„საქართველოში „მეტყევის პროფესიული დღის“ გამოცხადებისა და ტყის სფეროში დასაქმებულ პირთა წახალისების წესის შესახებ“ საქართველოს გარემოს დაცვისა და სოფლის მეურნეობის მინისტრის 2023 წლის 16 თებერვლის №2-66 ბრძანებაში ცვლილების შეტანის თაობაზე
დოკუმენტის ტექსტი
|
საქართველოს გარემოს დაცვისა და სოფლის მეურნეობის მინისტრის ბრძანება №2-292 |
|
2026 წლის 9 ივლისი ქ. თბილისი |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ :
„საქართველოში „მეტყევის პროფესიული დღის“ გამოცხადებისა და ტყის სფეროში დასაქმებულ პირთა წახალისების წესის შესახებ“ საქართველოს გარემოს დაცვისა და სოფლის მეურნეობის მინისტრის 2023 წლის 16 თებერვლის №2-66 ბრძანებით (სსმ, ვებგვერდი, 17/02/2023, სარეგისტრაციო კოდი: 390050000.22.023.016767) დამტკიცებულ წესში შეტანილ იქნეს ცვლილება და წესის:
1. მე-3 მუხლის პირველი პუნქტი ჩამოყალიბდეს შემდეგი რედაქციით:
„1. დასაქმებულის მიმართ გამოიყენება წახალისების შემდეგი ფორმები:
ა) „საქართველოს დამსახურებული მეტყევის“ წოდების მინიჭება, რასაც თან ახლავს შესაბამისი მედალიონი (დანართი №2) და სიგელი (დანართი №5);
ბ) სამკერდე ნიშნით დაჯილდოება (დანართი №3), რასაც თან ახლავს შესაბამისი სიგელი (დანართი №6);
გ) მადლობის გამოცხადება, რასაც თან ახლავს შესაბამისი სიგელი (დანართი №4).“.
2. მე-4 მუხლი ჩამოყალიბდეს შემდეგი რედაქციით:
„1. დასაქმებულთა წახალისება, როგორც წესი, ხორციელდება ყოველწლიურად, 10 ოქტომბერს – „მეტყევის პროფესიულ დღეს“. ამასთან, მინისტრის გადაწყვეტილებით, ღონისძიება შეიძლება ჩატარდეს აღნიშნულ თარიღთან მიახლოებულ სხვა დღეს.
2. მინისტრის გადაწყვეტილების საფუძველზე, პირის განსაკუთრებული დამსახურების ან სხვა ობიექტური გარემოების არსებობისას, წახალისება შეიძლება განხორციელდეს წლის ნებისმიერ დროს.“.
3. მე-5 მუხლის მე-2 პუნქტის „ბ“ ქვეპუნქტი ჩამოყალიბდეს შემდეგი რედაქციით:
„ბ) სამინისტროს ტყის პოლიტიკის დეპარტამენტის ხელმძღვანელისგან;“.
4. დაემატოს დანართი №2; №3; №4; №5 და №6 და ჩამოყალიბდეს თანდართული რედაქციით.
|
📎 დანართები (1)
2-292.docx ⬇
დანართი №2
საქართველოს გარემოს დაცვისა და სოფლის მეურნეობის სამინისტროს უწყებრივი ჯილდო „მედალიონი – საქართველოს დამსახურებული მეტყევე“
II. მედლის აღწერილობა
ავერსი: მედალი წარმოადგენს ოქროს (ყვითელი) მრგვალ მედალიონს, რომლის ცენტრში ამოტვიფრულია მუხის ხე. ხის ქვემოთ ქართული მთავრული ასოებით ამოტვიფრულია წარწერა – „დამსახურებული მეტყევე“. მედალიონს გარს შემოუყვება ქართული მთავრული ასოებით წარწერა – „გარემოს დაცვისა და სოფლის მეურნეობის სამინისტრო“.
რევერსი: ოქროს (ყვითელი) მრგვალი მედალიონი, რომლის ცენტრში გამოსახულია საქართველოს სახელმწიფო გერბი (სტილიზებული). მედალიონი ბაფთას უკავშირდება ოქროს (ყვითელი) საკიდით.
ბაფთა: ცენტრში ლივლივა ზურმუხტის (მწვანე) ზოლი, კიდეებზე ლივლივა ვერცხლის (თეთრი) ზოლი. ბაფთის რევერსზე დამაგრებულია ერთსარჭიანი საკიდი.
