„საქართველოს თავდაცვის სამინისტროს სისტემის სახელმწიფო მნიშვნელობის სიმბოლოების დამტკიცების შესახებ“ საქართველოს თავდაცვის მინისტრის 2022 წლის 17 ოქტომბრის №69 ბრძანებაში ცვლილების შეტანის თაობაზე
დოკუმენტის ტექსტი
|
საქართველოს თავდაცვის მინისტრის ბრძანება №49 |
|
2026 წლის 23 ივნისი ქ. თბილისი |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტისა და 24-ე მუხლის პირველი პუნქტის საფუძველზე, ვბრძანებ: |
| მუხლი 1 |
„საქართველოს თავდაცვის სამინისტროს სისტემის სახელმწიფო მნიშვნელობის სიმბოლოების დამტკიცების შესახებ“ საქართველოს თავდაცვის მინისტრის 2022 წლის 17 ოქტომბრის №69 ბრძანებაში (ვებგვერდი, 18/10/2022, სარეგისტრაციო კოდი: 120000000.22.026.017025) შეტანილ იქნეს ცვლილება და ბრძანებით დამტკიცებული:
1. №3 დანართის №3/3-№3/4 დანართები ჩამოყალიბდეს თანდართული რედაქციით. 2. №3 დანართს დაემატოს №3/214–№3/217 დანართები თანდართული რედაქციით. 3. №7 დანართის №7/27–№7/31 დანართები ჩამოყალიბდეს თანდართული რედაქციით. 4. №7 დანართს დაემატოს №7/98–№7/107 დანართები თანდართული რედაქციით. |
| მუხლი 2 |
ეს ბრძანება ამოქმედდეს გამოქვეყნებისთანავე და გავრცელდეს 2026 წლის 17 თებერვლიდან წარმოშობილ სამართლებრივ ურთიერთობებზე. |
|
📎 დანართები (4)
49-1.docx ⬇
დანართი №3/3
სსიპ – კადეტთა სამხედრო ლიცეუმის დროშა
100სმX150სმ
აღწერილობა
სსიპ –კადეტთა სამხედრო ლიცეუმის დროშა წარმოადგენს მართკუთხა მეწამულ (წითელ) ქსოვილს პროპორციით 2/3, რომლის შუაში გამოსახულია ვერცხლის (თეთრი) გელათის აკადემიის წიგნი, შვიდქიმიანი ვერცხლის (თეთრი) ვარსკვლავით.
დანართი №3/4
სსიპ – კადეტთა სამხედრო ლიცეუმის ემბლემა
აღწერილობა
სსიპ – კადეტთა სამხედრო ლიცეუმის ემბლემა წარმოადგენს მრგვალ ჰერალდიკურ ფარს, რომლის ლაჟვარდის (ლურჯ) ველზე გამოსახულია ვერცხლის (თეთრი) გელათის აკადემიის წიგნი, გულში შვიდქიმიანი ვერცხლის (თეთრი) ვარსკვლავით. ემბლემა გარედან შემოსაზღვრულია ვერცხლის (თეთრი) დიდი არშიით. გარე და შიდა არშიებს შორის მეწამულ (წითელ) ველზე, ზედა ნახევარში განთავსებულია ვერცხლის (თეთრი) წარწერა – ,,თავდაცვის სამინისტრო”, ქვედა ნახევარში ვერცხლის (თეთრი) წარწერა – „კადეტთა სამხედრო ლიცეუმი“. წარწერები გამიჯნულია ორი ვერცხლის (თეთრი) შვიდქიმიანი ვარსკვლავით.
საველე ფორმის შევრონისთვის ფარის მეწამული (წითელი) და ლაჟვარდი (ლურჯი) ფერი იცვლება დამცავი მწვანე (ხაკის) ფერით. ვერცხლის (თეთრი) გელათის აკადემიის წიგნი, გულში შვიდქიმიანი ვერცხლის (თეთრი) ვარსკვლავით, წარწერები და წარწერების გამმიჯნავი ვერცხლის (თეთრი) ორი შვიდქიმიანი ვარსკვლავი იცვლება სევადით და სრულდება აბრეშუმის შავი ნაქარგით
49-2.docx ⬇
დანართი №3/214
სსიპ – კადეტთა სამხედრო ლიცეუმის
გენერალ გიორგი მაზნიაშვილის სახელობის კადეტთა სამხედრო სკოლის დროშა
100სმX150სმ
სსიპ – კადეტთა სამხედრო ლიცეუმის გენერალ გიორგი მაზნიაშვილის სახელობის კადეტთა სამხედრო სკოლის დროშა წარმოადგენს მართკუთხა მეწამულ (წითელი) ქსოვილს პროპორციით 2/3, რომლის ცენტრში ჰერალდიკურ ფარაკზე გამოსახულია მოტივტივე ვერცხლის (თეთრი) გელათის აკადემიის წიგნი შვიდქიმიანი ვერცხლის (თეთრი) ვარსკვლავით. წიგნის ქვემოთ გამოსახულია ქართული ასომთავრული „ა“.
