„აფხაზეთის ავტონომიური რესპუბლიკის კონსტიტუციაში ცვლილების შეტანის შესახებ“ აფხაზეთის ავტონომიური რესპუბლიკის კონსტიტუციური კანონის პროექტების გამოქვეყნებისა და მისი საყოველთაო-სახალხო განხილვის საორგანიზაციო კომისიის შექმნის თაობაზე

პროექტი

აფხაზეთის ავტონომიური რესპუბლიკის

კონსტიტუციური კანონი

აფხაზეთის ავტონომიური რესპუბლიკის კონსტიტუციაში

ცვლილების შეტანის შესახებ

მუხლი 1. აფხაზეთის ავტონომიური რესპუბლიკის კონსტიტუციაში (აფხაზეთის ხმა, №27, 06.07.2001წ.) შეტანილ იქნეს შემდეგი ცვლილება:

1. მე-4 მუხლის სათაური ჩამოყალიბდეს შემდეგი რედაქციით:

„უმაღლესი საბჭოს თავმჯდომარე და თავმჯდომარის მოადგილე“.

2. მე-4 მუხლის მე-3 პუნქტი ჩამოყალიბდეს შემდეგი რედაქციით:

„3. უმაღლესი საბჭო 5 წლის ვადით რეგლამენტით დადგენილი წესით ფარული კენჭისყრით სიითი შემადგენლობის უმრავლესობით ირჩევს უმაღლესი საბჭოს თავმჯდომარის მოადგილეს.“.

3. მე-5 მუხლის პირველი პუნქტი ჩამოყალიბდეს შემდეგი რედაქციით:

„1. უმაღლესი საბჭოს მუშაობის ორგანიზებისა და უმაღლესი საბჭოს რეგლამენტით გათვალისწინებული სხვა უფლებამოსილებების განხორციელების მიზნით იქმნება უმაღლესი საბჭოს პრეზიდიუმი, რომლის შემადგენლობაში შედიან უმაღლესი საბჭოს თავმჯდომარე, უმაღლესი საბჭოს თავმჯდომარის მოადგილე, უმაღლესი საბჭოს კომიტეტებისა და ფრაქციების თავმჯდომარეები.“.

4. მე-8 მუხლის მე-2 პუნქტი ჩამოყალიბდეს შემდეგი რედაქციით:

„2. უმაღლესი საბჭოს თავმჯდომარე აფხაზეთის ავტონომიური რესპუბლიკის მთავრობის თავმჯდომარის, უმაღლესი საბჭოს სიითი შემადგენლობის არანაკლებ ერთი მესამედის წერილობითი მოთხოვნით ან საკუთარი ინიციატივით უმაღლესი საბჭოს სესიებს შორის პერიოდში იწვევს რიგგარეშე სესიას, ხოლო მორიგი სესიის მიმდინარეობისას – რიგგარეშე სხდომას. თუ წერილობითი მოთხოვნის წარდგენიდან 48 საათის განმავლობაში მოწვევის აქტი არ გამოიცა, უმაღლესი საბჭო თავისი რეგლამენტის თანახმად იკრიბება მომდევნო 48 საათის განმავლობაში. ასეთ შემთხვევაში უმაღლესი საბჭოს სხდომას წარმართავს უმაღლესი საბჭოს თავმჯდომარის მოადგილე უმაღლესი საბჭოს რეგლამენტით დადგენილი წესით. უმაღლესი საბჭოს რიგგარეშე სხდომა ტარდება მხოლოდ ინიციატორის მიერ განსაზღვრული დღის წესრიგით და იხურება მისი ამოწურვისთანავე.“.

მუხლი 2

ეს კანონი ამოქმედდეს გამოქვეყნებიდან მე-15 დღეს.