დანართი №3
საქართველოს გარემოს დაცვისა და სოფლის მეურნეობის სამინისტროს უწყებრივი ჯილდო „სამკერდე ნიშანი – ტყის სამსახურში“
II. სამკერდე ნიშნის აღწერილობა
ავერსი: სამკერდე ნიშანი წარმოადგენს ოქროს (ყვითელი) ჰერალდიკურ ფარს, რომლის ცენტრში ამოტვიფრულია მუხის ხე. ხის ქვემოთ ქართული მთავრული ასოებით ამოტვიფრულია წარწერა – „ტყის სამსახურში“. სამკერდე ნიშანს გარს შემოუყვება ქართული მთავრული ასოებით ამოტვიფრული წარწერა – „გარემოს დაცვისა და სოფლის მეურნეობის სამინისტრო“.
რევერსი: ოქროს (ყვითელი) ჰერალდიკური ფარი.
დანართი №4
საქართველოს გარემოს დაცვისა და სოფლის მეურნეობის სამინისტროს უწყებრივი ჯილდო – მადლობის სიგელი
დანართი №5
საქართველოს გარემოს დაცვისა და სოფლის მეურნეობის სამინისტროს უწყებრივი ჯილდო – „საქართველოს დამსახურებული მეტყევე“ სიგელი
დანართი №6
საქართველოს გარემოს დაცვისა და სოფლის მეურნეობის სამინისტროს უწყებრივი ჯილდო „სამკერდე ნიშანი – ტყის სამსახურში“ სიგელი
ხშირად დასმული კითხვები
- მოქმედებს თუ არა „საქართველოში „მეტყევის პროფესიული დღის“ გამოცხადებისა და ტყის სფეროში დასაქმებულ პირთა წახალისების წესის შესახებ“ საქართველოს გარემოს დაცვისა და სოფლის მეურნეობის მინისტრის 2023 წლის 16 თებერვლის №2-66 ბრძანებაში ცვლილების შეტანის თაობაზე?
- დიახ, საქართველოს მინისტრის ბრძანება „საქართველოში „მეტყევის პროფესიული დღის“ გამოცხადებისა და ტყის სფეროში დასაქმებულ პირთა წახალისების წესის შესახებ“ საქართველოს გარემოს დაცვისა და სოფლის მეურნეობის მინისტრის 2023 წლის 16 თებერვლის №2-66 ბრძანებაში ცვლილების შეტანის თაობაზე ამჟამად ძალაშია. ბოლო კონსოლიდირებული რედაქცია — 09.07.2026.
- როდის იქნა მიღებული „საქართველოში „მეტყევის პროფესიული დღის“ გამოცხადებისა და ტყის სფეროში დასაქმებულ პირთა წახალისების წესის შესახებ“ საქართველოს გარემოს დაცვისა და სოფლის მეურნეობის მინისტრის 2023 წლის 16 თებერვლის №2-66 ბრძანებაში ცვლილების შეტანის თაობაზე?
- „საქართველოში „მეტყევის პროფესიული დღის“ გამოცხადებისა და ტყის სფეროში დასაქმებულ პირთა წახალისების წესის შესახებ“ საქართველოს გარემოს დაცვისა და სოფლის მეურნეობის მინისტრის 2023 წლის 16 თებერვლის №2-66 ბრძანებაში ცვლილების შეტანის თაობაზე მიღებულია 09.07.2026. მიმღები ორგანო — საქართველოს გარემოს დაცვისა და სოფლის მეურნეობის მინისტრი. დოკუმენტის ნომერი — №2-292. სარეგისტრაციო კოდი — 390050000.22.023.017000.
- სად არის „საქართველოში „მეტყევის პროფესიული დღის“ გამოცხადებისა და ტყის სფეროში დასაქმებულ პირთა წახალისების წესის შესახებ“ საქართველოს გარემოს დაცვისა და სოფლის მეურნეობის მინისტრის 2023 წლის 16 თებერვლის №2-66 ბრძანებაში ცვლილების შეტანის თაობაზე-ის ოფიციალური ტექსტი?
- ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 09.07.2026 მდგომარეობით.
როგორ დავიმოწმოთ
საქართველოს მინისტრის ბრძანება „საქართველოში „მეტყევის პროფესიული დღის“ გამოცხადებისა და ტყის სფეროში დასაქმებულ პირთა წახალისების წესის შესახებ“ საქართველოს გარემოს დაცვისა და სოფლის მეურნეობის მინისტრის 2023 წლის 16 თებერვლის №2-66 ბრძანებაში ცვლილების შეტანის თაობაზე, №2-292, 09.07.2026, სარეგისტრაციო კოდი 390050000.22.023.017000 (კონსოლიდირებული რედაქცია 09.07.2026). ხელმისაწვდომია: https://legali.ge/law/6876746/