„საქართველოს ვიზის გაცემის, მისი მოქმედების ვადის გაგრძელებისა და მოქმედების შეწყვეტის წესის დამტკიცების თაობაზე“ საქართველოს მთავრობის 2015 წლის 23 ივნისის №280 დადგენილებაში ცვლილების შეტანის შესახებ

✨ ჰკითხე AI-ს ამ კანონის შესახებ
საქართველოს მთავრობის დადგენილება მოქმედი ადგილობრივი მმართველობა განათლებამიგრაცია
მიღების თარიღი
08.09.2026
გამომცემი ორგანო
საქართველოს მთავრობა
ნომერი
№443
სარეგისტრაციო კოდი
010120000.10.003.025993
გამოქვეყნების წყარო
matsne.gov.ge , 10/09/2026
📎 დანართები 1

დოკუმენტის ტექსტი

 

საქართველოს მთავრობის

დადგენილება№443

2026 წლის 8 სექტემბერი

ქ. თბილისი

„საქართველოს ვიზის გაცემის, მისი მოქმედების ვადის გაგრძელებისა და მოქმედების შეწყვეტის წესის დამტკიცების თაობაზე“ საქართველოს მთავრობის 2015 წლის 23 ივნისის №280 დადგენილებაში ცვლილების შეტანის შესახებ
მუხლი 1
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „საქართველოს ვიზის გაცემის, მისი მოქმედების ვადის გაგრძელებისა და მოქმედების შეწყვეტის წესის დამტკიცების თაობაზე“ საქართველოს მთავრობის 2015 წლის 23  ივნისის №280 დადგენილებაში (www.matsne.gov.ge, 23/06/2015, 010120000.10.003.018665) შეტანილ იქნეს ცვლილება და დადგენილებით დამტკიცებული წესის:

1. მე-4 მუხლის მე-6 პუნქტი ჩამოყალიბდეს შემდეგი რედაქციით:

„6. გრძელვადიანი ვიზა გაიცემა საქართველოში მრავალჯერადი შემოსვლის უფლებით, 90 კალენდარული დღის ან 1 წლის მოქმედებისა და ყოფნის ვადით. გრძელვადიანი ვიზა შეიძლება იყოს მხოლოდ A2, B2, B3 და D კატეგორიების. გრძელვადიანი ვიზა 1 წლის მოქმედების ვადით გაიცემა მხოლოდ D5 და D6 კატეგორიის ვიზის გაცემის შემთხვევაში.“.

2. მე-8 მუხლის:

ა) „ა“ ქვეპუნქტი ჩამოყალიბდეს შემდეგი რედაქციით:

„ა) D1 კატეგორიის − უცხოელზე, ასევე „მეწარმეთა შესახებ“ საქართველოს კანონის შესაბამისად სამეწარმეო საქმიანობის განსახორციელებლად საქართველოში მომავალ უცხოელზე, რომელმაც მიიღო შრომითი საქმიანობის უფლება. საქართველოს მთავრობის დადგენილებით განსაზღვრულ შემთხვევებში, ამ კატეგორიის ვიზა შეიძლება, გაიცეს აგრეთვე პირზე, რომელიც საქართველოში ახორციელებს ისეთ საქმიანობას, რომელზედაც არ ვრცელდება „შრომითი მიგრაციის შესახებ“ საქართველოს კანონის მოქმედება;“;

ბ) „გ“ ქვეპუნქტი ჩამოყალიბდეს შემდეგი რედაქციით:

„გ) D3 კატეგორიის − საქართველოში ავტორიზებულ საგანმანათლებლო დაწესებულებაში ან მის ბაზაზე სასწავლებლად ან კვლევის ჩასატარებლად მომავალ/მყოფ სრულწლოვან პირზე; საერთაშორისო პროგრამების ფარგლებში საქართველოში სასწავლებლად მომავალ/მყოფ პირზე;“;

გ) „ე“ ქვეპუნქტის შემდეგ დაემატოს შემდეგი შინაარსის „ვ“ ქვეპუნქტი:

„ვ) D6 კატეგორიის − საქართველოში ავტორიზებულ უმაღლეს ან პროფესიულ საგანმანათლებლო დაწესებულებაში სასწავლებლად მომავალ/ მყოფ არასრულწლოვან პირზე; საქართველოში ავტორიზებულ ზოგადსაგანმანათლებლო დაწესებულებაში სასწავლებლად მომავალ/მყოფ არასრულწლოვან პირზე მის მიერ სრული ზოგადი განათლების დასრულებამდე. თუ უცხოელი არასრულწლოვანია, ამ კატეგორიის ვიზა შეიძლება, გაიცეს აგრეთვე მის მშობლებზე/კანონიერ წარმომადგენლებზე და არასრულწლოვან და-ძმაზე, უცხოელის მიერ სრულწლოვანების მიღწევამდე.“.

3. მე-11 მუხლის მე-3 პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) მოკლევადიანი დიპლომატიური და სპეციალური ვიზები, D3, D5 და D6 კატეგორიის ვიზები − ამ წესის 34-ე მუხლით განსაზღვრული წესით, მათი მოქმედების ვადის გაგრძელების შემთხვევაში.“.

4. მე-17 მუხლის მე-7 პუნქტი ჩამოყალიბდეს შემდეგი რედაქციით:

„7. საქართველოში კანონიერი საფუძვლით მყოფ უცხოელზე საიმიგრაციო ვიზის გასაცემად, ასევე D3, D5 და D6 კატეგორიის საიმიგრაციო ვიზების მოქმედების ვადის გასაგრძელებლად საჭირო დოკუმენტაციის მიღებასა და სამგზავრო დოკუმენტში ვიზის დატანასთან დაკავშირებით საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირების − იუსტიციის სახლის ან სახელმწიფო სერვისების განვითარების სააგენტოს უფლებამოსილებები განისაზღვრება სამინისტროსა და საქართველოს იუსტიციის სამინისტროს ერთობლივი ბრძანებით.“.

5. მე-19 მუხლის პირველი პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) „საკონსულო მოსაკრებლის შესახებ“ საქართველოს კანონითა და ამ წესით დადგენილი საკონსულო მოსაკრებლის, ხოლო სამინისტროს მიერ ვიზის გაცემისას/მოქმედების ვადის გაგრძელებისას, ასევე საქართველოს სახელმწიფო საზღვარზე ვიზის გაცემისას − „სახელმწიფო ბაჟის შესახებ“ საქართველოს კანონით, საქართველოს მთავრობის დადგენილებითა და ამ წესით დადგენილი სახელმწიფო ბაჟის გადახდის დამადასტურებელი დოკუმენტი, გარდა იმ შემთხვევისა, როცა უცხოელი გათავისუფლებულია საკონსულო მოსაკრებლის/სახელმწიფო ბაჟის გადახდისაგან;“.

6. მე-20 მუხლის მე-4 პუნქტი ჩამოყალიბდეს შემდეგი რედაქციით:

„4. საქართველოს მოკლევადიანი ვიზის გაცემის მიზნებისათვის ვიზის გამცემ ორგანოს დოკუმენტები წარედგინება ლეგალიზებისა და აპოსტილით დამოწმების გარეშე, დედნებისა და მათი ასლების სახით. დოკუმენტის ნამდვილობაში ეჭვის შეტანის შემთხვევაში, ვიზის გამცემი ორგანო უფლებამოსილია, მოითხოვოს დოკუმენტის ლეგალიზება ან აპოსტილით დამოწმება. დოკუმენტის დედნისა და ასლის ურთიერთშედარების შემდეგ, დოკუმენტის დედანი უბრუნდება განმცხადებელს, ხოლო ასლები რჩება ვიზის გამცემ ორგანოში ან დოკუმენტების მიღებაზე უფლებამოსილების მქონე სხვა ორგანოში.“.

7. 23-ე მუხლის მე-2 პუნქტი ჩამოყალიბდეს შემდეგი რედაქციით:

„2. ვიზის მისაღებად განმცხადებელმა უნდა წარადგინოს სამოგზაურო დაზღვევა (გარდა D5 კატეგორიის ვიზისა) შემდეგი პირობის დაცვით − გრძელვადიანი ვიზის მისაღებად წარსადგენი სამოგზაურო დაზღვევა მოქმედი უნდა იყოს ვიზის მოქმედების ვადის განმავლობაში.“.

8. 25-ე მუხლის შემდეგ დაემატოს შემდეგი შინაარსის 25¹ მუხლი:

„მუხლი 25¹. D6 კატეგორიის ვიზის გაცემისა და მისი მოქმედების ვადის გაგრძელების პრინციპები

ამ წესის 25-ე მუხლით განსაზღვრულ ძირითად პრინციპებთან ერთად, D6 კატეგორიის ვიზის გაცემისა და მისი მოქმედების ვადის გაგრძელებისას გამოიყენება შემდეგი პრინციპები:

ა) საქართველოში ავტორიზებულ საგანმანათლებლო დაწესებულებაში სწავლის მიზნით მომავალ/მყოფ პირზე, ასევე მის და-ძმაზე D6 კატეგორიის ვიზის გაცემის ან მისი მოქმედების ვადის გაგრძელების შესახებ გადაწყვეტილება მიიღება, თუ გადაწყვეტილების მიღების მომენტისათვის ისინი არიან არასრულწლოვანები, გარდა ამ წესის 34-ე მუხლის 21 პუნქტის „ბ“ ქვეპუნქტით დადგენილი შემთხვევისა;

ბ) საქართველოში ავტორიზებულ საგანმანათლებლო დაწესებულებაში სასწავლებლად მომავალი/მყოფი არასრულწლოვანი პირის მშობლების/ კანონიერი წარმომადგენლებისა და არასრულწლოვანი და-ძმისათვის D6 კატეგორიის ვიზის გაცემის ან მისი მოქმედების ვადის გაგრძელების თაობაზე სავიზო განაცხადი შეიძლება, წარდგენილ იქნეს როგორც აღნიშნული პირის სავიზო განაცხადთან ერთად, ისე ამ პირზე D6 კატეგორიის ვიზის გაცემის შემდეგ. მშობლებზე/კანონიერ წარმომადგენლებზე და არასრულწლოვან და-ძმაზე D6 კატეგორიის ვიზის გაცემის ან მისი მოქმედების ვადის გაგრძელების შესახებ გადაწყვეტილების მიღების მომენტისათვის, საქართველოში სწავლის მიზნით მომავალი/მყოფი პირი უნდა იყოს არასრულწლოვანი და ის უნდა ფლობდეს ან მასზე პარალელურად გაიცეს D6 კატეგორიის ვიზა.“.