აფხაზეთის ავტონომიური რესპუბლიკის

მთავრობის თავმჯდომარე გიორგი ჯინჭარაძე

განმარტებითი ბარათი

აფხაზეთის ავტონომიური რესპუბლიკის კონსტიტუციური კანონის პროექტზე „აფხაზეთის ავტონომიური რესპუბლიკის კონსტიტუციაში ცვლილების შეტანის შესახებ“

ა) ზოგადი ინფორმაცია კონსტიტუციური კანონის პროექტის შესახებ:

ა.ა) კონსტიტუციური კანონის პროექტის მიღების მიზეზი:

ა.ა.ა) პრობლემა, რომლის გადაჭრასაც მიზნად ისახავს კონსტიტუციური კანონის პროექტი:

აფხაზეთის ავტონომიური რესპუბლიკის უმაღლესი საბჭოს საქმიანობის სპეციფიკიდან და მის წინაშე მდგარი ამოცანების ფუნქციური ანალიზიდან გამომდინარე, აუცილებლობას არ წარმოადგენს უმაღლესი საბჭოს თავმჯდომარის ორი მოადგილის თანამდებობის არსებობა. უმაღლესი საბჭოს თავმჯდომარის მოადგილეზე თანამდებობრივად დაკისრებული მოვალეობების შესასრულებლად საკმარისია ერთი მოადგილის თანამდებობის არსებობა.

კანონმდებლობის თანახმად, აფხაზეთის ავტონომიური რესპუბლიკის უმაღლესი საბჭოს თავმჯდომარის გადადგომის, გადაყენების ან მის მიერ უფლებამოსილების ვადამდე შეწყვეტის შემთხვევაში უმაღლესი საბჭოს თავმჯდომარის მოვალეობას ასრულებს მისი პირველი მოადგილე, ხოლო მის მიერ უფლებამოსილების განხორცილების შეუძლებლობის შემთხვევაში – თავმჯდომარის მოადგილე. პირველი მოადგილის თანამდებობის შემოღებამდე უმაღლესი საბჭოს თავმჯდომარეს ჰყავდა ორი მოადგილე, პირველი მოადგილის თანამდებობის შემოღება კი იმ გარემოებამ განაპირობა, რომ უმაღლესი საბჭოს თავმჯდომარის მიერ თავისი უფლებამოსილების განხორციელების შეუძლებლობისას განსაზღვრული ყოფილიყო, თუ ვინ შეასრულებდა მის მოვალეობას და ყოველ ჯერზე არ ყოფილიყო საჭირო მოვალეობის შემსრულებლის დასახელება. ვინაიდან ორი მოადგილის ნაცვლად უმაღლესი საბჭოს თავმჯდომარეს ეყოლება ერთი მოადგილე, ეს პრობლემა ისედაც არ იარსებებს და თავმდჯომარის მიერ უფლებამოსილების შესრულების შეუძლებლობისას სწორედ მას დაეკისრება თავმჯდომარის მოვალეობა.

ა.ა.ბ) არსებული პრობლემის გადასაჭრელად კონსტიტუციური კანონის მიღების აუცილებლობა:

აფხაზეთის ავტონომიური რესპუბლიკის უმაღლესი საბჭოს წინაშე მდგარი ამოცანების ფუნქციური ანალიზიდან გამომდინარე, ასევე უმაღლესი საბჭოს შემადგენლობის შემცირების ფაქტის გათვალისწინებით, საჭიროებას აღარ წარმოადგენს ორი მოადგილის თანამდებობის არსებობა. აქედან გამომდინარე, აუცილებელია შესაბამისი ცვლილებების განხორციელება როგორც აფხაზეთის კონსტიტუციაში, ისე უმაღლესი საბჭოს რეგლამენტში.

ა.ბ) კონსტიტუციური კანონის პროექტის მოსალოდნელი შედეგები:

კონსტიტუციური კანონის პროექტის მიღების შემთხვევაში, უმაღლესი საბჭოს თავმჯდომარეს ნაცვლად ორი მოადგილისა ეყოლება ერთი მოადგილე.

