„ბოლნისის მუნიციპალიტეტის მერიის ზედამხედველობის სამსახურის დებულების დამტკიცების შესახებ“ ბოლნისის მუნიციპალიტეტის საკრებულოს 2018 წლის 17 დეკემბრის №46 დადგენილებაში ცვლილების შეტანის შესახებ

1. მე-3 მუხლის პირველ პუნქტს დაემატოს  „ქ“ და „ღ“ ქვეპუნქტები და ჩამოყალიბდეს შემდეგი რედაქციით: 

„ქ) „შინაურ ბინადარ ცხოველთა შესახებ“ საქართველოს კანონითა და „ბოლნისის მუნიციპალიტეტის ტერიტორიაზე შინაური ბინადარი ცხოველების მოვლა-პატრონობისა და ყოლის წესის დამტკიცების შესახებ“ ბოლნისის მუნიციპალიტეტის საკრებულოს 2026 წლის 20 აპრილის №8 დადგენილებით დამტკიცებული წესის შესაბამისად, ბოლნისის მუნიციპალიტეტის ტერიტორიაზე ცხოველების რეგისტრაცია და მონაცემთა ერთიანი ბაზის წარმოება, უპატრონო/მიკედლებული ცხოველების პოპულაციის მართვა და კონტროლი;

ღ) საქართველოს კანონის „საქართველოს ადმინისტრაციულ სამართალდარღვევათა კოდექსი“ 103-ე და 103² მუხლებით გათვალისწინებული ადმინისტრაციული სამართალდარღვევების გამოვლენა, ადმინისტრაციულ სამართალდარღვევათა საქმეების განხილვა და დამრღვევისათვის ადმინისტრაციული სახდელის დადება, ამ კოდექსის 209​³ მუხლის გათვალისწინებით;“.

2. მე-5 მუხლის მე-2 პუნქტი ჩამოყალიბდეს შემდეგი რედაქციით:

„2. გამოავლინოს ბოლნისის მუნიციპალიტეტის ტერიტორიაზე საქართველოს კანონის „საქართველოს ადმინისტრაციულ სამართალდარღვევათა კოდექსი“ 55², 55⁶, 64², 77¹ და 82⁵ მუხლებით (პლასტიკის და ბიოდეგრადირებადი პარკების რეალიზაციის ნაწილში), 103-ე, 103², 119¹, 134¹, 146¹, 148-ე (გარდა მე-3 ნაწილისა) და 150¹ მუხლებით, 151-ე მუხლის მე-3 ნაწილით, 151², 152-ე, 152² და 152⁵-152⁹, 153⁴ მუხლებით, 158​​⁵ მუხლის პირველი და მე-2 ნაწილებითა  და 159-ე და 159¹ მუხლებით გათვალისწინებული ადმინისტრაციული სამართალდარღვევები და უზრუნველყოს ადმინისტრაციულ სამართალდარღვევათა საქმეების განხილვა და დამრღვევისათვის ადმინისტრაციული სახდელის დადება, ამ კოდექსის 209³ მუხლის გათვალისწინებით, შემდეგ სამართალდარღვევებზე:“ “

3. მე-5 მუხლს დაემატოს  მე-6 პუნქტი და ჩამოყალიბდეს შემდეგი რედაქციით: 

„6. საქართველოს კანონის „საქართველოს ადმინისტრაციულ სამართალდარღვევათა კოდექსი“ 103-ე და 103² მუხლებით გათვალისწინებული ადმინისტრაციული სამართალდარღვევების გამოვლენა, ადმინისტრაციულ სამართალდარღვევათა საქმეების განხილვა და დამრღვევისათვის ადმინისტრაციული სახდელის დადება, ამ კოდექსის 209​³ მუხლის გათვალისწინებით;“.

4. მე-6 მუხლის პირველ პუნქტს დაემატოს „ნ“ ქვეპუნქტი და ჩამოყალიბდეს შემდეგი რედაქციით: 

„ნ) „შინაურ ბინადარ ცხოველთა შესახებ“ საქართველოს კანონითა და „ბოლნისის მუნიციპალიტეტის ტერიტორიაზე შინაური ბინადარი ცხოველების მოვლა-პატრონობისა და ყოლის წესის დამტკიცების შესახებ“ ბოლნისის მუნიციპალიტეტის საკრებულოს 2026 წლის 20 აპრილის №8 დადგენილებით დამტკიცებული წესის შესაბამისად, ბოლნისის მუნიციპალიტეტის ტერიტორიაზე ცხოველების რეგისტრაცია და მონაცემთა ერთიანი ბაზის წარმოება, უპატრონო/მიკედლებული ცხოველების პოპულაციის მართვა და კონტროლი;“.