9. 26-ე მუხლის პირველი პუნქტის „ბ¹“ ქვეპუნქტი ჩამოყალიბდეს შემდეგი რედაქციით:

„ბ¹) D3 ან D6 კატეგორიის ვიზის გაცემის საკითხის დაჩქარებული წესით განხილვის შემთხვევაში − მიმართვის მიღებიდან 7 სამუშაო დღის ვადაში;“.

10. 27¹ მუხლის პირველი პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) წარმომადგენლობის მიერ D3 და D6 კატეგორიის გრძელვადიანი ვიზის გაცემის შესახებ გადაწყვეტილების მიღება:

ბ.ა) 30-ე კალენდარულ დღეს − 20 აშშ დოლარი;

ბ.ბ) დაჩქარებული წესით, მე-15 სამუშაო დღეს − 100 აშშ დოლარი;

ბ.გ) დაჩქარებული წესით, მე-10 სამუშაო დღეს − 200 აშშ დოლარი.“.

11. 28-ე მუხლის პირველი პუნქტის „ვ“ ქვეპუნქტი ჩამოყალიბდეს შემდეგი რედაქციით:

„ვ) არსებობს საკმარისი საფუძველი ვარაუდისთვის, რომ საქართველოში მისი ყოფნა საფრთხეს შეუქმნის საქართველოს სახელმწიფო უსაფრთხოებას ან/და საზოგადოებრივ წესრიგს, საქართველოს მოქალაქეებისა და საქართველოში მცხოვრები სხვა პირების ჯანმრთელობის, უფლებებისა და კანონიერი ინტერესების დაცვას;“.

12. 31-ე მუხლის მე-4 პუნქტი ჩამოყალიბდეს შემდეგი რედაქციით:

„4. საზღვარგარეთ მყოფმა უცხოელმა, სამინისტროს საკონსულო და დიასპორის საკითხების დეპარტამენტისგან მოკლევადიანი ელექტრონული ვიზის მიღების მიზნით, e-VISA PORTAL-ის მეშვეობით სავიზო განაცხადის წარდგენამდე, ამ წესის მე-18 მუხლის შესაბამისად უნდა უზრუნველყოს „სახელმწიფო ბაჟის შესახებ“ საქართველოს კანონითა და ამ წესით განსაზღვრული სახელმწიფო ბაჟის გადახდა.“.

13. 34-ე მუხლის:

ა) პირველ პუნქტს „გ“ ქვეპუნქტის შემდეგ დაემატოს შემდეგი შინაარსის „დ“ ქვეპუნქტი:

„დ) D6 კატეგორიის ვიზის მოქმედების ვადის გაგრძელება.“;

ბ) მე-2 პუნქტი ჩამოყალიბდეს შემდეგი რედაქციით:

„2. D3 კატეგორიის საიმიგრაციო ვიზის მოქმედების ვადის გაგრძელების უფლება აქვს საქართველოში ავტორიზებულ საგანმანათლებლო დაწესებულებაში ან მის ბაზაზე სასწავლებლად ან კვლევის ჩასატარებლად მომავალ/მყოფ სრულწლოვან პირს და საერთაშორისო პროგრამის ფარგლებში საქართველოში სასწავლებლად მომავალ/მყოფ პირს, თუ აღნიშნული ვიზის მოქმედების ვადის გაგრძელების საფუძველი არ ითვალისწინებს ამ პირების საქართველოში 3 თვეზე მეტი ვადით დარჩენის შესაძლებლობას.“;

გ) მე-2 პუნქტის შემდეგ დაემატოს შემდეგი შინაარსის 21 და 22 პუნქტები:

„2¹. D6 კატეგორიის საიმიგრაციო ვიზის მოქმედების ვადის გაგრძელების უფლება აქვს:

ა) საქართველოში ავტორიზებულ უმაღლეს ან პროფესიულ საგანმანათლებლო დაწესებულებაში სასწავლებლად მომავალ/მყოფ არასრულწლოვან პირს მის მიერ სრულწლოვანების მიღწევამდე;

ბ) საქართველოში ავტორიზებულ ზოგადსაგანმანათლებლო დაწესებულებაში სასწავლებლად მომავალ/მყოფ პირს მის მიერ სრული ზოგადი განათლების დასრულებამდე;

გ) ამ პუნქტის „ა“ და „ბ“ ქვეპუნქტებით განსაზღვრული არასრულწლოვანი უცხოელის მშობლებს/კანონიერ წარმომადგენლებს და არასრულწლოვან და-ძმას, საქართველოში სასწავლებლად მომავალი/მყოფი D6 კატეგორიის საიმიგრაციო ვიზის მფლობელი უცხოელის მიერ სრულწლოვანების მიღწევამდე.

2². ამ მუხლის 2¹ პუნქტით გათვალისწინებულ შემთხვევებში, D6 კატეგორიის ვიზის მოქმედების ვადის გაგრძელებისას, გამოიყენება ამ წესის 25¹ მუხლით დადგენილი პრინციპები, თუ ამ  მუხლით სხვა რამ არ არის განსაზღვრული.“.

14. 35-ე მუხლის:

ა) პირველი პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) თუ არსებობს საკმარისი საფუძველი ვარაუდისთვის, რომ ვიზის მფლობელი პირი ახორციელებს ისეთ საქმიანობას, რომელიც საფრთხეს უქმნის საქართველოს სახელმწიფო უსაფრთხოებას, საზოგადოებრივ უსაფრთხოებას ან/და მართლწესრიგს;“;

ბ) მე-2 პუნქტის შემდეგ დაემატოს შემდეგი შინაარსის 2¹ და 22 პუნქტები:

„2¹. D6 კატეგორიის ვიზის მოქმედება წყდება, თუ ვიზის მფლობელ პირს საქართველოში ყოფნის ვადის გასვლამდე:

ა) შეუჩერდა შესაბამისი საგანმანათლებლო დაწესებულების პროფესიული სტუდენტის/სტუდენტის სტატუსი და სტატუსის შეჩერებიდან გასულია 90 დღე;

ბ) საქართველოში ავტორიზებულ საგანმანათლებლო დაწესებულებაში უმაღლეს ან პროფესიულ საგანმანათლებლო პროგრამაზე შეუწყდა პროფესიული სტუდენტის/სტუდენტის სტატუსი ან დაასრულა სწავლა.

22. ამ მუხლის 2¹ პუნქტით დადგენილ შემთხვევებში, ასევე წყდება D6 კატეგორიის ვიზის მფლობელი პირის მშობლებზე/კანონიერ წარმომადგენლებსა და არასრულწლოვან და-ძმაზე გაცემული D6 კატეგორიის ვიზის მოქმედება, გარდა იმ შემთხვევისა, როდესაც არსებობს ამავე კატეგორიის ვიზის გაცემის სხვა საფუძველი.“.

15. 38-ე მუხლის:

ა) პირველი პუნქტი ჩამოყალიბდეს შემდეგი რედაქტიით:

„1. ვიზის გამცემი ორგანოს გადაწყვეტილება ვიზის გაცემაზე/ გაგრძელებაზე უარის თქმის (გარდა იმ შემთხვევისა, როდესაც საქართველოს ვიზის გაცემაზე უარი არ საჩივრდება), ასევე ვიზის მოქმედების ვადის შეწყვეტის თაობაზე შეიძლება, გასაჩივრდეს ამ მუხლით დადგენილი წესისა და საქართველოს კანონმდებლობის შესაბამისად.“;

ბ) მე-5 პუნქტი ჩამოყალიბდეს შემდეგი რედაქციით:

„5. ვიზის გამცემი ორგანოს გადაწყვეტილება ვიზის გაცემაზე/ გაგრძელებაზე უარის თქმის, ასევე ვიზის მოქმედების ვადის შეწყვეტის თაობაზე საჩივრდება საჩივრის შეტანაზე უფლებამოსილი პირის მიერ შესაბამისი გადაწყვეტილების გაცნობის დღიდან 10 კალენდარული დღის ვადაში.“.

16. №7, №8, №9 და №10 დანართები ჩამოყალიბდეს თანდართული რედაქციით.

მუხლი 2
დადგენილება ამოქმედდეს გამოქვეყნებისთანავე და გავრცელდეს 2026 წლის 1 სექტემბრიდან წარმოშობილ ურთიერთობებზე.

