„საგარეჯოს მუნიციპალიტეტის ტერიტორიაზე აკუსტიკური ხმაურის დასაშვები ნორმების გადამეტებასთან და პიროტექნიკური ნაკეთობის გამოყენებასთან დაკავშირებულ ადმინისტრაციულ სამართალდარღვევებზე რეაგირების წესის დამტკიცების შესახებ" საგარეჯოს მუნიციპალიტეტის საკრებულოს 2019 წლის 27 სექტემბრის №12 დადგენილებაში ცვლილების შეტანის თაობაზე

1. დანართის 1-ლი მუხლის პირველი    პუქტი  ჩამოყალიბდეს შემდეგი  რედაქციით:

„1. წინამდებარე წესი განსაზღვრავს საგარეჯოს მუნიციპალიტეტის მერიის  ზედამხედველობის სამსახურის მიერ საქართველოს ადმინისტრაციულ სამართალდარღვევათა კოდექსის 77​¹ და 77​² მუხლებით გათვალისწინებულ ადმინისტრაციულ სამართალდარღვევებზე რეაგირების პროცედურას.“

2.   დანართის მე-3 მუხლი ჩამოყალიბდეს შემდეგი  რედაქციით:

„მუხლი 3. რეაგირების საფუძველი

1. საქართველოს ადმინისტრაციულ სამართალდარღვევათა კოდექსის 77¹​ და 77​² მუხლებით გათვალისწინებულ ადმინისტრაციულ სამართალდარღვევებზე რეაგირების მიზნით ადმინისტრაციული წარმოების დაწყების საფუძველია:

ა) დაინტერესებული პირის განცხადება;

ბ) ზედამხედველობის სამსახურის მიერ უფლებამოსილების განხორციელებისას გამოვლენილი შესაძლო სამართალდარღვევის ფაქტი.

2. ზედამხედველობის სამსახურის  მიერ ადმინისტრაციული წარმოება ხორციელდება საქართველოს კანონმდებლობით დადგენილი წესის შესაბამისად.“

3.  დანართის მე-4 მუხლის 1-ლი პუნქტი   ჩამოყალიბდეს შემდეგი  რედაქციით:

„1. საცხოვრებელ სახლში, კერძო საკუთრებაში არსებულ უძრავ ქონებას ან საზოგადოებრივი/საჯარო დაწესებულების შენობაში ხმაურის დონის გაზომვა ზედამხედველობის  სამსახურის  მიერ ხორციელდება ტექნიკური რეგლამენტის – „საცხოვრებელი სახლებისა და საზოგადოებრივი/საჯარო დაწესებულებების შენობების სათავსებში და ტერიტორიებზე აკუსტიკური ხმაურის ნორმების შესახებ“  საქართველოს მთავრობის 2017 წლის 15 აგვისტოს №398 დადგენილების შესაბამისად, ხმაურმზომის მეშვეობით. ხმაურის დონის გაზომვის პირობები უნდა შეესაბამებოდეს ხმაურმზომის ექსპლუატაციის ინსტრუქციას.“

4. დანართის  მე-6 მუხლის 1-ლი პუნქტი   ჩამოყალიბდეს შემდეგი  რედაქციით:

„1. საქართველოს ადმინისტრაციულ სამართალდარღვევათა კოდექსის 77​¹ და 77​² მუხლებით გათვალისწინებულ შემთხვევებში, ზედამხედველობის სამსახური უზრუნველყოფს ადმინისტრაციულ სამართალდარღვევაზე რეაგირებას საქართველოს კანონმდებლობით დადგენილი წესით.“.

5. დანართის  მე-7 მუხლის 1-ლი პუნქტი   ჩამოყალიბდეს შემდეგი  რედაქციით:

„1. დაჯარიმების თაობაზე ზედამხედველობის სამსახურის  მიერ მიღებული გადაწყვეტილება შესაძლებელია გასაჩივრდეს საგარეჯოს მუნიციპალიტეტის მერთან. საჩივრის განხილვის პროცესში მიმდინარე ადმინისტრაციულ წარმოებაში სამართალდამრღვევი პირის მონაწილეობა სავალდებულოა.“.