„სადაზღვევო ორგანიზაციების შიგა აღრიცხვის მოთხოვნების“ დამტკიცების თაობაზე“ საქართველოს დაზღვევის სახელმწიფო ზედამხედველობის სამსახურის უფროსის 2016 წლის 17 თებერვლის № 11 ბრძანებაში ცვლილების შეტანის შესახებ
ჰკითხე AI-ს ამ კანონის შესახებ
დოკუმენტის ტექსტი
|
საქართველოს დაზღვევის სახელმწიფო ზედამხედველობის სამსახურის უფროსის ბრძანება №96 |
|
2026 წლის 25 მაისი ქ. თბილისი |
„სადაზღვევო ორგანიზაციების შიგა აღრიცხვის მოთხოვნების“ დამტკიცების თაობაზე“ საქართველოს დაზღვევის სახელმწიფო ზედამხედველობის სამსახურის უფროსის 2016 წლის 17 თებერვლის № 11 ბრძანებაში ცვლილების შეტანის შესახებ
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის, „დაზღვევის შესახებ“ საქართველოს კანონის 21-ე მუხლის „წ“ ქვეპუნქტის, საქართველოს მთავრობის 2013 წლის 2 მაისის №102 დადგენილებით დამტკიცებული „საჯარო სამართლის იურიდიული პირის – საქართველოს დაზღვევის სახელმწიფო ზედამხედველობის სამსახურის დებულების“ მე-3 მუხლის „ლ“ ქვეპუნქტისა და ამავე დებულების მე-4 მუხლის მე-3 პუნქტის საფუძველზე, ვბრძანებ:
მუხლი 1
„სადაზღვევო ორგანიზაციების შიგა აღრიცხვის მოთხოვნების“ დამტკიცების თაობაზე“ საქართველოს დაზღვევის სახელმწიფო ზედამხედველობის სამსახურის უფროსის 2016 წლის 17 თებერვლის №11 ბრძანებით (საქართველოს საკანონმდებლო მაცნე – (www.matsne.gov.ge, 18.02.2016, სარეგისტრაციო კოდი: 290160000.60.072.016019) დამტკიცებულ დანართ №2-ში „ინფორმაცია სადაზღვევო პოლისების შესახებ“ (შემდგომ – დანართი) შეტანილ იქნეს შემდეგი ცვლილება:
დანართის მე-3 და მე-4 პუნქტები ჩამოყალიბდეს შემდეგი რედაქციით:
„3. სიცოცხლის დაზღვევის განხორციელებისას დამატებით აღრიცხული უნდა იქნეს:
ა) დაზღვეულის დაბადების თარიღი, სქესი, მისამართი, სამუშაო ადგილი, ასევე ინფორმაცია ჯანმრთელობის მდგომარეობის შესახებ (ამ ინფორმაციის არსებობის შემთხვევაში);
ბ) დამზღვევზე გაცემული სესხები;
გ) დამზღვევის მონაწილეობა საინვესტიციო მოგებაში.
4. მზღვეველის მიერ ნებაყოფლობითი კერძო საპენსიო საქმიანობის განხორციელების ფარგლებში, აღრიცხვას დაქვემდებარებული მონაცემები განისაზღვრება ნებაყოფლობითი კერძო საპენსიო საქმიანობის მარეგულირებელი კანონმდებლობით.“.
მუხლი 2
ეს ბრძანება ამოქმედდეს გამოქვეყნებისთანავე.
|