ა.გ) კონსტიტუციური კანონის პროექტის ძირითადი არსი

წარმოდგენილი კონსტიტუციური კანონის პროექტის თანახმად, ცვლილება შედის კონსტიტუციის მე-4 მუხლის სათაურში, მე-4 მუხლის მე-3, მე-5 მუხლის პირველ და მე-8 მუხლის მე-2 პუნქტებში. წარმოდგენილი ცვლილებები ითვალისწინებს უმაღლესი საბჭოს თავმჯდომარის ერთი მოადგილის თანამდებობის არსებობას.

ა.დ) კონსტიტუციური კანონის პროექტის კავშირი სამთავრობო პროგრამასთან და შესაბამის სფეროში არსებულ სამოქმედო გეგმასთან, ასეთის არსებობის შემთხვევაში (აფხაზეთის ავტონომიური რესპუბლიკის მთავრობის მიერ ინიციირებული კონსტიტუციური კანონის პროექტის შემთხვევაში):

კონსტიტუციური კანონის პროექტი არ არის ინიციირებული აფხაზეთის ავტონომიური რესპუბლიკის მთავრობის მიერ.

ა.ე) კონსტიტუციური კანონის პროექტის ძალაში შესვლის თარიღის შერჩევის პრინციპი, ხოლო კონსტიტუციური კანონისთვის უკუძალის მინიჭების შემთხვევაში – აღნიშნულის თაობაზე შესაბამისი დასაბუთება:

კონსტიტუციური კანონის პროექტი ძალაში შედის გამოქვეყნებიდან მე-15 დღეს. აღნიშნული გამოწვეულია უმაღლესი საბჭოს რეგლამენტში ცვლილების შეტანისათვის საჭირო ვადით. ამასთან, კონსტიტუციური კანონის პროექტით უკუძალა გათვალისწინებული არ არის.

ბ) კონსტიტუციური კანონის პროექტის ფინანსური დასაბუთება:

ბ.ა) კონსტიტუციური კანონის პროექტის მიღებასთან დაკავშირებით აუცილებელი ხარჯების დაფინანსების წყარო:

კონსტიტუციური კანონის პროექტის მიღება არ იწვევს ხარჯების გამოყოფას.

ბ.ბ) კონსტიტუციური კანონის პროექტის გავლენა ბიუჯეტის საშემოსავლო ნაწილზე:

კონსტიტუციური კანონის პროექტის მიღება გავლენას მოახდენს ბიუჯეტის საშემოსავლო ნაწილზე, კერძოდ ის შემცირდება თვეში 160 ლარით.

ბ.გ) კონსტიტუციური კანონის პროექტის გავლენა ბიუჯეტის ხარჯვით ნაწილზე:

კონსტიტუციური კანონის პროექტის მიღება გამოიწვევს საბიუჯეტო ხარჯების შემცირებას თვეში 800 ლარის ოდენობით.

ბ.დ) აფხაზეთის ავტონომიური რესპუბლიკის ახალი ფინანსური ვალდებულებები:

კონსტიტუციური კანონის პროექტის მიღება არ ითვალისწინებს ახალი ფინანსური ვალდებულებების აღებას.

ბ.ე) კონსტიტუციური კანონის პროექტის მოსალოდნელი ფინანსური შედეგები იმ პირთათვის, რომელთა მიმართაც ვრცელდება კონსტიტუციური კანონის პროექტის მოქმედება:

კონსტიტუციური კანონის პროექტის მიღება წარმოშობს ფინანსურ შედეგებს იმ პირთათვის, რომელთა მიმართაც ვრცელდება კონსტიტუციური კანონის პროექტის მოქმედება, კერძოდ, შრომის ანაზღაურება შემცირდება თვეში 800 ლარით.

ბ.ვ) ბავშვის უფლებრივ მდგომარეობაზე კონსტიტუციური კანონის პროექტის ზეგავლენის შეფასება:

კონსტიტუციური კანონის პროექტი ზეგავლენას არ ახდენს ბავშვის უფლებრივ მდგომარეობაზე.

