მცხეთის მუნიციპალიტეტის სოფელ გალავანისა და სოფელ არაშენდას არსებულ ტერიტორიაზე, ინდივიდუალური საცხოვრებელი სახლების, კომერციული და საზოგადოებრივი დანიშნულების ობიექტების მშენებლობისათვის განაშენიანების დეტალური გეგმის დამტკიცების შესახებ

საქართველოს ორგანული კანონის „ადგილობრივი თვითმმართველობის კოდექსი“  მე-16 მუხლის მე-2 პუნქტის  „ე“ ქვეპუნქტის, 24-ე მუხლის პირველი პუნქტის „გ.ე“ ქვეპუნქტის, 54-ე მუხლის პირველი პუნქტის „ე.დ“ ქვეპუნქტის, 61-ე მუხლის მე-2 პუნქტის, „საქართველოს  სივრცის დაგეგმარების, არქიტექტურული და სამშენებლო საქმიანობის კოდექსი“  41-ე და 43-ე მუხლების, საქართველოს მთავრობის 2019 წლის 3 ივნისის №260 დადგენილებით დამტკიცებული  „სივრცის დაგეგმარებისა და ქალაქთმშენებლობითი   გეგმების   შემუშავების  წესის“  მე-2  მუხლის  პირველი პუნქტის „ნ“ ქვეპუნქტის,  მე-3 მუხლის პირველი პუნქტის „ბ.გ“ ქვეპუნქტისა და  მე-19  მუხლის  მე-3  პუნქტის  საფუძველზე,  მცხეთის მუნიციპალიტეტის საკრებულო ადგენს:

დამტკიცდეს მცხეთის მუნიციპალიტეტის  სოფელ გალავანისა და სოფელ არაშენდას არსებულ ტერიტორიაზე, სასოფლო-სამეურნეო  დანიშნულების მიწის  ნაკვეთსა  (ს/კ  72.04.25.713)  და არასასოფლო-სამეურნეო  დანიშნულების მიწის  ნაკვეთზე  (ს/კ 72.04.12.837) ინიდივიდუალური საცხოვრებელი სახლების, კომერციული და საზოგადოებრივი დანიშნულების ობიექტების მშენებლობისათვის განაშენიანების დეტალური გეგმა  დანართის  შესაბამისად.

დადგენილება ამოქმედდეს გამოქვეყნებისთანავე.