„ოპერატიულ-სამძებრო საქმიანობის შესახებ“ საქართველოს კანონში ცვლილების შეტანის თაობაზე

1. მე-3 მუხლს დაემატოს შემდეგი შინაარსის „ი“ ქვეპუნქტი:

„ი) უკანონო მიგრაციის წინააღმდეგ ბრძოლა, უკანონო მიგრაციის პრევენცია და აღკვეთა, საქართველოში კანონიერი საფუძვლის გარეშე მყოფი უცხოელის გამოვლენა.“.

2. მე-8 მუხლის:

ა) პირველ პუნქტს დაემატოს შემდეგი შინაარსის „თ“ ქვეპუნქტი:

„თ) ამ კანონის მე-3 მუხლის „ი“ ქვეპუნქტით გათვალისწინებულ შემთხვევაში საქართველოს შინაგან საქმეთა მინისტრის თანხმობის საფუძველზე საქართველოს შინაგან საქმეთა სამინისტროს მიგრაციის დეპარტამენტის დირექტორის წერილობითი ბრძანება.“;

ბ) მე-6 პუნქტის შემდეგ დაემატოს შემდეგი შინაარსის მე-7 პუნქტი:

„7. ამ მუხლის პირველი პუნქტის „თ“ ქვეპუნქტით გათვალისწინებულ შემთხვევაში ოპერატიულ-სამძებრო ღონისძიება გრძელდება მისი დაწყების საფუძვლის აღმოფხვრამდე, მაგრამ აღნიშნული ღონისძიების განხორციელების ხანგრძლივობა 3 თვეს არ უნდა აღემატებოდეს.“.

3. მე-12 მუხლის პირველი პუნქტის „ა“ ქვეპუნქტი ჩამოყალიბდეს შემდეგი რედაქციით: 

„ა) საქართველოს შინაგან საქმეთა სამინისტროს ოპერატიულ ორგანოებს, საგამოძიებო დანაყოფებსა და მიგრაციის დეპარტამენტის უფლებამოსილ სტრუქტურულ ერთეულებს;

მუხლი 2. ეს კანონი ამოქმედდეს 2026 წლის 1 სექტემბრიდან.