„საჯარო სამართლის იურიდიული პირის – ბაზარზე ზედამხედველობის სააგენტოს დებულების დამტკიცების შესახებ“ საქართველოს ეკონომიკისა და მდგრადი განვითარების მინისტრის 2019 წლის 27 დეკემბრის №1-1/624 ბრძანებაში ცვლილების შეტანის თაობაზე

საქართველოს ეკონომიკისა და მდგრადი განვითარების მინისტრის

2026 წლის 28 მაისი

ქ. თბილისი

„ნორმატიული აქტების შესახებ” საქართველოს ორგანული კანონის მე-20 მუხლის მე-4 პუნქტისა და „პროდუქტის უსაფრთხოებისა და თავისუფალი მიმოქცევის კოდექსში ცვლილების შეტანის შესახებ“ 2026 წლის 1 აპრილის 1447-Vმს-XIმპ საქართველოს კანონის მე-2 მუხლის პირველი პუნქტის „ბ“ ქვეპუნქტის საფუძველზე, ვბრძანებ:

1. მე-2 მუხლის:

ა) მე-3 პუნქტი ჩამოყალიბდეს შემდეგი რედაქციით:

„3. სააგენტო თავის უფლებამოსილებას ახორციელებს პროპორციულობის პრინციპის დაცვით, დამოუკიდებლად, ობიექტურად და მიუკერძოებლად.“;

ბ) მე-5 პუნქტის:

ბ.ა) „ბ“ და „გ“ ქვეპუნქტები ჩამოყალიბდეს შემდეგი რედაქციით:

„ბ)  ბაზარზე ზედამხედველობის განხორციელება საქართველოს საბაჟო კონტროლის ზონაში, პროდუქტის რეალიზაციის, წარმოების, დასაწყობებისა და შენახვის ადგილებში;

გ) ეკონომიკური ოპერატორისთვის პროდუქტის/პროდუქტების რეალიზაციის შეჩერების, ბაზრიდან ამოღების ან/და გამოთხოვის შესახებ დადგენილების მიღება;“;

ბ.ბ) „გ“ ქვეპუნქტის შემდეგ დაემატოს შემდეგი შინაარსის „გ¹“ პუნქტი:

„გ¹) კანონმდებლობით გათვალისწინებულ შემთხვევებში, ეკონომიკური ოპერატორისთვის საფრთხის შემცველი პროდუქტის განადგურების, მისი სხვაგვარად გამოუსადეგრად ქცევის, ექსპორტის ან იმგვარად გადამუშავების დავალება, რომ პროდუქტი ადამიანის სიცოცხლეს, ჯანმრთელობას, საკუთრებას ან/და გარემოს საფრთხეს აღარ უქმნიდეს;“;

ბ.გ) „ვ“ და „ვ ¹“ ქვეპუნქტები ჩამოყალიბდეს შემდეგი რედაქციით:

„ვ) კოდექსის 13¹ -13¹¹ მუხლებით გათვალისწინებული ადმინისტრაციული სამართალდარღვევის არსებობის შემთხვევაში, ადმინისტრაციული სამართალდარღვევის ოქმის შედგენა;

ვ¹ ) კოდექსის 13¹¹ მუხლით გათვალისწინებული ადმინისტრაციული სამართალდარღვევის საქმის განხილვა და შესაბამისი გადაწყვეტილების მიღება;“.

2. მე-5 მუხლის:

ა) პირველი პუნქტის:

ა.ა) „ა“ ქვეპუნქტი ჩამოყალიბდეს შემდეგი რედაქციით: 

„ა) დოკუმენტური ან/და ტექნიკური შემოწმების განხორციელება იმ ტექნიკური რეგლამენტებით გათვალისწინებულ ინდუსტრიულ და სამშენებლო პროდუქტებზე, რომლებზეც ბაზარზე ზედამხედველობის ორგანოდ განსაზღვრულია სააგენტო. კერძოდ: სამშენებლო პროდუქტები, მანქანა-დანადგარები, წნევის ქვეშ მომუშავე მოწყობილობები, წნევის ქვეშ მყოფი მარტივი ჭურჭლები, ფეთქებადსაშიშ გარემოში გამოსაყენებელი მოწყობილობები, ინდივიდუალური დაცვის საშუალებები, ლაქ-საღებავები;“;

ა.ბ) „ნ“-„ნ ²“ ქვეპუნქტები ჩამოყალიბდეს შემდეგი რედაქციით:

„ნ) კოდექსის 13⁷ -13¹⁰ მუხლებით გათვალისწინებული ადმინისტრაციული სამართალდარღვევების არსებობის შემთხვევაში ადმინისტრაციული სამართალდარღვევების ოქმის ადგილზე შედგენა და მათი შესაბამის რაიონულ (საქალაქო) სასამართლოში გადაგზავნა;

ნ¹) კოდექსის 13¹¹ მუხლით გათვალისწინებული ადმინისტრაციული სამართალდარღვევის არსებობის შემთხვევაში, ადმინისტრაციული სამართალდარღვევის ოქმის შედგენა;

ნ²) კოდექსის 13¹¹ მუხლით გათვალისწინებული ადმინისტრაციული სამართალდარღვევის არსებობის შემთხვევაში, ადმინისტრაციული სამართალდარღვევის საქმის წარმოების ორგანიზება და სააგენტოს უფროსის შესაბამისი დადგენილების პროექტის მომზადებაში მონაწილეობის მიღება.“;

ბ) მე-2 პუნქტის „ნ“-„ნ ²“ ქვეპუნქტები ჩამოყალიბდეს შემდეგი რედაქციით:

„ნ) კოდექსის 13⁷ -13¹⁰ მუხლებით გათვალისწინებული ადმინისტრაციული სამართალდარღვევების არსებობის შემთხვევაში ადმინისტრაციული სამართალდარღვევების ოქმის ადგილზე შედგენა და მათი შესაბამის რაიონულ (საქალაქო) სასამართლოში გადაგზავნა;

ნ¹) კოდექსის 13¹¹ მუხლით გათვალისწინებული ადმინისტრაციული სამართალდარღვევის არსებობის შემთხვევაში, ადმინისტრაციული სამართალდარღვევის ოქმის შედგენა;

ნ²) კოდექსის 13¹¹ მუხლით გათვალისწინებული ადმინისტრაციული სამართალდარღვევის არსებობის შემთხვევაში, ადმინისტრაციული სამართალდარღვევის საქმის წარმოების ორგანიზება და სააგენტოს უფროსის შესაბამისი დადგენილების პროექტის მომზადებაში მონაწილეობის მიღება.“;

გ) მე-4 პუნქტის „ზ ²“ ქვეპუნქტი ჩამოყალიბდეს შემდეგი რედაქციით:

„ზ²) კოდექსის 13¹¹ მუხლით გათვალისწინებულ ადმინისტრაციული სამართალდარღვევის საქმეზე მიღებული გადაწყვეტილების შეუსრულებლობის შემთხვევაში, კანონმდებლობით დადგენილი ვადის გასვლის შემდეგ, სააგენტოს უფროსის დადგენილების აღსასრულებლად მიქცევა „სააღსრულებო წარმოებათა შესახებ“ საქართველოს კანონის შესაბამისად.“.