საჯარო სამართლის იურიდიული პირის − დიპლომატიის აკადემიის დაფუძნების შესახებ

1. შეიქმნას საჯარო სამართლის იურიდიული პირი − დიპლომატიის აკადემია.

2. საქართველოს საგარეო საქმეთა სამინისტრომ (შემდგომში − სამინისტრო) განახორციელოს საჯარო სამართლის იურიდიული პირის − დიპლომატიის აკადემიის სახელმწიფო კონტროლი.

3. სამინისტრომ, საჯარო სამართლის იურიდიული პირის − დიპლომატიის აკადემიის წარდგინებით, „უმაღლესი განათლების შესახებ“ საქართველოს კანონით დადგენილი წესით, საქართველოს განათლების, მეცნიერებისა და ახალგაზრდობის სამინისტროს დასკვნის გათვალისწინებით, უზრუნველყოს საჯარო სამართლის იურიდიული პირის − დიპლომატიის აკადემიის წესდების დამტკიცება.

4. საჯარო სამართლის იურიდიული პირის − დიპლომატიის აკადემიის ხელმძღვანელს, „უმაღლესი განათლების შესახებ“ საქართველოს კანონისა და საჯარო სამართლის იურიდიული პირის − დიპლომატიის აკადემიის წესდების შესაბამისად, თანამდებობაზე ნიშნავს და თანამდებობიდან ათავისუფლებს საქართველოს საგარეო საქმეთა მინისტრი.

5. საჯარო სამართლის იურიდიულ პირს − დიპლომატიის აკადემიას ენიჭება უფლებამოსილება, უმაღლესი საგანმანათლებლო დაწესებულების სტატუსის მოპოვების მიზნით, მიმართოს საჯარო სამართლის იურიდიულ პირს − განათლების ხარისხის განვითარების ეროვნულ ცენტრს.