„საქართველოს ტერიტორიაზე სამშენებლო სფეროს მარეგულირებელი ტექნიკური რეგლამენტების დამტკიცების შესახებ“ საქართველოს მთავრობის 2014 წლის 15 იანვრის №71 დადგენილებაში ცვლილების შეტანის თაობაზე
ჰკითხე AI-ს ამ კანონის შესახებ
დოკუმენტის ტექსტი
|
საქართველოს მთავრობის დადგენილება №263 |
|
2026 წლის 15 ივნისი ქ. თბილისი |
„საქართველოს ტერიტორიაზე სამშენებლო სფეროს მარეგულირებელი ტექნიკური რეგლამენტების დამტკიცების შესახებ“ საქართველოს მთავრობის 2014 წლის 15 იანვრის №71 დადგენილებაში ცვლილების შეტანის თაობაზე
მუხლი 1
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „საქართველოს ტერიტორიაზე სამშენებლო სფეროს მარეგულირებელი ტექნიკური რეგლამენტების დამტკიცების შესახებ“ საქართველოს მთავრობის 2014 წლის 15 იანვრის №71 დადგენილებაში (www.matsne.gov.ge, 22/01/2014, 300160070.10.003.017689) შეტანილ იქნეს ცვლილება და დადგენილებით დამტკიცებული „ტექნიკური რეგლამენტის − „სეისმომედეგი მშენებლობის“ (დანართი 3) მე-6 მუხლის შენიშვნის მე-2 პუნქტის შემდეგ დაემატოს შემდეგი შინაარსის 21 პუნქტი:
„21. ამ შენიშვნის მე-2 პუნქტით გათვალისწინებული სართულიანობა, საჯარო დაწესებულებების მიერ სკოლების მშენებლობისას, შესაძლებელია, გაიზარდოს არაუმეტეს 1 მიწისზედა სართულისა, თუ:
ა) დაცული იქნება „ტექნიკური რეგლამენტის „შენობა-ნაგებობის უსაფრთხოების წესების“ დამტკიცების თაობაზე“ საქართველოს მთავრობის 2016 წლის 28 იანვრის №41 დადგენილების მოთხოვნები;
ბ) დაწყებითი საფეხურის I − IV კლასების სასწავლო ოთახები განთავსდება პირველ ან/და მე-2 სართულებზე;
გ) ამ რეგლამენტის №5 ცხრილის მე-2 პუნქტით სკოლებისთვის დადგენილი K3 − მნიშვნელობის კოეფიციენტი განისაზღვრება 1.6-ით.“.
მუხლი 2
დადგენილება ამოქმედდეს გამოქვეყნებისთანავე.
|