ბ.ზ) ქალისა და მამაკაცის თანასწორობის მდგომარეობაზე კანონპროექტის მოსალოდნელი ზეგავლენის შეფასება

კონსტიტუციური კანონის პროექტი ზეგავლენას არ ახდენს ქალისა და მამაკაცის თანასწორობის მდგომარეობაზე.

გ) კონსტიტუციური კანონის პროექტის მომზადების პროცესში მიღებული კონსულტაციები:

გ.ა) სახელმწიფო, არასახელმწიფო ან/და საერთაშორისო ორგანიზაცია/დაწესებულება, ექსპერტი, სამუშაო ჯგუფი, რომელმაც მონაწილეობა მიიღო კონსტიტუციური კანონის პროექტის შემუშავებაში, ასეთის არსებობის შემთხვევაში:

ასეთი არ არსებობს.

გ.ბ) კონსტიტუციური კანონის პროექტის შემუშავებაში მონაწილე ორგანიზაციის/დაწესებულების, სამუშაო ჯგუფის, ექსპერტის შეფასება კონსტიტუციური კანონის პროექტის მიმართ, ასეთის არსებობის შემთხვევაში:

ასეთი არ არსებობს.

დ) კონსტიტუციური კანონის პროექტის ავტორი:

კონსტიტუციური კანონის პროექტის ავტორები არიან უმაღლესი საბჭოს წევრები:

ჯემალ გამახარია, რაისა ქარაია, ნუგზარ მგალობლიშვილი, თაიმურაზ მჟავია, ვახტანგ ყოლბაია, ბორის კაკუბავა, ზურაბ ჯგუბურია, ანზორ წოწონავა, მურმან კვარაცხელია, ნაპოლეონ მესხია, ელგუჯა გვაზავა, როსტომ შამუგია.

ე) კონსტიტუციური კანონის პროექტის ინიციატორი:

კონსტიტუციური კანონის პროექტის ინიციატორები არიან უმაღლესი საბჭოს წევრები:

ჯემალ გამახარია, რაისა ქარაია, ნუგზარ მგალობლიშვილი, თაიმურაზ მჟავია, ვახტანგ ყოლბაია, ბორის კაკუბავა, ზურაბ ჯგუბურია, ანზორ წოწონავა, მურმან კვარაცხელია, ნაპოლეონ მესხია, ელგუჯა გვაზავა, როსტომ შამუგია.

პროექტი

აფხაზეთის ავტონომიური რესპუბლიკის

კონსტიტუციური კანონი

აფხაზეთის ავტონომიური რესპუბლიკის კონსტიტუციაში ცვლილების შეტანის შესახებ

მუხლი 1

,,აფხაზეთის ავტონომიური რესპუბლიკის კონსტიტუციაში“ (,,აფხაზეთის ხმა“, №27,

06.07.2001წ.) შეტანილ იქნეს შემდეგი ცვლილებები:

1. მე-11 მუხლის მე-3 პუნქტი ჩამოყალიბდეს შემდეგი რედაქციით:

„3. მთავრობა შედგება მთავრობის თავმჯდომარისა და მინისტრებისგან.“.

2. მე-12 მუხლის მე-4 და მე-5 პუნქტები ჩამოყალიბდეს შემდეგი რედაქციით:

„4. ნიშნავს და ათავისუფლებს აფხაზეთის ავტონომიური რესპუბლიკის მინისტრებს.

5. მთავრობის თავმჯდომარის დროებით არყოფნისას მის მოვალეობას ასრულებს ერთ-ერთი მინისტრი მთავრობის თავმჯდომარის დავალებით. მთავრობის თავმჯდომარის გადადგომის ან მისი უფლებამოსილების სხვაგვარად შეწყვეტის შემთხვევაში მთავრობა განაგრძობს მოვალეობის შესრულებას მთავრობის ახალი შემადგენლობის დამტკიცებამდე.“.

