ზოგიერთი საჯარო სკოლისათვის სახელის მინიჭებისა და „ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ“ საქართველოს განათლებისა და მეცნიერების მინისტრის 2005 წლის 15 სექტემბრის №448 ბრძანებაში ცვლილების შეტანის თაობაზე

ა) ქალაქ ქუთაისის საგანმანათლებლო რესურსცენტრს დაქვემდებარებულ სსიპ – ქალაქ ქუთაისის №6 საჯარო სკოლას მიენიჭოს ქართული ლიტერატურის განვითარების საქმეში თვალსაჩინო წვლილის მქონე ეროვნული მასშტაბით აღიარებული გარდაცვლილი საერო  პირის, გალაკტიონ ტაბიძის სახელი;

ბ) ქალაქ ტყიბულის საგანმანათლებლო რესურსცენტრს დაქვემდებარებულ სსიპ – ქალაქ ტყიბულის №4 საჯარო სკოლას მიენიჭოს სამშობლოს დაცვის საქმეში თვალსაჩინო წვლილის მქონე ეროვნული მასშტაბით აღიარებული, გარდაცვლილი საერო პირის, ნიკოლოზ ფორჩხიძის სახელი;

გ) ქალაქ ზუგდიდის საგანმანათლებლო რესურსცენტრს დაქვემდებარებულ ზუგდიდის მუნიციპალიტეტის სსიპ – სოფელ ჯიხაშკარის №2 საჯარო სკოლას მიენიჭოს ქართული სახელმწიფოს მშენებლობის, ქართული ენის, მეცნიერებისა და ლიტერატურის განვითარების საქმეში წვლილის მქონე ეროვნული მასშტაბით აღიარებული გარდაცვლილი საერო პირის, ზვიად გამსახურდიას სახელი;

დ) ქალაქ ახმეტის საგანმანათლებლო რესურსცენტრს დაქვემდებარებულ ახმეტის მუნიციპალიტეტის სსიპ – სოფელ ქისტაურის საჯარო სკოლას მიენიჭოს ქართული კულტურისა და ლიტერატურის განვითარების საქმეში თვალსაჩინო წვლილის მქონე ეროვნული მასშტაბით აღიარებული გარდაცვლილი საერო პირის, რაფიელ ერისთავის სახელი.