„მცხეთის მუნიციპალიტეტის მოსახლეობის სამედიცინო და სოციალური დახმარების პროგრამის დამტკიცების შესახებ“ მცხეთის მუნიციპალიტეტის საკრებულოს 2026 წლის 20 თებერვლის №3 დადგენილებაში ცვლილებების შეტანის თაობაზე

ა). დადგენილების პირველი მუხლით დამტკიცებული „მცხეთის მუნიციპალიტეტის მოსახლეობის სამედიცინო და სოციალური დახმარების პროგრამის“  მე-10  მუხლის  მე-2 პუნქტი  ჩამოყალიბდეს  ახალი  რედაქციით:

„2. დახმარება გაიცემა თვეში ერთხელ 300 (სამასი) ლარის ოდენობით.“

ბ). დადგენილების პირველი მუხლით დამტკიცებული „მცხეთის მუნიციპალიტეტის მოსახლეობის სამედიცინო და სოციალური დახმარების პროგრამის“  მე-20  მუხლი ჩამოყალიბდეს  ახალი  რედაქციით:

„მუხლი 20. ხანძრის  და სხვა უბედური შემთხვევის შედეგად დაზარალებული და თავშესაფრის არმქონე  პირების  ქირით  უზრუნველყოფა

1. პროგრამით მოსარგებლე პირები არიან მცხეთის მუნიციპალიტეტის ტერიტორიაზე  მცხოვრები მოქალაქეები, კერძოდ:

ა) ხანძრის, სტიქიის და/ან სხვა უბედური შემთხვევის შედეგად დაზარალებული პირები;

ბ) პირები, რომელთა საკუთრებაში არსებული საცხოვრებელი სახლის ავარიულობის და სიცოცხლისთვის საშიში პირობების გამო საჭიროა საცხოვრებელი ფართიდან გაყვანა;

ბ) პირები, რომლებიც გახდნენ ოჯახური ძალადობის მსხვერპლი.

 2. მოქალაქემ დახმარების მისაღებად მცხეთის მუნიციპალიტეტის მერიაში უნდა წარმოადგინოს შემდეგი დოკუმენტაცია:

ა) წერილობითი განცხადება;

ბ) მოქალაქის პირადობის მოწმობის ასლი;

გ) საცხოვრებელი ფართის ქირავნობის ხელშეკრულება.

3. მოსარგებლის ქირით უზრუნველყოფა მოხდება მცხეთის მუნიციპალიტეტის იმ ტერიტორიულ ერთეულში, რომლის მაცხოვრებელიც იყო/არის  პროგრამით მოსარგებლე.

4. დოკუმენტაციის სრულად წარმოდგენის და კომისიის გადაწყვეტილების საფუძველზე, პროგრამით მოსარგებლე პირს დაუფინანსდება საცხოვრებელი ფართის ქირის გადასახადი კომისიის მიერ დადგენილი ვადით, არაუმეტეს  1 (ერთი) წლისა.

5. ქირის საფასურის მაქსიმალური ოდენობა განისაზღვრება 800 (რვაასი) ლარით.“