მუხლი 2. ეს კანონი ამოქმედდეს გამოქვეყნებიდან მე-15 დღეს.

აფხაზეთის ავტონომიური რესპუბლიკის

მთავრობის თავმჯდომარე გიორგი ჯინჭარაძე

ქ. თბილისი

.... 2026წ

განმარტებითი ბარათი

,,აფხაზეთის ავტონომიური რესპუბლიკის კონსტიტუციაში ცვლილების შეტანის შესახებ“

აფხაზეთის ავტონომიური რესპუბლიკის კონსტიტუციური კანონის პროექტზე

ა) ზოგადი ინფორმაცია კანონპროექტის შესახებ:

ა.ა) კანონპროექტის მიღების მიზეზი:

ა.ა.ა) პრობლემა, რომლის გადაჭრასაც მიზნად ისახავს კანონპროექტი:

აფხაზეთის ავტონომიური რესპუბლიკის კონსტიტუციაში 2019 წლის 3 მაისს განხორციელებული ცვლილებით აფხაზეთის მთავრობის შემადგენლობაში შემოღებულ იქნა მთავრობის თავმჯდომარის მოადგილის თანამდებობა. აფხაზეთის ავტონომიური რესპუბლიკის კონსტიტუციის მე-11 მუხლის მე-3 პუნქტის შესაბამისად აფხაზეთის მთავრობა შედგება მთავრობის თავმჯდომარის, მთავრობის თავმჯდომარის მოადგილისა და მინისტრებისგან.

მთავრობის თავმჯდომარის მოადგილის თანამდებობის შემოღება გარკვეულწილად დაკავშირებული იყო იმ გარემოებასთან, რომ მთავრობის თავმჯდომარის არყოფნის პერიოდში მთავრობის თავმჯდომარის მოადგილე შეასრულებდა თავმჯდომარის მოვალეობას და მთავრობა არ იქნებოდა სამართლებრივად უუნარო გადაწყვეტილებების მიღების პროცესში. ასეთი შემთხვევები შესაძლებელია დამდგარიყო მთავრობის თავმჯდომარის გადადგომის, მისი უფლებამოსილების სხვაგვარად შეწყვეტის ან შეჩერების დროს. ამასთან, საგულისხმოა რომ თავმჯდომარის მოვალეობის შესრულების პერიოდში მოვალეობის შემსრულებელი შეზღუდულია მთელი რიგი გადაწყვეტილებების მიღების კუთხით.

მიუხედავად იმისა, რომ ზემოაღნიშნული თანამდებობის შემოღებას ჰქონდა გარკვეული ეფექტი, აფხაზეთის მთავრობაში მთავრობის თავმჯდომარის მოადგილის თანამდებობა არ წარმოადგენს აუცილებელ საჭიროებას, წარმოადგენს ზედმეტ რგოლს მმართველობით სისტემაში და მისი გაუქმებით მმართველობითი სისტემა არათუ დასუსტდება, არამედ უფრო ადეკვატური, მოქნილი და ეფექტური გახდება გადაწყვეტილებების მიღების პროცესში.

ამასთან, თავმჯდომარის მოადგილის თანამდებობა, იმ მოცემულობაში როდესაც მისი საქმიანობა თავმჯდომარის მოვალეობის შესრულებასთანაა ძირითადად დაკავშირებული, არსებული რეალობისა და პრაქტიკის გათვალისწინებით შესაძლებელია ჩანაცვლდეს მთავრობის თავმჯდომარის დავალებით მთავრობის შემადგენლობიდან ერთერთი მინისტრისათვის მთავრობის თავმჯდომარის მოვალეობის შესრულების დაკისრებით, რაც არსებითად დაზოგავს საბიუჯეტო სახსრებს.

ერთ-ერთი მინისტრისათვის თავმჯდომარის მოვალეობის შესრულების დაკისრების ინსტიტუტის შემოღება აბსოლუტურად თავსებადია აფხაზეთის მთავრობის ერთ-ერთ ძირითად პრიორიტეტთან ოპტიმალური საკადრო რესურსით მიღწეულ იქნეს ინსტიტუციური ეფექტურობისა და ეფექტიანობის ზრდა.

