სახელმწიფო აუდიტის სამსახურის სამსახურებრივ-საშტატო ცეცხლსასროლი იარაღის შენახვის, გაცემისა და აღრიცხვის წესის განსაზღვრის შესახებ

სახელმწიფო აუდიტის სამსახურის გენერალური აუდიტორის

2026 წლის 23 ივლისი

ქ. თბილისი

2. ამ წესის  მიზანს წარმოადგენს  სამსახურებრივ-საშტატო ცეცხლსასროლი იარაღის შენახვისა და გაცემის ორგანიზების და აღრიცხვიანობის უზრუნველყოფა.

3.  ამ წესის მიზნებისთვის, უფლებამოსილ პირს, რომელზეც შესაძლებელია განხორციელდეს  სამსახურებრივ-საშტატო ცეცხლსასროლი იარაღის გაცემა ან მის საკუთრებაში არსებული ცეცხლსასროლი იარაღისათვის სამსახურებრივ-საშტატო ცეცხლსასროლი იარაღის სტატუსის მინიჭება, წარმოადგენს აუდიტის სამსახურის პრეზიდიუმის წევრი (შემდგომ − პრეზიდიუმის წევრი).

4. პრეზიდიუმის წევრს, რომელსაც გენერალური აუდიტორის ბრძანებით უფლება აქვს შეინახოს და ატაროს სამსახურებრივ-საშტატო ცეცხლსასროლი იარაღი, ეძლევა შესაბამისი ჩანაწერის მქონე სამსახურებრივი მოწმობა.

5. აუდიტის სამსახურის სამსახურებრივ-საშტატო ცეცხლსასროლი იარაღის შენახვას, გაცემასა და აღრიცხვას უზრუნველყოფს აუდიტის სამსახურის საფინანსო, ლოჯისტიკის და შრომის უსაფრთხოების დეპარტამენტი (შემდგომ – საფინანსო, ლოჯისტიკის და შრომის უსაფრთხოების დეპარტამენტი).

6. აუდიტის სამსახურის ადამიანური რესურსების მართვისა და პროფესიული განვითარების დეპარტამენტი (შემდგომ – ადამიანური რესურსების მართვისა და პროფესიული განვითარების დეპარტამენტი) უზრუნველყოფს ამ წესით გათვალისწინებული:

ა) გენერალური აუდიტორის ბრძანებების მომზადებას;

ბ) სამსახურებრივ-საშტატო ცეცხლსასროლი იარაღის შენახვისა და ტარების შესახებ შესაბამისი ჩანაწერის მქონე სამსახურებრივი მოწმობის დამზადებას/გაცემას;

გ) სსიპ − საქართველოს შინაგან საქმეთა სამინისტროს მომსახურების სააგენტოში სამსახურებრივ-საშტატო ცეცხლსასროლი იარაღის გაცემის/ჩაბარების და სამსახურებრივ-საშტატო ცეცხლსასროლი იარაღის სტატუსის მინიჭების/მოხსნის რეგისტრაციის ორგანიზებას.

2. აუდიტის სამსახურის ბალანსზე არსებული სამსახურებრივ-საშტატო ცეცხლსასროლი იარაღი აღირიცხება შესაბამის რეესტრში (დანართი №1).

3. გენერალური აუდიტორი უფლებამოსილია სამსახურებრივ-საშტატო ცეცხლსასროლი იარაღის სტატუსი მიანიჭოს პრეზიდიუმის წევრის საკუთრებაში არსებულ ცეცხლსასროლ იარაღს და მისცეს მას ტარების უფლება.

2. პრეზიდიუმის წევრზე სამსახურებრივ-საშტატო ცეცხლსასროლი იარაღის გაცემა ხდება  გენერალური აუდიტორის შესაბამისი ბრძანების საფუძველზე.

3. პრეზიდიუმის წევრი სამსახურებრივ-საშტატო ცეცხლსასროლი იარაღის ჩაბარების შემთხვევაში მოხსენებითი ბარათით მიმართავს გენერალურ აუდიტორს მისთვის გადაცემული სამსახურებრივ-საშტატო ცეცხლსასროლი იარაღის მარკის, მოდელისა და ნომრის მითითებით.

4. პრეზიდიუმის წევრი პრეზიდიუმის წევრობის სტატუსის შეწყვეტის ან/და აუდიტის სამსახურიდან გათავისუფლების შემთხვევაში დაუყოვნებლივ აბარებს მასზე გადაცემულ სამსახურებრივ-საშტატო ცეცხლსასროლ იარაღს.

