„ყაზბეგის მუნიციპალიტეტის ტერიტორიაზე ადგილობრივი მოსაკრებლების შემოღებისა და მათი გადახდის წესისა და ოდენობების განსაზღვრის შესახებ” ყაზბეგის მუნიციპალიტეტის საკრებულოს 2026 წლის 3 აპრილის №5 დადგენილებაში ცვლილების შეტანის თაობაზე

✨ ჰკითხე AI-ს ამ კანონის შესახებ

მიღების თარიღი

13.05.2026

გამომცემი ორგანო

ყაზბეგის მუნიციპალიტეტი

ნომერი

№7

სარეგისტრაციო კოდი

210020010.35.151.016420

გამოქვეყნების წყარო

matsne.gov.ge , 15/05/2026

დოკუმენტის ტექსტი

ყაზბეგის მუნიციპალიტეტის საკრებულოს

დადგენილება №7

2026 წლის 13 მაისი

დაბა სტეფანწმინდა

„ყაზბეგის მუნიციპალიტეტის ტერიტორიაზე ადგილობრივი მოსაკრებლების შემოღებისა და მათი გადახდის წესისა და ოდენობების განსაზღვრის შესახებ” ყაზბეგის მუნიციპალიტეტის საკრებულოს 2026 წლის 3 აპრილის №5 დადგენილებაში ცვლილების შეტანის თაობაზე

საქართველოს ორგანული კანონის ,,ადგილობრივი თვითმმართველობის კოდექსი“ 61-ე მუხლის მე-2 პუნქტისა და ,,ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ყაზბეგის ყაზბეგის მუნიციპალიტეტის საკრებულო ადგენს:

მუხლი 1

„ყაზბეგის მუნიციპალიტეტის ტერიტორიაზე ადგილობრივი მოსაკრებლების შემოღებისა და მათი გადახდის წესისა და ოდენობების განსაზღვრის შესახებ” ყაზბეგის მუნიციპალიტეტის საკრებულოს 2026 წლის 3 აპრილის №5 დადგენილებაში (www.matsne.gov.ge, 06/04/2026, სარეგისტრაციო კოდი: 210020010.35.151.016418) შეტანილ იქნეს შემდეგი სახის ცვლილება:

1. დადგენილების პირველი მუხლის მე-2 პუნქტით დამტკიცებული ინსტრუქციის:

მე-14 პუნქტი ჩამოყალიბდეს შემდეგი რედაქციით:

„14. იმ შემთხვევაში, თუ მომხმარებელს დადგენილების ძალაში შესვლამდე წინასწარ აქვს გადახდილი მოსაკრებლის ოდენობა, მათ შორის, იმ პერიოდისთვის, რომელზეც ვრცელდება ახალი განაკვეთი, იგი ვალდებულია გადაიხადოს სხვაობა დადგენილების ამოქმედებიდან ერთი თვის ვადაში.”.

2. დადგენილების პირველი მუხლის მე-2 პუნქტით დამტკიცებული ინსტრუქციის:

მე-17 პუნქტი ჩამოყალიბდეს შემდეგი რედაქციით:

„17. მოსაკრებლის გადახდის ვალდებულებისაგან თავისუფლდებიან:

ა) მეორე მსოფლიო ომის ვეტერანები/მათთან გათანაბრებული პირები და დაღუპულთა ოჯახები;

ბ) დევნილები და თავშესაფრის მაძიებელები;

გ) ის პირები, რომლებიც ცხოვრობენ (ან/და მათი იურიდიული მისამართია) მუნიციპალიტეტის იმ ტერიტორიაზე, სადაც არ ფუნქციონირებს მუნიციპალური ნარჩენების შეგროვებისა და გატანის სერვისი;

დ) სოციალურად დაუცველი ოჯახები, რომელთა სარეიტინგო ქულა არ აღემატება 120 001-ს;

ე) მუნიციპალიტეტის მიერ დაფუძნებული ის არაკომერციული იურიდიული პირები, რომლებიც 100%-ით ფინანსდებიან ადგილობრივი ბიუჯეტიდან.”.

3. დადგენილების პირველი მუხლის მე-3 პუნქტით განსაზღვრული დანართი №3 ჩამოყალიბდეს თანდართული რედაქციით.

მუხლი 2

დადგენილება ძალაშია გამოქვეყნებისთანავე.