ა.ა.ბ) არსებული პრობლემის გადასაჭრელად კანონში ცვლილების მიღების აუცილებლობა

ვინაიდან, მთავრობის თავმჯდომარის მოადგილის თანამდებობა წარმოადგენს კონსტიტუციურ თანამდებობას, მისი გაუქმება შესაძლებელია აფხაზეთის ავტონომიური რესპუბლიკის კონსტიტუციაში შესაბამისი ცვლილების განხორციელებით. აღნიშნულის გათვალისწინებით, შემუშავებულ იქნა წინამდებარე კონსტიტუციური კანონის პროექტი, რომელიც ითვალისწინებს მთავრობის თავმჯდომარის მოადგილის კონსტიტუციური თანამდებობის გაუქმებას. ამასთან, ამავე ცვლილებით მთავრობის თავმჯდომარის დროებით არყოფნისას მის მოვალეობას შეასრულებს ერთ-ერთი მინისტრი მთავრობის თავმჯდომარის დავალებით.

ა.ბ) კანონპროექტის მოსალოდნელი შედეგები

წარმოდგენილი კანონპროექტის მიღების შედეგად გაუქმდება მთავრობის თავმჯდომარის მოადგილის თანამდებობა და მთავრობის თავმჯდომარის არყოფნისას, მისივე დავალებით, მის მოვალეობას შეასრულებს ერთ-ერთი მინისტრი. შესაბამისად, მმართველობითი სისტემა უფრო ადეკვატური და მოქნილი გახდება გადაწყვეტილებების მიღების პროცესში და ოპტიმალური საკადრო რესურსით გაიზრდება მთავრობის ეფექტურობა და ეფექტიანობა.

ა.გ) კანონპროექტის ძირითადი არსი

წარმოდგენილი პროექტით, ცვლილება შედის აფხაზეთის ავტონომიური რესპუბლიკის კონსტიტუციის მე-11 მუხლის მე-3 პუნქტსა და მე-12 მუხლის მე-4 და მე-5 პუნქტებში. მე-11 მუხლის მე-3 პუნქტში განხორციელებული ცვლილებით მთავრობის შემადგენლობიდან ამოღებული იქნება თავმჯდომარის მოადგილის თანამდებობა. მე-12 მუხლის მე-4 და მე-5 პუნქტებში განხორციელებული ცვლილებით მთავრობის თავმჯდომარის კომპეტენცია იქნება მინისტრების დანიშვნა-გათავისუფლება, ასევე, მთავრობის თავმჯდომარე უფლებამოსილი იქნება მისი არყოფნისას მთავრობის თავმჯდომარის შესრულების უფლებამოსილება დააკისროს ერთ-ერთ მინისტრს.

ა.დ) კანონპროექტის კავშირი სამთავრობო პროგრამასთან და შესაბამის სფეროში არსებულ სამოქმედო გეგმასთან, ასეთის არსებობის შემთხვევაში (აფხაზეთის ავტონომიური რესპუბლიკის მთავრობის მიერ ინიციირებული კანონპროექტის შემთხვევაში)

კანონპროექტი გარკვეულწილად დაკავშირებულია სამთავრობო პროგრამასთან,

რომლის თანახმადაც აფხაზეთის მთავრობის პრიორიტეტად დარჩება ადეკვატური

ინსტიტუციური მოდელის ჩამოყალიბება და იზრუნებს მოქნილი და ეფექტიანი

სამთავრობო ინსტიტუტების ჩამოყალიბებაზე, რომლებიც იმოქმედებენ გამჭვირვალობის

მაღალი სტანდარტით.