 


პრემიერ-მინისტრიირაკლი კობახიძე
📎 დანართები (1)
danarti-7-8.docx ⬇

დანართი №7

საქართველოს ვიზის გაცემის მიზნით ვიზის გამცემი ორგანოსთვის წარსადგენი დოკუმენტები

1. საქართველოში მგზავრობის მიზანი დასტურდება ერთ-ერთი შემდეგი დოკუმენტით:

1.1 საქართველოს ან შესაბამისი ქვეყნის სახელმწიფო ორგანოების მიერ გაცემული დოკუმენტი, რომლითაც დასტურდება, რომ უცხოელი საქართველოში მოემგზავრება სახელმწიფო, ოფიციალური ან სამუშაო ვიზიტით;

1.2 საქართველოს ან შესაბამისი ქვეყნის მიერ გაცემული დოკუმენტი, რომელიც ადასტურებს, რომ უცხოელი წარმოადგენს იმ ოფიციალური დელეგაციის წევრს, რომელიც მოემგზავრება საქართველოში საქმიანი ვიზიტით;

1.3 საქართველოს სახელმწიფო ორგანოების მიერ გაცემული დოკუმენტი, რომლითაც დასტურდება, რომ უცხოელი საქართველოში მოემგზავრება საქართველოს სახელმწიფო ინტერესებიდან გამომდინარე კონკრეტული მისიით;

1.4 შესაბამისი ქვეყნის საგარეო უწყების, დიპლომატიური წარმომადგენლობის, საკონსულო დაწესებულების ან იმ ორგანიზაციის წერილობითი მომართვა, რომლის თანამშრომლებიც დიპლომატიური ან მასთან გათანაბრებული სტატუსით სარგებლობენ;

1.5 სხვა სახელმწიფოს საკანონმდებლო და აღმასრულებელი ხელისუფლების პირველი პირების, უმაღლესი და მაღალი დონის დელეგაციის წევრების და მათ თანმხლები ოჯახის წევრების მეგობრული ან არაოფიციალური ვიზიტის შემთხვევაში ნებისმიერი სახის დოკუმენტი, რომლითაც დასტურდება აღნიშნული კერძო ვიზიტის მიზანი;

1.6 დოკუმენტი, რომლითაც დასტურდება უცხოელს/მის დამსაქმებელსა და საქართველოში მყოფ ფიზიკურ პირს ან საქართველოში რეგისტრირებულ იურიდიულ პირს შორის საქმიანი (კომერციული, პროფესიული) ურთიერთობების არსებობა. უცხოელის დამსაქმებელსა და საქართველოში მყოფ ფიზიკურ პირს ან საქართველოში რეგისტრირებულ იურიდიულ პირს შორის საქმიანი ურთიერთობების არსებობისას წარმოდგენილი უნდა იქნეს ასევე უცხოელსა და მის დამსაქმებელს შორის შრომითი ურთიერთობის არსებობის დამადასტურებელი დოკუმენტი. გარდა ამისა, ასევე წარმოდგენილი უნდა იქნეს „შრომითი მიგრაციის შესახებ“ საქართველოს კანონით დადგენილი შრომითი საქმიანობის უფლება/უფლების ნომერი ან სხვა დოკუმენტი/მტკიცებულება, რომელიც ადასტურებს, რომ ეს პირი აკმაყოფილებს ამავე კანონით განსაზღვრულ გამონაკლის შემთხვევებს;

1.7 ადგილობრივ/უცხოელ დამსაქმებელსა და დასაქმებულს შორის გაფორმებული შრომითი ხელშეკრულება, რომლითაც დასტურდება, რომ პირმა საქართველოში უნდა განახორციელოს შრომითი საქმიანობა. ასევე დოკუმენტი, რომელშიც მითითებულია უცხოელთან შრომითი ურთიერთობის სავარაუდო ხანგრძლივობა და შრომითი საქმიანობის ანაზღაურების ოდენობა ან ანაზღაურების სხვა ფორმების არსებობის შესახებ ინფორმაცია. გარდა ამისა, ასევე წარმოდგენილი უნდა იქნეს „შრომითი მიგრაციის შესახებ“ საქართველოს კანონით დადგენილი შრომითი საქმიანობის უფლება/უფლების ნომერი ან სხვა დოკუმენტი/მტკიცებულება, რომელიც ადასტურებს, რომ ეს პირი აკმაყოფილებს ამავე კანონით განსაზღვრულ გამონაკლის შემთხვევებს;

1.8 უცხო ქვეყნის შესაბამისი დაწესებულების მიერ გაცემული დოკუმენტი, რომელიც ადასტურებს რომ უცხოელი დასაქმებულია ამ დაწესებულებაში და სამსახურებრივი მოვალეობის შესასრულებლად საჭიროებს საქართველოში ვიზიტს;

1.9 დოკუმენტი, რომლითაც დასტურდება, რომ პირი არის დიპლომატიური კურიერი;

1.10 საქართველოს შესაბამისი საერთაშორისო ხელშეკრულებით გათვალისწინებული პირობების/გარემოებების დამადასტურებელი დოკუმენტები (ხელშეკრულებაში ასეთი პირობების/გარემოებების არსებობის შემთხვევაში);

1.11 საქართველოს საერთაშორისო ხელშეკრულების საფუძველზე საქართველოს ტერიტორიაზე დისლოცირებული სამშვიდობო ძალებისა და სხვა სამხედრო კონტინგენტის წევრების შემთხვევაში დოკუმენტი, რომლითაც დასტურდება აღნიშნული გარემოება (ინდივიდუალური ან კოლექტიური გადაადგილების ბრძანება, სამხედრო მოწმობა ან სხვა);

1.12 ამონაწერი საჯარო რეესტრიდან, რომლითაც დასტურდება, რომ უცხოელი არის საქართველოში რეგისტრირებული სამეწარმეო (კომერციული) იურიდიული პირის დამფუძნებელი/თანადამფუძნებელი ან ხელმძღვანელობაზე/წარმომადგენლობაზე უფლებამოსილი პირი. გარდა ამისა, ასევე წარმოდგენილი უნდა იქნეს „შრომითი მიგრაციის შესახებ“ საქართველოს კანონით დადგენილი შრომითი საქმიანობის უფლება/უფლების ნომერი ან სხვა დოკუმენტი/მტკიცებულება, რომელიც ადასტურებს, რომ ეს პირი აკმაყოფილებს ამავე კანონით განსაზღვრულ გამონაკლის შემთხვევებს

1.13 დოკუმენტი, რომლითაც დასტურდება, რომ უცხოელი თავის ან სხვა ქვეყანაში ეწეოდა ან ეწევა სამეწარმეო საქმიანობას ან საქართველოში სამეწარმეო საქმიანობის განხორციელებისათვის საკმარისი ფინანსური სახსრების (საინვესტიციო ბინადრობის ნებართვის მისაღებად საჭირო ფინანსური სახსრები) არსებობის დამადასტურებელი დოკუმენტი;

1.14 შესაბამისი შრომითი ხელშეკრულება, რომელიც უნდა შეიცავდეს ინფორმაციას უცხოელთან შრომითი ურთიერთობის ხანგრძლივობისა და შრომითი საქმიანობის ანაზღაურების ოდენობას (ასეთის არსებობისას);

1.15 სამედიცინო დაწესებულების მიერ გაცემული დოკუმენტი, რომელიც ადასტურებს აღნიშნულ დაწესებულებაში უცხოელის მიერ მკურნალობის გავლის საჭიროებას ან/და დაწესებულების მზადყოფნას, უზრუნველყოს უცხოელის მკურნალობა. დოკუმენტში ასევე მითითებული უნდა იყოს ინფორმაცია თანმხლები პირის არსებობის აუცილებლობის თაობაზე (ასეთის საჭიროებისას) და მკურნალობის მთლიანი ხარჯების ოდენობა;

1.16 საქართველოს ავტორიზებულ საგანმანათლებლო დაწესებულებაში ჩარიცხვის/სწავლის დამადასტურებელი დოკუმენტი;

1.17 საქართველოს ავტორიზებული საგანმანათლებლო დაწესებულების მიერ გაცემული დოკუმენტი, რომლითაც დასტურდება, რომ უცხოელი სწავლობს აღნიშნული საგანმანათლებლო დაწესებულების მიერ განხორციელებულ საგანმანათლებლო პროგრამაზე ან მოემგზავრება საგანმანათლებლო დაწესებულების ბაზაზე სასწავლებლად ან კვლევის ჩასატარებლად;

1.18 უცხოენოვან საგანმანათლებლო პროგრამაზე სწავლის შემთხვევაში მგზავრობის მიზნის დამადასტურებელ დოკუმენტთან ერთად ასევე წარმოდგენილი უნდა იქნეს შესაბამის ავტორიზებულ საგანმანათლებლო დაწესებულებაში იმ უცხოენოვანი საგანმანათლებლო პროგრამის არსებობის დამადასტურებელი დოკუმენტი, რომელზეც ჩაირიცხა უცხოელი;

1.19 საქართველოს განათლების, მეცნიერებისა და ახალგაზრდობის სამინისტროს მიერ მოწოდებული ინფორმაციით გათვალისწინებული საერთაშორისო პროგრამაში მონაწილეობის დამადასტურებელი დოკუმენტი;

1.20 დოკუმენტი, რომელიც ადასტურებს საქართველოში უცხოელის ნათესავის ან ახლობლის საფლავის არსებობას;

