,,საჯარო სამართლის იურიდიული პირის – საქართველოს შინაგან საქმეთა სამინისტროს ჯანმრთელობის დაცვის სამსახურის წესდების დამტკიცების შესახებ“ საქართველოს შინაგან საქმეთა მინისტრის 2005 წლის 5 მარტის №192 ბრძანებაში ცვლილებისა და დამატების შეტანის თაობაზე“
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს მინისტრის ბრძანება (1)
დოკუმენტის ტექსტი
სახელმწიფო სარეგისტრაციო კოდი 040.030.000.22.340.010.154
საქართველოს შინაგან საქმეთა მინისტრის
ბრძანება №458
2007 წლის 29 მარტი
ქ. თბილისი
“საჯარო სამართლის იურიდიული პირის – საქართველოს შინაგან საქმეთა სამინისტროს ჯანმრთელობის დაცვის სამსახურის წესდების დამტკიცების შესახებ“ საქართველოს შინაგან საქმეთა მინისტრის 2005 წლის 5 მარტის №192 ბრძანებაში ცვლილებისა და დამატების შეტანის თაობაზე
“ნორმატიული აქტების შესახებ“ საქართველოს კანონის 36-ე მუხლის პირველი პუნქტის და “საქართველოს შინაგან საქმეთა სამინისტროს დებულების დამტკიცების შესახებ“ საქართველოს პრეზიდენტის 2004 წლის 27 დეკემბრის № 614 ბრძანებულებით დამტკიცებული დებულების მე-11 პუნქტის “ა“ და “ნ“ ქვეპუნქტების საფუძველზე, ვბრძანებ:
მუხლი 1. “საჯარო სამართლის იურიდიული პირის – საქართველოს შინაგან საქმეთა სამინისტროს ჯანმრთელობის დაცვის სამსახურის წესდების დამტკიცების შესახებ“ საქართველოს შინაგან საქმეთა მინისტრის 2005 წლის 5 მარტის №192 ბრძანებით (სსმ III, 2005 წ., №26, მუხლი 242) დამტკიცებული საჯარო სამართლის იურიდიული პირის – საქართველოს შინაგან საქმეთა სამინისტროს ჯანმრთელობის დაცვის სამსახურის წესდებაში შეტანილ იქნეს შემდეგი ცვლილება და დამატება:
1. წესდების მე-2 მუხლს დაემატოს შემდეგი შინაარსის “თ1“ ქვეპუნქტი:
„თ1) საჭიროების შემთხვევაში, სამინისტროს ცალკეული ქვედანაყოფების სამკურნალწამლო საშუალებებით უზრუნველყოფა, პასუხისმგებელ პირზე გადაცემის გზით. ქვედანაყოფის პასუხისმგებელ პირზე გადაცემულ სამკურნალწამლო საშუალებებზე გაფორმებული მიღება-ჩაბარების აქტი წარმოადგენს ფაქტობრივი ხარჯების (ჩამოწერის) დამადასტურებელ დოკუმენტს;“.
2. წესდების მე-3 მუხლი ჩამოყალიბდეს შემდეგი რედაქციით:
„მუხლი 3.
სამსახურის შემადგენლობაშია:
ა) საფინანსო-სამეურნეო სამმართველო;
ბ) ცენტრალური სამხედრო-საექიმო კომისია;
გ) აფთიაქი;
დ) პოლიკლინიკა – ქ. თბილისში;
ე) სამედიცინო პუნქტი – ქ. ბათუმში.“.
მუხლი 2. ბრძანება ამოქმედდეს გამოქვეყნებისთანავე.
ი. მერაბიშვილი