ა.ე) კანონპროექტის ძალაში შესვლის თარიღის შერჩევის პრინციპი, ხოლო კანონისთვის უკუძალის მინიჭების შემთხვევაში − აღნიშნულის თაობაზე შესაბამისი დასაბუთება კანონპროექტით გათვალისწინებულია მისი ამოქმედება გამოქვეყნებისთანავე, რადგან, კანონპროექტის მიზნიდან და არსიდან გამომდინარე, მიზანშეწონილია მისი ამოქმედების ამგვარი ვადის დადგენა.

კანონპროექტი ამოქმედდება გამოქვეყნებიდან მე-15 დღეს, რაც დაკავშირებულია შესაბამის საკანონმდებლო აქტში ცვლილების შეტანისათვის საჭირო ვადასთან. წარმოდგენილი ცვლილება არ ითვალისწინებს კანონისთვის უკუძალის მინიჭებას.

ბ) კანონპროექტის ფინანსური გავლენის შეფასება:

ბ.ა) კანონპროექტის მიღებასთან დაკავშირებით აუცილებელი ხარჯების დაფინანსების წყარო

კანონპროექტის მიღება არ არის დაკავშირებული ხარჯებთან.

ბ.ბ) კანონპროექტის გავლენა ბიუჯეტის საშემოსავლო ნაწილზე

კანონპროექტის მიღება გავლენას მოახდენს ბიუჯეტის საშემოსავლო ნაწილზე იმ კუთხით, რომ შესაბამისი თანამდებობის გაუქმებით ბიუჯეტში არ შემოვა შესაბამისი საშემოსავლო გადასახადი.

ბ.გ) კანონპროექტის გავლენა ბიუჯეტის ხარჯვით ნაწილზე

კანონპროექტი არ ახდენს გავლენას ბიუჯეტის ხარჯვით ნაწილზე.

ბ.დ) აფხაზეთის ავტონომიური რესპუბლიკის ახალი ფინანსური ვალდებულებები

კანონპროექტის მიხედვით აფხაზეთის ავტონომიურ რესპუბლიკას არ ეკისრება ახალი ფინანსური ვალდებულებები.

ბ.ე) კანონპროექტის მოსალოდნელი ფინანსური შედეგები იმ პირთათვის, რომელთა მიმართაც ვრცელდება კანონპროექტის მოქმედება

კანონპროექტს არ მოჰყვება ფინანსური შედეგები იმ პირთათვის, რომელთა მიმართაც ვრცელდება კანონპროექტის მოქმედება.

გ) ბავშვის უფლებრივ მდგომარეობაზე კანონპროექტის ზეგავლენის შეფასება

კანონპროექტი ზეგავლენას არ მოახდენს ბავშვის უფლებრივ მდგომარეობაზე.

დ) ქალისა და მამაკაცის თანასწორობის მდგომარეობაზე კანონპროექტის მოსალოდნელი ზეგავლენის შეფასება

კანონპროექტი ზეგავლენას არ მოახდენს ქალისა და მამაკაცის თანასწორობის

მდგომარეობაზე;

ე) კანონპროექტის მომზადების პროცესში მიღებული კონსულტაციები:

ე.ა) სახელმწიფო, არასახელმწიფო ან/და საერთაშორისო ორგანიზაცია/დაწესებულება, ექსპერტი, სამუშაო ჯგუფი, რომელმაც მონაწილეობა მიიღო კანონპროექტის შემუშავებაში, ასეთის არსებობის შემთხვევაში

ასეთი არ არსებობს.

ე.ბ) კანონპროექტის შემუშავებაში მონაწილე ორგანიზაციის/დაწესებულების, სამუშაო ჯგუფის, ექსპერტის შეფასება კანონპროექტის მიმართ, ასეთის არსებობის შემთხვევაში

ასეთი არ არსებობს.

ვ) კანონპროექტის ავტორი

აფხაზეთის ავტონომიური რესპუბლიკის მთავრობის აპარატი.

ზ) კანონპროექტის ინიციატორი

აფხაზეთის ავტონომიური რესპუბლიკის მთავრობა.