1.21 დოკუმენტი, რომელიც ადასტურებს უცხოელსა და დაკრძალულ პირს შორის ნათესაურ კავშირს ან მათ შორის ახლობლური ურთიერთობის არსებობას;

1.22 დოკუმენტი, რომლითაც დასტურდება სამეცნიერო სემინარის, კონფერენციის, სხვა სამეცნიერო-კვლევითი, პედაგოგიური, კულტურული ან სპორტული ღონისძიების ჩატარება, ამ ღონისძიებაში უცხოელის მონაწილეობა (მონაწილის, სტუმრის ან სხვა სტატუსით) და რომელშიც მითითებულია მასპინძელი ორგანიზაციის სახელი, უცხოელის საქართველოში სავარაუდო ყოფნის ხანგრძლივობა და ვიზიტის მიზანი;

1.23 საქართველოს ან შესაბამისი ქვეყნის მიერ გაცემული დოკუმენტი, რომლითაც დასტურდება, რომ უცხოელი საქართველოში მოემგზავრება მეცნიერული, სპორტული, კულტურული ან საგანმანათლებლო მისიით;

1.24 საქართველოს ეროვნული სპორტული ფედერაციების ან ეროვნული ოლიმპიური კომიტეტების მიერ გაცემული დოკუმენტი, რომლითაც დასტურდება სპორტული ღონისძიების ჩატარება და ამ ღონისძიებაში უცხოელის მონაწილეობა (მონაწილის, სტუმრის ან სხვა სტატუსით), ან უცხოელის საქართველოში სპორტული მისიით გამომგზავრების ფაქტი;

1.25 პროფესიული ორგანიზაციის ან დამსაქმებლის მიერ გაცემული დოკუმენტი, რომელიც ადასტურებს, რომ პირი უცხო ქვეყანაში ეწევა ჟურნალისტურ საქმიანობას ან მისი თანმხლები პირი მონაწილეობს/დახმარებას უწევს ჟურნალისტური საქმიანობის განხორციელებაში;

1.26 დოკუმენტი, რომელიც ადასტურებს, რომ მგზავრობის მიზანია ჟურნალისტური საქმიანობის განხორციელება ან ამგვარ საქმიანობაში დახმარების გაწევა;

1.27 საქართველოში ჟურნალისტური საქმიანობის განხორციელების უფლების დამადასტურებელი დოკუმენტი (ჟურნალისტური აკრედიტაციის გავლის დამადასტურებელი დოკუმენტი და სხვა).

1.28 დოკუმენტი, რომლითაც დასტურდება, რომ პირი არის საქართველოს ნავსადგურში მდგომი კონკრეტული გემის ეკიპაჟის წევრი (მეზღვაურის მოწმობა);

1.29 საქართველოში პროფესიული საქმიანობის განხორციელების დამადასტურებელი დოკუმენტი და დოკუმენტი/ინფორმაცია, რომლითაც დასტურდება რომ უცხოელი ეწევა მსგავსი ტიპის საქმიანობას;

1.30 თავისუფალი პროფესიის ფლობის დამადასტურებელი დოკუმენტი (სერტიფიკატი, ცნობა პროფესიული გაერთიანებიდან და სხვა);

1.31 საქართველოში მოსანახულებელი წმინდა ადგილების ჩამონათვალი და მათი მონახულების დროში გაწერილი მარშრუტი;

1.32 საქართველოში არსებულ რელიგიურ ორგანიზაციებთან კავშირის არსებობის დამადასტურებელი დოკუმენტი (მიმოწერა და სხვა);

1.33 ნებართვა, რომელიც უცხოელ მძღოლს აძლევს ტვირთის გადაზიდვისა და/ან მგზავრთა გადაყვანის უფლებას.

1.34 საქართველოს ან შესაბამისი ქვეყნის მიერ გაცემული დოკუმენტი, რომლითაც დასტურდება, რომ უცხოელი საქართველოში მოემგზავრება სტაჟირების გავლის მიზნით ან მოხალისედ;

1.35. ამ დადგენილების მე-8 მუხლის „ე“ ქვეპუნქტით განსაზღვრული გარემოების დამადასტურებელი დოკუმენტი, ასევე ამავე უძრავი ქონების საკუთრების უფლების დამადასტურებელი დოკუმენტი − ამონაწერი საჯარო რეესტრიდან;

1.36 იმ შემთხვევაში, თუ ვიზის მიღების მსურველი პირი ვიზას იღებს როგორც უცხოელის ოჯახის წევრი, დოკუმენტი, რომლითაც დასტურდება, რომ უცხოელი წარმოადგენს ოჯახის წევრს (დაბადების მოწმობა, ქორწინების მოწმობა და სხვა);

1.37 მოწვევა;

1.38 დოკუმენტი, რომლითაც დასტურდება, რომ საქართველოში მყოფი პირი ან პირი, რომელსაც წარდგენილი აქვს სავიზო განაცხადი D1, D2 ან D3 კატეგორიის ვიზის გაცემის მიზნით ან მიღებული აქვს ზემოაღნიშნული კატეგორიის ვიზა, წარმოადგენს D4 კატეგორიის ვიზის მიღების მსურველი უცხოელის ოჯახის წევრს (ქორწინების მოწმობა, შვილების დაბადების მოწმობა, უცხოელის დაბადების მოწმობა და სხვა);

1.39 დოკუმენტი, რომლითაც დასტურდება, რომ უცხოელის ოჯახის წევრი კანონიერად იმყოფება საქართველოში (კანონიერად ყოფნაში არ ითვლება უცხოელის ოჯახის წევრი საქართველოში ყოფნა ვიზის საფუძველზე, გარდა D1, D2 ან D3 კატეგორიის ვიზისა);

1.40 ნებისმიერი სხვა დოკუმენტი, რომლითაც დასტურდება უცხოელის საქართველოში მგზავრობის მიზანი.

2. საქართველოში მგზავრობისა და საქართველოში ყოფნის ვადის განმავლობაში საკმარისი ფინანსური სახსრების არსებობა დასტურდება ერთ-ერთი შემდეგი დოკუმენტით:

2.1 მოწვევა, რომლითაც მომწვევი პირი ადასტურებს, რომ უზრუნველყოფს უცხოელს მგზავრობისა და საქართველოში ყოფნისათვის საკმარისი ფინანსური სახსრებით;

2.2 დოკუმენტი, რომლითაც დასტურდება, რომ უცხოელი საკუთარი სახსრებით დაფარავს მგზავრობისა და საქართველოში ყოფნისათვის საჭირო ხარჯებს;

2.3 ბოლო 3 თვის ამონაწერი უცხოელის საბანკო ანგარიშიდან;

2.4 ცნობა სამსახურიდან ხელფასის მითითებით;

2.5 სპონსორის წერილი;

2.6 გრანტის/სწავლის დაფინანსების მოპოვების დამადასტურებელი დოკუმენტი;

2.7 სტიპენდიის არსებობის დამადასტურებელი დოკუმენტი;

2.8 ფინანსური სახსრების არსებობის დამადასტურებელი სხვა დოკუმენტი.

3. უცხოელის მიერ საქართველოში საცხოვრებელი ადგილის არსებობის ფაქტი დასტურდება ერთ-ერთი შემდეგი დოკუმენტით:

3.1 საქართველოში რეგისტრირებული იურიდიული პირის მიერ გაცემული დოკუმენტი, რომლითაც დასტურდება, რომ აღნიშნული პირი უზრუნველყოფს უცხოელის დაბინავებას. დოკუმენტში მითითებული უნდა იყოს უცხოელის განთავსების მისამართი;

3.2 ფიზიკური პირის მიერ გაცემული დოკუმენტი, რომლითაც დასტურდება, რომ აღნიშნული პირი უზრუნველყოფს უცხოელის დაბინავებას. დოკუმენტი დამოწმებული უნდა იყოს სანოტარო წესით და მასში მითითებული უნდა იყოს უცხოელის განთავსების ადგილი და პერიოდი;

3.3 საცხოვრებელი ადგილის ქირავნობის ხელშეკრულება;

3.4 საცხოვრებელი ადგილის დაჯავშნის დამადასტურებელი დოკუმენტი (სასტუმროს ჯავშანი);

3.5 მოწვევა, რომლითაც მომწვევი პირი ადასტურებს, რომ უზრუნველყოფს უცხოელს საცხოვრებელი ადგილით;

3.6 საქართველოში საცხოვრებელი ადგილის არსებობის დამადასტურებელი სხვა დოკუმენტი.

4. საქართველოს ტერიტორიის ტრანზიტით გავლის შემთხვევაში, პირის დანიშნულების ქვეყანაში შესვლის გარანტიები დასტურდება შემდეგი დოკუმენტებით:

4.1 იმ მესამე ქვეყანაში შესასვლელი ვიზა ან სხვა ნებართვა, რომელიც წარმოადგენს დანიშნულების ადგილს, გარდა იმ შემთხვევისა, როცა მესამე ქვეყანაში შესასვლელად უცხოელს არ ესაჭიროება ვიზა ან სხვა ნებართვა;

4.2 შეძენილი ბილეთები საბოლოო დანიშნულების ადგილამდე მგზავრობის განსახორციელებლად ან ამგვარი ბილეთების ჯავშანი (შესაბამისი ტიპის სატრანსპორტო საშუალებით მგზავრობის შემთხვევაში), გარდა საერთაშორისო სატვირთო გადაზიდვისას, საქართველოს სახელმწიფო საზღვარზე სატვირთო ავტომანქანის ძირითად და დამატებით მძღოლებზე ტრანზიტული ვიზების გაცემის შემთხვევისა;

4.3 პირის დანიშნულების ქვეყანაში შესვლის გარანტიების დამადასტურებელი სხვა დოკუმენტი.