დანართი N3/215
სსიპ – კადეტთა სამხედრო ლიცეუმის
გენერალ გიორგი მაზნიაშვილის სახელობის კადეტთა სამხედრო სკოლის ემბლემა
სსიპ – კადეტთა სამხედრო ლიცეუმის გენერალ გიორგი მაზნიაშვილის სახელობის კადეტთა სამხედრო სკოლის ემბლემა წარმოადგენს მრგვალ ჰერალდიკურ ფარს, რომლის ლაჟვარდის (ლურჯი) ველზე ცენტრში გამოსახულია მოტივტივე ვერცხლის (თეთრი) გელათის აკადემიის წიგნი გულში შვიდქიმიანი ვერცხლის (თეთრი) ვარსკვლავით. წიგნის ქვემოთ გამოსახულია ქართული ასომთავრული „ა“. ემბლემა გარედან შემოსაზღვრულია ვერცხლის (თეთრი) დიდი არშიით. გარე და შიდა არშიებს შორის მეწამულ (წითელ) ველზე, ზედა ნახევარში გამოსახულია ვერცხლის (თეთრი) წარწერა – „კადეტთა სამხედრო ლიცეუმი“, ემბლემის ქვედა ნახევარში გამოსახულია ვერცხლის (თეთრი) წარწერა – „გენერალ გ. მაზნიაშვილის სახელობის კადეტთა სამხედრო სკოლა“. წარწერები ერთმანეთისაგან გამიჯნულია ვერცხლის (თეთრი) ორი შვიდქიმიანი ვარსკვლავით.
საველე ფორმის შევრონისათვის მეწამული (წითელი) და ლაჟვარდი (ლურჯი) იცვლება დამცავი მწვანე (ხაკი) ფერით. მოტივტივე ვერცხლის (თეთრი) გელათის აკადემიის წიგნი, გულში შვიდქიმიანი ვერცხლის (თეთრი) ვარსკვლავით, წარწერები და წარწერების გამმიჯნავი ვერცხლის (თეთრი) შვიდქიმიანი ვარსკვლავები იცვლება სევადით (შავი) და სრულდება აბრეშუმის შავი ნაქარგით.
დანართი №3/216
სსიპ – კადეტთა სამხედრო ლიცეუმის
გენერალ გიორგი
კვინიტაძის სახელობის კადეტთა სამხედრო სკოლის დროშა
100სმX150სმ
სსიპ – კადეტთა სამხედრო ლიცეუმის გენერალ გიორგი კვინიტაძის სახელობის კადეტთა სამხედრო სკოლის დროშა წარმოადგენს მართკუთხა მეწამულ (წითელ) ქსოვილს პროპორციით 2/3, რომლის ცენტრში ჰერალდიკურ ფარაკზე გამოსახულია მოტივტივე ვერცხლის (თეთრი) გელათის აკადემიის წიგნი შვიდქიმიანი ვერცხლის (თეთრი) ვარსკვლავით, რომლის ქვემოთ გამოსახულია ქართული ასომთავრული „დ“.
დანართი №3/217
სსიპ – კადეტთა სამხედრო ლიცეუმის
გენერალ გიორგი კვინიტაძის სახელობის კადეტთა სამხედრო სკოლის ემბლემა
სსიპ – კადეტთა სამხედრო ლიცეუმის გენერალ გიორგი კვინიტაძის სახელობის კადეტთა სამხედრო სკოლის ემბლემა წარმოადგენს მრგვალ ჰერალდიკურ ფარს, რომლის ლაჟვარდის (ლურჯი) ველზე ცენტრში გამოსახულია მოტივტივე ვერცხლის (თეთრი) გელათის აკადემიის წიგნი, ცენტრში შვიდქიმიანი ვერცხლის (თეთრი) ვარსკვლავით, ხოლო წიგნის ქვემოთ გამოსახულია ქართული ასომთავრული „დ“. ემბლემა გარედან შემოსაზღვრულია ვერცხლის (თეთრი) დიდი არშიით. გარე და შიდა არშიებს შორის მეწამულ (წითელ) ველზე, ზედა ნახევარში გამოსახულია ვერცხლის (თეთრი) წარწერა – „კადეტთა სამხედრო ლიცეუმი“, ემბლემის ქვედა ნახევარში გამოსახულია ვერცხლის (თეთრი) წარწერა – „გენერალ გ. კვინიტაძის სახელობის კადეტთა სამხედრო სკოლა“. წარწერები ერთმანეთისგან გამიჯნულია ვერცხლის (თეთრი) ორი შვიდქიმიანი ვარსკვლავით.
საველე ფორმის შევრონისათვის მეწამული (წითელი) და ლაჟვარდი (ლურჯი) იცვლება დამცავი მწვანე (ხაკი) ფერით. მოტივტივე ვერცხლის (თეთრი) გელათის აკადემიის წიგნი, წარწერები და წარწერების გამმიჯნავი ვერცხლის (თეთრი) შვიდქიმიანი ვარსკვლავები იცვლება სევადით (შავი) და სრულდება აბრეშუმის შავი ნაქარგით.