„საქართველოს შინაგან საქმეთა სამინისტროს საექსპერტო-კრიმინალისტიკური დეპარტამენტის დებულების დამტკიცების შესახებ“ საქართველოს შინაგან საქმეთა მინისტრის 2015 წლის 30 სექტემბრის №746 ბრძანებაში ცვლილების შეტანის თაობაზე

საქართველოს შინაგან საქმეთა მინისტრის

2026 წლის 24 ივლისი

ქ. თბილისი

1. მე-7 მუხლის პირველი პუნქტის „ა¹“ ქვეპუნქტი ჩამოყალიბდეს შემდეგი რედაქციით:

„ა¹) ციფრული ექსპერტიზის სამმართველო;“.

2. მე-8 მუხლის პირველი პუნქტის „დ“ ქვეპუნქტი ჩამოყალიბდეს შემდეგი რედაქციით:

„დ) დაქტილოსკოპიურ, ბალისტიკურ მონაცემთა აღრიცხვა და ბაზების წარმოება;“.

3. 8¹ მუხლი ჩამოყალიბდეს შემდეგი რედაქციით:

„მუხლი 8¹

1. ციფრული ექსპერტიზის სამმართველოს კომპეტენციაა:

ა) სასამართლოს, პროკურორის, გამომძიებლის, სამინისტროს სისტემაში შემავალი დანაყოფების მიმართვის საფუძველზე, კანონმდებლობით დადგენილი წესით სამოქალაქო, ადმინისტრაციულ, სისხლის სამართლის საქმეებსა და სხვა საქმეებზე საჭირო გარემოებების დასადგენად, საკითხების გადასაწყვეტად ელექტრონული/ციფრული და სხვა მტკიცებულებების შესწავლა-დამუშავება, ფონოსკოპიური, ჰაბიტოსკოპიური და ფოტო-ვიდეო-ტექნიკური, კომპიუტერული და ციფრული ტექნოლოგიების ექსპერტიზისა და სპეციალური გამოკვლევების ჩატარება, შესაბამისი დასკვნებისა და აქტების გაცემა;

ბ) დანაშაულის კვალის, ნივთიერ (ელექტრონული/ციფრული და სხვა) მტკიცებულებათა აღმოჩენის, დაფიქსირების, ამოღებისა და მათი შემდგომი გამოკვლევის მიზნით შემთხვევის ადგილის დათვალიერებაში, ასევე სხვა საგამოძიებო და ოპერატიულ-სამძებრო ღონისძიებებში მონაწილეობა;

გ) გაწეული საქმიანობის სტატისტიკის წარმოება;

დ) ჰაბიტოსკოპიურ მონაცემთა აღრიცხვა და ბაზების წარმოება;

ე) მოქმედი კანონმდებლობითა და ამ დებულებით დაკისრებულ სხვა უფლებამოსილებათა განხორციელება.

2. ციფრული ექსპერტიზის სამმართველოს უფროსი ანგარიშვალდებულია დეპარტამენტის დირექტორისა და დეპარტამენტის დირექტორის კურატორი მოადგილის (ასეთის არსებობისას) წინაშე.“.