5. საქართველოს მოკლევადიანი ვიზის გაცემის მიზნით ვიზის გამცემ ორგანოს უნდა წარედგინოს:

5.1 სავიზო განაცხადი;

5.2 სამგზავრო დოკუმენტი;

5.3 საკონსულო მოსაკრებლის/სახელმწიფო ბაჟის გადახდის დამადასტურებელი დოკუმენტი, გარდა იმ შემთხვევისა, როდესაც უცხოელი გათავისუფლებულია მისი გადახდისგან;

5.4 წარმომადგენლობითი უფლებამოსილების დამადასტურებელი დოკუმენტი, თუ სავიზო განაცხადის ან ვიზის გასაცემად საჭირო სხვა დოკუმენტის წარდგენა ხდება წარმომადგენლობითი უფლებამოსილების მქონე პირის მეშვეობით;

5.5 საქართველოს მოქალაქის მეურვის/მზრუნველის ან საქართველოს მოქალაქის მეურვეობის/მზრუნველობის ქვეშ მყოფი პირის შემთხვევაში - მეურვეობისა და მზრუნველობის დამადასტურებელი დოკუმენტი;

5.6 ჯარიმის გადახდის დამადასტურებელი დოკუმენტი, თუ უცხოელს საქართველოში კანონიერი საფუძვლის გარეშე ყოფნისათვის დაეკისრა საქართველოს კანონმდებლობით დადგენილი ჯარიმა;

5.7 არასრულწლოვანი ან/და მხარდაჭერის მიმღები პირისთვის ვიზის გაცემის შემთხვევაში - არასრულწლოვანი ან/და მხარდაჭერის მიმღები პირის კანონიერი წარმომადგენლის/წარმომადგენლების თანხმობა. ერთ-ერთი მშობლის გარდაცვალების, გარდაცვლილად გამოცხადების, უგზო-უკვლოდ დაკარგულად აღიარების, მშობლის უფლების ჩამორთმევის ან სხვა შემთხვევაში, როცა მშობელს ჩამორთმეული/შეზღუდული აქვს კანონიერი წარმომადგენლობის უფლება - შესაბამისი გარემოების არსებობის დამადასტურებელი დოკუმენტი.

5.8 ინფექციური ან სხვა გადამდები დაავადების გავრცელების რისკის მქონე ქვეყნებში მყოფი პირებისთვის, რომლის ხასიათმა, სიმძიმემ ან/და ხანგრძლივობამ შეიძლება საფრთხე შეუქმნას საქართველოში მცხოვრები პირების ჯანმრთელობის დაცვას, ვიზის გაცემის მიზნით წარდგენილი უნდა იქნეს პროფილაქტიკური აცრის (დაავადებებისადმი სპეციფიკური იმუნიტეტის განვითარების მიზნით) ჩატარების დამადასტურებელი დოკუმენტი ან ჯანმრთელობის დამადასტურებელი დოკუმენტი;

5.9 ვიზის გამცემი ორგანოს მიერ მოთხოვნილი სხვა დამატებითი დოკუმენტი.

6. საქართველოს გრძელვადიანი ვიზის გაცემის მიზნით ვიზის გამცემ ორგანოს უნდა წარედგინოს:

6.1 სავიზო განაცხადი;

6.2 სამგზავრო დოკუმენტი;

6.3 საკონსულო მოსაკრებლის/სახელმწიფო ბაჟის გადახდის დამადასტურებელი დოკუმენტი, გარდა იმ შემთხვევისა, როდესაც უცხოელი გათავისუფლებულია მისი გადახდისგან;

6.4 მგზავრობის მიზნის დამადასტურებელი დოკუმენტი;

6.5 მგზავრობისა და საქართველოში ყოფნის ვადის განმავლობაში საკმარისი ფინანსური სახსრების არსებობის დამადასტურებელი დოკუმენტი;

6.6 სამოგზაურო/ჯანმრთელობის დაზღვევის ფლობის დამადასტურებელი დოკუმენტი;

6.7 უცხოელის მიერ საქართველოში საცხოვრებელი ადგილის არსებობის დამადასტურებელი დოკუმენტი;

6.8 წარმომადგენლობითი უფლებამოსილების დამადასტურებელი დოკუმენტი, თუ სავიზო განაცხადის ან ვიზის გასაცემად საჭირო სხვა დოკუმენტის წარდგენა ხდება წარმომადგენლობითი უფლებამოსილების მქონე პირის მეშვეობით;

6.9 ჯარიმის გადახდის დამადასტურებელი დოკუმენტი, თუ უცხოელს საქართველოში კანონიერი საფუძვლის გარეშე ყოფნისათვის დაეკისრა საქართველოს კანონმდებლობით დადგენილი ჯარიმა;

6.10 არასრულწლოვანი ან/და მხარდაჭერის მიმღები პირისთვის ვიზის გაცემის შემთხვევაში - არასრულწლოვანი ან/და მხარდაჭერის მიმღები პირის კანონიერი წარმომადგენლის/წარმომადგენლების თანხმობა. ერთ-ერთი მშობლის გარდაცვალების, გარდაცვლილად გამოცხადების, უგზო-უკვლოდ დაკარგულად აღიარების, მშობლის უფლების ჩამორთმევის ან სხვა შემთხვევაში, როცა მშობელს ჩამორთმეული/შეზღუდული აქვს კანონიერი წარმომადგენლობის უფლება - შესაბამისი გარემოების არსებობის დამადასტურებელი დოკუმენტი.

6.11 ინფექციური ან სხვა გადამდები დაავადების გავრცელების რისკის მქონე ქვეყნებში მყოფი პირებისთვის, რომლის ხასიათმა, სიმძიმემ ან/და ხანგრძლივობამ შეიძლება საფრთხე შეუქმნას საქართველოში მცხოვრები პირების ჯანმრთელობის დაცვას, ვიზის გაცემის მიზნით წარდგენილი უნდა იქნეს პროფილაქტიკური აცრის (დაავადებებისადმი სპეციფიკური იმუნიტეტის განვითარების მიზნით) ჩატარების დამადასტურებელი დოკუმენტი ან ჯანმრთელობის დამადასტურებელი დოკუმენტი;

6.12 დიპლომატიური და სპეციალური ვიზის გაცემისათვის მოითხოვება მხოლოდ შესაბამისი ქვეყნის საგარეო უწყების, დიპლომატიური წარმომადგენლობის ან იმ ორგანიზაციის წერილობითი მომართვა, რომლის თანამშრომლებიც დიპლომატიური/სპეციალური ან მასთან გათანაბრებული სტატუსით სარგებლობენ. ამ პირების ოჯახის წევრი, ასევე წარადგენს დოკუმენტს, რომლითაც დასტურდება, რომ უცხოელი წარმოადგენს ოჯახის წევრს;

6.13 ვიზის გამცემი ორგანოს მიერ მოთხოვნილი სხვა დამატებითი დოკუმენტი.

7. D5 კატეგორიის საქართველოს გრძელვადიანი ვიზის გაცემის მიზნით ვიზის გამცემ ორგანოს უნდა წარედგინოს:

7.1 სავიზო განაცხადი;

7.2 სამგზავრო დოკუმენტი;

7.3 საკონსულო მოსაკრებლის/სახელმწიფო ბაჟის გადახდის დამადასტურებელი დოკუმენტი, გარდა იმ შემთხვევისა, როდესაც უცხოელი გათავისუფლებულია მისი გადახდისგან;

7.4. მგზავრობის მიზნის დამადასტურებელი დოკუმენტი − ამ დადგენილების მე-8 მუხლის „ე“ ქვეპუნქტით განსაზღვრული გარემოების დამადასტურებელი დოკუმენტი, ასევე ამავე უძრავი ქონების საკუთრების უფლების დამადასტურებელი დოკუმენტი − ამონაწერი საჯარო რეესტრიდან.

7.5 წარმომადგენლობითი უფლებამოსილების დამადასტურებელი დოკუმენტი, თუ სავიზო განაცხადის ან ვიზის გასაცემად საჭირო სხვა დოკუმენტის წარდგენა ხდება წარმომადგენლობითი უფლებამოსილების მქონე პირის მეშვეობით;

7.6 ჯარიმის გადახდის დამადასტურებელი დოკუმენტი, თუ უცხოელს საქართველოში კანონიერი საფუძვლის გარეშე ყოფნისათვის დაეკისრა საქართველოს კანონმდებლობით დადგენილი ჯარიმა;

7.7 არასრულწლოვანი ან/და მხარდაჭერის მიმღები პირისთვის ვიზის გაცემის შემთხვევაში - არასრულწლოვანი ან/და მხარდაჭერის მიმღები პირის კანონიერი წარმომადგენლის/წარმომადგენლების თანხმობა. ერთ-ერთი მშობლის გარდაცვალების, გარდაცვლილად გამოცხადების, უგზო-უკვლოდ დაკარგულად აღიარების, მშობლის უფლების ჩამორთმევის ან სხვა შემთხვევაში, როცა მშობელს ჩამორთმეული/შეზღუდული აქვს კანონიერი წარმომადგენლობის უფლება - შესაბამისი გარემოების არსებობის დამადასტურებელი დოკუმენტი;

7.8 ინფექციური ან სხვა გადამდები დაავადების გავრცელების რისკის მქონე ქვეყნებში მყოფი პირებისთვის, რომლის ხასიათმა, სიმძიმემ ან/და ხანგრძლივობამ შეიძლება საფრთხე შეუქმნას საქართველოში მცხოვრები პირების ჯანმრთელობის დაცვას, ვიზის გაცემის მიზნით წარდგენილი უნდა იქნეს პროფილაქტიკური აცრის (დაავადებებისადმი სპეციფიკური იმუნიტეტის განვითარების მიზნით) ჩატარების დამადასტურებელი დოკუმენტი ან ჯანმრთელობის დამადასტურებელი დოკუმენტი.

