„სსიპ – გენერალ გიორგი კვინიტაძის სახელობის კადეტთა სამხედრო ლიცეუმში მოსწავლის ჩარიცხვის და კადეტის სტატუსის შეჩერების წესის დამტკიცების შესახებ“ საქართველოს თავდაცვის მინისტრის 2024 წლის 7 თებერვლის N28 ბრძანებაში ცვლილების შეტანის თაობაზე

საქართველოს  თავდაცვის  მინისტრის 

ბრძანება №42

2026 წლის 9 ივნისი

ქ. თბილისი

1. ბრძანების:

ა) სათაური ჩამოყალიბდეს შემდეგი რედაქციით:

„სსიპ – კადეტთა სამხედრო ლიცეუმში მოსწავლის ჩარიცხვის და კადეტის სტატუსის შეჩერების წესის დამტკიცების შესახებ“;

ბ) პირველი მუხლი ჩამოყალიბდეს შემდეგი რედაქციით:

,,მუხლი 1

დამტკიცდეს თანდართული „სსიპ – კადეტთა სამხედრო ლიცეუმში მოსწავლის ჩარიცხვის და კადეტის სტატუსის შეჩერების წესი“.“.

2. ბრძანებით დამტკიცებული წესის:

ა) სათაური ჩამოყალიბდეს შემდეგი რედაქციით:

,,სსიპ – კადეტთა სამხედრო ლიცეუმში მოსწავლის ჩარიცხვის და კადეტის სტატუსის შეჩერების წესი“;

ბ) პირველი მუხლი ჩამოყალიბდეს შემდეგი რედაქციით:

,,მუხლი 1. რეგულირების საგანი

ეს წესი განსაზღვრავს სსიპ – კადეტთა სამხედრო ლიცეუმში (შემდგომ – ლიცეუმი) მოსწავლის ჩარიცხვის და კადეტის სტატუსის შეჩერების საკითხებს.“;

გ) მე-2 მუხლის:

გ.ა)  მე-2 პუნქტი ჩამოყალიბდეს შემდეგი რედაქციით:

,,2. ლიცეუმში მიიღებიან ზოგადსაგანმანათლებლო დაწესებულების მოსწავლეები, რომლებიც მიმდინარე სასწავლო წელს დაამთავრებენ ზოგადი განათლების საბაზო საფეხურის VIII ან IX კლასს და დააკმაყოფილებენ შესარჩევი  კონკურსის პირობებს.“;

გ.ბ) მე-4 პუნქტი ჩამოყალიბდეს შემდეგი რედაქციით:

,,4. კონკურსში მონაწილეობისათვის ლიცეუმის დირექტორის (შემდგომ – დირექტორი) ინდივიდუალურ ადმინისტრაციულ-სამართლებრივი აქტით შექმნილ მოსწავლეთა შერჩევისა და მიღების კომისიაში  (შემდგომ – მიმღები კომისია) წარდგენილი უნდა იქნეს  შემდეგი დოკუმენტები:

ა) მშობლის/კანონიერი წარმომადგენლის განცხადება მოსწავლის მიღების შესახებ (ივსება ადგილზე რეგისტრაციისას);

ბ) მშობლის პირადობის დამადასტურებელი მოწმობის ან პასპორტის დედანი და ასლი;

გ) მოსწავლის პირადობის დამადასტურებელი მოწმობის ან პასპორტის დედანი და ასლი;

დ) მოსწავლის დაბადების მოწმობის დედანი და ასლი;

ე)  ცნობა ჯანმრთელობის შესახებ (ფორმა №100);

ვ) ცნობა ზოგადსაგანმანათლებლო დაწესებულებიდან ზოგადი განათლების საბაზო საფეხურის VIII ან IX კლასის მიმდინარე წელს დამთავრების შესახებ;

ზ) მონაცემები ბოლო სასწავლო წელს მოსწავლის წლიური შეფასების შესახებ და დახასიათება ზოგადსაგანმანათლებლო დაწესებულებიდან;

თ) მოსწავლის ავტობიოგრაფია;

ი) ფერადი ფოტოსურათი 3X4-ზე 2 (ორი) ცალი.“;

გ.გ) მე-7 პუნქტი ჩამოყალიბდეს შემდეგი რედაქციით:

,,7. ზოგადი უნარების და მათემატიკის ტესტირებაში ერთნაირი შედეგების მქონე კანდიდატებიდან ლიცეუმში ჩაირიცხებიან ბოლო სასწავლო წელს მოსწავლის წლიური შეფასების მიხედვით, საუკეთესო აკადემიური შედეგების მქონე პირები.“;

დ) მე-2 მუხლს დაემატოს შემდეგი შინაარსის შენიშვნა:

შენიშვნა:

ამ მუხლის მე-4 პუნქტის მიზნებისთვის კონკურსში მონაწილეობის მისაღებად მოსწავლემ უნდა წარმოადგინოს:

ა) VIII კლასდამთავრებული მოსწავლის შემთხვევაში – VIII კლასის მიმდინარე წელს დამთავრების შესახებ ცნობა და მონაცემები მოსწავლის წლიური შეფასების შესახებ (ნიშნების ფურცელი);

ბ) IX კლასდამთავრებული მოსწავლის შემთხვევაში – IX კლასის მიმდინარე წელს დამთავრების შესახებ ცნობა და მონაცემები მოსწავლის წლიური შეფასების შესახებ (ნიშნების ფურცელი).“;

 ე) მე-4 მუხლის შემდეგ დაემატოს შემდეგი შინაარსის მე-5 მუხლი:

,,მუხლი 5. გარდამავალი დებულებები

1. ამ ბრძანებით დადგენილი მოსწავლის ჩარიცხვის და კადეტის სტატუსის შეჩერების წესის გათვალისწინებით:

ა) გენერალ გიორგი მაზნიაშვილის სახელობის კადეტთა სამხედრო სკოლაში:

ა.ა) 2026-2027 სასწავლო წელს მიღებული იქნება ზოგადსაგანმანათლებლო დაწესებულების მოსწავლე, რომელსაც დამთავრებული აქვს ზოგადი განათლების საბაზო საფეხურის VIII ან IX კლასი;

ა.ბ) 2027-2028 სასწავლო წლიდან მიღებულ იქნება ზოგადსაგანმანათლებლო დაწესებულების მოსწავლე, რომელსაც დამთავრებული აქვს ზოგადი განათლების საბაზო საფეხურის VIII კლასი;

ბ) გენერალ გიორგი კვინიტაძის სახელობის კადეტთა სამხედრო სკოლაში:

ბ.ა)  2026-2027 და 2027–2028 სასწავლო წლებში მიღებულ იქნება ზოგადსაგანმანათლებლო დაწესებულების მოსწავლე, რომელსაც დამთავრებული აქვს ზოგადი განათლების საბაზო საფეხურის IX კლასი;

ბ.ბ) 2028-2029 სასწავლო წელს მიღებულ იქნება ზოგადსაგანმანათლებლო დაწესებულების მოსწავლე, რომელსაც დამთავრებული აქვს ზოგადი განათლების საბაზო საფეხურის VIII ან IX კლასი;

ბ.გ) 2029-2030 სასწავლო წლიდან მიღებულ იქნება ზოგადსაგანმანათლებლო დაწესებულების მოსწავლე, რომელსაც დამთავრებული აქვს ზოგადი განათლების საბაზო საფეხურის VIII კლასი.“.