ყაზბეგის მუნიციპალიტეტის საკრებულოს თავმჯდომარე		ზურაბი ზილინაშვილი

„დანართი №3

ყაზბეგის მუნიციპალიტეტის დასახლებულ ტერიტორიაზე დასუფთავების მოსაკრებლის გადახდისა და ოდენობის განსაზღვრის ინსტრუქცია იურიდიული პირებისათვის

№	საქმიანობა	ზომის ერთეული	მოსაკრებლის განაკვეთი თვეში (ლარებში)
1	მუზეუმები, ბიბლიოთეკები	საერთო ფართობი 1კვ.მ	0,10
2	ოფისები, სახელმწიფო ორგანიზაციები, ამხანაგობები	დახურული ფართობის 1კვ.მ	1,00
3	სასტუმროები, ჰოსტელები	ერთ საწოლზე	3,00
4	საავადმყოფოები, კლინიკები	ერთ საწოლზე	0,50
5	სტადიონები, სპორტულ-გამაჯანსაღებელი დაწესებულებების ღია ტერიტორიები და მანეჟები (სატურნირო და სავარჯიშო მოედნების გარდა)	საერთო ფართობი 1კვ.მ	0,05
6	სხვადასხვა ტიპის მაღაზიები (სავაჭრო დარბაზი)	საერთო ფართობი 1კვ.მ	1,00
7	აგრარული ბაზრები	საერთო ფართობი 1კვ.მ	0,50
8	სკოლები, საბავშვო ბაგა-ბაღები (გარდა მუნიციპალიტეტის ბიუჯეტიდან დაფინანსებულისა)	1 მოსწავლეზე, 1 ბავშვზე	0,05
9	ბენზინგასამართი სადგურები, ავტოსამრეცხაოები (სამუშაო ფართის შესაბამისად)	საერთო ფართობი 1კვ.მ	1,00
10	ა/მანქანების სარემონტო სადგურები, ტექმომსახურების ადგილები	საერთო ფართობი 1კვ.მ	0,50
11	რესტორნები, კაფე-ბარები, ნებისმიერი სახის სასადილო	1 დასაჯდომ ადგილზე	2,50
12	საცხობები, სწრაფი კვების ობიექტები, საშაურმეები, პიცერიები, საკონდიტროები (რომელთაც არ გააჩნია დასაჯდომი ადგილი)	სამუშაო ფართობი 1კვ.მ	1,00
13	საწარმოთა დანიშნულების ობიექტები, ღია ტერიტორიები და სხვა კატეგორიები	საერთო ფართობი 1კვ.მ	0,50
14	ავტოსადგომები და საწყობები	საერთო ფართობი 1კვ.მ	0.50
15	ბანკები, ლომბარდი, ვალუტის გადამცვლელი პუნქტი, საკრედიტო და საფინანსო ორგანიზაციები (შენობა-ნაგებობით)	საერთო ფართობი 1კვ.მ	2,00
16	ქსელური მარკეტები	საერთო ფართობი 1კვ.მ	2,00
17	კინოთეატრები და თეატრები	მაყურებლის ერთი სავარძელი	0,10
18	გასართობის ცენტრები, ატრაქციონები	საერთო ფართობი 1კვ.მ	0,40
19	სადალაქოები და სილამაზის სალონები	საერთო ფართობი 1კვ.მ	0,50
20	მცირე სამეწარმეო საქმიანობა (საყოფაცხოვრებო მომსახურების ობიექტები, საამქროები)	საერთო ფართობი 1კვ.მ	0,30
21	მგზავრთა გადამყვანი საბაგირო გზა	1 ადგილზე	1,00
22	პროფესიული სასწავლებლები	საერთო ფართობი 1კვ.მ	0,10
23	აფთიაქები (სავაჭრო დარბაზი)	საერთო ფართობი 1კვ.მ	1,00
24	შინაურ ცხოველთა სასაკლაო (შენობანაგებობით)	დახურული ფართობის 1კვ.მ	0,70
25	სამშენებლო ობიექტები ყაზბეგის მუნიციპალიტეტის ტერიტორიაზე (დროებითი შენობა- ნაგებობების ფართზე)	დახურული ფართობის 1კვ.მ	0,50
26	ექსპლუატაციაში შესული ჰიდროელექტროსადგულები (შენობა-ნაგებობით)	საერთო ფართობი 1კვ.მ	2,00
27	კაზინოები, ტოტალიზატორები, სათამაშო კლუბები	საერთო ფართობი 1კვ.მ	0,50
28	საბაჟო გამშვები პუნქტი	საერთო ფართობი 1კვ.მ	0,05
29	თონეები, პურის საცხობები	საერთო ფართის 1კვ.მ	0,20
30	ღია ტიპის დასვენებისა და გართობის ადგილი, ზიპლაინი. კემპინგი	საერთო ფართის 1კვ.მ	0,10
31	ყველა სხვა ტიპის დაწესებულება, რომელიც არ მიეკუთვნება ამ დანართის 1-30 გრაფაში მითითებულ ობიექტებს	საერთო ფართობი 1კვ.მ	0,30