5. ამ მუხლის მე-3 და მე-4 პუნქტებით გათვალისწინებული სამსახურებრივ-საშტატო ცეცხლსასროლი იარაღის ჩაბარების შემთხვევაში გამოიცემა გენერალური აუდიტორის შესაბამისი ბრძანება.

6. ამ მუხლის მე-2 – მე-4 პუნქტებით გათვალისწინებული სამსახურებრივ-საშტატო ცეცხლსასროლი იარაღის გაცემა/ჩაბარება საჭიროებს რეგისტრაციას სსიპ – საქართველოს შინაგან საქმეთა სამინისტროს მომსახურების სააგენტოში.

7. სამსახურებრივ-საშტატო ცეცხლსასროლი იარაღის პრეზიდიუმის წევრზე გაცემა და პრეზიდიუმის წევრისთვის გადაცემული სამსახურებრივ-საშტატო ცეცხლსასროლი იარაღის ჩაბარება აღირიცხება შესაბამის ჟურნალში (დანართი №2).

8. სამსახურებრივ-საშტატო ცეცხლსასროლი იარაღის მიღებისას  პრეზიდიუმის წევრი ადამიანური რესურსების მართვისა და პროფესიული განვითარების დეპარტამენტში წარადგენს ხელწერილს ცეცხლსასროლი იარაღის შენახვის, ტარებისა და გამოყენების წესების დაცვის თაობაზე (დანართი №3).

2. გენერალური აუდიტორი უფლებამოსილია, შესაბამისი ბრძანების საფუძველზე, პრეზიდიუმის წევრის საკუთრებაში არსებულ ცეცხლსასროლ იარაღს მიანიჭოს სამსახურებრივ-საშტატო ცეცხლსასროლი იარაღის სტატუსი და  პრეზიდიუმის წევრს მიანიჭოს მისი ტარების უფლება.

3. პრეზიდიუმის წევრის საკუთრებაში არსებული ცეცხლსასროლი იარაღისათვის სამსახურებრივ-საშტატო ცეცხლსასროლი იარაღის სტატუსის მოხსნა ხდება პრეზიდიუმის წევრის მოხსენებითი ბარათის საფუძველზე, ამავე იარაღისათვის სამსახურებრივ-საშტატო ცეცხლსასროლი იარაღის სტატუსის მინიჭების შესახებ გენერალური აუდიტორის შესაბამისი ბრძანების ძალადაკარგულად გამოცხადებით.

4. პრეზიდიუმის წევრობის სტატუსის შეწყვეტის ან/და აუდიტის სამსახურიდან გათავისუფლების შემთხვევაში, პრეზიდიუმის წევრის საკუთრებაში არსებულ ცეცხლსასროლ იარაღს ავტომატურად ეხსნება სამსახურებრივ-საშტატო ცეცხლსასროლი იარაღის სტატუსი, ასევე უქმდება მისი ტარების უფლება.

5. ამ მუხლის მე-2 − მე-4 პუნქტებით გათვალისწინებული ცეცხლსასროლი იარაღისათვის სამსახურებრივ-საშტატო ცეცხლსასროლი იარაღის სტატუსის მინიჭება/მოხსნა საჭიროებს რეგისტრაციას სსიპ − საქართველოს შინაგან საქმეთა სამინისტროს მომსახურების სააგენტოში.

6. პრეზიდიუმის წევრის საკუთრებაში არსებული ცეცხლსასროლი იარაღი, რომელსაც მინიჭებული აქვს სამსახურებრივ-საშტატო ცეცხლსასროლი იარაღის სტატუსი, აღირიცხება შესაბამის რეესტრში (დანართი №4).

2. სამსახურებრივ-საშტატო ან/და სამსახურებრივ-საშტატო სტატუსმინიჭებული საკუთრებაში არსებული იარაღის დაკარგვის, მოპარვის ან მისი ნების საწინააღმდეგოდ მფლობელობიდან სხვაგვარად გასვლის შემთხვევაში პრეზიდიუმის წევრი ვალდებულია დაუყონებლივ აცნობოს საქართველოს შინაგან საქმეთა სამინისტროს ტერიტორიულ ორგანოს, აუდიტის სამსახურის შიდა აუდიტის დეპარტამენტს და ადამიანური რესურსების მართვისა და პროფესიული განვითარების დეპარტამენტს.

