სახელმწიფო სარეგისტრაციო კოდი 220.010.040.18.011.010.121

საქართველოს ეროვნული ბანკის პრეზიდენტის

ბრძანება №69

2007 წლის 14 მარტი

ქ. თბილისი

საქართველოს ეროვნული ბანკის პრეზიდენტის 2006 წლის 27 მარტის №85 ბრძანებით დამტკიცებულ „კომერციულ ბანკებში ნაღდ ფულსა და სხვა ფასეულობასთან დაკავშირებული ოპერაციების წარმოების წესებში“ ცვლილების შეტანის შესახებ

მიმოქცევაში ახალი ემისიის 50 თეთრის, 1 ლარისა და 2 ლარის ნომინალების მონეტების შემოღებასთან დაკავშირებით და „საქართველოს ეროვნული ბანკის შესახებ“ საქართველოს ორგანული კანონის 73-ე მუხლისა და „ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

    მუხლი 1

საქართველოს ეროვნული ბანკის პრეზიდენტის 2006 წლის 27 მარტის №85 ბრძანებით დამტკიცებულ „კომერციულ ბანკებში ნაღდ ფულსა და სხვა ფასეულობასთან დაკავშირებული ოპერაციების წარმოების წესებში“ (სსმ III, 04.04.2006, №45, მუხლი 506) შეტანილ იქნეს შემდეგი ცვლილება:

     მე-10 მუხლის მე-8 პუნქტი ჩამოყალიბდეს შემდეგი რედაქციით: 

„ 8. მონეტების დახარისხება ხდება ღირებულებათა მიხედვით სრულ და არასრულ ტომრებად (ან სპეციალურ პაკეტებად). ერთ ტომარაში (პაკეტში) მოთავსებული ფულის მაქსიმალური თანხა ნომინალების მიხედვით უნდა იყოს: 1 თეთრი – 20 ლარი, 2 თეთრი – 30 ლარი, 5 თეთრი – 50 ლარი, 10 თეთრი – 100 ლარი, 20 თეთრი – 160 ლარი, 50 თეთრი – 250 (ან 500) ლარი, 1 ლარი – 500 ლარი, 2 ლარი – 1000 ლარი.“.

    მუხლი 2

ეს ბრძანება ამოქმედდეს გამოქვეყნებისთანავე.

რ. გოცირიძე