ერთი თვის მოსაკრებლის ოდენობის გაანგარიშება იურიდიული პირებისათვის, ორგანიზაციებისთვის და დაწესებულებებისთვის განისაზღვროს შემდეგი ფორმულის სახით:

მ = გ x რ,

სადაც:

მ არის ერთი თვის მოსაკრებელი იურიდიული პირებისათვის (ლარი);

გ – მოსაკრებლის განაკვეთი თვეში ზომის ერთეულზე (ლარი);

რ – ზომის ერთეულის ფაქტობრივი რაოდენობა (შესაბამისი ფართობი, ადგილი, საწოლი და ა.შ.).“.

ხშირად დასმული კითხვები

მოქმედებს თუ არა „ყაზბეგის მუნიციპალიტეტის ტერიტორიაზე ადგილობრივი მოსაკრებლების შემოღებისა და მათი გადახდის წესისა და ოდენობების განსაზღვრის შესახებ” ყაზბეგის მუნიციპალიტეტის საკრებულოს 2026 წლის 3 აპრილის №5 დადგენილებაში ცვლილების შეტანის თაობაზე?: დიახ, მუნიციპალიტეტის საკრებულოს დადგენილება „ყაზბეგის მუნიციპალიტეტის ტერიტორიაზე ადგილობრივი მოსაკრებლების შემოღებისა და მათი გადახდის წესისა და ოდენობების განსაზღვრის შესახებ” ყაზბეგის მუნიციპალიტეტის საკრებულოს 2026 წლის 3 აპრილის №5 დადგენილებაში ცვლილების შეტანის თაობაზე ამჟამად ძალაშია. ბოლო კონსოლიდირებული რედაქცია — 13.05.2026.
როდის იქნა მიღებული „ყაზბეგის მუნიციპალიტეტის ტერიტორიაზე ადგილობრივი მოსაკრებლების შემოღებისა და მათი გადახდის წესისა და ოდენობების განსაზღვრის შესახებ” ყაზბეგის მუნიციპალიტეტის საკრებულოს 2026 წლის 3 აპრილის №5 დადგენილებაში ცვლილების შეტანის თაობაზე?: „ყაზბეგის მუნიციპალიტეტის ტერიტორიაზე ადგილობრივი მოსაკრებლების შემოღებისა და მათი გადახდის წესისა და ოდენობების განსაზღვრის შესახებ” ყაზბეგის მუნიციპალიტეტის საკრებულოს 2026 წლის 3 აპრილის №5 დადგენილებაში ცვლილების შეტანის თაობაზე მიღებულია 13.05.2026. მიმღები ორგანო — ყაზბეგის მუნიციპალიტეტი. დოკუმენტის ნომერი — №7. სარეგისტრაციო კოდი — 210020010.35.151.016420.
რამდენი მუხლისგან შედგება „ყაზბეგის მუნიციპალიტეტის ტერიტორიაზე ადგილობრივი მოსაკრებლების შემოღებისა და მათი გადახდის წესისა და ოდენობების განსაზღვრის შესახებ” ყაზბეგის მუნიციპალიტეტის საკრებულოს 2026 წლის 3 აპრილის №5 დადგენილებაში ცვლილების შეტანის თაობაზე?: დოკუმენტი შედგება 2 მუხლისგან. თითოეული მუხლი ხელმისაწვდომია ცალკე ბმულით.
სად არის „ყაზბეგის მუნიციპალიტეტის ტერიტორიაზე ადგილობრივი მოსაკრებლების შემოღებისა და მათი გადახდის წესისა და ოდენობების განსაზღვრის შესახებ” ყაზბეგის მუნიციპალიტეტის საკრებულოს 2026 წლის 3 აპრილის №5 დადგენილებაში ცვლილების შეტანის თაობაზე-ის ოფიციალური ტექსტი?: ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 13.05.2026 მდგომარეობით.

როგორ დავიმოწმოთ

მუნიციპალიტეტის საკრებულოს დადგენილება „ყაზბეგის მუნიციპალიტეტის ტერიტორიაზე ადგილობრივი მოსაკრებლების შემოღებისა და მათი გადახდის წესისა და ოდენობების განსაზღვრის შესახებ” ყაზბეგის მუნიციპალიტეტის საკრებულოს 2026 წლის 3 აპრილის №5 დადგენილებაში ცვლილების შეტანის თაობაზე, №7, 13.05.2026, სარეგისტრაციო კოდი 210020010.35.151.016420 (კონსოლიდირებული რედაქცია 13.05.2026). ხელმისაწვდომია: https://legali.ge/law/6862791/