3. აუდიტის სამსახურის ბალანსზე რიცხული, იმ სამსახურებრივ-საშტატო ცეცხლსასროლი იარაღის შენახვას, რომელიც არ არის გაცემული პრეზიდიუმის წევრებზე, უზრუნველყოფს საფინანსო, ლოჯისტიკის და შრომის უსაფრთხოების დეპარტამენტი სპეციალურად გამოყოფილ, დაცულ საცავში (საიარაღო ოთახში) არსებულ ლითონის კარადაში, სადაც გამოირიცხება იარაღთან და საბრძოლო მასალასთან გარეშე პირთა დაშვების შესაძლებლობა.

4. სამსახურებრივ-საშტატო ცეცხლსასროლი იარაღი უნდა ინახებოდეს  განმუხტულ მდგომარეობაში და ისეთ პირობებში, სადაც უზრუნველყოფილი იქნება მისი დაცვა და უსაფრთხოება.

5. სამსახურებრივ-საშტატო ცეცხლსასროლი იარაღის საცავზე (საიარაღო ოთახზე) ხორციელდება 24-საათიანი ვიდეომონიტორინგი.

6. იარაღის საცავში (საიარაღო ოთახში) შესვლის უფლება აქვს საფინანსო, ლოჯისტიკის და შრომის უსაფრთხოების დეპარტამენტის და ადამიანური რესურსების მართვისა და პროფესიული განვითარების დეპარტამენტის უფლებამოსილ თანამშრომელს. სამსახურებრივ-საშტატო ცეცხლსასროლი იარაღისა და შენახვის პირობების ყოველწლიური ინვენტარიზაციის ჩატარების დროს, ასევე ტექნიკური საჭიროების შემთხვევაში იარაღის საცავში (საიარაღო ოთახში) შეიძლება დაშვებული იყოს სხვა პირიც.

7. იარაღის საცავში (საიარაღო ოთახში) ყოველი შესვლა აღირიცხება შესაბამის ჟურნალში (დანართი №5).

1. აუდიტის სამსახურის ბალანსზე რიცხული სამსახურებრივ-საშტატო ცეცხლსასროლი იარაღის ყოველწლიური ინვენტარიზაცია ტარდება გენერალური აუდიტორის მიერ დადგენილი ინვენტარიზაციის წესით.  

2. სამსახურებრივ-საშტატო ცეცხლსასროლი იარაღის ინვენტარიზაციის დროს ხდება როგორც იარაღის საცავში (საიარაღო ოთახში) არსებული, ასევე პრეზიდიუმის წევრებზე გაცემული სამსახურებრივ-საშტატო ცეცხლსასროლი იარაღის აღწერა-დათვალიერება და იარაღის მდგომარეობის შემოწმება.

3. ინვენტარიზაციის მიმდინარეობისას, როგორც წესი, სამსახურებრივ-საშტატო იარაღის პრეზიდიუმის წევრებზე გაცემა და ჩაბარება შეჩერებულია, გარდა პრეზიდიუმის წევრის პრეზიდიუმის წევრობის სტატუსის შეწყვეტის ან/და აუდიტის სამსახურიდან გათავისუფლების შემთხვევისა.

ცეცხლსასროლი იარაღი

სახელმწიფო აუდიტის სამსახურის პრეზიდიუმის წევრებზე გაცემული

ცეცხლსასროლი იარაღი

მე – __________________________________________________________

______________________________________________________________

გაცნობილი ვარ საქართველოში მოქმედ კანონმდებლობას ცეცხლსასროლი იარაღის შენახვის, ტარებისა და გამოყენების შესახებ.

ინდივიდუალური ცეცხლსასროლი საბრძოლო იარაღის მოხმარებისა და გამოყენების წესებს ვფლობ სრულყოფილად.

ჩემზე გაპიროვნებულ ცეცხლსასროლ იარაღს შევინახავ იარაღისათვის განკუთვნილ ჩემს სარგებლობაში არსებულ სათანადო სეიფში არასაბრძოლო მდგომარეობაში.

სრულად დავიცავ ცეცხლსასროლი იარაღის ტარების, შენახვისა და გამოყენების წესებს.

ზემოაღნიშნულს ვადასტურებ წინამდებარე ხელწერილით.

    ------------------------------------                                                                                                     

                    ხელმოწერა                                                                          / სახელი, გვარი   /

თარიღი: