„ქალაქ თბილისის საზღვრებში და მიმდებარე ტერიტორიაზე არსებული მწვანე ნარგავებისა და სახელმწიფო ტყის განსაკუთრებული დაცვის შესახებ“ საქართველოს კანონში ცვლილების შეტანის თაობაზე

ა) „გ“ ქვეპუნქტი ჩამოყალიბდეს შემდეგი რედაქციით:

„გ) სათანადო წესით გაცემული მშენებლობის ნებართვის არსებობის შემთხვევაში, თუ მიწის ნაკვეთზე განთავსებული მერქნიანი მცენარეები პირდაპირ აფერხებს მშენებლობას და სამშენებლო ტერიტორიაზე მათი დატოვება შეუძლებელს გახდის მშენებლობის განხორციელებას. ამ ქვეპუნქტით გათვალისწინებულ შემთხვევაში მერქნიანი მცენარეების ჭრა დასაშვებია მხოლოდ ბიომრავალფეროვნებაზე ზემოქმედების შესაბამისი საკომპენსაციო ღონისძიების განხორციელების – აღდგენითი ღირებულების თანხის გადახდის შემდეგ. ამასთანავე, მოსაჭრელი მერქნიანი მცენარეების რაოდენობა არ უნდა აჭარბებდეს შესაბამის ტერიტორიაზე არსებული მერქნიანი მცენარეების 25%-ს, რომელიც არ მოიცავს ხილკენკროვან, ბუჩქოვან, დაავადებულ, ზეხმელ, ხმობად, ფაუტ, გადაბერებულ (ამორტიზებულ) და ავარიულ  მცენარეებს, აგრეთვე არაუმეტეს 12 სმ დიამეტრის მქონე შემდეგ სახეობებს: ხემყრალა (აილანთუსი), თუთა, აკაცია, კელრეუტერია, არღავანი, დიადი ბოკვი, გლედიჩია, იასამანი, ამერიკული ნეკერჩხალი;“;

ბ) „დ“ ქვეპუნქტის შემდეგ დაემატოს შემდეგი შინაარსის „ე“ ქვეპუნქტი:

„ე) დაუმთავრებელი მშენებლობის დასრულების, ავარიული სახლის ჩანაცვლების მიზნით. საპროექტო ტერიტორიაზე არსებული მწვანე ნარგავების მოჭრის/გადარგვის საკითხთან დაკავშირებით ხელშემწყობი ღონისძიებების სახით ქ. თბილისის საკრებულომ შეიძლება ამ კანონით განსაზღვრულისგან განსხვავებული პირობები დაადგინოს.“.

მუხლი 2. ეს კანონი ამოქმედდეს გამოქვეყნებისთანავე.