„ხარაგაულის მუნიციპალიტეტის თვითმმართველი ერთეულის ბიუჯეტიდან სოციალური დახმარების გაცემისა და დახმარების მიღების წესის დამტკიცების შესახებ" ხარაგაულის მუნიციპალიტეტის საკრებულოს 2023 წლის 6 თებერვლის №11 დადგენილებაში ცვლილების შეტანის თაობაზე

1. დადგენილებით დამტკიცებული წესის მე-14 მუხლის მე-3 პუნქტი ჩამოყალიბდეს ახალი რედაქციით:

,,3. ამ მუხლის პირველი პუნქტის ,,ა“ ქვეპუნქტით განსაზღვრულმა ბენეფიციარმა დახმარების მიღების მიზნით ხარაგაულის მუნიციპალიტეტის მერიაში უნდა წარმოადგინოს:

ა) განცხადება;

ბ) პირადობის დამადასტურებელი დოკუმენტის ასლი;

გ) ჩერნობილის ა/ელექტროსადგურის სალიკვიდაციო სამუშაოებში მონაწილეობის დამადასტურებელი დოკუმენტის ასლი;

დ) საბანკო ანგარიში.“.

2. დადგენილებით დამტკიცებული წესის მე-15 მუხლის პირველი პუნქტი ჩამოყალიბდეს ახალი რედაქციით:

,,1. ხარაგაულის მუნიციპალიტეტში რეგისტრირებული ახალშობილთა ოჯახების დახმარება პირველი და მეორე ბავშვის შეძენისას ერთჯერადად განისაზღვრება 500 ლარის ოდენობით, მესამე და მეოთხე ბავშვის შეძენისას 1000 ლარის ოდენობით, ხოლო მეხუთე და მეტი შვილის შეძენისას დახმარება განისაზღვრება – 2000 ლარის ოდენობით. ტყუპების შეძენის შემთხვევაში თითოეულ ბავშვზე  გაიცემა ზემოთ ხსენებული რიგითობის შესაბამისად განსაზღვრული  თანხა.“.