8. D6 კატეგორიის საქართველოს გრძელვადიანი ვიზის გაცემის ან მისი მოქმედების ვადის გაგრძელების მიზნით ვიზის გამცემ ორგანოს უნდა წარედგინოს:

8.1 სავიზო განაცხადი;

8.2 სამგზავრო დოკუმენტი;

8.3 საკონსულო მოსაკრებლის/სახელმწიფო ბაჟის გადახდის დამადასტურებელი დოკუმენტი, გარდა იმ შემთხვევისა, როდესაც უცხოელი გათავისუფლებულია მისი გადახდისგან;

8.4 მგზავრობის მიზნის/ვიზის გაცემის საფუძვლის არსებობის დამადასტურებელი დოკუმენტი;

8.5 მგზავრობისა და საქართველოში ყოფნის ვადის განმავლობაში საკმარისი ფინანსური სახსრების არსებობის დამადასტურებელი დოკუმენტი;

8.6 სამოგზაურო/ჯანმრთელობის დაზღვევის ფლობის დამადასტურებელი დოკუმენტი;

8.7 უცხოელის მიერ საქართველოში საცხოვრებელი ადგილის არსებობის დამადასტურებელი დოკუმენტი;

8.8 მშობელზე/კანონიერ წარმომადგენელზე ან არასრულწლოვან და-ძმაზე D6 კატეგორიის ვიზის გაცემის ან მისი მოქმედების ვადის გაგრძელების შემთხვევაში - წარმომადგენლობითი/ნათესაური კავშირის დამადასტურებელი დოკუმენტი. აგრეთვე, საქართველოს საგანმანათლებლო დაწესებულებაში ჩარიცხულ არასრულწლოვან უცხოელზე D6 კატეგორიის ვიზის გაცემის საფუძვლის არსებობის ან მისთვის აღნიშნული კატეგორიის ვიზის გაცემის ან მოქმედების ვადის გაგრძელების დამადასტურებელი დოკუმენტი;

8.9 ჯარიმის გადახდის დამადასტურებელი დოკუმენტი, თუ უცხოელს საქართველოში კანონიერი საფუძვლის გარეშე ყოფნისათვის დაეკისრა საქართველოს კანონმდებლობით დადგენილი ჯარიმა;

8.10 არასრულწლოვანი ან/და მხარდაჭერის მიმღები პირისთვის D6 კატეგორიის ვიზის გაცემის ან მისი მოქმედების ვადის გაგრძელების შემთხვევაში − არასრულწლოვანი ან/და მხარდაჭერის მიმღები პირის კანონიერი წარმომადგენლის/წარმომადგენლების თანხმობა. ერთ-ერთი მშობლის გარდაცვალების, გარდაცვლილად გამოცხადების, უგზო-უკვლოდ დაკარგულად აღიარების, მშობლის უფლების ჩამორთმევის ან სხვა შემთხვევაში, როცა მშობელს ჩამორთმეული/შეზღუდული აქვს კანონიერი წარმომადგენლობის უფლება - შესაბამისი გარემოების არსებობის დამადასტურებელი დოკუმენტი;

8.11 საჭიროების შემთხვევაში − კანონმდებლობით გათვალისწინებული სხვა დოკუმენტი ან ინფორმაცია, რომელიც აუცილებელია D6 კატეგორიის ვიზის გაცემის ან მისი მოქმედების ვადის გაგრძელების საკითხის გადასაწყვეტად.

დანართი №8

საქართველოს ვიზის გაცემის საკითხზე მიმდინარე წარმოების შეწყვეტის შესახებ გადაწყვეტილება

Decision on Terminating the Proceeding on Issuing Georgia Visa

 ––––––––––––/––––––––––––––/–––––––––––––– (სახელი, გვარი, სხვა გვარ(ებ)ი ლათინური ტრანსლიტერაციით) მიერ წარმოდგენილი წერილობით მოთხოვნის  საფუძველზე (-----/-------/-------№------) შეწყვეტილ იქნეს (---------------------------------------

---------------------------------------------- საქართველოს საგარეო საქმეთა სამინისტროში/დიპლომატიურ წარმომადგენლობაში/მესამე სახელმწიფოს დიპლომატიურ წარმომადგენლობაში შექმნილ საქართველოს ინტერესთა სექციაში/საკონსულო დაწესებულებაში მიმდინარე წარმოება ––––––––––––/––––––––––––––/–––––––––––––– (სახელი, გვარი, სხვა გვარ(ებ)ი ლათინური ტრანსლიტერაცით) საქართველოს ვიზის გაცემის საკითხზე.

Based on the written request(-----/-------/-------№------) submitted by ––––––––––––/––––––––––––––/–––––––––––––– (Name, Last Name, Other Last Names – Latin Alphabet to be used) proceeding shall be terminated at the (----------------------------------------------------

---------------------------------Ministry of Foreign Affairs of Georgia/Diplomatic Mission/ Georgian Interests Division created at the diplomatic mission of the third state/ Consular Post on issuing a Georgian visa to ––––––––––––/––––––––––––––/–––––––––––––– (First Name, Last Name, Other Name(s) - Latin Alphabet to be used).

1. საქართველოს ვიზის გაცემის საკითხზე მიმდინარე წარმოების შეწყვეტის შემთხვევაში,  საქართველო ვიზის გაცემის მიზნით გადახდილი საკონსულო მოსაკრებელი/სახელმწიფო ბაჟი დაბრუნებას არ ექვემდებარება.

In case of terminating the proceeding on issuing a Georgian visa, the consular fee/state tax paid for issuing Georgian visa shall not be refunded.

2. წინამდებარე გადაწყვეტილება შეიძლება გასაჩივრდეს საქართველოს საგარეო საქმეთა სამინისტროში (მის.: საქართველო, თბილისი, სულხან-საბას ქ. 1/გიორგი ლეონიძის ქ. 3-5, საფოსტო კოდი 0108) დაინტერესებული პირის მიერ წინამდებარე გადაწყვეტილების გაცნობის დღიდან 10 კალენდარული დღის ვადაში.

The present decision may be appealed in the Ministry of Foreign Affairs of Georgia (Address: Georgia, Tbilisi, Sulkhan-Saba St. 1/Giorgi Leonidze St. 3-5, zip code 0108) within 10 calendar days after submitting the decision to the relevant interested party.

3. საქართველოს საგარეო საქმეთა სამინისტროსთვის წარსადგენი საჩივრის ფორმა განთავსებულია ამავე სამინისტროს ვებგვერდზე: www.mfa.gov.ge. საჩივარი განიხილება საქართველოს საგარეო საქმეთა სამინისტროსთვის მისი  წარდგენიდან 1 (ერთი) თვის ვადაში, რომელიც სამინისტროს გადაწყვეტილებით შეიძლება გაგრძელდეს არაუმეტეს 2 (ორი) თვის ვადით.

The form of appeal to be submitted to the Ministry of Foreign Affairs of Georgia may be retrieved from the Ministry’s website: www.mfa.gov.ge. The appeal shall be heard within 1 (one) month after its submission to the Ministry. The term may be extended with no more than 2 (two) months according to the decision of the Ministry.                                                                                         

 სამინისტროს საკონსულო და დიასპორის საკითხების

 დეპარტამენტის უფლებამოსილი პირის/

საკონსულო თანამდებობის პირის ხელმოწერა                              –––––––––––––––––

Signature of the authorized person at Consular and Diaspora Department/

Signature of the Official at the Consulate 

      თარიღი/ Date:    ------/------/-------                                            


დანართი №9

საქართველოს ვიზის გაცემაზე უარის თქმის შესახებ გადაწყვეტილება

Decision on Refusing Georgian Visa

------------------------------------------------------------------------------------- საქართველოს საგარეო საქმეთა სამინისტრომ/დიპლომატიურმა წარმომადგენლობამ/მესამე სახელმწიფოს დიპლომატიურ წარმომადგენლობაში შექმნილმა საქართველოს ინტერესთა სექციამ/საკონსულო დაწესებულებამ განიხილა საქართველოს ვიზის მიღების მსურველი პირისთვის -––––––––––––/––––––––––––––/–––––––––––––– (სახელი, გვარი, სხვა გვარ(ებ)ი ლათინური ტრანსლიტერაციით) საქართველოს ვიზის გაცემის მიზნით წარმოდგენილი სავიზო განაცხადი (-----/-------/-------№-------) და დაადგინა, რომ უარი ეთქვას საქართველოს ვიზის გაცემაზე შემდეგი საფუძვლით/საფუძვლებით:

------------------------------------------------ ------------------------------------- Ministry of Foreign Affairs of Georgia/Diplomatic Mission/ Georgian Interests Division created at the diplomatic mission of the third state/ Consular Post  have examined the visa application form (-----/-------/

