„ძაღლების ჰიპერპოპულაციის მართვის რეგულირების დროებითი წესის (პროგრამის) დამტკიცების შესახებ“ საქართველოს მთავრობის 2026 წლის 27 თებერვლის №92 დადგენილებაში ცვლილების შეტანის თაობაზე

1. მე-3 მუხლის მე-2 და მე-3 პუნქტები ჩამოყალიბდეს შემდეგი რედაქციით:

„2. მთელი ქვეყნის მასშტაბით, გარდა ქ. თბილისისა და აჭარის ავტონომიური რესპუბლიკისა, იდენტიფიკაცია-რეგისტრაცია, ანტირაბიული ვაქცინაცია, კასტრაცია/სტერილიზაცია და, საჭიროების შემთხვევაში, ტესტირება (ლეიშმანიოზი, ჭირი) ჩაუტარდება, სავარაუდოდ, 37 500 უპატრონო/მიკედლებულ ძაღლს, საიდანაც:

ა) იდენტიფიკაცია-რეგისტრაციის, ანტირაბიული ვაქცინაციის, კასტრაციის/სტერილიზაციის და, საჭიროების შემთხვევაში, ტესტირების (ლეიშმანიოზი, ჭირი) ჩატარების მიზნით, სააგენტოს მიერ განხორციელდება არაიდენტიფიცირებული უპატრონო/მიკედლებული ძაღლის დაჭერა და შემდეგ ცხოველთა მუნიციპალურ თავშესაფრებში გადაყვანა:

ა.ა) მცხეთა-მთიანეთის მხარიდან – ქ. თბილისის ცხოველთა მუნიციპალურ თავშესაფარში;

ა.ბ) კახეთის მხარიდან – გურჯაანის ცხოველთა მუნიციპალურ თავშესაფარში;

ა.გ) ქვემო ქართლის მხარიდან – გურჯაანის ცხოველთა მუნიციპალურ თავშესაფარში ან ქვემო ქართლის მხარეში სააგენტოს მიერ აშენებულ მუნიციპალურ თავშესაფარში;

ა.დ) შიდა ქართლის მხარიდან – გორის ცხოველთა მუნიციპალურ თავშესაფარში;

ა.ე) სამცხე-ჯავახეთის მხარიდან – გორის ცხოველთა მუნიციპალურ თავშესაფარში ან სამცხე-ჯავახეთის მხარეში სააგენტოს მიერ აშენებულ მუნიციპალურ თავშესაფარში;

ა.ვ) იმერეთისა და რაჭა-ლეჩხუმისა და ქვემო სვანეთის მხარიდან – ქ. ქუთაისის ცხოველთა მუნიციპალურ თავშესაფარში;

ა.ზ) სამეგრელო-ზემო სვანეთის მხარიდან – ქ. ქუთაისის ცხოველთა მუნიციპალურ თავშესაფარში ან სამეგრელო-ზემო სვანეთის მხარეში სააგენტოს მიერ აშენებულ მუნიციპალურ თავშესაფარში;

ა.თ) გურიის მხარიდან – ქ. ბათუმის ცხოველთა მუნიციპალურ თავშესაფარში;

ბ) საყურე ნიშნით იდენტიფიცირებადი უპატრონო/მიკედლებული ძაღლების ანტირაბიული ვაქცინაცია სააგენტოს მიერ განხორციელდება  დაჭერის ადგილზე, თავშესაფარში გადაყვანის გარეშე.

3. ამ მუხლის მე-2 პუნქტის „ა“ ქვეპუნქტით გათვალისწინებული ღონისძიებების ჩატარების შემდგომ, სააგენტოს მიერ განხორციელდება ძაღლების იმავე ლოკაციაზე დაბრუნება, სადაც მოხდა თავდაპირველად მათი დაჭერა.“.

2. მე-4 მუხლის მე-2 და მე-3 პუნქტები ჩამოყალიბდეს შემდეგი რედაქციით:

„2. მთელი ქვეყნის მასშტაბით, გარდა ქ. თბილისისა და აჭარის ავტონომიური რესპუბლიკისა, იდენტიფიკაცია-რეგისტრაცია, ანტირაბიული ვაქცინაცია, კასტრაცია/სტერილიზაცია და, საჭიროების შემთხვევაში, ტესტირება (ლეიშმანიოზი, ჭირი) ჩაუტარდება,  სავარაუდოდ, 38 401 უპატრონო/მიკედლებულ ძაღლს, საიდანაც:

ა) იდენტიფიკაცია-რეგისტრაციის, ანტირაბიული ვაქცინაციის, კასტრაციის/სტერილიზაციის და, საჭიროების შემთხვევაში, ტესტირების (ლეიშმანიოზი, ჭირი) ჩატარების მიზნით, სააგენტოს მიერ განხორციელდება არაიდენტიფიცირებული უპატრონო/მიკედლებული ძაღლის დაჭერა და შემდეგ ცხოველთა მუნიციპალურ თავშესაფრებში გადაყვანა:

ა.ა) მცხეთა-მთიანეთის მხარიდან – ქ. თბილისის მუნიციპალურ თავშესაფარში;

ა.ბ) კახეთის მხარიდან – გურჯაანის მუნიციპალურ თავშესაფარში;

ა.გ) შიდა ქართლის მხარიდან – გორის მუნიციპალურ თავშესაფარში;

ა.დ) იმერეთისა და რაჭა-ლეჩხუმისა და ქვემო სვანეთის მხარიდან – ქ. ქუთაისის მუნიციპალურ თავშესაფარში;

ა.ე) გურიის მხარიდან – ქ. ბათუმის მუნიციპალურ თავშესაფარში;

ა.ვ) ქვემო ქართლის მხარიდან – ქვემო ქართლის მხარეში სააგენტოს მიერ აშენებულ მუნიციპალურ თავშესაფარში;

ა.ზ) სამცხე-ჯავახეთის მხარიდან – სამცხე-ჯავახეთის მხარეში სააგენტოს მიერ აშენებულ მუნიციპალურ თავშესაფარში;

ა.თ) სამეგრელო-ზემო სვანეთის მხარიდან – სამეგრელო-ზემო სვანეთის მხარეში სააგენტოს მიერ აშენებულ მუნიციპალურ თავშესაფარში;

ბ) საყურე ნიშნით იდენტიფიცირებადი უპატრონო/მიკედლებული ძაღლების ანტირაბიული ვაქცინაცია სააგენტოს მიერ განხორციელდება  დაჭერის ადგილზე, თავშესაფარში გადაყვანის გარეშე.

3. ამ მუხლის მე-2 პუნქტის „ა“ ქვეპუნქტით გათვალისწინებული ღონისძიებების ჩატარების შემდგომ, სააგენტოს მიერ განხორციელდება ძაღლების იმავე ლოკაციაზე დაბრუნება, სადაც მოხდა თავდაპირველად მათი დაჭერა.“.