„დასაქმების ხელშეწყობის 2026 წლის სახელმწიფო პროგრამის დამტკიცების შესახებ“ საქართველოს მთავრობის 2025 წლის 30 დეკემბრის №630 დადგენილებაში ცვლილების შეტანის თაობაზე

1. №2 დანართის („სამუშაოს მაძიებელთა პროფესიული კვალიფიკაციის ამაღლების ქვეპროგრამა“) მე-6 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. ქვეპროგრამის ბიუჯეტი განისაზღვრება 8 350.0 ათასი ლარით. ქვეპროგრამით გათვალისწინებული ღონისძიებების (მათ შორის, ქვეპროგრამის ადმინისტრირების ხარჯების) დაფინანსება ხორციელდება „საქართველოს 2026 წლის სახელმწიფო ბიუჯეტის შესახებ“ საქართველოს კანონით „დასაქმების სისტემის რეფორმების პროგრამის“ (პროგრამული კოდი: 27 05) „სამუშაოს მაძიებელთა პროფესიული კვალიფიკაციის ამაღლების“ (პროგრამული კოდი: 27 05 02) ქვეპროგრამისთვის გათვალისწინებული ასიგნების ფარგლებში.“;

ბ) მე-4 პუნქტის შემდეგ დაემატოს შემდეგი შინაარსის მე-5 პუნქტი:

„5. საჭიროების შემთხვევაში, სააგენტოს მიეცეს უფლება, კანონმდებლობით გათვალისწინებული საკუთარი შემოსავლებიდან 786.0 ათასი ლარი მიმართოს ამ ქვეპროგრამის ფარგლებში განსახორციელებელი ღონისძიებების დასაფინანსებლად.“.

2. №3 დანართის („არასამხედრო, ალტერნატიული შრომითი სამსახურის გავლის ქვეპროგრამა“) მე-6 მუხლის პირველი პუნქტი ჩამოყალიბდეს შემდეგი რედაქციით:

„1. ქვეპროგრამის ბიუჯეტი განისაზღვროს 830.0 ათასი ლარით. ქვეპროგრამით გათვალისწინებული ღონისძიებების (მათ შორის, ქვეპროგრამის ადმინისტრირების ხარჯების) დაფინანსება ხორციელდება „საქართველოს 2026 წლის სახელმწიფო ბიუჯეტის შესახებ“ საქართველოს კანონით „დასაქმების სისტემის რეფორმების“ პროგრამის (პროგრამული კოდი: 27 05) „არასამხედრო, ალტერნატიული შრომითი სამსახურის გავლის“ (პროგრამული კოდი: 27 05 04) ქვეპროგრამისთვის გათვალისწინებული ასიგნებების ფარგლებში.“.