„დუშეთის მუნიციპალიტეტში რეგისტრირებული მოქალაქეების სოციალური დახმარებისა და ჯანდაცვის პროგრამებისა და პროგრამებში მონაწილეობის წესების დამტკიცების შესახებ“ დუშეთის მუნიციპალიტეტის საკრებულოს 2025 წლის 26 დეკემბრის N37 დადგენილებაში ცვლილების შეტანის თაობაზე

ა) მე-12 მუხლის მე-2 პუნქტი შეიცვალოს და  ჩამოყალიბდეს შემდეგი რედაქციით:

„2.უმწეო მდგომარეობაში მყოფ მოქალაქეთა უფასო სასადილოთი მომსახურება გაეწევათ დუშეთის მუნიციპალიტეტის ტერიტორიაზე მცხოვრებ, მძიმე სოციალურ-ეკონომიკური მდგომარეობის მქონე 130 (ას ოცდაათი) პირს, მიუხედავად რეგისტრაციის ადგილისა. მომსახურება ითვალისწინებს  დღეში ერთხელ (გარდა კვირა დღისა) სამკომპონენტიანი სადილით უფასო კვებას.“;

ბ) მე-12 მუხლის მე-3 პუნქტის „ა“ ქვეპუნქტი შეიცვალოს და  ჩამოყალიბდეს შემდეგი რედაქციით:

„ა) დუშეთის მუნიციპალიტეტის ტერიტორიაზე მცხოვრები მარტოხელა პენსიონერები (ამ პროგრამის მიზნებისთვის მარტოხელა პენსიონერი არის პირი, რომელსაც არ ჰყავს შვილები და/ან მარჩენალი);“;

გ) მე-12 მუხლის მე-6 პუნქტის „ბ“ ქვეპუნქტი შეიცვალოს და  ჩამოყალიბდეს შემდეგი რედაქციით:

„ბ) საცხოვრებელი ადგილის შეცვლის შემთხვევაში;“;

დ) მე-12 მუხლის მე-6 პუნქტის „დ“ ქვეპუნქტი შეიცვალოს და ჩამოყალიბდეს შემდეგი რედაქციით:

„დ)ზედიზედ 1 თვის განმავლობაში სასადილოში გამოუცხადებლობისას იმ შემთხვევაში, თუ უფასო სასადილოს ხელმძღვანელის შეტყობინების საფუძველზე სოციალური მუშაკი ბენეფიციართან ვიზიტის შემდეგ დაადგენს აღნიშნული ფაქტის მიზეზს და გასცემს წერილობით თანხმობას მისთვის მომსახურების შეწყვეტის თაობაზე.“;

ე) მე-13 მუხლის პირველი  პუნქტის „ე“ ქვეპუნქტი შეიცვალოს და ჩამოყალიბდეს შემდეგი რედაქციით:

„ე) ოჯახებს, რომლებსაც შეეძინათ პირველი და მეორე შვილი – 200 (ორასი) ლარის ოდენობით, მესამე შვილის შეძენის შემთხვევაში – 300 (სამასი) ლარის ოდენობით, ტყუპების შეძენის შემთხვევაში, რიგითობის მიუხედავად, თითოეულ შვილზე 200 (ორასი) ლარის ოდენობით. თანხა გაიცემა შეძენიდან ექვსი თვის ვადაში;“;

ვ) ამოღებულ იქნეს  მე-13 მუხლის პირველი  პუნქტის „კ“ ქვეპუნქტი;

ზ) ამოღებულ იქნეს  მე-13 მუხლის მე-2  პუნქტის „ბ“ ქვეპუნქტი;

თ) ამოღებულ იქნეს  მე-13 მუხლის მე-3  პუნქტის „ლ“ ქვეპუნქტი;

ი) მე-19 მუხლის პირველი პუნქტი შეიცვალოს და  ჩამოყალიბდეს შემდეგი რედაქციით:

„1. დუშეთის მუნიციპალიტეტის მერიის სოციალური მუშაკის დასკვნის და/ან ბენეფიციარისათვის სოციალური დახმარების მიღების აუცილებლობის შესახებ მერის წარმომადგენლის წერილობითი რეკომენდაციის საფუძველზე კრიზისულ მდგომარეობაში მყოფი ოჯახებისათვის იმ საჭიროებების მოგვარების უზრუნველსაყოფად, რომლებიც არ არიან გათვალისწინებულები აღნიშნული დადგენილებით და/ან აუცილებელია ზემოთხსენებული ოჯახების სოციალურ-ეკონომიკური მდგომარეობის გაუმჯობესების მიზნით, გაიცემა ერთჯერადი ფულადი დახმარება მაქსიმუმ 1500 (ათას ხუთასი) ლარის ოდენობით.“;

კ) მე-19 მუხლის მე-2 პუნქტის „დ“ ქვეპუნქტი შეიცვალოს და  ჩამოყალიბდეს შემდეგი რედაქციით:

„დ) დუშეთის მუნიციპალიტეტის მერიის სოციალური მუშაკის დასკვნა სოციალური დახმარების მიღების აუცილებლობის შესახებ და/ან მერის წარმომადგენლის წერილობითი რეკომენდაცია სოციალური დახმარების მიღების აუცილებლობის შესახებ;“;

ლ) ამოღებულ იქნეს მე-19 მუხლის მე-2 პუნქტის „ე“ ქვეპუნქტი;

მ) მე-20 მუხლის პირველი პუნქტი შეიცვალოს და  ჩამოყალიბდეს შემდეგი რედაქციით:

„1. დუშეთის მუნიციპალიტეტის მერიის სოციალური მუშაკის დასკვნის და/ან ბენეფიციარისათვის სოციალური დახმარების მიღების აუცილებლობის შესახებ მერის წარმომადგენლის წერილობითი რეკომენდაციის საფუძველზე კრიზისულ მდგომარეობაში მყოფი ხანდაზმული ბენეფიციარების იმ საჭიროებების მოგვარების უზრუნველსაყოფად, რომლებიც არ არიან გათვალისწინებული აღნიშნული დადგენილებით და/ან აუცილებელია ზემოხსენებული პირების სოციალურ-ეკონომიკური მდგომარეობის გაუმჯობესების მიზნით, გაიცემა ერთჯერადი ფულადი დახმარება მაქსიმუმ 500 (ხუთასი) ლარის ოდენობით.“;

ნ) მე-20 მუხლის მე-2 პუნქტის „დ“ ქვეპუნქტი  შეიცვალოს და ჩამოყალიბდეს შემდეგი რედაქციით:

„დ) დუშეთის მუნიციპალიტეტის მერიის სოციალური მუშაკის დასკვნა სოციალური დახმარების მიღების აუცილებლობის შესახებ და/ან მერის წარმომადგენლის წერილობითი რეკომენდაცია სოციალური დახმარების მიღების აუცილებლობის შესახებ;“;

ო) ამოღებულ იქნეს მე-20 მუხლის მე-2 პუნქტის „ე“ ქვეპუნქტი.