-------№-------) of the applicant ––––––––––––/––––––––––––––/–––––––––––––– (First Name, Last Name, Other Names –  Latin Alphabet to be used) requesting Georgian visa and concluded to refuse Georgian visa on the following ground(s):

  • არ არის წარმოდგენილი საქართველოში შემოსვლისათვის აუცილებელი, საქართველოს კანონმდებლობით გათვალისწინებული დოკუმენტები;

The person does not have relevant documents for entry in Georgia stipulated by the Georgian legislation;

  • საქართველოს ვიზის მიღების მსურველ უცხოელს აკრძალული აქვს საქართველოში შემოსვლა ან არ აქვს გადახდილი ჯარიმა, რომელიც დაწესებულია საქართველოში კანონიერი საფუძვლის გარეშე ყოფნისათვის;

The person has been banned from entering Georgia or has not paid a fine imposed for an unlawful stay in Georgia;

  • საქართველოს ვიზის მიღების/საქართველოში შემოსვლის მსურველ უცხოელს არ აქვს გადახდილი საქართველოს კანონმდებლობით მისთვის დაკისრებული ჯარიმა;

A foreigner wishing to obtain a Georgian visa/enter Georgia has not paid the fine imposed on him/her by Georgian legislation;

  • განმცხადებელმა საქართველოს ვიზის მისაღებად ან მისი მოქმედების ვადის გასაგრძელებლად წარადგინა არასრული, ყალბი  ან არასწორი მონაცემები/ინფორმაცია/დოკუმენტები;

Applicant has submitted incomplete or false data or documents/information for obtaining a visa or for extending its validity period;

  • საქართველოს ვიზის მისაღებად ან მისი მოქმედების ვადის გასაგრძელებლად დოკუმენტები/ინფორმაცია  წარმოდგენილ იქნა არასათანადო წესით;

Documents required for obtaining Georgian visa or for extending its validity are submitted unduly;

  • არ არის წარმოდგენილი სამოგზაურო/ჯანმრთელობის დაზღვევა ან საქართველოს ვიზის მიღების მსურველ უცხოელს არა აქვს საქართველოში ცხოვრებისათვის და უკან დასაბრუნებლად საკმარისი ფინანსური სახსრები;

The person has no health and accident insurance or sufficient funds for residing in Georgia and returning back;

  • არსებობს საკმარისი საფუძველი ვარაუდისთვის, რომ საქართველოს ვიზის მიღების მსურველი უცხოელის საქართველოში ყოფნა საფრთხეს შეუქმნის საქართველოს სახელმწიფო უსაფრთხოებას ან/და საზოგადოებრივ წესრიგს, საქართველოს მოქალაქეებისა და საქართველოში მცხოვრები სხვა პირების ჯანმრთელობის, უფლებებისა და კანონიერი ინტერესების დაცვას;

There are sufficient grounds to assume that the stay in Georgia of an alien wishing to obtain a Georgian visa will pose a threat to the state security and/or public order of Georgia, the protection of the health, rights and legitimate interests of Georgian citizens and other persons residing in Georgia;

  • საგარეო-პოლიტიკური მიზანშეწონილობიდან გამომდინარე, მიუღებელია საქართველოს ვიზის მიღების მსურველი უცხოელის საქართველოში ყოფნა;

The person’s stay is unacceptable due to foreign policy considerations;

  • არსებობს საფუძვლიანი ეჭვი, რომ საქართველოს ვიზის მიღების მსურველი უცხოელი ვიზის მოქმედების ვადის გასვლის შემდეგ კანონიერი საფუძვლის გარეშე დარჩება საქართველოში ან დაარღვევს შესაბამისი კატეგორიის ვიზის გაცემისათვის კანონმდებლობით განსაზღვრულ პირობებს;

Reasonable suspicion exists, that the person will illegally stay in Georgia after the expiration of the visa or will violate the conditions set forth for issuing the relevant visa type by the legislation;

  • საქართველოს ვიზის მიღების მსურველი უცხოელი არ იძლევა ინფორმაციას ან იძლევა ყალბ ინფორმაციას თავისი პიროვნებისა და მგზავრობის მიზნის შესახებ;

The person does not provide information or provides false information on his/her identity and purpose of travel;

  • საქართველოს ვიზის მიღების მსურველმა უცხოელმა საქართველოში ყოფნისას ჩაიდინა დანაშაული ან ადმინისტრაციული სამართალდარღვევა, ან დაარღვია საქართველოში უცხოელთა ყოფნის წესები;

During his/her stay in Georgia, the person has committed crime, administrative violation or has violated the rule for Aliens’ stay in Georgia;

  • საქართველოს ვიზის მიღების მსურველი უცხოელი ბოლო 3 წლის განმავლობაში დაექვემდებარა გაძევებას საქართველოდან, მიუხედავად იმისა, გავრცელდა თუ არა მასზე საქართველოში შემოსვლის აკრძალვა;

The person has been subject to removal from Georgia within the last 3 years whether he/she has been forbidden to enter Georgia;

  • საქართველოს ვიზის მოქმედების ვადის დაწყების მოთხოვნილი თარიღისთვის ვიზის მიღების მსურველ უცხოელს ამოწურული აქვს 90 კალენდარული დღის ვადით საქართველოში ყოფნის უფლება 180-დღიან პერიოდში;

By the date requesting visa entry into force, the right to stay 90 calendar days in Georgia within 180-day period has been expired;

  • აღარ არსებობს ან ვერ დასტურდება მიზანი, რომლის უზრუნველსაყოფადაც უნდა გაცემულიყო  საქართველოს ვიზა;

The purpose for which the Georgian visa must have been issued no longer exists or can not be confirmed;

  • e-VISA PORTAL-ის მეშვეობით წარდგენილი სავიზო განაცხადის საფუძველზე მოკლევადიანი ელექტრონული ვიზის შემთხვევაში – საქართველოს ვიზის გაცემის საკითხზე გადაწყვეტილების მიღების დღეს უცხოელი იმყოფება საქართველოში;

In case of short term visa submitted via e-VISA PORTAL – on the date of decision-making on Georgian visa, the applicant was present in Georgia.

  •  „C5 კატეგორიის მოკლევადიანი ელექტრონული ვიზის გაცემა არ არის მიზანშეწონილი საქართველოს საიმიგრაციო პოლიტიკიდან გამომდინარე.

  • C5 category short term electronic visa shall not be issued based on the immigration policy of Georgia.“.

კონკრეტული გარემოება/გარემოებები, რომლის/რომელთა არსებობის გამო მიღებულ იქნა საქართველოს ვიზის გაცემაზე უარის თქმის შესახებ გადაწყვეტილება (ივსება გადაწყვეტილების მიმღები ორგანოს ინიციატივით):

Specific condition(s) based on which the visa refusal decision has been taken (to be filled in by the initiative of the visa issuing authority)

_____________________________________________________________________________________________

_____________________________________________________________________________________________

_____________________________________________________________________________________________

_____________________________________________________________________________________________

_____________________________________________________________________________________________

_____________________________________________________________________________________________

_____________________________________________________________________________________________

  1. საქართველოს ვიზის გაცემაზე უარის თქმის შესახებ გადაწყვეტილების მიღების შემთხვევაში, საქართველოს ვიზის გაცემის მიზნით გადახდილი საკონსულო მოსაკრებელი/სახელმწიფო ბაჟი დაბრუნებას არ ექვემდებარება.

In case of Georgian visa refusal, the consular fee/state tax paid for obtaining Georgian visa shall not be refunded.

  1.  წინამდებარე გადაწყვეტილება შეიძლება გასაჩივრდეს საქართველოს საგარეო საქმეთა სამინისტროში (მის.: საქართველო, თბილისი, სულხან-საბას ქ. 1/გიორგი ლეონიძის ქ. 3-5, საფოსტო კოდი 0108) დაინტერესებული პირის მიერ წინამდებარე გადაწყვეტილების გაცნობის დღიდან 10 კალენდარული დღის ვადაში, გარდა იმ შემთხვევისა, როდესაც გადაწყვეტილება არ ექვემდებარება გასაჩივრებას „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონის მე-11 მუხლის 3¹ პუნქტის შესაბამისად.

The present decision may be appealed in the Ministry of Foreign Affairs of Georgia (address: Georgia, Tbilisi, Sulkhan-Saba St. 1/Giorgi Leonidze St. 3-5, zip code  0108) within 10 calendar days after submitting the decision to the relevant interested party, except for cases when the decision is not subject to appeal in accordance with Article 11, Paragraph 3¹ of the Law of Georgia " ON THE LEGAL STATUS OF ALIENS AND STATELESS PERSONS.

  1. საქართველოს საგარეო საქმეთა სამინისტროსთვის წარსადგენი საჩივრის ფორმა განთავსებულია ამავე სამინისტროს ვებგვერდზე: www.mfa.gov.ge. საჩივარი განიხილება საქართველოს საგარეო საქმეთა სამინისტროსთვის მისი  წარდგენიდან 1 (ერთი) თვის ვადაში, რომელიც სამინისტროს გადაწყვეტილებით შეიძლება გაგრძელდეს არაუმეტეს 2 (ორი) თვის ვადით.

The form of appeal to be submitted to the Ministry of Foreign Affairs of Georgia may be retrieved from the Ministry’s website: www.mfa.gov.ge. The appeal shall be heard within 1 (one) month after its submission to the Ministry. The term may be extended with no more than 2 (two) months according to the decision of the Ministry.

