხლი 6. გამოსაყენებლად უვარგისი ოქმის ჩამოწერა

1. გამოსაყენებლად უვარგისი ოქმის ჩამოწერა შეიძლება:

ა) შევსების დროს დაშვებული შეცდომის გამო;

ბ) ოქმის ფიზიკური დაზიანების გამო;

გ) საქართველოს კანონმდებლობით გათვალისწინებულ სხვა შემთხვევაში.

2. ოქმის გამოსაყენებლად უვარგისად მიჩნევის შემთხვევაში თანამშრომელი, რომლის ქმედების შედეგად დადგა ამ მუხლის პირველი პუნქტით გათვალისწინებული პირობა, დაუყოვნებლივ (არაუგვიანეს 3 სამუშაო დღისა) შესაბამისი ახსნა-განმარტებით მიმართავს პასუხისმგებელ პირს, რის შემდეგ დგება გამოსაყენებლად უვარგისი ადმინისტრაციული სამართალდარღვევის ოქმის ჩამოწერის აქტი (შემდგომში - ჩამოწერის აქტი).

3. ჩამოწერის აქტში უნდა მიეთითოს გამოსაყენებლად უვარგისი ოქმის ნომერი და ამ მუხლის პირველი პუნქტით განსაზღვრული ოქმის უვარგისობის მიზეზი.

4. ჩამოწერის აქტი ხელმოწერილი უნდა იქნეს ოქმის შედგენაზე უფლებამოსილი და მის აღრიცხვაზე პასუხისმგებელი პირების მიერ, თარიღის მითითებით.

5. ჩამოწერის აქტის რეკვიზიტები მიეთითება აღრიცხვის ჟურნალში შესაბამის გრაფაში.

6. გამოსაყენებლად უვარგისი ოქმი და ჩამოწერის აქტი ინახება პასუხისმგებელ პირთან. შენახვის ადგილი დაცული და მიუწვდომელი უნდა იყოს გარეშე პირთათვის და ინახებოდეს ცეცხლგამძლე კარადაში.

7. გამოსაყენებლად უვარგისი ოქმის ექსპერტიზა – უტილიზაცია ხორციელდება მოქმედი კანონმდებლობის შესაბამისად.

დან.3.docx ⬇

დანართი №3

ადმინისტრაციული სამართალდარღვევის ოქმის აღრიცხვის ჟურნალის ფორმა

№ ოქმის № გაცემის თარიღი ოქმის აღრიცხვაზე პასუხისმგებელი პირის სახელი, გვარი, თანამდებობა ოქმის აღრიცხვაზე პასუხისმგებელი პირის ხელმოწერა ოქმის მიმღები პირის სახელი, გვარი, თანამდებობა ოქმის მიმღები პირის ხელმოწერა ინფორმაცია შედგენილი ოქმების შესახებ (ოქმის ნომერი, შედგენის თარიღი, შემდგენელი პირის სახელი, გვარი, თანამდებობა) ინფორმაცია გამოსაყენებლად უვარგისი ოქმის შესახებ (ჩამოწერის აქტის №, აქტის შედგენის თარიღი) შენიშვნა
                   
                   
                   
                   
                   
                   
                   
                   
დან.4.docx ⬇

დანართი №4

გამოსაყენებლად უვარგისი ადმინისტრაციული სამართალდარღვევის ოქმის

ჩამოწერის აქტის ფორმა

ა ქ ტ ი №

თარიღი

№

ოქმის ნომერი

ოქმის ჩამოწერის მიზეზი

ხელმოწერით ვადასტურებთ აქტის მიხედვით წარმოდგენილი გამოსაყენებლად უვარგისი ოქმების ჩამოწერის სისწორეს.

ოქმის შედგენაზე უფლებამოსილი პირი:

ოქმის აღრიცხვაზე პასუხისმგებელი პირი:

დან.5.docx ⬇

დანართი № 5

სააღსრულებო ფურცლის ფორმა

C:\Users\akoridze\Desktop\sax_gerbi.jpg

სახელმწიფო აუდიტის სამსახური

სააღსრულებო ფურცელი

____________________________________ 20 __________ წ.

სააღსრულებო ფურცლის გაცემის თარიღი

__________________________________________________________________________________________

სააღსრულებო ფურცლის გამცემი ორგანოს დასახელება

___________________________________________________________________________________________________________________________

სამართალდარღვევის საქმე, რომლის გამოც გამოცემულია სააღსრულებო ფურცელი

___________________________________________________________________________________________________________________________

________________________________ 20 ________ წ. №____________________________________

ადმინისტრაციული სახდელის დადების შესახებ აქტის გამოცემის თარიღი და ნომერი

__________________________________________________________________________________________

ადმინისტრაციული სახდელის დადების შესახებ აქტის სარეზოლუციო ნაწილი

__________________________________________________________________________________________

__________________________________________________________________________________________

__________________________________________________________________________________________

კრედიტორი: __________________________________________________________________________________________

დასახელება, რეკვიზიტები, საკონტაქტო მონაცემები, სახაზინო კოდი

__________________________________________________________________________________________

მოვალე:

__________________________________________________________________________________________________

იურიდიული პირის სახელწოდება, საიდენტიფიკაციო ნომერი, მისამართი. საკონტაქტო ინფორმაცია

___________________________________________________________________________________________________________________________

__________________________________________________________________________________________

ფიზიკური პირის სახელი, გვარი, პირადი ნომერი, მისამართი, საკონტაქტო ინფორმაცია

__________________________________________________________________________________________

სააღსრულებო ფურცლის გამცემი პირი : ____________________________________________________

სახელი, გვარი, თანამდებობა

__________________________________________________________________________________________

____________________________________________________

ხელმოწერა