                                                                  

 სამინისტროს საკონსულო და დიასპორის საკითხების

დეპარტამენტის უფლებამოსილი პირის/

საკონსულო თანამდებობის პირის ხელმოწერა                        –––––––––––––––––

Signature of the authorized person at Consular and Diaspora Department/

Signature of the Official at the Consulate

თარიღი/ Date:    ------/------/-------               


დანართი №10

საქართველოს ვიზის მოქმედების ვადის შეწყვეტის შესახებ გადაწყვეტილება

------------------------------------------------------------------------------------- საქართველოს საგარეო საქმეთა სამინისტრომ/დიპლომატიურმა წარმომადგენლობამ/მესამე სახელმწიფოს დიპლომატიურ წარმომადგენლობაში შექმნილმა საქართველოს ინტერესთა სექციამ/საკონსულო დაწესებულებამ დაადგინა, რომ არსებობს საქართველოს ვიზის მფლობელი უცხოელისთვის – ––––––––––––/––––––––––––––/–––––––––––––– (სახელი, გვარი, სხვა გვარ(ებ)ი ლათინური ტრანსლიტერაციით) გაცემული საქართველოს ვიზის (-----/-------/-------№-------) მოქმედების ვადის შეწყვეტის საფუძველი და მიიღო გადაწყვეტილება, რომ უნდა შეწყდეს ზემოაღნიშნული საქართველოს ვიზის მოქმედების ვადა შემდეგი საფუძვლით/საფუძვლებით:

------------------------------------------------ ------------------------------------- Ministry of Foreign Affairs of Georgia/Diplomatic Mission/ Georgian Interests Division created at the diplomatic mission of the third state/ Consular Post have identified the ground(s) for termination of Georgian visa issued on name of ––––––––––––/––––––––––––––/–––––––––––––– (First Name, Last Name, Other Names –  Latin Alphabet to be used)  and have taken the decision on terminating Georgian visa (-----/-------/-------№-------) on following ground(s):

  • გამოვლინდა საქართველოს ვიზის მისაღებად ყალბი ან იურიდიული ძალის არმქონე დოკუმენტების წარდგენის ფაქტი;

It is revealed that a false or invalid document(s) has been submitted to obtain the visa;

  • არსებობს საკმარისი საფუძველი ვარაუდისთვის, რომ საქართველოს ვიზის მფლობელი უცხოელი ახორციელებს საქმიანობას, რომელიც საფრთხეს უქმნის საქართველოს სახელმწიფო უსაფრთხოებას, საზოგადოებრივ უსაფრთხოებას ან/და მართლწესრიგს;

There are sufficient grounds to assume that an alien holding a Georgian visa is carrying out an activity that poses a threat to the state security, public safety and/or public order of Georgia;

  • აღარ არსებობს ან არ შესრულდა ის მიზანი, რომლის უზრუნველსაყოფადაც გაიცა საქართველოს ვიზა;

The purpose for which the visa was issued no longer exists or has not been achieved;

  • საქართველოს ვიზის მფლობელი უცხოელი გააძევეს საქართველოდან;

The visa holder has been removed from Georgia;

  • საქართველოს ვიზის მფლობელ უცხოელზე გაიცა საქართველოს ვიზა, რომელიც მოიცავს უკვე გაცემული საქართველოს ვიზის მოქმედების ვადას;

A visa issued to an alien overlaps the validity period of the already issued visa;

  • საქართველოს ვიზის მფლობელი უცხოელის ის სამგზავრო დოკუმენტი, რომელშიც დატანილი იყო საქართველოს ვიზა, დაიკარგა ან გახდა გამოყენებისთვის უვარგისი (გაცვეთა, დაზიანება და ა.შ.);

The travel document where the visa was affixed has been lost or became unfit for use (wear, damage, etc.);

  • ჩაიდინა სისხლის სამართლის დანაშაული;

The person has committed crime;

  • D5 კატეგორიის ვიზის მფლობელ უცხოელს შეუწყდა საკუთრების უფლება იმ უძრავ ქონებაზე, რომლის საფუძველზეც მან მოიპოვა D5 კატეგორიის ვიზა;

The D5 category visa holder’s ownership right to the real estate has been terminated on which ground D5 category of visa has been obtained.

  • შეუჩერდა პროფესიული სტუდენტის/სტუდენტის სტატუსი და სტატუსის შეჩერებიდან გასულია 90 დღე;

Vocational Education Student's/ Student’s status has been suspended and 90 days have elapsed from the date of suspension;

1. საქართველოს ვიზის მოქმედების ვადის შეწყვეტის შესახებ გადაწყვეტილების მიღების შემთხვევაში, საქართველოს ვიზის გაცემის მიზნით გადახდილი საკონსულო მოსაკრებელი/სახელმწიფო ბაჟი დაბრუნებას არ ექვემდებარება.

In case of Georgian visa termination, the consular fee/state tax paid for obtaining Georgian visa shall not be refunded.

2. წინამდებარე გადაწყვეტილება შეიძლება გასაჩივრდეს საქართველოს საგარეო საქმეთა სამინისტროში (მის.: საქართველო, თბილისი, სულხან-საბას ქ. 1/გიორგი ლეონიძის ქ. 3-5, საფოსტო კოდი 0108) დაინტერესებული პირის მიერ წინამდებარე გადაწყვეტილების გაცნობის დღიდან 10 კალენდარული დღის  ვადაში.

The present decision may be appealed in the Ministry of Foreign Affairs of Georgia (address: Georgia, Tbilisi, Sulkhan-Saba St. 1/Giorgi Leonidze St. 3-5, zip code  0108) within 10 calendar days after submitting the decision to the relevant interested party.

3. საქართველოს საგარეო საქმეთა სამინისტროსთვის წარსადგენი საჩივრის ფორმა განთავსებულია ამავე სამინისტროს ვებგვერდზე: www.mfa.gov.ge. საჩივარი განიხილება საქართველოს საგარეო საქმეთა სამინისტროსთვის მისი წარდგენიდან 1 (ერთი) თვის ვადაში, რომელიც სამინისტროს გადაწყვეტილებით შეიძლება გაგრძელდეს არაუმეტეს 2 (ორი) თვის ვადით.

The form of appeal to be submitted to the Ministry of Foreign Affairs of Georgia may be retrieved from the Ministry’s website: www.mfa.gov.ge. The appeal shall be heard within 1 (one) month after its submission to the Ministry. The term may be extended with no more than 2 (two) months according to the decision of the Ministry.

სამინისტროს საკონსულო და დიასპორის საკითხების

დეპარტამენტის უფლებამოსილი პირის/

საკონსულო თანამდებობის პირის ხელმოწერა                        –––––––––––––––––

Signature of the authorized person at Consular and Diaspora Department/

Signature of the Official at the Consulate

თარიღი/ Date:    ------/------/-------                

ხშირად დასმული კითხვები

მოქმედებს თუ არა „საქართველოს ვიზის გაცემის, მისი მოქმედების ვადის გაგრძელებისა და მოქმედების შეწყვეტის წესის დამტკიცების თაობაზე“ საქართველოს მთავრობის 2015 წლის 23 ივნისის №280 დადგენილებაში ცვლილების შეტანის შესახებ?
დიახ, საქართველოს მთავრობის დადგენილება „საქართველოს ვიზის გაცემის, მისი მოქმედების ვადის გაგრძელებისა და მოქმედების შეწყვეტის წესის დამტკიცების თაობაზე“ საქართველოს მთავრობის 2015 წლის 23 ივნისის №280 დადგენილებაში ცვლილების შეტანის შესახებ ამჟამად ძალაშია. ბოლო კონსოლიდირებული რედაქცია — 08.09.2026.
როდის იქნა მიღებული „საქართველოს ვიზის გაცემის, მისი მოქმედების ვადის გაგრძელებისა და მოქმედების შეწყვეტის წესის დამტკიცების თაობაზე“ საქართველოს მთავრობის 2015 წლის 23 ივნისის №280 დადგენილებაში ცვლილების შეტანის შესახებ?
„საქართველოს ვიზის გაცემის, მისი მოქმედების ვადის გაგრძელებისა და მოქმედების შეწყვეტის წესის დამტკიცების თაობაზე“ საქართველოს მთავრობის 2015 წლის 23 ივნისის №280 დადგენილებაში ცვლილების შეტანის შესახებ მიღებულია 08.09.2026. მიმღები ორგანო — საქართველოს მთავრობა. დოკუმენტის ნომერი — №443. სარეგისტრაციო კოდი — 010120000.10.003.025993.
სად არის „საქართველოს ვიზის გაცემის, მისი მოქმედების ვადის გაგრძელებისა და მოქმედების შეწყვეტის წესის დამტკიცების თაობაზე“ საქართველოს მთავრობის 2015 წლის 23 ივნისის №280 დადგენილებაში ცვლილების შეტანის შესახებ-ის ოფიციალური ტექსტი?
ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 08.09.2026 მდგომარეობით.

როგორ დავიმოწმოთ

საქართველოს მთავრობის დადგენილება „საქართველოს ვიზის გაცემის, მისი მოქმედების ვადის გაგრძელებისა და მოქმედების შეწყვეტის წესის დამტკიცების თაობაზე“ საქართველოს მთავრობის 2015 წლის 23 ივნისის №280 დადგენილებაში ცვლილების შეტანის შესახებ, №443, 08.09.2026, სარეგისტრაციო კოდი 010120000.10.003.025993 (კონსოლიდირებული რედაქცია 08.09.2026). ხელმისაწვდომია: https://legali.ge/law/6997639/